يا تري تعمل ايه لو طلعلك فار...لأ وكمان في المدرج ...

يا تري تعمل ايه لو طلعلك فار...لأ وكمان في المدرج ... !

الإمتحانات قربت يا جماعه ... والمحاضره بقت ساعتين بدل ساعه ...

وكلنا طبعا لازم نحضر ... ولو محضرناش الدكتور ممكن يزعل ... واحنا علي زعله ما بنقدر (والله وبقيت تتكلم شامي يا ليكو ) ...

المهم ... دخلت المدرج وكله تمام ... والمرادي انا ضامن أقعد قدام ...

أصلي لسه متصاحب علي واحده انما ايه ... آخر تمام وفل عليه

(كمان بتقول فل عليه - دحنا وصلنا اوي وناقصك تقول قشطه و جبت جاز ورامي ودانك عندنا - عموما انت حطيت لسانك علي اول الطريق )

صحيح هيه حلوه ... وفي المذاكره زي معظم البنات أكبر بلوه ... لكن طبعا مخادتش في إيدي ربع غلوه (خدو بالكم دي كنايه عن الجاذبيه الشديده )

المهم اتصاحبنا وكله تمام ... وفكل المحاضرات بقيت أقعد قدام ...

وفمعاد محاضرة الفيسيولوجي - دخلت وأنا شايل كيسه ... فيها 3 علب عصير وقلم من غير لبيسه

طبيعي العصير مكنش ليا ... لإن الولاد مبيشربوش الحاجات الخٍطره ديّه

كان لصاحبتنا اياها ... وكمان لزمايلها اللي معاها ... وسبحان الله فربع دقيقه الأربعه جنيه ونص اتشفطوا زي ميكونوا مشربوش عصير من أيام مكانوا بيزرعوا ( البوتون ساليه ) ؟!

وكان قاعد جنبي ولد علي شعل حره دايل ... باين عليه مدخنه وتخصص حرق سجاير

( وكمان بتبوظ اللغه شكلي هبلغ فيك المعجم ... اسمها علي حل شعره يا توكتور )

المهم الواد كان قاعد معاه بنت من الآخر

البنوته دي كانت لابسه بودي ومسيبه شعرها ... تشوفها تقول الشحروره في عزها

بصيت قدامي وقلت كفايه سيئات ... وشفت حتة منظر كرهني في كل البنات

بنت شبه طريق اسيوط الزراعي الصحراوي ... وربنا يكفينا ويكفيكم شر البلاوي

فاتحه قدامها أربع كتب وكشكولين ... ومعاها بدل النضاره نضارتين (فين النضاره يا واد يا ليكو )

معرفش هيه كانت بتذاكر ولا بتحضر ماجيستير ،

وقولت لنفسي بطلي تفكير ... هيه تلاقيها طالعه الأولي ، وأنا بلا فخر الأخير

ونجاني من المنظر ده الأخ اللي كان قاعد علي يميني ... قالي معاك ولاعه ، قلتله كان علي عيني

بعديها لقيننا الدكتور دخل ... المدرج كله سكت قلت ايه اللي حصل ؟!

لف ناحية الصبور وابتدي الحوار ... وقال النهارده يا جماعه هنشرح تركيب انسجة (الفار)

وقف عالصبوره وقعد يكتب كلمتين ... وأنا قاعد بفكر يا تري أبعت مسد لمين

(يا مسداتك يا واد يا ليكو ... بس يا تري جبت الرصيد ده منين ؟! )

فتحت البلو توووث وعملت سيرش ... لقيت موبايل اسمه درش

وقلت يا ربي يعني حظي كل مره يقع في ولد ... يعني هما البنات خلصو خلاص من البلد

قلت أرن عليه قبل محد ياخد باله ... موبايله رن أغنية وماله

الدكتور صمم يعرف موبايل مين اللي رن ... ووقف الشيطان علي دماغي وقعد يزن

عملت نفسي رامبو وقلتله علي صاحب الموبايل ... وقال لدرش اقف ، وكان بجد شكله ستايل

الدكتور شكرني وقال لدرش اطلع بره ... والولد يا عين الماما بتاعة الهوه طلع وهوه ساكت ... وفجأه الدفعه كلها هاجت

مش معقول يكونوا هيعملو صوره عشان درش (هيه يا تري ثوره بالسين ولا بالصاد ) ... لا لا أكيد حصل في لبس

البشر بيجرو ناحية الباب ... البنات بيصوتوا ... والدكتور واقف مبتسم وكنت عاوز أموتوا

قلت أكيد في زلزال ... نزلت تحت المدرج وحطيت فوق راسي شال

لقيت حاجه جايه ناحيتي ... صوت وقلت يا لهوتي

فار رجليه زي رجلين فاندام ... ووشه مكعبر من قدام

عنيه مدوره زي عنين البومه ... كان عمال يبصلي ونظراته موش مفهومه

استشهدت وقلت لا اله الا الله ... ودعيت عالدكتور وقلت منه لله

مش لاقي غير الفار ويشرح تركيب أنسجته ... لو كان شرح صرصار كان زماني بنجته

الراجل ده مش عارف ان الفران بتيجي عالسيره ... يا اخواننا حدي ييجي ويشوفلي تدبيره

لكن واضح ان الفار ده ابن ناس ومتربي عالعز وعرف اني( لو جريت هتعبه )... وبعدين مش معقول واحد مشغّت زيي هيعجبه

خدها من قاصيرها وعمل مارشيدير ... وانا أخدت نفس طويل وكنت حاسس انه الأخير

وافتكرت حكمه قالها ليكوريكا الكبير ( ياللي بتبعت مسدات وجاي علشان تهرج ... فادوك بايه البنات لما الفار طلعلك في المدرج )

يا رب تعجبكم
منقول

موضوع حلو جدا يا حبار بتفكرني بيوم مطلعلي فار ليلة الامتحان ده كانت ليلة سودة علي الفارو ده موضوع تاني نكلم فيه بعدين شكرا

زائر

موضوع جميل جدا ياقبطان
بصراااااااااااااحة روعة واعجبنى كثيراااااااااااااااااااااااا
شكررررررررررررررررررررررررررررا

هههههههههههههههه
كلام جميل
كلام معقول
مقدرش اقول حاجه عنه
وشكرا

شكرا على مروركم
وردودكم الجميله
ويا ريت اكون عند حسن ظنكم
الفبطان

عقبال مايطلعلك كيبورد ياعم وعلى البكالوريوس تكون كملة جهاز كمبيوتر

موضوع لذيذ وجميل

موضوع جميل يا باشا

بس عايز اسالك سؤال
لو ماكنش الفار جرى وقعد يبحلقلك كتيييييييييييييييييير
كنت هاتعمل ايه
وخلى بالك انته جنبك موزز ولا ايه

على فكره القصه دى منقوله وعلى العموم انا هأجاوب برده.

اقتباس :

مش عارف وقت سا عتها كنت هأعمل أيه بس أكيد كان ممكن أعمل فيه حاجات كتير ما ينفعش أقولها دا انا كنت هأطلع عينه وعلى فكره انا بأفرح لما بلاقى فار أصل صاحبك كييف صيد وتعذيب فئران.

اقتباس :

وخلى بالك انته جنبك موزز ولا ايه

يا عم على فكره أنت فى اسوان لازم تشيل الكلام ده من دماغك خالص ولا أنت شاكلك واخد فكره غلط خالص.