بدون كسوف

بدون كسوف

كلام جد شويه وليه اهميه كبيره معانا لانه بيناقش موضوع عقلانى وفى غاية الاهميه

موضوعنا او نقاشنا حيكون عن الحياة بعد فترة التخرج من كلية الهندسة

يا ترى حتكون حياه مفيده ولا مش مهم نفكر فيها!!!!؟؟

من وجهة نظرى لابد ان احنا نفكر فيها من دلوقتى ...

احنا بناخد خمس سنين فى الكلية يعنى مدة كبيره شويه اعتقد فتره بيتغير

فيها الزمن وبتتبدل اجيال وتتسطر تواريخ جديده & يعنى فى كليتنا اقسام

كتيره وفى غاية التميز والتقدم وكل قسم من دول له اهميه....بس يا ترى

اهمية كل قسم والطلب عليه بتفضل متشابهه زى كل سنه ؟؟............

مفتكرش اعتقد انها لازم تتغير مش ضرورى كل سنه لا ممكن كل سنتين

او تلاته ان يكن العدد من السنين بس المهم انها بتتغير ..

يبقى كدا لازم نفكر فى كل خطوه احنا بناخدها فى حياتنا لازم نحسبها

صح علشان نلاقيها صح & يعنى كل واحد مننا لازم يفكر بداية من قسم

التخصص يعنى البشمهندس مياخدش الموضوع ان الناس معظمهم بيدخلوا

القسم "الفلانى" لانه هو اللى شغال فى الوقت الحالى ...

زى مقلت ان الطلب بيتغير اكيد,جربنا كتير الحيره فى دخول قسم التخصص

انا عن نفسى كنت محتار كتير بس فكرت قبل ماخد اى خطوه صحيح انى

ممكن اجى فى وقت معين احس بندم انى دخلت القسم دا لكن هو دا الحال

مفيش طبعا قسم سهل كله قسم وصعوبته.....

مش حطرح فكره واحده فى اختيار القسم لكن حطرح اكتر من فكره ....

1-لسهولة القسم 2-الشغل والطلب على القسم

3-محصلة العلم فى القسم 4-المواد المميزه للقسم

وافكار تانيه كتير بس اعتقد ان الافكار اللى فاتت فى منها الكويس وفى الغير

جيد!!!!!!!

التفكير مبينتهيش لغاية اختيار القسم لا لازم نفكر فى حياتنا بعد التخرج,,,

احنا مهندسين يعنى الطبقه الاولى فى العالم من حيث العقليه الجيده.....

اعتقد ان كل واحد مصيره غى ايده فينا اللى يقدر يخليه متميز وفى اللى

مصيره هو اللى حياخده فى طريقه...

فى النهايه لازم نفكر كويس... flower2

كلامك صح طبعا يا بشمهندس وده الغلط اللى بيقع فيه كتير من الشباب انهم بيستنو لحد التخرج وبعدين يبتدو يفكرو هيعملو ايه وبعدين يلاقو السنين بتعدى وبتمر وهم لسه مش عارفين طريقهم وده فى غاية الخطوره لان الشباب ده هو المستقبل كله
وانا فى راى ان الشباب المفروض انهم اول ما يخلصو التعليم الثانوى يبتدو يفكرو فى اى عمل مهما كان المهم انهم يحسو بالمسؤليه ويحتكو بالمجتمع والناس ويعرفو كل حاجه لان الجامعه مهما كانت ومهما كان خريج ايه مش بتعلم كل حاجه لازم الخبرات المكتسبه من الحياه الخارجيه وبعد كده يجى دور اختيار الكليه والقسم وبالنسبالنا احنا عشان فى هندسه فاختيار القسم ضرورى جدا يكون عن ميول شخصيه حتى لو هو شايف ان ملوش طلب فى العمل ولا حاجه لان زى ما قلت يا بشمهندس ان العرض والطلب بيتغير كل فتره فمحدش ضامن الظروف ايه وعشان كده لو الواحد درس الحاجه اللى بيحبها هينجح فيها وهيدى فيها كويس
وفى نقطه تانيه مهمه اوى ان بعد التخرج محدش يقعد حاطط ايده على خده مستنى انه يشتغل فى مجال دراسته وغير كده لا !!!!!!!!!! المفروض ان الشباب يشتغل ويجتهد ويعمل فى اى مجال لحد لما ربنا يسهل ويلاقى مجاله وبكده هيكون كسب من كل ناحيه
شكرا ليك يا بشمهندش على فتح المجال فى نقاش موضوع مهم زى ده وربنا يكرمنا كلنا ويهدى الشباب

السلام عليكم

الموضوع جميل ياريت يكون كل الطلبة رأيهم فى الكليه والدراسة والأقسام زيك كده
ويكون تفكيرهم معتدل وناتج عن تحليل مش عن تهويل من بعض الناس اللى بيقابلونا فى الكلية
فعلا الرغبات لازم تكون متغيرة وأولا وأخيرا الموضوع كله نصيب
يعنى قبل ما تقبل على فعل أى شئ او اى اختيارفى حياتك صلى صلاة استخارة واستخير ربك
وفكر تفكير منطقى شوف قدراتك وميولك والظروف اللى حواليك
وأحب ابشرك مفيش مهندس بيقعد فى البيت وما بيشتغلش إلا اللى عايز كده
زى ما قال الزميل مش فاكر اسمه مين يقعد حاطط ايده على خده ومستنى لحد ما حد يخبط على باب بيته
ويقوله تعالى اشتغل ده طبعا عمره ما يحصل
وأذكرك ونفسى بقول الله تعالى :
"وامشوا فى مناكبها وكلوا من رزقه"
صدق الله العظيم.

» كسوف للشمس في مصر
» يوم الجمعة أطول كسوف حلقي للشمس خلال ألف عام
» معهد الفلك يتابع أطول كسوف حلقي للشمس في الألفية الثالثة.. والسبت غرة شهر صفر
» عن المكياج
» بدون تفكير!!!!!!!!!!!!!!