منتدى طلبة كلية الهندسه بأسوان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى طلبة كلية الهندسه بأسوان

منتدى طلبة كلية الهندسه بأسوان
 
الرئيسيةالتسجيلأحدث الصوردخول

 

 كليتنا والالتزام بالوقت

اذهب الى الأسفل 
+12
mostafa_abbas
مختار على
Just an opinion
atef morsi
ah10
eng_ghost
بسمة
السنيوره الكنزيه
basto0o
Leave Me Alone
Eng Assad
الحجازى
16 مشترك
انتقل الى الصفحة : الصفحة السابقة  1, 2
كاتب الموضوعرسالة
الحجازى
مهندس ممتاز
مهندس ممتاز



عدد المساهمات : 340
تاريخ التسجيل : 21/03/2008
العمر : 34
الموقع : IN THE HEART OF MY FRIENDS
رقم العضوية : 917
Upload Photos : كليتنا والالتزام بالوقت - صفحة 2 Upload
أهم مواضيعى : هيه دى هندسة اسوان

كليتنا والالتزام بالوقت - صفحة 2 Empty
مُساهمةموضوع: كليتنا والالتزام بالوقت   كليتنا والالتزام بالوقت - صفحة 2 I_icon_minitimeالخميس 10 ديسمبر - 21:21

تذكير بمساهمة فاتح الموضوع :




لقد أصبح أرخص
شيئ في حياتنا (

الزمن
والوقت
) فالأفراد يهدرون أوقاتهم بدون أي حساب أو تقدير ،
والجماعات تضيع وقتها وجهدها في
أمور تافهة .

كل التصرفات تدل
على عدم تقديرنا لعامل الوقت ، وكل الممارسات توضح أننا لا نحسب للزمن أي حساب ، بل
إنك تشعر بأن بعض الأفراد يخططون لضياع الوقت واستهلاك الزمن لأنه لايعرف له قيمة .

كليتنا والالتزام بالوقت - صفحة 2 Active_icon
قال الله تعالى :
( فَإِذَا
قَضَيْتُمُ الصَّلاَةَ فَاذْكُرُواْ اللّهَ قِيَاماً وَقُعُوداً وَعَلَى
جُنُوبِكُمْ فَإِذَا اطْمَأْنَنتُمْ فَأَقِيمُواْ الصَّلاَةَ إِنَّ الصَّلاَةَ
كَانَتْ عَلَى الْمُؤْمِنِينَ كِتَاباً مَّوْقُوتاً )

[النساء : 103]

أول ما يسألنا الله تعالى عنه هو هذا الزمن
وحصيلة العمر .
والان ما رأيكم فى اضاعة الوقت فى انتظار المحاضرات
فى انتظار الامتحان
فى.......ثم يقال خريج غير ملتزم بالميعاد
والسؤال ما دامت ممارسة الانسان لسلوك ما لأربعين يوما تجعله
عادة اليست ممارسته لمدة خمس سنوات تجعله صفه
وماذا يمثل الوقت بالنسبه لك اليس هو العمر
اذن فما هو الحل ؟؟؟؟؟؟










الرجوع الى أعلى الصفحة اذهب الى الأسفل

كاتب الموضوعرسالة
mostafa ahmed
معيد بقسم كهرباء
معيد بقسم كهرباء



عدد المساهمات : 32
تاريخ التسجيل : 18/02/2008
العمر : 37
الموقع : كلية الهندسة
رقم العضوية : 604
Upload Photos : كليتنا والالتزام بالوقت - صفحة 2 Upload

كليتنا والالتزام بالوقت - صفحة 2 Empty
مُساهمةموضوع: رد: كليتنا والالتزام بالوقت   كليتنا والالتزام بالوقت - صفحة 2 I_icon_minitimeالأربعاء 27 يناير - 22:38

بسم الله الرحمن الرحيم
السلام عليكم ورحمه الله وبركاته
اولا هو موضوع مهم جدا يعانى منه الطلبة وفعلا انا لما كنت طالب كنت بضايق قوى انى اروح المحاضرة او السكشن واقعد ملطوع عشان الدكتور يجيلى بعد ساعه او ساعه ونصف من موع بدا المحاضرة خلينا صرحه فعلا
بس يابشمهندسيين ليه منستغلش الوقت ده فى حاجه تفيدنا فى اى حاجه مش لازم قلك انك تذاكر يبقى هضحك عليك انك تذاكر فى الدوشة بتاعت المدرج ده والناس حوليك شيفاك انك انسان شاذ
اتكلم فى اى حاجه مع زمايلك اعرف اخبار الناس اعرف اخبار الدنيا اتكلم فى حاجه شفتها بره لما كنت بتتدرب قول لغز كده خلى الناس تشغل بيه دماغها اذكروا ربنا اتكلموا فى موضوع علمى ليه يعنى ميحصلش الكلام ده
ثانيا انا لى تعليق بقى
بما انى انا معيد فى الكلية اللى انتوا بتتكلموا عليها ده وانى فى مفروض طلبة زيكم خايفه على الموعييد انا يابشمهندس والحمد لله فى اغلب السكاشن بدخل فى موعيدى والطلبة عارفة انى انا مبتاخرش للاسف الشديد بدخل وبنتظر الطلبة لحد اما تاجى يبقى انتوا بقى تقولوا ايه فى الموضوع ده طبعا مش اغلب الطلبة بس فى طلبه ملتزمه انا مقدرش انكر
يبقى بقى قلى انا اعمل ايه
اذا مدخلتش الطلبة اللى متاخرة هتزعل ونتقول انى المهندس مش بيراعى ظروفنا وحجات زى كده والواحد مش عاوز يكون سبب فى انى حد ياجى وميتعملش
نهاية الكلام انى طبعا لا انكر انى فى اخطاء من جانب اعضاء هيئه التريس لكن بردوا فى خطاء ايضا من جانب الطلبة بس الخطاء الذى هو من جانب اعضاء هيئه التدريس اكبر
اما بالنسبه لى انا فمش عارف احنا لما كنا طلبة كنا بنقول انى عضو هيئه التدريس لو منتظم فى موعيده يبقى الطلبة هتبقى منتظمه
بس مش عارف ليه مبيعملوش معايا كده
يله ما علينا
كل سنه وانتى طيبيين بمناسبه نهاية الترم
وان شاء الله التوفق لكل الطلبة المجتهديين والفوز لهم باذن الله
السلام عليكم ورحمه الله وبركاته
الرجوع الى أعلى الصفحة اذهب الى الأسفل
Leave Me Alone
عضو بدرجة مهندس إستشارى
عضو بدرجة مهندس إستشارى
Leave Me Alone


عدد المساهمات : 2909
تاريخ التسجيل : 01/02/2009
العمر : 34
الموقع : Every Where
رقم العضوية : 1981
Upload Photos : كليتنا والالتزام بالوقت - صفحة 2 Upload
كليتنا والالتزام بالوقت - صفحة 2 3341a3a

كليتنا والالتزام بالوقت - صفحة 2 Empty
مُساهمةموضوع: رد: كليتنا والالتزام بالوقت   كليتنا والالتزام بالوقت - صفحة 2 I_icon_minitimeالأربعاء 27 يناير - 22:47

واضح أن الموضوع قلب بتهكم على وجهات النظر و ناس بتخرج عن النص خالص .


ويا بشمهندسين أنا حقول لحضرتكم موقف بسيط أوى فيه سكشن المعيد بيخش الساعه 12.30 وأنا وجاى ف الطريق حصل موقف وكان بأمكانى أتجاهل وأمشى لكن قولت أن المعيد كدا كدا بيخش الساعه 12.30 مش مشكله يعنى حروح قبله وبالفعل أتأخرت ووصلت الساعه 12.30 على حظى كان الدكتور موجود وطردنى وهزئنى ليه عشان انا طالب مستهتر وبتأخر .
وفيه سكشن تانى كان بيتلعب بينا فيه ف الاول كل شويه المعيد ياجله وف الأخر يلغيه ودا حصل لمده 5 أسابيع لحد ما احتجينا .وسكشن تانى كان فيه المعيد بيجى ف الفتره من 12.20ل12.50 وهوا السكشن 12.
دا غير الدكاتره بقى .

ع العموم أنا بعتذر للساده أعضاء هيئة التدريس وكل حد مش عاجبه كلامى .

وطالما أن العيب فينا أحنا يبقى أحنا أسفين بس ياريت زى ما بتقبل أن حضرتكم تتأخرو عشان الظروف تسمحولنا أحنا كمان نتأخر لو عندنا ظروف بدون تهزئ والكلام دا .

وشكرا للأداره أنها أدتنا فرصه نعبر عن وجهة نظرنا الخاطئه .
الرجوع الى أعلى الصفحة اذهب الى الأسفل
mohamed_abdelhameed
معيد بقسم كهرباء
معيد بقسم كهرباء
mohamed_abdelhameed


عدد المساهمات : 330
تاريخ التسجيل : 19/07/2009
العمر : 39
الموقع : أسوان
الأوسمه : كليتنا والالتزام بالوقت - صفحة 2 2d9pkx0
Upload Photos : كليتنا والالتزام بالوقت - صفحة 2 Upload

كليتنا والالتزام بالوقت - صفحة 2 Empty
مُساهمةموضوع: رد: كليتنا والالتزام بالوقت   كليتنا والالتزام بالوقت - صفحة 2 I_icon_minitimeالأربعاء 27 يناير - 23:08

Leave Me Alone كتب:
واضح أن الموضوع قلب بتهكم على وجهات النظر و ناس بتخرج عن النص خالص .


ويا بشمهندسين أنا حقول لحضرتكم موقف بسيط أوى فيه سكشن المعيد بيخش الساعه 12.30 وأنا وجاى ف الطريق حصل موقف وكان بأمكانى أتجاهل وأمشى لكن قولت أن المعيد كدا كدا بيخش الساعه 12.30 مش مشكله يعنى حروح قبله وبالفعل أتأخرت ووصلت الساعه 12.30 على حظى كان الدكتور موجود وطردنى وهزئنى ليه عشان انا طالب مستهتر وبتأخر .
وفيه سكشن تانى كان بيتلعب بينا فيه ف الاول كل شويه المعيد ياجله وف الأخر يلغيه ودا حصل لمده 5 أسابيع لحد ما احتجينا .وسكشن تانى كان فيه المعيد بيجى ف الفتره من 12.20ل12.50 وهوا السكشن 12.
دا غير الدكاتره بقى .

ع العموم أنا بعتذر للساده أعضاء هيئة التدريس وكل حد مش عاجبه كلامى .

وطالما أن العيب فينا أحنا يبقى أحنا أسفين بس ياريت زى ما بتقبل أن حضرتكم تتأخرو عشان الظروف تسمحولنا أحنا كمان نتأخر لو عندنا ظروف بدون تهزئ والكلام دا .

وشكرا للأداره أنها أدتنا فرصه نعبر عن وجهة نظرنا الخاطئه .



بص يا بشمهندس أحمد
مفيش تهكم ولا حاجة انا شايف ان بشمهندس مصطفى جاب المفيد وكلامه واضح وقالك أن فى أخطاء
من الطرفين وبتحصل ساعات ظروف للكل بس اللى بيتأخر كل مرة وكل سكشن سواء دكتور أو معيد أو طالب
ده مش بيبقى ظروف،،، عموماً انا كنت متبع نظام مع طلبتى أنى لو أتأخرت نص ساعة من غير ما أبلغهم
يكتبو ورقة بالغياب ويمشوا وفعلا حصل فى يوم أنى كان فى حادث واتاخرت فى المواصلات ورحت السكشن بعدها
بحوالى 50 دقيقة ولقيتهم مشيوا واخدت ورقة الغياب ومشيت بيها لأنى متفق معاهم على كده.

ملخص الكلام واتقال اكتر من مرة ان فى أخطاء ولابد تعديلها والمحاولة للحفاظ على الوقت من جميع الأطراف
وفى حياتنا عموماً مش فى الكلية أو الشغل وبس.

تقبلو أحترامى للجميع،،،،
الرجوع الى أعلى الصفحة اذهب الى الأسفل
MASA_2010
معيد بقسم كهرباء
معيد بقسم كهرباء
MASA_2010


عدد المساهمات : 631
تاريخ التسجيل : 25/02/2008
العمر : 37
الموقع : APEARC
رقم العضوية : 630
Upload Photos : كليتنا والالتزام بالوقت - صفحة 2 Upload

كليتنا والالتزام بالوقت - صفحة 2 Empty
مُساهمةموضوع: رد: كليتنا والالتزام بالوقت   كليتنا والالتزام بالوقت - صفحة 2 I_icon_minitimeالأربعاء 27 يناير - 23:11

اقتباس :
وطالما أن العيب فينا
أحنا يبقى أحنا أسفين بس ياريت زى ما بتقبل أن حضرتكم تتأخرو عشان الظروف
تسمحولنا أحنا كمان نتأخر لو عندنا ظروف بدون تهزئ والكلام دا .

وشكرا
للأداره أنها أدتنا فرصه نعبر عن وجهة نظرنا الخاطئه .

بص ياباشمهندس , للامانة الشديدة الواحد مش بيحب حد يدخل وراه السكشن خاصة اني باخد الغياب اول ما ادخل السكشن . وعشان الناس تلتزم في المواعيد وماحدش يدخل بعدي ويشوشر عليا وبعدين يقلي الغياب ياباشمهندس اقترحت عليهم اقتراح اول السنة .

عارف ايه الاقتراح ياباشمهندس ؟ اقترحت عليهم اني اسمحلهم بتأخير او سماحية للتأخير عشان يجوا براحتهم وطبعا قلتلهم تقترحوا كام يكون الوقت ده ؟

تخيل الرد كان ايه ؟ ............ الرد واحد قالي ربع ساعة والتاني قاللي تلت ساعة وواحد تالت قاللي نص ساعة واللي رفع ضغطي واحد قاللي خليها ساعة . رديت عليهم انكم مش عايزين سكاشن اصلا .

عامة وصلت معاهم لاتفاق ان يكون التأخير في حدود تلت ساعة . طيب بعد كده اللي حصل ان الناس كانت بتيجي متأخرة بعد التلت الساعة المسموح بيها , عارف ليه ؟ لانهم عودوا نفسهم انهم يدخلوا متأخرين وكده كده همه اعتبروا ان ميعاد السكشن كأنه اتشفت تلت ساعة فبالتالي بيجوا متأخرين بعد التلت ساعة . وغير كده اكون اخدت الغياب وفي اخر السكشن الناس المتأخرة اسألهم اساميكم ايه عشان الغياب - ده مني انا مش ضغط منهم - وللاسف ابتديت بعد كده ادخل السكشن بعد تلت ساعة لغاية ماتكون الناس ابتدت تيجي عشان اريح دماغي من موضوع الغياب وبرضه مفيش فايدة .

للاسف مشكلتكم ان فيكم ناس ملتزمة بالوقت وعايزة تحاسب المعيد او الدكتور علي تأخيره مع انها ماتعرفش ان ده ذنب ناس تانية مش ملتزمة وده الغالب . ويعلم ربنا انا براعي ظروف الناس وعمري مابكتب حد غياب ولا بطرد حد لاني كنت طالب زيكم وعارف عيشتكم شكلها ازاي ايام الدراسة .

خلاصة الكلام في الموضوع ده : فيه موضوع جاري مناقشته بين عدد كبير من المعيدين بخصوص موضوع التأخير . هنتفق باذن الله ندخل السكشن في الميعاد بالثانية وبعد كده معلش مفيش حد هيدخل السكشن بعد كده . واوعوا دماغ حد فيكم تخيل ليكم ان المعيد او الدكتور مايقدرش يدخل ميعاده بالثانية . اصلا احنا فاضيين ومش ورانا غير شغل الكلية ومش هيفرق معانا خالص دخلنا في الميعاد ولا متأخر . كل واحد فيكم يفكر كويس في ظروفه ويشوف هل هيقدر يلتزم دايما بالميعاد ولا ممكن تحصل معاه ظروف وساعتها ماحدش يعذره . صدقوني هوه اللي هيخسر في الاخر.

وعامة في الاول وفي الاخر انتوا اخواتنا ومش بنحب نضر حد فيكم. وانا بقولها هنا اهو : انا عمري ماهكتب حد غياب دخل بعدي او اطرده , الا لو كان انسان مش محترم ومش بيحترم سكشنه ومعيده .

متهيألي كده ياريت الكلام ينتهي في الموضوع ده وياريت الناس تقتنع بكلام الاخوه المعيدين السابق .
الرجوع الى أعلى الصفحة اذهب الى الأسفل
مختار على
معيد بقسم كهرباء
معيد بقسم كهرباء
مختار على


عدد المساهمات : 79
تاريخ التسجيل : 01/01/2008
العمر : 38
الموقع : aswan
رقم العضوية : 450
Upload Photos : كليتنا والالتزام بالوقت - صفحة 2 Upload

كليتنا والالتزام بالوقت - صفحة 2 Empty
مُساهمةموضوع: رد: كليتنا والالتزام بالوقت   كليتنا والالتزام بالوقت - صفحة 2 I_icon_minitimeالخميس 28 يناير - 1:06

ياباشمهندس احمد
لو الموضوع اتاخد بتهكم مكنتش هتلاقينا بناقشه معاك اصلا
ولا بناقش اسبابه
او انا قلت لك تهكم لكنت قلت الى موش عاجبه (.............)
بس بواقع انه احنا كلنا اخوات فى هندسة اسوان بنناقش معاكم الموضوع وموش عيب انه يكون المخطئ من الطلبة او من اعضاء هيئة التدريس
لو سالت نفسك سؤال انت عدى عليك كم معيد وكم دكتور وشوف نسبة الناس الى بتلتزم بالوقت من نسبة الناس الى موش بتلتزم وانت ساعتها تقدر تحكم ع الاسباب
وانا بقول كدة موش عشان انا معيد ولا حاجة الناس الى انت بتتكلم عليها دولا اساتذتى ودرسونى وعارف اذا كانوا بيلتزموا بالمواعيد ولا لا

وعلى فكرة موضوع انه لو المعيد اتأخر تلت ساعة الطلبة تمشى ولو طالب اتاخر 10 دقايق يتكتب غياب
انا طبقته مع دفعة رابعة باور الحاليه وهم فى تالتة السنة الى فاتت

وانت ممكن تسألهم عن النتيجة كانت ايه
الرجوع الى أعلى الصفحة اذهب الى الأسفل
Leave Me Alone
عضو بدرجة مهندس إستشارى
عضو بدرجة مهندس إستشارى
Leave Me Alone


عدد المساهمات : 2909
تاريخ التسجيل : 01/02/2009
العمر : 34
الموقع : Every Where
رقم العضوية : 1981
Upload Photos : كليتنا والالتزام بالوقت - صفحة 2 Upload
كليتنا والالتزام بالوقت - صفحة 2 3341a3a

كليتنا والالتزام بالوقت - صفحة 2 Empty
مُساهمةموضوع: رد: كليتنا والالتزام بالوقت   كليتنا والالتزام بالوقت - صفحة 2 I_icon_minitimeالخميس 28 يناير - 1:21

يا بشمهندسين حضراتكم برضه مش فاهمين وجهت نظرنا أحنا التأخير كان متكرر مش مره ومش معقول حنحاسب حد على تأخير مره أو أتنين أو حنحاسبه على ظروف خارجه عن أراادته لكن أحنا بنتكلم على التأخير المكرر

ع العموم اللى حضراتكم تشوفه هوا اللى حيمشى .

ويا بشمهندس محمد أحنا كمان مش طالبين التشدد ف التعامل من معيدينا معانا يعنى ياريت نكون فيه تعامل زى أخوات وعلى فكره أقول لحضرتك السنه دى البشمهندس أبو القاسم جرب معانا الموقف دا الله اعلم بقصد ولا من غير لكن أقسم بالله العلى العظيم لما حسينا أن البشمهندس أبو القاسم زى أخونا كلنا ألتزمنا الجد جد والهزار هزار والمواعيد كان أغلبنا منتظم معاه واللى مش منتظم مكنش بأرادة كان بيبقى لظروف دا حتى المنهج كلنا كنا بنذاكر عشان خاطره ع العموم اتمنى أن علاقتنا بكل معيدينا ودكاترنا زى علاقتنا بالمشهندس ابوالقاسم
الرجوع الى أعلى الصفحة اذهب الى الأسفل
mostafa ahmed
معيد بقسم كهرباء
معيد بقسم كهرباء



عدد المساهمات : 32
تاريخ التسجيل : 18/02/2008
العمر : 37
الموقع : كلية الهندسة
رقم العضوية : 604
Upload Photos : كليتنا والالتزام بالوقت - صفحة 2 Upload

كليتنا والالتزام بالوقت - صفحة 2 Empty
مُساهمةموضوع: رد: كليتنا والالتزام بالوقت   كليتنا والالتزام بالوقت - صفحة 2 I_icon_minitimeالخميس 28 يناير - 7:41

بسم الله الرحمن الرحيم
السلام عليكم ورحمه الله وبركاته
هو فى حاجه انا صدمت لما عرفتها انى فى طالب يفكر انى يقول كلام زى كده انى لما الدكتور يتاخر تلت ساعه باين تتلغى الماحضرة طيب مع احترمى الشديد ليك بقى انا هسالك شوية اساله ياريت تجوبنى عليها بكل سراحه
اولا هو انت بتبص على المحاضرة انى هو حاجه مفيده ليك ولا انك بتروح الحاضرة ده عشان بس بترضى حد ولا مجبر ولا ايه بالضبط؟
ثانيا هو ده يعتبر عقاب للدكتور يعنى انه اتاخر يبقى انت هتعايبه انى يلغى الحاضرة
انا شايف انه بالعكس ده انت بتكافئه انى بيتاخر مش بتعاقبه لانى الدكتور لما بيدخل المحاضرة كده بيوقف وقته على الماحاضرة لكن هو مهنه الاساسية انى يشتغل فى البحث العلمى بعد كده يدرس للطلبه البحث العلمى اللى هو ممكن يشتغل فيه فى الوقت اللى انت لغيت المحاضرة فيه ممكن يرفع من مكانتة العلمية لكن الماحضرة اللى حضرتك بتقول انها تتلغى ده بس بتوقف وقته على الماحضرة بدون استفاده علمية اطلاقا
انا شايف انى الاقتراح ده عقاب على الطاب كده انت بتزود العقاب عقبين
ثالثا تخيل انى الدكتور ديما جه متاخر بعد التلت ساعه اللى حضرتك بتقول عليها يبقى مش هتاخد محاضرة لاخر السنه يبقى مفيش ماده ولا ايه الحل
رابعا افترض انى الطالب حصلت له ظروف واتاخر بعد العشر دقايق دول بردوا يتغيب
انا بسراحه شايف انى الراى ده مش مضبوط
بس هو لاشك انى فى اعضاء هيئة تدريس لازم يبصوا على حته الوقت ده
معلش انا هرد على البشمهندس اللى بيقولوا انى صعب انى حد يلتزم بالوقت معلش يابمهندس لا احنا فى يدنا انى الناس كلها اولهم اعضاء هيئه التدريس الى الطلبة انها تلتزم بالوقت
اضرب مثال ايام الامتحنات ما كل الناس بتكون قبل معاده فى الكلية ولا يعنى السكاشن او الماحضرات بتحصل فيها ظروف والامتحانتات مبتحصلش فيها ظروف
ثانيا ما الدكتور لما بيطلع برة بيكون فى الدوله اللى بيحضر فيها الدكتوراة بتعته بيكون ملتزم فى الوقت فى الحضور ولا يعنى مصر فيها ان؟!!!!!!!
فمش عارف
بس اللى انا شايفه كل واحد لازم يصحح من نفسه الاول وانى الاسلام بيامر بالالتزام بالوقت لانى ده بيعتبر وعد وميثاق الواحد حاطه على نفسه
المياثق انى المعيد او الدكتور يعطى وقت السكشن بالكامل يبقى خلاص لازم ياجى فى ميعاده وبردوا الطالب لازم ياجى فى ميعاده على الاقل احتراما للى بيديك السكشن لانى عيب انى المعيد او الدكتور يدخل الاول وانتى تدخل بعدية وميكنش معاك عذر يعنى
ربنا يهدينا الى ما فيه الصواب
السلام عليكم ورحمه الله وبركاته
الرجوع الى أعلى الصفحة اذهب الى الأسفل
الحجازى
مهندس ممتاز
مهندس ممتاز



عدد المساهمات : 340
تاريخ التسجيل : 21/03/2008
العمر : 34
الموقع : IN THE HEART OF MY FRIENDS
رقم العضوية : 917
Upload Photos : كليتنا والالتزام بالوقت - صفحة 2 Upload
أهم مواضيعى : هيه دى هندسة اسوان

كليتنا والالتزام بالوقت - صفحة 2 Empty
مُساهمةموضوع: رد: كليتنا والالتزام بالوقت   كليتنا والالتزام بالوقت - صفحة 2 I_icon_minitimeالخميس 4 مارس - 7:51

اسف للانقطاع وذلك لظروف خاصه

ثم الشكر والتقدير لجميع من شارك برأيه فالموضوع من الاخوه المعيدين
بصفه خاصه والساده الزملاء بصفه عامه
ولكن اود لو تكرم بعض من معيدينا بقسم الهندسه المدنيه فى الادلاء بارائهم
ولهم منا كل الشكر والتقدير
ثانيا كل ما املكه من ردود مختلفه على الساده المعارضين والذين احترم وجهات نظرهم جميعا
وجدته بالفعل موجودا
وكذا اعجبتنى اراء الساده المعيدين فى الادلاء بحلولهم المختلفه وكذا من بداوا بتطبيق تلك الحلول
فلهم منا كل الاحترام والتبجيل
الرجوع الى أعلى الصفحة اذهب الى الأسفل
الجبلاوي
مهندس بيشارك كويس
مهندس بيشارك كويس
الجبلاوي


عدد المساهمات : 54
تاريخ التسجيل : 22/11/2007
العمر : 34
الموقع : يا اما هنا يا اما هناك انت وحظك
رقم العضوية : 293
Upload Photos : كليتنا والالتزام بالوقت - صفحة 2 Upload

كليتنا والالتزام بالوقت - صفحة 2 Empty
مُساهمةموضوع: رد: كليتنا والالتزام بالوقت   كليتنا والالتزام بالوقت - صفحة 2 I_icon_minitimeالخميس 1 أبريل - 22:35

بسم الله الرحمن الرحيم


تحدث زميللي الي موضوع خطير يفتقده كل شخص وطات قدماه كليه هندسه اسوان

اصبحنا نفتقد معايير وفن المحافظه علي الوقت علي الرغم اننا نتبني مشروع الجوده

بسب تفليدنا الغير مباشر للكبار (هيئه اعضاء التدريس الموقره) الا القليل منهم حتي لااحاسب امام الله

اظن ان الحل في هذه المشكله الخطيره تبدا اولا من اولي الامر في الكليه

اسالكم الدعاء
الرجوع الى أعلى الصفحة اذهب الى الأسفل
 
كليتنا والالتزام بالوقت
الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2
 مواضيع مماثلة
-
» تكملة الالتزام بالوقت للبشمهندس ادريس
» اطفى جهازك بالوقت اللى تحددة بدون برامج
» صور ملونة من كليتنا .
» الشاويش زناتي عميد كليتنا 1-3
» البيت بيتك.......يوميات من هندسة أبوالريييييييش......

صلاحيات هذا المنتدى:لاتستطيع الرد على المواضيع في هذا المنتدى
منتدى طلبة كلية الهندسه بأسوان :: أخبار الكلية :: إقــتراحــات لتطوير الكـلية-
انتقل الى: