والله هى فكرة يوم الجواله دى فكره جميله جدا لاننا بنكون ايد واحده عشان نعمل حاجه معينه وبيكون هدفنا واحد وانا موافقه على رايك يا اميره والافكار العامه اننا لازم نقسم الشغل على مجموعات عشان ميكونش فى لخبطه ولازم كل مجموعه تنفذ الجزء المطلوب منها ويكون على اكمل وجه والحاجه التانيه اننا نحاول نفكر فى حاجات نعملها تبين اننا فعلا كان عندنا يوم جواله انا مشتركتش السنه اللى فاتت فى يوم الجواله بس لما جيت تانى يوم محستش بتغير كبير اوى يعنى او تغير ملحوظ فى الكليه يعنى عايزين اليوم يكون ليه نتيجه ملحوظه عشان حتى الواحد يتعب بفايده وعايزين فى اول اليوم يكون فى اجتماع صغير كده مع كل المشتركين ونقسم الكليه على الولاد والبنات وكل مجموعه تكون مسؤله عن جزء معين وكل مجموعه من المجموعتين تقسم نفسها على الجزء بتاعها عشان محدش يعمل حاجه حد بيعملها او يكون فى لخبطه عشان الموضوع يكون منظم ويكون المسؤل عن كل مجموعه هم (محمد سيد-اميره متولى)عشان هم المسؤلين عن تجميع الاسامى فيكونو المسؤلين عن التقسيم على الاعمال
ويارب يكون يوم مثمر وناجح ونحقق فيه الهدف المطلوب منه