منتدى طلبة كلية الهندسه بأسوان

منتدى طلبة كلية الهندسه بأسوان
 
الرئيسيةس .و .جبحـثالتسجيلالأعضاءالمجموعاتدخولاليومية

شاطر | 
 

 كليتنا والالتزام بالوقت

اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
الحجازى
مهندس ممتاز
مهندس ممتاز


عدد المساهمات : 340
تاريخ التسجيل : 21/03/2008
العمر : 29
رقم العضوية : 917
الموقع : IN THE HEART OF MY FRIENDS
Upload Photos :
أهم مواضيعى : هيه دى هندسة اسوان

مُساهمةموضوع: كليتنا والالتزام بالوقت   الخميس 10 ديسمبر - 21:21




لقد أصبح أرخص
شيئ في حياتنا (

الزمن
والوقت
) فالأفراد يهدرون أوقاتهم بدون أي حساب أو تقدير ،
والجماعات تضيع وقتها وجهدها في
أمور تافهة .

كل التصرفات تدل
على عدم تقديرنا لعامل الوقت ، وكل الممارسات توضح أننا لا نحسب للزمن أي حساب ، بل
إنك تشعر بأن بعض الأفراد يخططون لضياع الوقت واستهلاك الزمن لأنه لايعرف له قيمة .


قال الله تعالى :
( فَإِذَا
قَضَيْتُمُ الصَّلاَةَ فَاذْكُرُواْ اللّهَ قِيَاماً وَقُعُوداً وَعَلَى
جُنُوبِكُمْ فَإِذَا اطْمَأْنَنتُمْ فَأَقِيمُواْ الصَّلاَةَ إِنَّ الصَّلاَةَ
كَانَتْ عَلَى الْمُؤْمِنِينَ كِتَاباً مَّوْقُوتاً )

[النساء : 103]

أول ما يسألنا الله تعالى عنه هو هذا الزمن
وحصيلة العمر .
والان ما رأيكم فى اضاعة الوقت فى انتظار المحاضرات
فى انتظار الامتحان
فى.......ثم يقال خريج غير ملتزم بالميعاد
والسؤال ما دامت ممارسة الانسان لسلوك ما لأربعين يوما تجعله
عادة اليست ممارسته لمدة خمس سنوات تجعله صفه
وماذا يمثل الوقت بالنسبه لك اليس هو العمر
اذن فما هو الحل ؟؟؟؟؟؟










الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Eng Assad
عضو بدرجة مهندس إستشارى
عضو بدرجة مهندس إستشارى
avatar

عدد المساهمات : 2859
تاريخ التسجيل : 21/06/2009
العمر : 28
الموقع : في البيييييييييييييييت
الأوسمه :
Upload Photos :

مُساهمةموضوع: رد: كليتنا والالتزام بالوقت   السبت 12 ديسمبر - 15:13

عندك حق يابشمهندس..
الواحد بيضيع منه وقت كتيييييير في الانتظار..الامتحانات...المحاضرات..السكاشن...
كله كله...

ربنا بقي يهدي الناس ..

بس طبعاااااااا في ناس كتييييييييير دكاترة ومعيدين بيلتزموا كتير بالوقت وربنا يخليهم ويكرمهم..
والباقي ربنا يهديه بقي..
شكرا يابشمهندس علي الموضوع..

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الحجازى
مهندس ممتاز
مهندس ممتاز


عدد المساهمات : 340
تاريخ التسجيل : 21/03/2008
العمر : 29
رقم العضوية : 917
الموقع : IN THE HEART OF MY FRIENDS
Upload Photos :
أهم مواضيعى : هيه دى هندسة اسوان

مُساهمةموضوع: رد: كليتنا والالتزام بالوقت   الأحد 13 ديسمبر - 18:14

شكرا للرد يابشمهندس بس طبعا اكيد فيه شريحه لا يمكن انكار التزامها بالوقت زى الدكتور النحاس والدكتور اشرف فرح من اللى درسونا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Leave Me Alone
عضو بدرجة مهندس إستشارى
عضو بدرجة مهندس إستشارى
avatar

عدد المساهمات : 2909
تاريخ التسجيل : 01/02/2009
العمر : 28
رقم العضوية : 1981
الموقع : Every Where
Upload Photos :


مُساهمةموضوع: رد: كليتنا والالتزام بالوقت   الإثنين 14 ديسمبر - 16:06

بص عامة أحنا تنشأتنا غلط وأتعودنا على أضاعة الوقت والتفنن ف تضيعه لكن بجد فيه ناس بتجبرك على أنك متلتزمش لا بوقت ولا بأى حاجه مثلا وبدون ذكر أسماء فيه سكشن المعيد لااااااااااااااااااااااااااااااااااااااااازم يخش متأخر ع الرغم أنه موجود ف المكتب والطلبه موجودين والصبوره والطباشير موجودين وفالأخر نلاقى السكشن يبتدى بعدها بنص تلت ساعه عاااااااااااادى ولما أحنا ننتأخر ع السكشن يبقى نطرد وناس مقرفه وناس مستهتره وكمان فيه معيد تانى كان يأجل السكشن تلت أربع مرات يعنى م 12ل1.30وم1.30ل3وف الأخر مكنش يجى

أنا عايز أشكر الدكتور مصطفى النحاس و الدكتور أشرف فرح على ألتزامهم معانا ف كل حاجه وكمان البشمهندس أبو القاسم دول من اللى درسولى وأتعملت معاهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
basto0o
عضو موقوف نهائيا
عضو موقوف نهائيا
avatar

عدد المساهمات : 141
تاريخ التسجيل : 17/11/2009
العمر : 27
Upload Photos :

مُساهمةموضوع: رد: كليتنا والالتزام بالوقت   الأربعاء 16 ديسمبر - 5:07

موضوع رائع يا بشمهندس
بعض المعيدين و الدكاتره مش بيقدروا الوقت اللي بنضيعه في الانتظار و ممكن نستغله في حاجه مفيده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السنيوره الكنزيه
مهندس بيشارك كويس
مهندس بيشارك كويس
avatar

عدد المساهمات : 111
تاريخ التسجيل : 05/03/2008
العمر : 29
رقم العضوية : 670
الموقع : داخل جهاز الكمبيوتر
Upload Photos :

مُساهمةموضوع: رد: كليتنا والالتزام بالوقت   الأربعاء 16 ديسمبر - 11:23

موضوع جميل يا بشمهندس

بس فعلا معظم المعيدين والدكاتره بيدخلو محاضرات وسكاشن متاخر
وده اللي خلانا نتعود علي اهدار الوقت
يعني لما طالب يتاخر علي محاضره وييجي الدكتور يطرده منها يبقي مش اسمه عدل
لان المفروض اننا نقتدي بيه فلازم يكون هو كمان ملتزم عشان احنا نكون زيه
ياريت مش اكون غلطت في حد وبعتذر لو كلامي فيه تطاول
بس اعذروني ده الواقع اللي احنا عايشين فيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الحجازى
مهندس ممتاز
مهندس ممتاز


عدد المساهمات : 340
تاريخ التسجيل : 21/03/2008
العمر : 29
رقم العضوية : 917
الموقع : IN THE HEART OF MY FRIENDS
Upload Photos :
أهم مواضيعى : هيه دى هندسة اسوان

مُساهمةموضوع: رد: كليتنا والالتزام بالوقت   الخميس 24 ديسمبر - 21:37

شكرا لردود البشمهندس bastoo
وللبشمهندس احمد
وللبشمهندسه السنيوره الكنزيه
ولكن يبقى السؤال
مـــــــــــا هـــــــــــــــــــــــــــــــــو الحـــــــــــــــــــــــــــــــــــــــــــل ؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بسمة
خريج هندسه أسوان دفعة 2008
خريج هندسه أسوان دفعة 2008
avatar

عدد المساهمات : 118
تاريخ التسجيل : 19/11/2007
العمر : 32
رقم العضوية : 281
الموقع : in Alex
Upload Photos :

مُساهمةموضوع: رد: كليتنا والالتزام بالوقت   الجمعة 25 ديسمبر - 20:22

اوﻻ:حتى لو كان المعيد او الدكتور بيدخل المحاضرة متاخر فده اكيد لظروف وهو مش غاوى يتاخر
ثانيا : المفروض الوقت ده احنا اللى نستغلوا يعنى لو الدكتور دخل متاخر لو احنا فى الوقت ده رجعنا على المحاضرات اللى فاتت اكيد هنستغل الوقت افضل وده مش كلام نظرى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Leave Me Alone
عضو بدرجة مهندس إستشارى
عضو بدرجة مهندس إستشارى
avatar

عدد المساهمات : 2909
تاريخ التسجيل : 01/02/2009
العمر : 28
رقم العضوية : 1981
الموقع : Every Where
Upload Photos :


مُساهمةموضوع: رد: كليتنا والالتزام بالوقت   الجمعة 25 ديسمبر - 23:41

@بسمة كتب:
اوﻻ:حتى لو كان المعيد او الدكتور بيدخل المحاضرة متاخر فده اكيد لظروف وهو مش غاوى يتاخر



ثانيا : المفروض الوقت ده احنا اللى نستغلوا يعنى لو الدكتور دخل متاخر لو احنا فى الوقت ده رجعنا على المحاضرات اللى فاتت اكيد هنستغل الوقت افضل وده مش كلام نظرى


طبعا معا أحنرامى لوجهة نظرك بس أنا اللى أعرفه أن لو المعيد أو الدكتور لو بيحترم الوقت كويس أوى 90% من الظروف دى حتتحل ومش كل محاضره أو سكشن يتأخر ربع ساعه ع الأقل


أما بالنسبه لأننا نراجع المحاضرات ف الوقت دا فأظن أن مفيش حد بيعمل كدا دلوقتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
eng_ghost
مراقب عام المنتديات والحوار العام ومنتدى الهندسة المدنية
مراقب عام المنتديات والحوار العام ومنتدى الهندسة المدنية
avatar

عدد المساهمات : 4632
تاريخ التسجيل : 16/04/2008
العمر : 32
رقم العضوية : 1036
الموقع : just in my dreams ,, i can reach any place
Upload Photos :

مُساهمةموضوع: رد: كليتنا والالتزام بالوقت   السبت 26 ديسمبر - 19:52

@Leave Me Alone كتب:
@بسمة كتب:
اوﻻ:حتى لو كان المعيد او الدكتور بيدخل المحاضرة متاخر فده اكيد لظروف وهو مش غاوى يتاخر



ثانيا : المفروض الوقت ده احنا اللى نستغلوا يعنى لو الدكتور دخل متاخر لو احنا فى الوقت ده رجعنا على المحاضرات اللى فاتت اكيد هنستغل الوقت افضل وده مش كلام نظرى


طبعا معا أحنرامى لوجهة نظرك بس أنا اللى أعرفه أن لو المعيد أو الدكتور لو بيحترم الوقت كويس أوى 90% من الظروف دى حتتحل ومش كل محاضره أو سكشن يتأخر ربع ساعه ع الأقل


أما بالنسبه لأننا نراجع المحاضرات ف الوقت دا فأظن أن مفيش حد بيعمل كدا دلوقتى



طيب ,,, مع شديد أحترامي للجميع


أولا يابشمهندس أحمد ,,, أنا بقولك أن ( كل ) الدكاتره والمعيدين عندنا بيحترموا الوقت الكويس أوي
لاحظ أنك عممت كلامك علي الدكاتره كلهم ,, وأنا كمان



ثانيا ,,,, بالنسبه للبشمهندس حجازي

ومع شديد أحترامي أيضا ,,,, عيب أوي أوي لما ناجي نتكلم علي ربع ساعه ولا حتي ساعة أتأخرها الدكتور

الأولي أننا كنا نتكلم علي محاضرات ملغية أو جزء من مواد بيتحذف أو حتي نقص علمي وعملي في الماده

ويبقي كمان مش محاسبه ,, لأ ,,, دي تبقي مجرد لفت نظر بعشم مش أكتر ولمصلحة الكليه كمان

أما عن الحل اللي حضرتك بتتكلم عليه ,,, فلو أحنا الطلبه ( علي أخر الزمن ) هنشوف حل ( لتأخير الدكاتره والمعيدين علي السكاشن والمحاضرات ) دي تبقي خربت ,,, لأنه الاولي أن الطلبه تحاسب نفسها الأول علي الوقت اللي بيضيع منها علي الكافيتريات والقهاوي وعند الجراج كمان ,,!!,,
مش تقوللي احاسب دكتور علي ربع ساعه بيتأخرها !! ,, ايه الكلام ده

وأما عن أن الطالب بيطلع مابيحترمش المواعيد ,,, فده أساسا لوجود عيب في شخصية الطالب نفسها

اللي شخصيته ملتزمه هيلتزم ,,, واللي شخصية أساسا مهزوزه عمره ماهليتزم وهيفضل يتحجج بأتفه الحجج عشان يبرر موقفه !!

وإلا وانه علي الرغم من ذلك يابشمهندس حجازي ,,,,,,,,,,, فوجهة نظر حضرتك تحترم برضو وهي تصب في مصلحة الكليه في المقام الأخير

وأنا كنت فتحت موضوع خاص بالأقتراحات النيره والافكار الخلاقه التي تصب في المقام الأول والأخير في مصلحة الكليه ,,!! ,,, اقتراحات لتطوير الكليه !!

لذلك ,,, وحتي لايتم فتح أكتر من موضوع لنفس الغرض ,,, وحتي يتم التداول مع ادارة المنتدي بخصوص هذا الموضوع

بعد اذن الجميع يتم غلق الموضوع ,,,,,,,,,, وإلي إشعار أخر !!


عدل سابقا من قبل eng_ghost في الخميس 31 ديسمبر - 5:44 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://WwW.EngAswaN.C0M
eng_ghost
مراقب عام المنتديات والحوار العام ومنتدى الهندسة المدنية
مراقب عام المنتديات والحوار العام ومنتدى الهندسة المدنية
avatar

عدد المساهمات : 4632
تاريخ التسجيل : 16/04/2008
العمر : 32
رقم العضوية : 1036
الموقع : just in my dreams ,, i can reach any place
Upload Photos :

مُساهمةموضوع: رد: كليتنا والالتزام بالوقت   الخميس 31 ديسمبر - 5:34

اقتباس :
وحتي يتم التداول مع ادارة المنتدي بخصوص هذا الموضوع

بعد اذن الجميع يتم غلق الموضوع ,,,,,,,,,, وإلي إشعار أخر !!



الساده ,,, الأعضاء


بعد التداول مع إدارة المنتدي بخصوص هذا الموضوع


تم الموافقه علي أعادة فتحه مره أخري ,,,, لكن بشرط أساسي وهوه


أنه يجب مراعاة قواعد الذوق واللباقه عند التحدث عن الأخوه المعيدين وعن أعضاء هيئة التدريس الموقرين


وأي رد مخالف ,,,,, لما ذكر سيتم حذفه والتفاهم مع صاحبه علي الخاص


و أعتقد أن ده حل مرضي لجميع الأطراف


وتذكير ,,,,,,,,,,,, وحتي لا ننسي



احنا لو عايزين نتكلم بالورقة والقلم ونقعد نحسبها


هنلاقي انه قانونا ,,,, انت مالكش حاجه عند الدكتور أو المعيد


والله دكتور جه بدري ,,, ولا جه متأخر


معيد جه بدري ,,,, ولا جه متأخر


دكتور شرح ,,,, ولا دكتور لغي نص الماده


معيد شرح ,,,, ولا معيد ماجاش أصلا السكشن


انت ماينفعش تاجي وتقول نحاسبهم أو حتي تقول انك تشوف حل للظاهره دي


لأن معني أنك هتشوف حل ,,, معناها أنك هتتصرف وهتعمل حاجه ,, وأنت أساسا مافيش في أيدك حاجه عشان تعملها


الموضوع وكل ما فيه ,,, زي ماقولتها سابقا وبكررها ,,, أننا كطلبه


ومن منطلق أننا معتبرين أن تطوير الكليه ده جزء من واجباتنا ومسؤلياتنا


ومن منطلق أن الأخوه المعيدين والسادة أعضاء هيئة التدريس الموقرين ,,, مرحبين ومتعاونين جدا معانا



بخصوص أي ملاحظات تتعلق بالجانب الدراسي في الكليه




وهذا لأيمانهم المطلق أن جانب التطوير في الكليه لايمكن أن يحدث أبدا من طرف واحد



بنتكلم ,,,,, ومن باب العشم مش أكتر


واللي أنا أعرفه ومتأكد من ,,, أن كل طاقم الكليه ,, من اصغر فراش وحتي العميد يتمني ان الكليه تصبح من أفضل وأضخم الكليات في مصر كلها


وأن الجميع يحاول جاهدا ,,,, لتحقيق ذلك


لا تنسوا أخواني ,,, أنه هناك برنامج جودة علي الأبواب


ولا تنسوا أن هناك نوابغ أكفاء في الكليه لايدخرون جهدا لتقديم أي مساعده لأي شخص


وصدقوني ,,,, الكلام اللي بتقولوه ده


بيحصل في أي كلية هندسه ,,, وفي أي مكان


الفرق عندهم هوه أنه ماحدش ( يجرؤ ) أن يتكلم في حاجه زي كده


لأن هناك ,,,, وده حصل قدامي ,,, أعضاء هيئة التدريس بيحطوا مصالحهم الشخصيه فوق كل شئ


هناك أعضاء هيئة التدريس ,,,, بيبقي فيه فاصل ( طبقي ) بينهم وبين الطلبه


واللي مش عاجبه ,,,,, يشرب من المالح ,,,, وده كمان ان طاله


لأن دي كليه ,,,, مش مدرسه


طبعا ,,,, الكلام ده عندنا مابيحصلش ,,, وأتمني كل التمني انه مايحصلش في يوم من الأيام




عموما ,, ومره أخري أنوه وأشدد علي اتخاذ اللبقاه كأتجاه عام في الحديث


وأكرر أن الكليه لازالت تعاني من نقص في الدكاتره والمعيدين ومحتاجه شويه تنظيم وخصوصا في الجانب الأداري



لكني أثق في كوادر الكليه ,,, ومتأكد أننا بعون الله هنشوف فرق كبير ,,,, قريب



أتمني تكون وجهة نظري وصلت للجميع



وأعتذر عن الحدة التي بدرت مني أثناء الحديث ,, وعن سوء الفهم الحادث


وأعلموا أخواني انه قد تختلف الطرق والأساليب ,,,, لكن الهدف واحد


والله الموفق

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://WwW.EngAswaN.C0M
الحجازى
مهندس ممتاز
مهندس ممتاز


عدد المساهمات : 340
تاريخ التسجيل : 21/03/2008
العمر : 29
رقم العضوية : 917
الموقع : IN THE HEART OF MY FRIENDS
Upload Photos :
أهم مواضيعى : هيه دى هندسة اسوان

مُساهمةموضوع: رد: كليتنا والالتزام بالوقت   الخميس 31 ديسمبر - 17:43

جزيل الشكر لادارة المنتدى على اعادة فتح الموضوع فى انتظار وجهة نظر حضراتكم فى الموضوع

باحثين عن حلول مرضيه للطرفين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ah10
مهندس ممتاز
مهندس ممتاز
avatar

عدد المساهمات : 276
تاريخ التسجيل : 17/03/2008
العمر : 28
رقم العضوية : 864
الموقع : معظم السنة في أسوان
Upload Photos :
أهم مواضيعى : اتحاد الطلاب فيييييييين ؟؟؟؟؟

مُساهمةموضوع: رد: كليتنا والالتزام بالوقت   الثلاثاء 5 يناير - 17:57

معيد شرح ,,,, ولا معيد ماجاش أصلا السكشن


انت ماينفعش تاجي وتقول نحاسبهم أو حتي تقول انك تشوف
حل
للظاهره دي


لأن معني أنك هتشوف
حل ,,, معناها أنك هتتصرف وهتعمل حاجه ,, وأنت أساسا مافيش في أيدك حاجه عشان تعملها



تمام والله خليها تكمل يعني جات علي دي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ah10
مهندس ممتاز
مهندس ممتاز
avatar

عدد المساهمات : 276
تاريخ التسجيل : 17/03/2008
العمر : 28
رقم العضوية : 864
الموقع : معظم السنة في أسوان
Upload Photos :
أهم مواضيعى : اتحاد الطلاب فيييييييين ؟؟؟؟؟

مُساهمةموضوع: رد: كليتنا والالتزام بالوقت   الثلاثاء 5 يناير - 18:10

بسم الله الرحمن الرحيم

اضم صوتي لصوتك يا بشمهندس "الحجازي"
اللي بيحصلنا ده لا يرضي احد
ليه يعني النظرة انه
وقت عضو هيئة التدريس او معاونه مقدس
ووقت الطالب مهدر
لازم لازم يكون فيه حل
مثلا
تلغي المحاضره "او السيكشن" اذا تاخر الدكتور او المعيد 20دقيقة عن الميعاد المحدد في الجدول .
ده رايي الخاص



لكن ارجع واقول
الكلية فيها من الالتزام كتير وكتير
علي سبيل المثال لا الحصر
الدكتور مصطفي ابراهيم سليمان
البشمهندس محمد عبدالحميد
يا رب الكلية تبقي احسن في 2010
وكل مساهماتنا علي المنتدي تبقي للشكر وتقديم الانجازات بس
وميبقاش في اي حاجة نعترض عليها عل اخر السنة
ونذكر بقول المناضل "مصطفي كامل" في احدي خطبه الفضائية
قول يا رب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Leave Me Alone
عضو بدرجة مهندس إستشارى
عضو بدرجة مهندس إستشارى
avatar

عدد المساهمات : 2909
تاريخ التسجيل : 01/02/2009
العمر : 28
رقم العضوية : 1981
الموقع : Every Where
Upload Photos :


مُساهمةموضوع: رد: كليتنا والالتزام بالوقت   الثلاثاء 5 يناير - 19:58

@ah10 كتب:
تلغي المحاضره "او السيكشن" اذا تاخر الدكتور او المعيد 20دقيقة عن الميعاد المحدد في الجدول .
ده رايي الخاص




والله كنت عايز أقول كدا بس قولت أكيد الناس اللى غاويه مشاكل حتعلق عليه


بس أضيف كمان لكلامك
أن الطالب لو أتأخر أكتر من 10 دقايق ميخشش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
atef morsi
كبير مهندسين
كبير مهندسين
avatar

عدد المساهمات : 477
تاريخ التسجيل : 20/08/2009
العمر : 37
Upload Photos :

مُساهمةموضوع: رد: كليتنا والالتزام بالوقت   الثلاثاء 5 يناير - 21:50

والله اللي بيحصل ده *****
*********
لا لازم تتحدوا وتشتكوهم كمان
لازم يكون في حل ***** ضروري
والله المستعان


تم تعديل بواسطة eng_ghost
اقتباس :

أوجهه تحذير شديد اللهجه إلي الأخ المهندس ,,, برجاء مراجعة الشرط الوحيد لتكملة الحوار في الموضوع , وحتي لانحيد عن هدف الموضوع ,,, وحتي يكون الحديث موضوعي !!
أكرر ,, وأنوه ,, وأشدد ,, علي أتخاذ اللباقة كأتجاه عام عند الحديث عن السادة أعضاء هيئة التدريس والسادة الأفاضل الأخوه المعيدين

وحتي يكون الحديث موضوعي ,,,

أحذر ,,, عند تكرار مثل هذا الرد مرة أخري سيتم أتخاذ أجراء تأديبي ( كالطرد ) ,,, وهذا تحذير أخير

وأتمني ألا أضطر لذلك !!

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الحجازى
مهندس ممتاز
مهندس ممتاز


عدد المساهمات : 340
تاريخ التسجيل : 21/03/2008
العمر : 29
رقم العضوية : 917
الموقع : IN THE HEART OF MY FRIENDS
Upload Photos :
أهم مواضيعى : هيه دى هندسة اسوان

مُساهمةموضوع: رد: كليتنا والالتزام بالوقت   الأربعاء 20 يناير - 9:02

@ah10 كتب:
بسم الله الرحمن الرحيم

مثلا
تلغي المحاضره "او السيكشن" اذا تاخر الدكتور او المعيد 20دقيقة عن الميعاد المحدد في الجدول .
ده رايي الخاص




انا اتفق معاك فى كده ده على اساس ان التلت ساغعه حاجه بسيطه بس

عموما ده حل من ضمن الحلول نعرضه على الساده المعترضين
ثم لماذا لا يتم ايصال مثل هذا الاقتراح للساده اعضاء هيئة التدريس
جزيل الشكر لك يابشمهندس
والله المستعان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Just an opinion
مهندس جديد
مهندس جديد


عدد المساهمات : 10
تاريخ التسجيل : 20/01/2010
العمر : 28
Upload Photos :

مُساهمةموضوع: رد: كليتنا والالتزام بالوقت   الأربعاء 20 يناير - 22:36

اود ان اشارك براي ..
ولكن لا ادري أأحد يوافقني الراي ام لآ !؟

اقتباس :

لقد أصبح أرخص
شيئ في حياتنا (
الزمن
والوقت) فالأفراد يهدرون أوقاتهم بدون أي حساب أو تقدير ،والجماعات تضيع وقتها وجهدها في
أمور تافهة .

كل التصرفات تدل
على عدم تقديرنا لعامل الوقت ، وكل الممارسات توضح أننا لا نحسب للزمن أي حساب ، بل
إنك تشعر بأن بعض الأفراد يخططون لضياع الوقت واستهلاك الزمن لأنه لايعرف له قيمة .

اتفق ان الوقت اصبح شئ رخيييييص في حياتنا ..واننا سوف نحاسب عليه ....
ولكن اظن ان الشخص الوحيد القادر علي الاستفاده بالوقت أو اهداره هو الشخص نفسه
لانه ملك لذلك الشخص اذا لماذا يحاسب علي شي لا يملكه ..
ويوجد امثله كثيييييرة علي تحقيق الاستفاده من الوقت ....

اقتباس :

والان ما رأيكم فى اضاعة الوقت فى انتظار المحاضرات
فى انتظار الامتحان
اذا الشخص نفسه هو الذي يضيع وقته . فهو الذي يقضي وقت الانتظار بدون عمل شئ مفيد
ولكن هل هذا هو الوقت الوحيد الضائع من وقتنا ؟ ؟؟؟
اقتباس :

.......ثم يقال خريج غير ملتزم بالميعاد
والسؤال ما دامت ممارسة الانسان لسلوك ما لأربعين يوما تجعله
عادة اليست ممارسته لمدة خمس سنوات تجعله صفه
وماذا يمثل الوقت بالنسبه لك اليس هو العمر

واضح ان الشخص سلبي وفضل ان لا يتأثر بالجانب المشرق ..
اقتباس :

اذن فما هو الحل ؟؟؟؟؟؟
وأري الحل في قول الرسول صلي الله عليه وسلم :
عن أبي
هريرة
رضي الله تعالى عنه قال: قال رسول الله صلى الله عليه وسلم: (يبصر أحدكم
القذى في عين أخيه وينسى الجذع في عينه!)، وهذا الحديث رواه ابن
حبان في صحيحه، و أبو
نعيم في الحلية، وصححه الألباني
في سلسلة الأحاديث الصحيحة رقم (33).


اقتباس :

عندك حق يابشمهندس..
الواحد بيضيع منه وقت كتيييييير في الانتظار..الامتحانات...المحاضرات..السكاشن...
كله كله...
فعلا الواحد بيضيع وقت كتيييير .....
قد تكون حجه لبعض الناس علشان يغطوا علي بقيه الوقت الضائع منهم ...
الافضل افكر في كيفيه اسغلال الوقت فهو كل ما املك .
اقتباس :

بص عامة أحنا
تنشأتنا غلط وأتعودنا على أضاعة الوقت والتفنن ف تضيعه لكن بجد فيه ناس
بتجبرك على أنك متلتزمش لا بوقت ولا بأى حاجه مثلا وبدون ذكر أسماء فيه
سكشن المعيد لااااااااااااااااااااااااااااااااااااااااازم يخش متأخر ع
الرغم أنه موجود ف المكتب والطلبه موجودين والصبوره والطباشير موجودين
وفالأخر نلاقى السكشن يبتدى بعدها بنص تلت ساعه عاااااااااااادى ولما أحنا
ننتأخر ع السكشن يبقى نطرد وناس مقرفه وناس مستهتره وكمان فيه معيد تانى
كان يأجل السكشن تلت أربع مرات يعنى م 12ل1.30وم1.30ل3وف الأخر مكنش يجى

انا سمعت عن ناس كانوا بيذاكروا في الكليه بين المحاضرات والسكاشن
ليه منكونش زيهم .
اقتباس :

بس فعلا معظم المعيدين والدكاتره بيدخلو محاضرات وسكاشن متاخر
وده اللي خلانا نتعود علي اهدار الوقت
يعني لما طالب يتاخر علي محاضره وييجي الدكتور يطرده منها يبقي مش اسمه عدل
لان المفروض اننا نقتدي بيه فلازم يكون هو كمان ملتزم عشان احنا نكون زيه
علي اي اساس تكون اختيار القدوة !؟
ومع ذلك , اذا أخترت شخص ما قدوه لي فأتخير افضل ما عنده لاتمثل.

اقتباس :

مـــــــــــا هـــــــــــــــــــــــــــــــــو الحـــــــــــــــــــــــــــــــــــــــــــل ؟؟؟؟؟؟؟؟؟؟؟

اقتباس :

المفروض الوقت ده احنا اللى نستغلوا يعنى لو
الدكتور دخل متاخر لو احنا فى الوقت ده رجعنا على المحاضرات اللى فاتت
اكيد هنستغل الوقت افضل وده مش كلام نظرى



اقتباس :

طبعا
معا أحنرامى لوجهة نظرك بس أنا اللى أعرفه أن لو المعيد أو الدكتور لو
بيحترم الوقت كويس أوى 90% من الظروف دى حتتحل ومش كل محاضره أو سكشن
يتأخر ربع ساعه ع الأقل

عن محمد بن
سيرين رحمه الله تعالى قال: (كنا نحدث أن أكثر الناس خطايا أفرغهم لذكر
خطايا الناس) أي: لأنه إذا اشتغل الإنسان بخطايا وبعيوب الناس لا شك أن هذا سيشغله
عن إصلاح نفسه، وبالتالي تكثر خطاياه، ولا يتوب منها، ولا يعاتب نفسه؛ لأنه غير
متفرغ لإصلاح نفسه.

اقتباس :

أولا يابشمهندس أحمد ,,, أنا بقولك أن ( كل ) الدكاتره والمعيدين عندنا بيحترموا الوقت الكويس أوي
لاحظ أنك عممت كلامك علي الدكاتره كلهم ,,

مع احترامي للدكاتره والمعيدين ... لا أعتقد كلهم ..او قد تكون هناك اولويات !!؟
اقتباس :

تلغي المحاضره "او السيكشن" اذا تاخر الدكتور او المعيد 20دقيقة عن الميعاد المحدد في الجدول .

انا مستعد انتظر لاني انا المستفيد

اقتباس :

والله اللي بيحصل ده *****
*********
لا لازم تتحدوا وتشتكوهم كمان
لازم يكون في حل *****



انا مندهش لهذه الشجاعه !!!!
ولكن هل هذه شجاعه ام ......؟
ولكن عندي سؤال ؟
هل الكل او اغلبيه الطلبه متفقه علي هذا الرأي ؟
فأنت ليس وحدك في هذه الدفعه !!!!
ولكن هل تري اذا انتظم الكل في المواعيد وكل شئ .....
تري ما سيجد ؟
هل النتيجه كلها ( ممتاز مع مرتبه الشرف ) ؟
هل ناتي ومستعدين ومحضرين المواد قبل السكشن والمحاضره .
هل..................؟
هل..................؟


اسف علي الأطاله

لكنه مجرد راي .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مختار على
معيد بقسم كهرباء
معيد بقسم كهرباء
avatar

عدد المساهمات : 79
تاريخ التسجيل : 01/01/2008
العمر : 33
رقم العضوية : 450
الموقع : aswan
Upload Photos :

مُساهمةموضوع: رد: كليتنا والالتزام بالوقت   الأربعاء 20 يناير - 22:43

السلام عليكم ورحمة الله وبركاته
هو فعلا موضوع المحافظة على الوقت موضوع مهم جدا
و العديد يسهو عليه فيه سواء بقصد او بدون قصد
ولكن فى تقديرى انه ليس الوقت الذى يتاخر فيه بعض اعضاء هيئة التدريس او بعض معاونيه هو السبب الذى ممكن ان يتخطى 1 % من اجمالى الوقت المهدر
قلو انك تدرس فى الاسبوع 30 ساعة وكان التاخير 5 ساعات فانت لديك من باقى الاسبوع 7 ايام الا 5 ساعات فقط
ولو كان واحد مننا يضيع 5 ساعات يوميا وليس اسبوعيا لكان هناك زويل اخر فى اسوان
ولكن هذا لا يمنع ان البعض يريد ان يحافظ ع الوقت لابعد حد
فالحل من وجهة نظرى لحل هذه المشكلة داخل كليتنا الحبيبة
انه يكون هناك اتجاه عام سواء من اعضاء هيئة التدريس او معاونيهم او اخواننا الطلاب بعدم التهاون فى اهدار الوقت ولا يجوز باى طريق من الطرق التخاذل عن الحق
وانا اثق انه لو كان هكذا ان الجميع سوف يتجه الى الحفاظ على الوقت سيكون لاعضاء هيئة التدريس ومعاونيهم السبق فى ذلك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mostafa_abbas
معيد بقسم كهرباء
معيد بقسم كهرباء


عدد المساهمات : 9
تاريخ التسجيل : 21/11/2008
العمر : 33
رقم العضوية : 1867
Upload Photos :

مُساهمةموضوع: رد: كليتنا والالتزام بالوقت   الخميس 21 يناير - 12:09

اود ان اشكر المهندس -الحجازي- علي حرصه علي عدم اضاعة وقته , وياريت كل الناس تكون حريصه علي ما ينفعها
ولكن , عندما قرات قول الله تعالي :
اقتباس :

قال الله تعالى :
( فَإِذَا قَضَيْتُمُ الصَّلاَةَ فَاذْكُرُواْ اللّهَ قِيَاماً وَقُعُوداً
وَعَلَى جُنُوبِكُمْ فَإِذَا اطْمَأْنَنتُمْ فَأَقِيمُواْ الصَّلاَةَ
إِنَّ الصَّلاَةَ كَانَتْ عَلَى الْمُؤْمِنِينَ كِتَاباً مَّوْقُوتاً ) [النساء : 103]
المفروض انه شاهد علي عدم اضاعة الوقت ولكن لم افهم ذلك من الشاهد وياريت لو عندك او عند احد توضيح ما يبخلش بيه علينا .
وقد رجعت لبعض التفاسير لمعرفه المزيد منها :
التفسير الميسر :
( فَإِذَا قَضَيْتُمُ الصَّلاَةَ فَاذْكُرُواْ اللّهَ قِيَاماً وَقُعُوداً
وَعَلَى جُنُوبِكُمْ فَإِذَا اطْمَأْنَنتُمْ فَأَقِيمُواْ الصَّلاَةَ
إِنَّ الصَّلاَةَ كَانَتْ عَلَى الْمُؤْمِنِينَ كِتَاباً مَّوْقُوتاً ) [النساء : 103]

فإذاأدَّيتم الصلاة, فأديموا ذكر الله في جميع أحوالكم, فإذا زال الخوف
فأدُّوا الصلاة كاملة, ولا تفرِّطوا فيها فإنها واجبة في أوقات معلومة في
الشرع.
وكذلك تفسير تفسير ابن كثير.

ولكن اذا اردت الاستشهاد باهميه الوقت فان القران والسنه غنيه بذلك منها :
لقد حث القرآن الكريم في آيات كثيرة على
«المسارعة» و«المسابقة» و«المنافسة» وكلها ألفاظ تشير إلى ضرورة أخذ زمام
المبادرة والاستفادة من الأوقات، وتتجلى أهمية الوقت وتشديد القرآن في
الاستفادة منه في قوله تعالى: "واعبد ربك حتى يأتيك اليقين" فلا توقف، أو
انقطاع عن العبادة، ولا تراخي، أوتمهل في العمل

وقد أقسم الله سبحانه وتعالى بأوقات
مختلفة للتدليل على أهمية الوقت وشرفه كما في قوله تعالى "والضحى" وقوله
"والعصر" وقوله "والليل إذا يغشى" "والصبح إذا تنفس" "والنهار إذا تجلى".

وهذا علي سبيل المثال لا الحصر , اما عن السنه فمنها :

أكد الرسول الكريم صلى الله عليه وسلم
ذلك المبدأ في قوله: اغتنم خمساً قبل خمس: "شبابك قبل هرمك، وصحتك قبل
سقمك، وغناك قبل فقرك، وفراغك قبل شغلك، وحياتك قبل موتك" وقوله أيضاً:
"لا تزولا قدما عبد يوم القيامة حتى يأل عن أربع: عن عمره فيما أفناه، وعن
شبابه فيما أبلاه، وعن ماله من أين اكتسبه وفيما أنفقه، وعن علمه ماذا عمل
فيه" رواه الطبراني والبزار.

- من أهم مهارات اداره الوقت :
- قدرة الفرد على استغلال الوقت المتاح للعمل رغم العوائق الخارجة عن إرادته.
- تغيير بعض العادات السيئة: عدم الالتزام بالوقت، أو عدم تحديد بداية الواجبات ونهايتها.
- قوة الإرادة والإصرار على تنفيذ المهمة في موعدها مهما كانت الظروف.
- كسر الروتين والرقابة في العادات والممارسات اليومية، والإصرار على النجاح.
- وضع أهداف قصيرة الأجل، وأخرى طويلة الأجل والعمل على تحقيقها، والاستمتاع بتنفيذها.
- توزيع الساعات اليومية والأسبوعية والشهرية؛ لتكون ساعات ممتعة وذات معنى، ومشتملة على الجد والمرح.

تنظيم الأوقات وإنجاز المهام ليست مسألة مستحيلة ولا صعبة. هذه بعض الخطوات التي يمكن أن تساعدك على ذلك:
- استغل أول ساعات النهار في الأعمال التي تتطلب جهداً كبيراً وتفكيراً عميقاً، وخصص ساعات العمل الأخيرة لإنجاز الأعمال البسيطة.
-احرص على الاستفادة من الوقت الضائع، كالوقت الذي تقضيه خارج مواقع العمل،
أو أثناء الانتظار، وذلك بوضع حقيبة فيها مجموعة المهام التي ترغب في
إنجازها، أو الكتب التي تعتزم مطالعتها.
- للقضاء على ظاهرة التسويف،
ضع جدولاً لإنجاز الأعمال، وقاوم كل ما يعترض إنجازك للعمل، ثم ابدأ بأصعب
الأجزاء، ولا تراجع ما قمت به حتى تنتهي منه، واختر مكاناً وزماناً
يساعدان على الإنجاز.
- التزم بأهداف سنوية للتطوير الشخصي، والإنجازات
المهنية، واقض عشرين دقيقة في بداية كل أسبوع، وعشر دقائق في بداية كل يوم
لتخطيط قوائم الأعمال التي ستنجزها.
- لا تقم بأكثر من عمل واحد في
الوقت نفسه. إن بدء أي عمل ثم التوقف عنه، ثم معاودة إتمامه يستهلك وقتاً
كبيراً. لا تترك عملاً تقوم به إلا بعد أن تنهيه، إن الجودة تتأثر إذا كنا
نقوم بأكثر من عمل في الوقت نفسه.


وإن كنت اري بعض التقصير في الجانبين ........
اخيراً:
انا اتفق مع المهندس مختار والمهندس -just an opinion- نسبياً

اخشي ان اكون قد اطلت عليكم

وقد قيل " خير الكلام ما قل ودل"

وهذا ما فعله المهندس مختار

اخي-الحجازي- اود ان اشكرك مره ثانيه
واود ان اري رايك فهذا راي
وقد يكون
رأي خطأ يحتمل الصواب ....ورئ غيري صواب يحتمل الخطأ....




عدل سابقا من قبل mostafa_abbas في الإثنين 25 يناير - 17:58 عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
basto0o
عضو موقوف نهائيا
عضو موقوف نهائيا
avatar

عدد المساهمات : 141
تاريخ التسجيل : 17/11/2009
العمر : 27
Upload Photos :

مُساهمةموضوع: رد: كليتنا والالتزام بالوقت   الخميس 21 يناير - 23:03

لما طالب يقعد ساعتين في مدرج منتظر الدكتور و بعد ساعتين يعرف ان الدكتور مش هيجي دي يرضي مين ؟؟؟؟؟؟؟؟؟؟؟؟؟
والدكتور يقول معلش نسيت المحاضره .
اقتباس :
انا سمعت عن ناس كانوا بيذاكروا في الكليه بين المحاضرات والسكاشن
ليه منكونش زيهم .


اكيد انت في هندسه غير اسوان

كل واحد ممكن تحصل معاه اسباب تخليه يتأخر لكن مش كل مره
في دكاتره محدش يقدر ينكر انهم قمه الالتزام
الدكتور اشرف فرح المحاضره الساعه 8 كان قبلها بعشر دقايق بيكون في المدرج و بالمثل الدكتور مصطفي النحاس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بسمة
خريج هندسه أسوان دفعة 2008
خريج هندسه أسوان دفعة 2008
avatar

عدد المساهمات : 118
تاريخ التسجيل : 19/11/2007
العمر : 32
رقم العضوية : 281
الموقع : in Alex
Upload Photos :

مُساهمةموضوع: رد: كليتنا والالتزام بالوقت   السبت 23 يناير - 2:04

بصراحة انا شايفة ان الناس اللى بتتكلم عن ان المعيدين والدكاترة هم اللى علموهم اضاعة الوقت
احب اقولهم انهم قبل ما يدخلوا الكلية كان عندهم تقريبا 17 سنة يعنى لو انت انسان ملتزم فى الوقت نقول ال10 سنين اللى فاتت ماعتقدش ان مجرد 5 سنين هتغير فى شخصيته المتلزمة
فبلاش العيب يكون فينا ونرميه على غيرنا


وبصراحة انا اقترح على ادارة المنتدى انها تقفل الموضوع ده ﻻنه بقى موضوع غريب جدا ويستحق الغلق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ah10
مهندس ممتاز
مهندس ممتاز
avatar

عدد المساهمات : 276
تاريخ التسجيل : 17/03/2008
العمر : 28
رقم العضوية : 864
الموقع : معظم السنة في أسوان
Upload Photos :
أهم مواضيعى : اتحاد الطلاب فيييييييين ؟؟؟؟؟

مُساهمةموضوع: رد: كليتنا والالتزام بالوقت   الإثنين 25 يناير - 11:08

عندك حق يا بشمهندس واهو كله في مصلحة المنظومه الجامعية

بس عندي استفسار
هي كليتنا " ادام الله مجدها " مفيهاش غير مسكلة الوقت بس
يا ريت نوسع دايره النقاش شويه علشان انا لاخظت في اخر كام يوم خاجات مش لذيذة
والحمد لله مش من الطلبة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مختار على
معيد بقسم كهرباء
معيد بقسم كهرباء
avatar

عدد المساهمات : 79
تاريخ التسجيل : 01/01/2008
العمر : 33
رقم العضوية : 450
الموقع : aswan
Upload Photos :

مُساهمةموضوع: رد: كليتنا والالتزام بالوقت   الأربعاء 27 يناير - 20:58

المنتدى معمول عشان تناقش اى موضوع انت عاوزه
ومحدش بيقول متتكلمش عن الموضوع الى انت عاوزه
بس يا ريت يكون فى موضوعية فى الكلام
ويكون الهدف المناقشة والاستفادة من طرح الموضوع موش اتهام الاشخاص
وبردو لو فى اى تجاوزات فردية من بعض الاشخاص لا يصح انت تعتبرها ظاهرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
eng_ghost
مراقب عام المنتديات والحوار العام ومنتدى الهندسة المدنية
مراقب عام المنتديات والحوار العام ومنتدى الهندسة المدنية
avatar

عدد المساهمات : 4632
تاريخ التسجيل : 16/04/2008
العمر : 32
رقم العضوية : 1036
الموقع : just in my dreams ,, i can reach any place
Upload Photos :

مُساهمةموضوع: رد: كليتنا والالتزام بالوقت   الأربعاء 27 يناير - 22:24

@ah10 كتب:

عندك حق يا بشمهندس واهو كله في مصلحة المنظومه الجامعية

بس عندي استفسار
هي كليتنا " ادام الله مجدها " مفيهاش غير مسكلة الوقت بس
يا ريت نوسع دايره النقاش شويه علشان انا لاخظت في اخر كام يوم خاجات مش لذيذة
والحمد لله مش من الطلبة


مع شديد أحترامي للجميع ,,, أنما يابشمهندس أن لم تخني الذاكره أعتقد أن الموضوع ده مفتوح للفت النظر لموضوع التأخير من قبل (بعض) الدكاتره والأخوة المعيدين


وأذا كان حضرتك ليك أي وجهة نظر أخري أوفكره تريد طرحها من أجل تطوير العمليه التعليميه


فيرجي التكرم وطرح وجهة نظرك الكريمه في هذا الموضوع



من أجل تطوير و تحديث المواد الدراسيه في الكليه ..**.. دعوه عامه ..**



أما بخصوص رد حضرتك ,,,,, فمعذرة أن لم أتمالك نفسي وكان لابد من تعليق بعد أذن الجميع


@ah10 كتب:


ليه يعني النظرة انه
وقت عضو هيئة التدريس او معاونه مقدس
ووقت الطالب مهدر
لازم لازم يكون فيه حل
مثلا
تلغي المحاضره "او السيكشن" اذا تاخر الدكتور او المعيد 20دقيقة عن الميعاد المحدد في الجدول .
ده رايي الخاص




أولا ,,, مافيش حاجه اسمها وقتك ووقت المعيد

اذا كان نفسك تروح بدري ,,, فالمعيد زيه زيك ,,,, والدكتور زيكم انتوا التنين

انت اذا كنت شايف غير كده تبقي غلطان ,,,,, ومش معني وجود (بعض) الدكاتره أو المعيدين اللي مافيش التزام في ناحية الوقت من جانبهم ,,,, ان خلاص ,,, دي اصبحت ظاهره ,, الموضوع مفتوح للفت النظر ,,, وخد بالك من (البعض) وليس الكل ,, اما اذا كنت شايف نفسك انه مهمل ووقتك مهدر ,,, فدي وجهة نظر غلط ,,, تأكد من ذلك

ثانيا ,,,,,, بالنسبه لرد فعلي علي الجزء الذي تحته خط من ردك (الحل السوبر خارق) فأعتذر مقدما ,,, ان كان رد فعلي علي هذا الرد كالتالي :
















يعني يابشمهندس لو دكتور جاي منتدب من اسيوط والقطر أتأخر بيه ساعه ,, لما يوصل الكليه نقوله روح بيتكم خلاص المحاضرة اتلغت ,,, يالاااااااااااااا




ولما لما دكتور ولا معيد تكون عنده ظروف ,, وأتأخر لأي حالة طارئه ويكون جاي رغم ذلك عشان يدي السكشن والمحاضره ,,, نقوله روح بيتكم ,,,, خلاص وقتك خلص !!!







*******************************



و طبعا بغض النظر عن وجود مؤدين وبشده للرأي ده ,,, أنما أنا من واجبي كمراقب عاااام أني أرحب بالفكره الخارقة وبالعقلية الأكثر من موهوبه التي ألقت بها علينا
,,, بل وأطالب وبشده

بأن صاحب الفكرة بل وصاحب الموضوع أيضا ( بصفته مسؤلا عن موضوعه وعن أي :: أقتراحات :: تم توجيهها من خلال موضوعه الموقر ) ,,, بالذهاب إلي عميد الكليه ,, وطرح الفكره


بل هم وأيضا كل مؤدي هذه الفكرة العبقريه ,, كل المؤيدين ,,,, كلهم حتي يتم تشكيل جبهة ضغط (شعبيه) لجعل عميد الكليه الموقر الموافقه علي هذا الاقترااااح !!







طبعا ,,,,,,,, أعتقد أن ردي واضح ,, وأنا واثق اكيد اكيد العميد هيوافق علي طول علي الفكره العبقريه دي طالما انها تصب في مصلحه الكليه والعمليه التعليميه بها !!


لأن ده مافيهوش شك ,,, لأن الفكره عبقريه ,, وخارقه ,,, زيها زي ان مافيش شك خالص ,, ان عميد الكليه ,,, رجل موقر وخايف علي مصلحة الطلبه قبل الكليه وبيخاف عليهم زي ولاده بالظبط !!




,,, ربنا يجعل كلامنا خفيف عليهم !!


**********************



وبالنسبه للبشمهندسه بسمه والبشمهندس مختار ,,, فأعتذر بصفه شخصيه ,, أن لم يرق لكم سياق الحوار العام في هذا الموضوع ,,,, وصدقوني أنا زيي زيكم وموافق علي وجهة نظركم !!



عموما ,,,,,,,,,,,, جاري التشاور مرة اخري مع الادارة بشأن هذا الموضوع



والله الموفق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://WwW.EngAswaN.C0M
 
كليتنا والالتزام بالوقت
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى طلبة كلية الهندسه بأسوان :: أخبار الكلية :: إقــتراحــات لتطوير الكـلية-
انتقل الى: