نبدأ بالبداية تاني
ودي تعتبر أول فكرة متماشية مع كليتنا ومع الظروف المحيطة بينا
يا تري وانت رايح للكلية وانت ماشي بتعدي علي ايه؟؟؟؟ فزورة سهلة جداً
طبعا الشيء الوحيد اللي بيميز موقع كليتنا هي المقابر اللي بتطل عليها : 
يعني مثلا كلية الهندسة في الاسكندرية بتطل علي البحر
اما احنا طبعا مستوي آخر خالص
طب عملاً بمقولة "انظر للنصف الممتلئ من الكوب"
فعايزين نستفيد من الموقع الجغرافي ده
والطريقة بسيطة جدا
اول ما نعدي عليها سواء واحنا طالعين الكلية او واحنا مروحين منها
نقول الذكر اللي كان بيقوله قدوتنا ورسولنا محمد صلي الله عليه وسلم
*** عن بريدة قال : كان النبي صلي الله عليه وسلم يعلّمهم إذا خرجوا إلي المقابر أن يقول قائلهم: "السلام عليكم أهل الديار من المؤمنين والمسلمين , وإنا إن شاء الله بكم لاحقون , أنتم فرطنا ونحن لكم تَبَعٌ , ونسأل الله لنا ولكم العافية ." رواه أحمد ومسلم وغيرهما.
*** وعن ابن عباس : أن النبي صلي الله عليه وسلم مر بقبور المدينة , فأقبل عليهم بوجهه فقال :" السلام عليكم يا أهل القبور . يغفر الله لنا ولكم . أنتم سلفنا ونحن بالأثر." رواه الترمذي.
نقلا من كتاب فقه السنة للسيد سابق المجلد الأول.
وأهم حاجة كالعادة اننا نبلغ أصدقائنا بالسنة دي
وأحب أوضح الهدف من ده:
ان كل واحد مننا اما - مواظب علي السنة اللي بنقول عليها
- أو مواظب أحباناً ومنقطع أحيان أخري
- أو لسة حيحاول يواظب عليها
وفي الحالة الأولي حيكون هو اللي بيذّكر أصدقاءه
وفي الحالة التانية والتالتة كلهم حيذّكروا بعض بيها
حاجة أخيرة ومعلش استحملوني
لو الواحد ممكن ينسي أصلا الموضوع ياريت يعمل أي حاجة يفتكر بيها في أول كام يوم لغاية ما يتعود عليها
يعني احنا بنفتكر حاجات كتير لوحدنا
بس في سنن الرسول حنلاقي مليون شيطان بيحاول اننا ننسي ويلهينا بأي طريقة
وكل واحد عارف نفسه بيفتكر ازاي يعني مثلا "رسالة تذكير في الموبايل ... ورقة تتحط بين الفلوس لان كده كده حيدفع للمواصلات ...ورقة مع الحاجات اللي بياخدها معاه الكلية... ورقة مع الموبايل... وكل واحد له طريقته في تذكير نفسه"
لغاية ما الواحد يتعود لوحده
ولا تنسي المقولة اللي بتقول:
قال أبو يزيد : ما زلت أقود نفسي إلى الله وهي تبكي ، حتى سقتها وهي تضحك .
يعني دايما الموضوع بيبقي صعب علي النفس في الأول وبعد كده هي اللى هتقودك للطاعه بعد ما تذوق جمالها وتتعود عليها
سبحانك اللهم وبحمدك ..أشهد أن لا اله إلا الله استغفرك وأتوب إليك.
_________________
موضوع: بتحبه؟؟؟ بتحبه "فعلا" يعني؟؟؟ خلاص يبقي ادخل هنا.. 
ندخل علي تاني نقطة:فيه ناس كتير بتقول انها بتحبه _صلي الله عليه وسلم_ وانا منهم بس قليلين اللي بيحبوه "فعلا" (أدعو الله ان نكون جميعا منهم) يعني المفروض اللي يحبه يقلده ويتبع نهجه والمفروض اللي يحبه يأخذ ما أتانا به وينتهي عما نهانا عنه طبعا الموضوع صعب ان الواحد يفعل كل ما كان الرسول صلي الله عليه وسلم يفعله بس خلينا نحاول نقرب أكتر كلٍ علي قدر استطاعته...
