شكر خاص للمعيدين

MASA_2010 كتب:

ياراجل . هوه انت احمد خالد ؟ طيب مش كنت تقلي ؟
بس بجد افكاركم جميلة وان كانت تدل فانما تدل علي ان فيكم عقول محتاجة اهتمام . وانا عن نفسي شايف ان موضوع المسابقة ده هيفيدكم جدا في مشاريع تخرجكم وفي عملكم فيما بعد .

اهم حاجة هيه روح التعاون والعمل كفريق واحد يكمل بعضه . دي للاسف ميزة مهمة مش موجودة في ناس كتير وللاسف ممكن بتكون سبب في فشلهم .

ربنا يوفقكم وانا سعدت جدا بلقائكم وخاصة المهندسين طلاب اولي كهربا لاني لمست فيهم حب التعلم وسعدت جدا بعد حديثي معاهم . بجد ربنا يوفقكم .

أه أنا أحمد خالد أنا كنت فاكرك عارف يا بشمهندس



وشكرا يا بشمهندس على كلامك الحلو ف حقنا

بس مفيش كلمتين حلوين على بتوع تانيه مدنى

ولا عشاان كهربا ف بعض بقا

اقتباس :

ولا عشاان كهربا ف بعض بقا

مش دي القصة يا احمد , بس عشان دار مابني وبينهم حديث بعيد عن مسابقتكم .

MASA_2010 كتب:

اقتباس :

ولا عشاان كهربا ف بعض بقا

مش دي القصة يا احمد , بس عشان دار مابني وبينهم حديث بعيد عن مسابقتكم .

أممممممممممممممممممممممممم

بس على فكره يا بشمهندس بالفعل دفعة أولى كهربا السنه دى بسم الله ما شاء الله عليهم

A.ELDOWY كتب:

علي فكرة يا احمد

طلبة اولي كهربة اللي البشمهندس بيتكلم عليهم

من المجموعة بتاعتي بلا فخر

طبعا مجموعتكم مفهاش ................


ههههههههههههههههههههههههه

انا بهزر طبعا
وفعلا المعيدين ادونا روح معنوية هايلة

اما بخصوص كلام عن ثانية مدني

احنا مسمعين يا ابو خالد ههههههههههه

والسمعة اللي طالعة علينا زي الجينيه ..... قول الدهب

هههههههههههههه
اما اولي كهربا لسه محدش عرفها

طبعا مجموعتك يا ضوى مجموعه محترمه ومش حقدر أتكلم عليها

أما بخصوص الدفعه فأحنا بالفعل سمعتنا زى الجنيه الدهب

السلام عليكم ورحمه الله وبركاته
ده طبعا كان واجب على كل الناس فى الكلية انى ياجوا ويشاركوا الطلبه اللى بيرفعوا اسم الكلية كفاية انى الناس يقولوا انى كلية هندسة اسوان شاركت فى مسابقة كورد ويكون فى علمكم بردوا انى طلبه رابعه مشاركه فى مسابقة عملها سيمنز هما مسبقتيين منهم مسابقة البشمهندس محمود عبد الوهاب مسكها والمسابقة التانية انا اللى مسكها والدكتور المشرف بتعها هو الدكتور مصطفى درديرى وان شاء الله احتمال يعملوا لينا سيمنار فى القاهرة يعلمونا الموضوع ده كلنا لانى الموضوع ده نادر فى مصر بس مهم جدا وشيق جدا
المهم نرجع لموضوعنا اللى فعلا معجب بيه انى انا فى الاول كنت متخيل انى طلبه كهربة بس هما اللى هيشاركوا وكمان طلبه رابعه وتالته بس للاسف لقيت العكس انى طلبه كتير من مدنى كمان فى من عمارة وكمان اغلبهم ان كان كلهم من تانية وقليل جدا من تالته وللاسف الشديد انى ملقتش اى حد من رابعه
عموما ربنا يوفق الجميع
بس لى كلمه اخيرة كله ده واهم حاجه انى مياثرش على مذكرتكم
وربنا المعيين

السلام عليكم ورحمة الله وبركاته
بصفه عامه بشكر جميع المعيدين وخاصة اللي جم ومرو علينا وشافونا بنعمل ايه بجد حسينا بدعم جامد وحسينا ان احنا بنعمل حاجه وبجد ان شاء الله هنرفع كليتنا لفوق وانا بحلم بان منكتفيش بالكورد بس ونكمل مشوارنا للاخر لانه لسه مخلصش ومانساش حلمنا الاول اللي هو مسابقه روبوكون واظن بعد اللي عملناه وبنعمله محدش هيقولي مستحيل او انتي بتحلمي طب ليه ماحلمش مادم بلاقي اللي يشاركني حلمي ويحققوا معايا
وفي النهايه بتمنى الفرق المشتركه بصفه عامه وفريقنا طبعا بصفه خاصه انهم يقدموا حاجات جامده تخلع لها القبعات وتجحظ لها العينان وشعارنا في المسابقه
شباب هندسة اسوان شباب يحترف النصر 

اكيد زى ما قال زمايلى حابة اشكر معيدينا الى شرفونا احنا و شغالين و بجد حضورهم اسعدنا جدا و رفع من روحنا المعنوية و ياريت ما يحرومناش من زيارتهم الجميلة بجد ابدوا اهتمام بالى احنا بنعمله و استعدادهم لمساعدتنا ف اى حاجة فجزاهم الله كل الخير و الى بتمناه من قلبى بجد ان كل الفرق تعمل حاجة مشرفة و زى ما فالت سارة انه طموحنا كبير ف الموضوع ده و ربنا يوفقنا بإذن الله