التشفير بواسطة XOR او طريقة (Xor CryptoGraphy)

Xor

تعريف بسيط لل XOR

عند ادخال اى قيم متشابهة عند مدخلات A,B يكون الناتج =0
عند ادخال قيم غير متشابهة عند A,B يكون الناتج = 1 ( فى حالة ال binary فقط ) بمعنى (0 و 1 ) فقط

عن طريق جدول لل Inputs , Outputs تتضح الرؤيا

و من هنا يتضح ان كل عمليات ال Xor تعتمد فى الاساس على ال Binary

تعالوا نعرف ازاى بتتم عمليات التشفير

تعالوا نفرض رقمين مثلا 3 و 4 و نحولهم ل binary
3 = 011
4=100

تعالوا نعمل عليهم عملية xor
100
011
ـــــ
111
طبعا بعد المقارنة بالجدول يصبح الناتج هو 111 او = 7

تعالوا نقول ان دى عملية ال Encryption ورقمنا الاساسى هو 4 و نشفره برقم 3 حتتطلع الناتج 7

نكمل بقية الدرس
طبعا رقمنا اللى شفرناه هو 4 و طلع 7

تعالوا نعمل عملية Decryption

دلوقتى ناخد رقم 7 اللى = 111 ونعمله Xor مع رقم 3 اللى = 011

111
011
ـــــــ
100

طلع لنا رقم 4 اللى احنا شفرناه قبل كدا

طبعا خدنا بالنا بالنا ان الرقم 3 دا هو اللى شفرنا بيه قبل كدا يبقى دا رقمنا الثابت

اللى حنعمل بيه crypto graph

وممكن تختار اى رقم يعجبك تعمل بيه الموضوع دا

مثلا :

عاوزين نشفر حرف A
فى نص مثلا طبعا حرف A بياخد رقم Ascii = 65 او Binary =01000001
عاوزين نعمله encryption
نستخدم رقم 10 على سبيل المثال =00001010 بال binary
01000001
00001010
ــــــــــــــــــــــــــ

01001011
الناتج هنا طلع رقم 75 المكافئ لحرف (K)

دلوقتى احنا شفرنا حرف A وطلع K

طيب احنا عاوزين نرجع حرف A لحالته الاولى

ناخد الحرف اللى طلع اللى هو ال K اللى بيساوى 75 عشرى اللى بيساوى =01001011 binary
ونعمله Xor مع رقم 10 الثابت اللى بيساوى =00001010

01001011
00001010
ــــــــــــــــــــ
01000001

طلع لنا رقم A
طبعا فهمنا كدا لازمتها ايه العملية

و استخدامها اكتر مع الملفات فى تشفيرها

ملحوظة بسيطة
مفيش حد يفتكر ان عملية xor عملية جمع غلط طبعا لاننا عملنا نفس العملية على رقمين تانيين ومش بتكون جمع

ملخص بسيط للدرس

دلوقتى احنا عندنا اى داتا عاوزين نغير فى شكلها سواء كانت ملف او صورة او مجموعة حروف
ابسط طريقة للتشفير هيا Xor encryption

باستخدام رقم ثابت للعمليتين Enc-Decryption يسمى المفتاح او key
او الدليل

دى function توضح كلامى

الكود:

Function StrCrypto(VcryptString, lpKey As Integer) As String
Dim usam
Dim Xsam
For i = 1 To Len(VcryptString)
Xsam = Asc(Mid(VcryptString, i, 1)) Xor lpKey
usam = usam & Chr(Xsam)
Next i
StrCrypto = usam
End Function

تطبيق أخر

و الكود أهوه

و لتحميل المشروع [ندعوك للتسجيل في المنتدى أو التعريف بنفسك لمعاينة هذا الرابط]
مع مراعاة تغيير مسار الصورة في الكود

ملحوظة

الأمثلة كلها بالفيجوال بيزك

جزاك الله كل خير
شكرا على المجهود الأكثر من رأئع
أنت بصراحه متوصي بقسم كهرباء

شكراً جزيلاً يا قبطان

بعض ما عندكم في مدنى يا باشمهندس