نفسي ابقى رئيس مدينة !!!

نفسي ابقى رئيس مدينة-اي مدينة- في مصر لمدة شهر واحد
مش عايز ابقى محافظ ولا وزير....مجرد رئيس مدينة...ومش عايز اقعد ع الكرسي مدى الحياة ولا حتى سنة او اثنين....مش عايز اكثر من شهر
شهر واحد رئيسا لأي مدينة مصرية سيكون كافيا جدا لتطبيق ما احلم به لأي مدينة في مصر وما اراه بديهيا وسهل التطبيق....وما اراه غريبا جدا الا يكون موجودا في الواقع

هو ليه مفيش رئيس مدينة بيأخد بعضه وينزل يلف في الشوارع يشوف مشاكلها بل مأسيها....دة انت شغلتك رئيس مدينة...يعني الشوارع هي شغلك الشاغل

ليه اي رئيس مدينة-مجرد رئيس مدينة- بيمارس عمله من مكتبه المكيف ؟اذا كانت مهام وظيفته هي الشـــــــارع؟
ليه رؤساء المدن ما بيشوفوش اكوام الزبالة اللي مالية كل الشوارع المصرية بلا استثناء؟
ليه مفيش رئيس مدينة اخد باله قبل كدة من المطبات والحفر و النقر اللي مالية شوارعنا؟
ليه كل واجهات العمارات والمباني في مدننا المصرية قذرة ومتربة وغير متناسقة وربما بالطوب الأحمر؟
ليه اي حد من حقه انه يقفل الشارع بالرمل والزلط لمجرد انه بيبني...وليذهب المارة للجحيم؟
ليه في كل انتخابات من حق اي حد انه يلصق دعايته في اي مكان ولتبقى بعد الانتخابات شاهدة على التخلف و التلوث البصري اللي احنا بنعيش فيه؟
ليه مفيش ولا رئيس مدينة في مصر قال لا للتشوه المعماري والتلوث البصري اللي كل مدن مصر بتعاني منه بلا استثناء؟

ليه رئيس المدينة-اي مدينة- مش معروف لعامة الناس؟ليه عايش في برج عاجي رغم ان وظيفته شعبية تتطلب الحياة وسط الجماهير ومتابعة مشاكلها والعمل على حلها؟
اتحدى اي حد انه يكون عارف اسم رئيس مدينته على الرغم الراجل دة المفروض انه مسئول عن كل ما يتعلف بمسكنك وشارعك ومرافقك الحيوية؟

ليه الفساد في المحليات للركب....ليه مفيش رادع للفساد دة؟
ليه معظم رؤساء المدن ورؤساء الأحياء في مصر عسكريون سابقون؟ هل هو منصب تكريمي لمن بلغوا سن التقاعد؟
واذا كانت تجربة العسكريين في المحليات قد اوصلت مدننا لهذه الدرجة من الفساد وانعدام الذوق يبقى ليه مصممين على تعيينهم؟

هو ليه مفيش حد بيحاسب حد؟؟؟
هي الناس دي مبسوطة بالفوضى والفساد والتخلف والزبالة اللي شوارعنا غرقانة فيها؟
في حاجة غلط اكيد !!!

أذا كان على كدا دى حاجه بسيطه شوف نسبة التعليم اللى نزلت الارض!!!
ولا مواسير الصرف اللى دخلت فى مواسير الميه!!!
ولا ولا ولا أقولك أيه ولا أيه .
فين أيام سيدنا عمرو بن الخطاب؟؟؟
وهل كل واحد من أصحاب المناصب بيراعى ربنا فى عمله؟؟؟
وعلى الفكره الفساد ضرب مصر فى كل مكان وكل منصب ؟؟؟
موضوع رائع

» اختبار نفسي للكشف عن فهم كل من طبيعة المرأة و الرجل
» صور من مدينة غزه!!!!
» كان نفسي أطلع عربجي !!
» حوار بين صحفي ودكتور نفسي
» انواع الزملكاويه..تحليل نفسي..