فريق صناع الحياة( دعوة للمشاركة )لمنتدى هندسة اسوان

بسم الله الرحمن الرحيم
زملائى الاعضاء دى دعوة لتكوين فريق النواه الاولى لصناع الحياة لطلبة كلية الهندسة باسوان السبب فى الدعوة دى كان كمية الافكار والمشاريع الى بتطرح والى بيشتغل عليها واحد او اثنين او حتى 5 فقط من الاعضاء دى فرصة للجميع للمشاركة والمساهمة وعشان معظم المشاريع دى مصيرها الموت او الفشل من أمثلة المشاريع المطروحة فى الفترة الاخيرة .

1_ مشروع دروس الاسقاط والرسم الهندسى لطلبة اعدادى (فيديو) عايزين تعليق صوتى و افكار للمشروع واقتراحات للتطوير (واكيد الناس الى هتتعلم ) , وشكرا للبشمهندس يحى ممتاز لانة صاحب الخطوة الاولى فى المشروع .
2_ مشروع عمل يافطة (كلية الهندسة باسوان ) هنشتغل اركت (فرصة للجميع انة يتعلم اركت ) مع العلم ان اليافطة دى بتكلف بره 2000 جنية , شكرا للبشمهندس جودزيلا (مصطفى محمود ) صاحب الفكرة .
3_ المساهمة فى توفير دورات ومشاريع لزميلنا الباقين للاعادة (مشروع الhandmade ان شاء الله هيبقى فى ورش الكلية باسوان واحنا بدانا فى المشروع وعددنا دلوقتى حوالى 6 وفى دعم شخصى من الدكتور سيد كاسب ).
4 _التدريس فى دار رعاية البنين والبنات فى اسوان ودة مشروع بتختص بية الاسر مثل بداية ورسالة فى الكلية ,دى فرصة للجميع سواء كان داخل او خارج هندسة للمشاركة فى المشروع خاصة ان بداية الدرسة هتكون فى رمضان .
5_ مشروع تهذيب قسم عمارة لانة فى حالة يرثى لها وخاصة ان القسم مفهوش عمال وحرام طلبة اولى يدخلوا للدراسة والقسم بالشكل دة .
دى مجموعة من المشاريع المطروحة حاليا واكيد فى مشاريع قديمة (دورة الاسكتش اب ) ممكن تطلع للنور واحنا محتاجين مشاريع جديدة وافكار جديدة وخاصة مع قرب شهر رمضان ,
الخطوة الاولى هى تجميع اكبر عدد من المشتركين والمتحمسين للعمل الجماعى والتطوعى وبعد كدة هنبدا بمشروع مشروع وهنوزع الادوار ونبدا النقاشات الخاصة بكل من المشاريع السابقة من خلال ركن صناع الحياة الى ممكن يكون فرع من اى قسم مش مشكلة القسم .
منتظرين مشاركتكم .

السلام عليكم ورحمة الله وبركاته

هكون اول واحد يشارك معاك
بس ياريت يتم ترتيب الاهداف بالأولويات
من بداية الترم
عاوزين نضيف يا أسامة زيادة المشاركة الاجتماعية لطلاب الكلية مع المجتمع الخارجي
عاوز اعمل زيارة لمعهد الاورام بعد العيد بتنظيم أسرة رسالة اللي أنت منها وبمشاركة كل الأسر

كما عهدنا من جميع الأسر في تكاتفها معا

اتمني لكم التوفيق

تحياتي لكم

وعليكم السلام ورحمة الله وبركاتة
ده شرف لينا ان اول مشاركة فى الموضوع تكون من حضرتك وان شاء الله الاولويات هتترتب تباعا , بس نقدر نجمع اكبرعدد من المهتمين وان شاء موضوع زيارة معهد الاورام هيطلع على اكمل وجه. فريق صناع الحياة( دعوة للمشاركة )لمنتدى هندسة اسوان 700120

فريق صناع الحياة( دعوة للمشاركة )لمنتدى هندسة اسوان 700120

رائع يااسامة واسمح لى بالانضمام اليكم واتمنى من الجميع المشاركة بإذن الله

أولاً أحب أن أشكرك جداً بشمهندس أسامة علي تلك الفكرة
وبالطبع أنا معكم أن لم يكن لديكم أي مانع

فبالنسبة لموضوع تدريس الايتام فلقد بدأناه العام السابق وسوف نستمر فيه أن شاء الله

أما بالنسبة لموضوع " يافطة الكلية " فأنا أقدر أساعدكم شوية في الموضوع ده لاني عندي خلفية شوية عن الاركت لقد قمت بعمل بعض الاشياء به سابقاً

وربنا يقدرنا ونقدر نعمل حاجات كتيرة ان شاء الله

اهلا بيك سيف الاسلام ووجودك معانا اضافة قوية لصناع الحياه .

MISS_R بالطبع انتى معانا وليكم السبق بمشروع معامل الكلية وانا حابب انك تقدمى دعوة لكل زميلك عشان يشاركوا معانا فى كل مشاريع صناع الحياة ولو حتى بالدعاء والتشجيع , وتحكيلهم "ازاى التدريس فى دور الرعاية ممتع وشيق(احساس مش عارف اوصفة ) لان كتير من زميلنا نفسهم يشاركوا بس محتاجين خبرات سابقة وتجارب , وكذلك بالنسبة لشغل الاركت , وان شاء الله هنقدر ننسق كل المشاريع دى بعد تجميع اكبر عدد من المشتركين .

شكرا سيف الاسلام وشكرا MISS_R

أفكار أكثر من رائعة
وياريت نبدأ نشوف ايه من الأفكار قابل للتنفيذ في الوقت الحالي
وايه ممكن يتأجل لبداية الدراسة
انا شايفة ان مشروع الـ handmade بدأ فعلا وده شيء كويس جدا
وشايفة ان ممكن نبدأ في لوحة الكلية مع بداية رمضان
ده لو توافر عدد من الطلبة اكتر من الموجود في الوقت الحالي
هي العملية حتبقي صعبة شوية عشان رمضان .. بس ممكن نشتغل براحتنا قبل ضغط الدراسة
وأنا برده بعرف اشتغل علي الأركت .. بس بصراحة لسة مش متخيلة ازاي حنشتغل في لوحة الكلية بيه

وفكرة دروس الرسم والاسقاط لاعدادي
ودي وقتها حيكون بعد بداية الدراسة .. بس ياريت لو تفتح موضوع جديد خاص بالفكرة دي ويكون فيه تفاصيل عنها .. ونحاول نطورها ونشوف أفكار الطلبة وخصوصا الدفعة اللي خلصت اعدادي

أما التدريس للأيتام فده اختصاص الأسر ولهم مواضيع مفتوحة في المنتدي لو حد عنده فيهم اضافة
وكل اللي عايزة اضيفه ان ياريت الأسر تبدأ فيه بدري
عشان ما نضطرش نقف مع بداية امتحانات اعمال السنة والترم ونكون لسة ما خلصناش مناهج الطلبة الأيتام

وأخيرا قسم عمارة لو قدرنا نوفر عدد كافي يبقي المفروض نبدأ نجهز القسم قبل بداية الدراسة
قبل ما القاعات تشتغل في المحاضرات والسكاشن
وياريت لو كان في اول رمضان فريق صناع الحياة( دعوة للمشاركة )لمنتدى هندسة اسوان Icon_rolleyes

اكيد الشغل كتير والعدد الحالي قليل
بس ان شاء الله كل شيء بالصبر بيتعمل وبيخلص
وان شاء الله أعداد المشتركين تزيد
وأكيد مع بداية الدراسة حتبدأ الناس تحضر ونقدر نلاقي وقت في اول السنة نشتغل فيه

وأسفة للاطالة لان بصراحة كل فكرة من الأفكار المطروحة محتاجة موضوع منفرد عشان ننقاشها

وشكرا لمبادرتك الدائمة لخدمة الكلية

معاكم إن شاء الله من غير مناقشه بس فى اللى أقدر أساعد بيه وأنجز وإن شاء الله
يكون عام أفضل من سابقه ومعك يا أسامه قلبا وقالبا وأى إقتراحات سيتم قبولها
وإن شاء الله تجد قبول من جمهور الطلبه الإيجابيين والسلبيين أيضا ولتكن بداية
الإيجابيه والعمل الجاد العام القادم بإذن الله.
وأشكرك جزيل الشكر على مبادرتك الرائعه.
والله الموفق

من غير كلام معاكو طبعا

موضوع رائع وافكار اروع وانا معاكم ان شاء الله بالذات في تطوير قسم عمارة لان محدش فعلا حاسس بالموضوع دة غير اللي في القسم وان شاء الله ننجز في المشروع دة
وكمان دورة الاسكتش اب لان في كتييييييييييييير فعلا مستنييين الدورة دي واحنا بنسال عليها من السنة اللي فاتت وفعلا ياريت تتم
وشكراااااااااا اسامة علي المجهود الرائع وربنا يوفقك
بس ياريت تحددوا امتي هنروح الكلية او هيبدا تنفيذ الافكار دي بالظبط وبخصوص دورة الاسكتش اب ياريت تبدا خلال الايام دي لان ايام الدراسة مبيكنش عندنا وقت فاضي خالص

وفقكم الله

حصيلة جيدة فى وقت قصير نسبيا
وسوف يقوم المنتدى بإذن الله بتفعيل الموضوع
والأهم الآن هو وضع نقاط العمل الأساسية والبدء فى تفعيلها

اقتباس :: كتير من زميلنا نفسهم يشاركوا بس محتاجين خبرات سابقة وتجارب

على الرغم من انى لا امتلك اى من الخبارات السابقه ولا التجارب لكنى مستعد
وان شاء الله معاكم يمكن اقدر افيد

جزاك الله كل الخير يا بشمهندس أسامه ويسعدنى جدا أن تسمحوا لى بالإنضمام معكم.

أفكار أكثر من رائعة يا بشمهندس
وياريت الجميع يتكاتف من أجل هذا الموضوع
وياريت تقبلوني معاكم لو أقدر أساعد بأي حاجة أنا مستعد

فريق صناع الحياة( دعوة للمشاركة )لمنتدى هندسة اسوان 700120

ان شاء الله هكون معاكم في الافكار الحلوه ده
بس معلش هو فعلا الدراسه هتبدأ في رمضان بس قليل اللي هيروح يعني اللي من مناطق
بعيده هيستني لبعد العيد ان شاء الله
بس عموما اللي هيتكمل ان شاء الله في الدراسه انا فيه معاكم
بس ياريت نعرف عن كل مشروع اول باول
وجزاك الله كل خير علي الافكار العظيمه ده والروح الجميله
وفقنا الله جميعا الي مايحبه ويرضاه

محصلة ممتازة فى وقت قصير وللعلم الافكار المطروحة دى امثلة على سبيل المثال وليس الحصر (مشروع التشجير لم يذكر بالرغم ان العمل تم فية بالفعل فى دورة الباث واى ) النقطة المهمة اننا لازم نعرف ان الهدف من المشروع اننا نتعلم من بعض ونستفيد من الخبرات والتجارب وبكدة يكون فى فرصة لاكتشاف انفسنا من جديد , وفى حاله عدم وجود خبرات اوتجارب فى مشروع ما, دى فرصة جميلة للتعلم (لازم تكون معانا مفيد او مستفيد) عشان نقدر نصنع الحياه لانفسنا وللاخرين ايضا .
المشاريع هتطرح تباعا على المنتدى وبكدة الكل يقدر يشارك ويناقش بافكار واراء , وبعد كدة نبدأ التنفيذ ....
المطلوب تجميع اكبر قدر من المشتركين بتوجية دعوة لكل من تشعر انه قادر على ان يستفيد ويفيد عن طريق رسالة محمول او اميل او اتصال لكى تعم الفائدة للجميع (تقدر تكون مجموعة تكون المسئول عنها )
انا بقترح ان الخطوة الاولى تكون توجية الدعوة لاحد اعضاء هيئة التدريس ليتبنى المشروع وبكدة يكون فى جدية فى التنفيذ والمساهمة فى تذليل العقبات
(انا بقترح دكتور هانى السيد ).
PRINCESS,الحبار,miss_esadora,القبطان,Eng \ HOSSAM, محمد عمر غلاب,,eng_jody ,alamir_mahmoud شكرا للمساهمات الرائعة وان شاء الله نقدر نكون صناع الحياة بجد .

شكرا ليك يا اسامه على الافكار الاكثر من رائعه دى
وانا طبعا معاكم فى كل المشاريع لانى عندى فكره عن موضوع الاركت(يافطة الكليه)
بس كان عندى استفسار عن مشروع ال handmade لانى مش عارفه ايه هو؟
وانا معاكم من البدايه بس يا ريت نعرف هنبتدى امتى عشان نعرف نعمل حاجه قبل ما ننشغل فى الدراسه
انا طبعا بشجع فكرة انضمام الدكتور هانى السيد فى المشروع لانه هيكون اكثر جديه واهتمام واحنا مسنين البدايه
فريق صناع الحياة( دعوة للمشاركة )لمنتدى هندسة اسوان 700120

يا اسامه وربنا يقدرنا على فعل الخير دايما

بسم الله الرحمن الرحيم

جميل من الجميع المشاركة في موضوع فريق صناع الحياه
أتمني من ممن يود المشاركة في الموضوع أن يضع تصور لما يمكن عمله أوعلي الاقل من جهته
دا بعد اذن أسامة .
وبحيث يتم تجميع اكبر قدر من الافكار في الموضوع وعلي القائمين علي العمل (ادارة الفريق) الاختيار الاولي فالاولي.

شكرا لكم

b][b]love to life شكرا على المرور واهلا بيكى فى صناع الحياة ومشروع الhandmade دة مشروع بيضم مجموعة من الاعمال المعمولة يدويا وان شاء الله هنزل موضوع كبير وموسع عنه على المنتدى , بالنسبة للبداية فاحنا هنبدا بتجميع الافكار وانا بضم صوتى لصوت البشمهندس اشرف وبدعواكل واحد معاه فكرة يعرضها مجرد عرض مبدئى بحيث نقدر نجمع اكبر قدر من الافكار قبل طرح المشروع على الدكتور الى هيكون معانا ان شاء الله , والافكار ممكن تكون ثقافية , فنية, متنوعة ,وليس بالضرورة تكون كلها افكار علمية .
وشكرا مرة اخرى للبشمهندس اشرف طلعت على تواجدة معانا فى المشروعو فريق صناع الحياة( دعوة للمشاركة )لمنتدى هندسة اسوان 700120

معا وفقط معا نصنع الحياة

السلام عليكم ورمة الله وبركاته

بداية اود ان اشكرك اخى العزيز اسامه

على تلك الافكار الرائعة التى طرحتها

وايضا على المجهود الكبير الذى تبذله

فى منتدانا الكريم وحتى لا اطيل الكلام

فانه يكون لى عظيم الشرف ان اشارك

معكم فى مشروعكم وان تقبلونى معكم

لانى انا محتاج اعمل حاجه قيمة فى

الكلية قبل ما اتخرج.وربنا يتقبل منا

ومنكم صالح الاعمال

الاخ العزيز بشمهندس محمد شكرا على ثنائك ,و اهلا بيك فى صناع الحياة واحنا كلنا فى بكالريوس مدنى _ عمارة _كهربا - محتاجين نعمل حاجة لكليتنا قبل التخرج ودى فرصة جميلة عشان نتكاتف من اجل صالح كليتنا , واتمنى ان كل رابعة تكون معانا ان شاء لله .

شكرا ليك يابشمهندس أسامة على الافكار الرائعة دى واللى بجد تستحق كل الشكر والتقدير مننا كلنا ويمكن انا عرفت الموضوع ده متأخر شوية ....... بس ياريت أقدر اعمل حاجة لكليتنا ولكل اللى فى حاجة للمساعدة ...........
وأتمنى انكم تقبلونى معاكم فى أى عمل زى ده وأكيد هكون مبسوطة أوى لو قدرت أعمل حاجة فى مقدرتى انشاء الله....................

شكرا dody el واهلا بيكى فى صناع الحياة والافكار دى مش كلها بتعتى , ولكن ان بس بجمعها وحابب الكل يشارك فيها واتمنى انك توجهى الدعوة لكل زمايلك فى اولى مدنى ليشاركونا بافكارهم واقترحاتهم لان دى فرصة كويسة للمشاركة والتفاعل , واحنا فى انتظار افكاركم ومقترحاتكم .
يا رب

يارب يكرمك مهندس اسامه بس عايزين توضيح عن فكره وهتلاقى ان شاء الله مشتركين
كتييييييييير اوى وان شاء الله انا اولهم مفاجأه

أشكرك يا أسامة

ع فكرة صناع الحياة _

وعلى أفكارك الرائعة للتنمية

ويجب ان نضع الخطوط العريضة

و نجد المشاركة من جميع الأسر يد واحدة

من اجل كليتنا

وان نجد الأذان الصاغية من أصحاب اتخاذ القرار

والمشاركة الطيبة من الطلبة

وشكراً يا أسامة ع الحديث المطول الرائع اللى دار بيننا

وضحتلى فيه حاجات كتير

» المعمارى من أهم صناع الحياة
» هو منتدانا _ منتدى هندسة اسوان ولا هندسة حلوان ؟؟؟
» دعوة مفتوحة للباحثين للمشاركة في ندوة الجزائر الثالثة للإعجاز العلمي في القرآن
» كم صفحه لمنتدى طلبة كلية هندسة أسوان فى جوجل؟!!!
» دعوة لإحياء الرومانسية.. في الحياة الأسرية