منتدى طلبة كلية الهندسه بأسوان

منتدى طلبة كلية الهندسه بأسوان
 
الرئيسيةس .و .جبحـثالتسجيلالأعضاءالمجموعاتدخولاليومية

شاطر | 
 

 أنت بصمجي

اذهب الى الأسفل 
كاتب الموضوعرسالة
علاء كمال كامل
مهندس جديد
مهندس جديد
avatar

عدد المساهمات : 39
تاريخ التسجيل : 19/06/2008
العمر : 28
رقم العضوية : 1233
الموقع : قنا
Upload Photos :
أهم مواضيعى : أنت بصمجي

مُساهمةموضوع: أنت بصمجي   الجمعة 2 أكتوبر - 9:18

بسم الله الرحمن الرحيم

إن الحمد لله تعالى نحمده و نستعينه و نستغفره، و نعوذ بالله تعالى من شرور أنفسنا و سيئات أعمالنا
أما بعد
يسعدنى ويشرفنى أن أعرض على حضراتكم الموضوع ده:

صباح البصمجة
البصمجة : هي عملية الحفظ بدون أدني فهم .
البصمجي : من يقوم بالبصمجة ( الحفّيظ ) .

أنا كتبت الموضوع ده من منطلق الجملة دي
(ليس بالحفظ والإستظهار تحظي بالتفوق ، ولكن بالفهم والتطبيق)
وأخترت العنوان ده- صباح البصمجة - بالذات و ده لعدة أسباب أهمها أن في الكلية:
85% بيحفظو فقط
5% بيفهمـو فقط
و 10% بس


5

5

4

4

3

3

2

2

1

1
دول ربنا كرمهم بيفهمو و يحفظو ربنا يجعلنا منهم
واحد خفيف يقولي أنت جبت النسبة دي من فين ؟
- أقوله يا عم البصمجي مش مهم النسبة ، المهم أن فيه حفظ بالفعل.
علي فكرة أنا مش ضد الحفظ ، ولكن ضد اللي بيحفظ وبس
زى اللي ميعرفش يثبت قانون أو معادلة فيريح دماغه ويعمللها save في الميمورى بتاعته .
واللي بيفهم بس - ده كويس - ولكن مش معني كده مثلاَ ان الفهّيم
يفهم المحاضرة الفلانية كلها وبعد شوية تسأله إيه اللي فهمته يقولك اه نسيت
!
يا جماعة مشكلة البصمجة دي والله مشكلة تستحق ان نهتم بالقضاء عليها
وأحب أفكركم بكلمة الدكتور هاني السيد في حواره للمنتدي لما قال :
(نفسى أغير الكليه بالكامل وأغير أساليب التدريس وأغير السلوكيات وطموح الطلاب)

وأغير أساليب التدريس: وهذا يعني أن العيب ليس في الطلبة فقط
ولكن في المواد وطرق تدريسها
وذلك مع إحترامى لكل أعضاء هيئة التدريس و مساعديهم
ياشباب ده في امتحانات مواد في هندسة القاهرة
OPEN BOOK
يعني مسموحلك تاخد أي ورق أو كتب وأنت داخل الامتحان
طبعاً أنا مقصدش البرشام أو الكبسولات
أنا أقصد أنك ممكن تاخد الصيدلية كلها لو حبيت
وأنا مش محتاج أنى أقوللكو علي أمثلة لأن الحكاية باينة و معروفة
الكلية فيها اللي مكفيها وذيادة
عايز أقوللكو علي حكاية حصلت معايا شخصياً
السنة اللي فاتت في بداية الترم التاني تحديداً
كنت رايح أحضر أول محاضرة (..........) للدكتور (............)
وأول مادخل الدكتور وبعد المقدمة اللي غالباً كلنا عارفينها
قال جملة مش ممكن أنساها أبداً :
(
يا جماعة زي مانتو عارفين أن المادة معظمها نظرى ،
فلأننا كلية هندسة ومش كلية أدبية أو خدمة إجتماعية
أنا مش بطالبكو بالنظري ، أعتبروه معلومات عامة
)
طبعاً أنا الفرحة مكنتش سايعاني وقلت : الحمد لله
وكانت المفاجئة في صباح يوم الإمتحان عالريق
أبص في ورقة الأسئلة ألقي تلتين الإمتحان نظري
أول مرة تحصل معايا أني أخلص قبل نص الوقت
ماتستغربوش لأني محلتش غير تلت الأسئلة
والحمد لله المادة دي الوحيدة اللي جبت فيها مقبول

أنا مكنتش عايز أكتب الكلام اللي فات ده ، ولكن من منطلق مقولة
" أفعل ما تخاف "
، ولأن 50% من علاج أي مشكلة هو الأعتراف بأنها موجودة .
وياريت المسؤلين عن المنتدي ينزّلو إستفتاء عن الموضوع ده ،
زى المنتديات التانية (أنت مع ولا ضد الكلام ده )
وياريت محدش يرد ويقول أن كليتنا أحسن كلية في مصر ، ومستواها مش عارف إيه ، و.......، و..........، و......، و.......
ياريت كلنا نعترف بوضعنا الحالي
ويارب يكون الموضوع ده بداية لمواضيع تانية كتير لمواجهة مشكلات أخري ، و بآرائنا وأفكارنا ننهض بكليتنا .

بلادى وإن جارت على كريمةَ ۩۩ وأهلي وإن ضنوا علي كرام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Mr_M
عضو مرشح للإشراف عن قسم إسلاميـــات
عضو مرشح للإشراف عن قسم إسلاميـــات
avatar

عدد المساهمات : 852
تاريخ التسجيل : 01/08/2009
العمر : 28
Upload Photos :
أهم مواضيعى : خيانه مشروعه

نجوووم العالم ....... وهم كتاكيييت

كاريكاتير بس خطير

ابراهيم الاسود

سؤال لكل بنت_ هل ممكن ترتبطي بشاب أصغر منك ؟؟؟



احتلال البيت الحرام عام 1980

مُساهمةموضوع: رد: أنت بصمجي   الجمعة 2 أكتوبر - 13:32


احب أشكر البشمهندس علاء على موضووعه الاكثر من ممتاااز

وبصرااحه انا شايف ان مشكلة الحفظ ده (البصمجه ) ده توابع التعليم ككل في مصر
من بداية اولى ابتدائي لحد البكالوريوووس ويمكن لحد الدكتورااه كمان
انا عاوز أدي مثااال على مادة الريااضه
انا اتحدى ان الكل بيحفظها زي ماهي بداية الطالب اللي بيشيل الماده لحد اللي بيجييب فيها امتياز
خصوووصاا مع دكتور م.......
ربنا يصلح الحاال
وشكراا مره اخرى للموضووع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
YeHi@$MmZ
مراقب عام منتدى أقسام الكليه ومشرف قسمى حاسبات وكورسات هندسيه
مراقب عام منتدى أقسام الكليه ومشرف قسمى حاسبات وكورسات هندسيه
avatar

عدد المساهمات : 5020
تاريخ التسجيل : 25/06/2007
العمر : 31
رقم العضوية : 10
الموقع : سرى
Upload Photos :

مُساهمةموضوع: رد: أنت بصمجي   الجمعة 2 أكتوبر - 14:30

ههههههههههه

موضوع بجد متيز جداااا

وانا قريته كلمة كلمة بتمعن وكنت بفتكر احوالى في سنين الكلية

وعلى فكرة العيب فعلاً مش في الطلبة _

ولا العيب في مناهج التدريس _

العيب الاكبر حيكون في أعضاء هيئة تدريس /

هم اللى عودوا أو اجبروا الطلبة على الحفظ

يا إما بشرح مبسط لإثبات نظرية للتسهيل عليهم طبعاً
أو بطريقة " أنا اديتك الفكرة و انت بقى دوور في الكتب والمراجع والمعاجم
واثبت بقية القانون كله "

أو بطريقة انت أكيد فاهم الإثبات الرياضى اللى هو بيكون حوالى 30 معادلة

فأنا مش حقعد أشرحها لك معادلة معادلة _ هو انت مش مهندس ولا ايه

صراحةً بحب أوجه الشكر لدكتور عبد المجيد

انه كان بيبعد عنا أى حاجة للحفظ بالذات في مواد كنترول رابعة حاسبات
والقوانين الغبية اللى بتبقى تقريباً سطرين
يقول لنا حجيبهالكم في الإمتحان _ انا مش عايز حد يحفظها
والإثبات يشرحه كله معادلة معادلة و قبلها يقول لنا على فكرة انتوا مش مطالبين بالإثبات

وهنا بقى تيجى مسئولية الطالب في طلبة بينفضوا طبعاً انهم يفهموا كلامه
وفي بيفرحوا انهم عايزين يفهموا ومش تحت ضغط الإمتحان والدرجات

والصراحة نظام ال Open book
اللى اتكلمت عليه يا باشمهندس كان ينفع كتييييييييير جداً مع مواد كتيييير عندنا في الكلية

اولها مادة الالكترونيات _ لان قوانينها غريبة ومريعة ومالهاش لازمة
ولو حد فهم ازااااااى يستنتج القانون الامتحان حيضيع منه وهو بيستنتج
فبيضطر انه يحفظها غصبن عنه فبياخد يومين يحفظ في القانون

سبحان الله

وطبعاً حكى على الرياضيات زى ما انت ماشىىىىىىى

والحمد لله انا عرفت نفسي انى لى في الفهم
عشان شيلي الرياضيات 1 بتاعت الدكتور م .........

المادة الوحيدة اللى شيلتها في الكلية وطلعت بها السنة اللى بعدهاااا _

ودة اللى خلانى أدخل قسم حاسبات ان موادها كلها فهم او لو مافهمهتاش
يبقى بلاها أحسن

حال الكلية مش حيتغير الا لو نظام التعليم اتغير

اتذكر الدكتور عبد المجيد
كان بيقول لنا بجد والله :::

" انا اسف يا جماعة انتوا حتضطروا تحفظوا القانون دة عشان صراحةً مهم جداً
في الحياة العملية وانا حجيب عليه مسألة فبعد إذنكم احفظوه وخلاص "

يا ترى في حدا بيعمل كدة في الإلكترونيات او في الرياضيات او في الفيلد

ربنها يهدىىى

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
YeHi@$MmZ
مراقب عام منتدى أقسام الكليه ومشرف قسمى حاسبات وكورسات هندسيه
مراقب عام منتدى أقسام الكليه ومشرف قسمى حاسبات وكورسات هندسيه
avatar

عدد المساهمات : 5020
تاريخ التسجيل : 25/06/2007
العمر : 31
رقم العضوية : 10
الموقع : سرى
Upload Photos :

مُساهمةموضوع: رد: أنت بصمجي   الجمعة 2 أكتوبر - 14:44

ينقل الموضوع لقسم مقترحات تطوير الكلية
بعد إذنكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أنت بصمجي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى طلبة كلية الهندسه بأسوان :: أخبار الكلية :: إقــتراحــات لتطوير الكـلية-
انتقل الى: