عن الحب وكده يعني

موضوع: عن الحب وكده يعني 6/9/2007, 00:08

عـن الح

ــب وكــده

هل أنت متردد في اختيار شريك حياتك ومش عارف هو مناسب ولاّ لأ؟؟؟
هل مشاكلك زادت مع زوجتك وبتحاول تصلح العلاقة؟؟
هل حاسس إن فيه شروخ في علاقتك مع حبيبك؟؟
هل بتحس ساعات إنه مش فاهمك وإنت مش فاهمة؟؟

.. الحب
هو أقوى عاطفة إنسانية على الإطلاق.. مافيش حد يقدر ينكر طبعا
بيقولوا إن الحب أعمى وإن الواحد مش ممكن يفكر لما بيحب.. والاعتماد بيكون على القسمة والنصيب.. وبيقولوا إنك لو حبيت حد مش مناسب فلازم تضحي عشانه مهما كان حجم التضحية.. لأن كلما زادت التضحية كان ده دليل أقوى على الحب

هل الكلام ده صح؟؟
الإجابة هي: طبعا لأ
الكلام ده مش صح..
فيه قواعد حطها الباحثين وخبراء العلاقات الإنسانية عشان تنجح أي علاقة.. لكن للأسف احنا ماعندناش أي فكرة عنها
**********
الدنيا ربيع والجو بديع

فيه حكمة أمريكية شهيرة بتقول: مافيش أي شيء مؤكد في حياتنا غير: الموت والضرايب
وأضاف د." فيل":.......... ... والإحباط
من كتاب
(Relationships Rescue)

الإحباط فعلا شيء مؤكد في حياتنا كلها ولازم نتعامل معاه
هتحبط في العمل مثلا.. في الدراسة.. في البيت.. في الشارع
وأكيد أكيد.. هتلاقي إحباط.. في الحب
لما بنحب بنلاقي كل حاجة حلوة.. الدنيا ربيع والجو بديع والعصافير بتصوصو حواليك ومافيش أي مشاكل في الحياة.. كله رائع وجميل.. لكن هل الحالة دي بتستمر؟؟
طيب.. عشان نعرف إيه هو الموضوع لازم نتكلم عن مراحل الحب

المرحلة الأولى: مرحلة الانبهار
في المرحلة دي بتكون العلاقة لسه في أولها.. لسه عارفين بعض والكيوبيد لسه رامي سهمه في قلوبهم
تتميز المرحلة دي بالتالي: بتشوف الشخص اللي بتحبه على إنه (كامل) ومافيهوش أي نقص.. ظريف ودمه خفيف وبتبقى سعيد وإنت معاه وكده يعني.. باختصار: بتحس إنه كامل
والمرحلة دي هي اللي أنتجت كل قصائد الحب والأغاني في التاريخ الإنساني.. لأنها -زي ما احنا عارفين كلنا- أروع ما في العلاقات الإنسانية
شيء مهم جدا: احذر الارتباط في المرحلة دي

المرحلة التانية: الاكتشاف
هي مرحلة إنكم تعرفوا بعض أكتر
بمرور الوقت هتكتشف إن الشخص اللي بتحبه مش كامل زي ما كنت فاكر.. هتكتشف فيه عيوب وحاجات ماكنتش تعرفها.. بل وحاجات بتضايقك كمان

هل ده طبيعي؟
الاجابة: طبيعي تماما.. ولما تلاقي ده بيحصل اعرف إنك ماشي صح
في المرحلة دي بتختفي الصورة المزيفة الي كنت شايفها في مرحلة الانبهار.. هتشوف الشخص ده على طبيعته وفي الوقت ده تقدر تقرر

**********
كيف نتعامل مع هذه الاختلافات؟؟
فيه جملة مشهورة جدا بيقولها المحبين في المرحلة دي: احنا عشان بنحب بعض.. هنتغير احنا الاتنين
هل ده صح؟
الإجابة: الباحثين بيقولوا: غلط طبعا
لنجاح أي علاقة، لازم تحترم اختلاف الآخر وماتحاولش تغيره مطلقا
باكرر: ماتحاولش تغير شريك حياتك.. حاول تتعايش مع الاختلاف وتوضح له اللي بيضايقك.. بس
في المرحلة دي تأكد من إنك عرفت الاختلافات اللي في الشخص ده كويس.. واسأل نفسك: هل لسه باحبه رغم الاختلافات دي؟
هل هاقدر أتعايش مع الاختلافات دي؟؟
هل هيحصل صدام بسبب الاختلافات دي؟؟
هل الصفة دي جزء من هويته وتكوينه؟
طبعا فيه تضحيات في الحب.. لكن ما حدود التضحية؟؟
**********
The identity
كل واحد فينا عنده هويّة شخصية.. هي اللي بتحسسه بالثقة والإحساس بذاته.. ومن غيرها يفقد تقديره لذاته
إنت بتنظر لنفسك ازاي؟؟
إنت مين؟
إيه صفاتك؟
كل واحد فينا عنده ثوابته ومبادئه أيا كانت... دينية، اجتماعية، ثقافية
حاجات ماينفعش تتغير فيه

واحد ملتزم (هويته): القرب من الله هو طريق السعادة
واحد متحرر (هويته): لا زم أنبسط قدر الإمكان.. باكره الزعل
واحد مصلح (هويته): هدفي أصلح البلد
وكده يعني
كل واحد له هويته اللي بتحدد نمط حياته
زي ما قلنا: الاختلاف طبيعي بين أي اتنين بينهم علاقة.. بس أهم حاجة: الهوية دي ماتكونش متضاربة
يعني ضحي بأي حاجة إلا هويتك.. لو حد منكم ضحى بهويته هيتعب ومش هيقدر يكمل

مثال لهويات متضاربة
:
واحد متشدد - راقصة باليه
مصري مخلص - إسرائيلية بتكره مصر
واحد عايز يصلح المجتمع - واحدة عايزة تعيش حياتها
فهمتم قصدي إيه؟
أي خلافات تانية ممكن تتحل
يعني مثلا
:
واحد بيحب الكورة - هي بتحب الموسيقى
هو بيحب القراءة قبل النوم - هي بتحب الفرجة على التليفزيون
هو بيحب المحشي - هي بتحب الريجيم

دي حاجات مش في صميم الهوية الشخصية للواحد منهم.. كلها حاجات ممكن يوجد لها حل وسط
لكن ماتحاولش أبدا تغير الشخص التاني زي ما قلنا.. ماتجبرهاش تحب الكورة مثلا.. ماتجبريهوش يبطل قراءة ويتفرج على التليفزيون
أي حلول وسط زي: إنتي تتفرجي على التليفزيون وهو قاعد جنبك يقرا!! بس كده
**********

نجاح العلاقة بيعتمد على إن: كل واحد يقبل التاني زي ما هو من غير ما يسعى لتغييره.. وهو ده اللي بيسموه
the unconditional love
أو الحب غيرالمشروط
أي خلاف بينك وبين حبيبك لو كان فيه أي حاجة أيا كانت ممكن تتعايش معاه.. إلا لو اختلاف في الهوية
ما أهم قيمة في حياتك؟؟
جميل.. لا تتنازل عنها إذن
**********
حافظ على هويّتك وماتضحيش بيها واسأل نفسك: لو ماغيرتش هويتي أو هي غيرت هويتها.. هل هتستمر العلاقة؟؟
لو إجابتك هي: نعم
يبقى ألف مبروك مقدما
وابقوا اعزمونا على الفرح
**********

موضوع: رد: عن الحب وكده يعني 28/3/2008, 21:51

شكراً جزيلاً جداً علي هذه النصائح الغاليه

موضوع: رد: عن الحب وكده يعني 28/3/2008, 23:07

_________________

قسم الحوار العام للمواضيع الجادة والتي تحتاج الى حوار ونقاش بين الاعضاء وتتم المناقشه داخله باللغه العربية وغير مسموح باستخدام العامية في الردود أوالتعليقات ولا تتعب نفسك بكتابه عبارات الشكر و الوجوه المعبره والتي سيتم حذفها جميعا

مشاريع التخرج 2008(مدني)

موضوع: رد: عن الحب وكده يعني 28/3/2008, 23:19

موضوع: رد: عن الحب وكده يعني 6/4/2008, 23:34

هو كلام كويس بس مش عارفة أنتم بتجيبوا الكلام ده منين يعنى أنا حاسة إنه كلام حدعاقل زيادة عن اللزوم بس على العموم إن الرسالة وصلت

موضوع: رد: عن الحب وكده يعني 16/5/2008, 02:57

موضوع: رد: عن الحب وكده يعني 16/5/2008, 03:23

موضوع جميل

بس رجاء خاص من اجل منظر المهندسين رجاء تعديل العنوان من " عن الحب وكده ياعني "

الي " عن الحب وكده يعني "

ارجو النظر الي الفارق اللغوي ,واسف علي الاحراج
_________________
السكة مش طويلة فاضل ع الحلم خطوة

موضوع: رد: عن الحب وكده يعني 16/5/2008, 03:26

موضوع جميل جدا
وفعلا الكلام أنا مقتنع بيه من فترة
بجد موضوع جميل يا جودزيلا بس المفروض كنت تكتب منقول
بس فعلا ممتاز وياريت الناس تفهم الكلام ده لإنه بسبب عدم تطبيقه
معظم البيوت المصرية خربانة

_________________
مش مهم تشارك بألف موضوع المهم تشارك بموضوع يفيد ألف عضو
مع بداية تكون البداية

حكاية بداية

موضوع: رد: عن الحب وكده يعني 16/5/2008, 07:03

انا معاك ياخالد

بس انا شايف ان موضوع منقول ده لا فائدة منه . انت عارف ان اغلب المواضيع بتكون منقولة ولكن ده لا يمنع اننا نقدر اللي نقل لينا الموضوع . وكمان انا شايف انه سواء منقول او غير منقول او من فكر العضو نفسه ف ده شئ مش هيفرق المهم الموضوع يعجب الناس ويفيدهم

ولا انا غلطان ؟
_________________
السكة مش طويلة فاضل ع الحلم خطوة

موضوع: رد: عن الحب وكده يعني 16/5/2008, 16:39

موضوع: رد: عن الحب وكده يعني 16/5/2008, 21:13

برضه ياخالد انت مش فاهمني . انا ماقلتش الموضوع مش عاجبك , انا قلت ان موضوع منقول لا فائدة لان ببساطة سواء الموضوع من ابداع العضو نفسه او ناقله ففي الحالتين احنا مستفيدين وفي الحالتين هوه مشكور .

اتمني تكون فهمتني ياسيد الناس
_________________
السكة مش طويلة فاضل ع الحلم خطوة

موضوع: رد: عن الحب وكده يعني 17/5/2008, 04:30

أنا فاهمك يا باشا بس أنت اللي فهمتني غلط انا مش بقلل ولا بنكر فضل الراجل بالعكس بس الموضوع عجبني جدا وألف شكر لجودز علي مجهوده الرائع بس مجرد تذكير فقط ليس إلا

_________________
مش مهم تشارك بألف موضوع المهم تشارك بموضوع يفيد ألف عضو
مع بداية تكون البداية

حكاية بداية

بخصوص الردود المجوفه وذات الصور الجاهزة التى للأسف استشرت بشكل كبير وملحوظ فى الفتره الأخيره بالمنتدى وأصبحت تشكل عبأ كبير على كاتبى المواضيع وتثبيط كبير للهمم والشعور بقلة القراءه للمواضيع وعدم جدوى المجهود المبذول وأصبحت تشوه أيضا شكل المنتدى الذى لطالما سعينا جاهدين للإرتقاء به
وإثراءه ومن أجل الإفاده والإستفاده قررنا الآتى:

1/ يمنع منعا باتا عمل ردود ذات صور جاهزه أو وجوه ضاحكه لا تعبر عن قراءتك للموضوع أو تحميلك للرابط الموضوع بالمشاركه أو عمل ردود إعتباطيه دون وعى أو من أجل زيادة المشاركات.
2/يتم ترك رد يحتوى على كلام أو عبارات تدل دلاله واضحه على قراءتك للموضوع أو وجهات النظر التى طالما إنتظرناها وأملناها فيكم.
3/سيتم حذف جميع الردود التى لا تنطبق عليها الشروط بعد أسبوع من تاريخ هذه المشاركه وليكن العاشر من رمضان لذا من أراد ألا تحذف له مشاركاته المخالفه فليعاود الرد بالطريقه الصحيحه والشرعيه وإلا لن يعفى أحد من الحذف الفورى للمشاركات.
4/فى حالة رؤيتك لرد مخالف مثل هذه الردود يمكنك مراسلة مشرف القسم أو مراقب الأقسام أو المشرف العام أو الدعم أو المدير ونائبه وسيتم الحذف فى ظرف أربعه وعشرون ساعه.
5/فى حالة إرتكاب ثلاث ردود مخالفه بعد المسح ستعرض صاحبها للإيقاف لمدة أربعه وعشرون ساعه لذا وجب التنفيذ.

وليكن شعارنا معا لكى نرتقى بالمنتدى ونضع ردود ذات قيمه.

والله الموفق