حفل التكريم وتنصيب الاتحاد بكلية الهندسه ما بين "اركب الحنتور" و "يا عم رقصنى"

كلنا عارف حفلات التكريم وتنصيب الاتحاد اللى بتقام كل سنه فى الكليه ودى حاجات جميله ومشجعه للطلبه على التفوق والابداع والمشاركه فى جميع المجالات ولكن هل اللى بيحصل فى الحفلات دى يليق بكلية الهندسة؟؟؟؟؟؟؟؟؟
او يليق بمنظر الكلية العام او منظرنا احنا كمهندسين؟؟؟؟؟؟
طبعا الكل بيسأل تقصد ايه من اللى بيحصل ف الحفلات دى؟انا اقصد من دى جى واغانى حاجات مشابهة
واعتقد ان اللى بيحضر الحفله دى بيشوف اللى بيكون فيها؟؟؟؟
انا عايز اسأل سؤال
لما واحد مواطن عادى من الشارع يعدى من جنب الكليه والحفلة تكون شغاله ويسمع "اركب الحنتور" ايه هيكون رد فعله ؟؟؟؟؟؟؟؟؟؟ معتقدش انه هيتحنتر مع الناس اللى ف الحفله!!!!!!!!
يا خوانا اللى بيحصل فى الحفله ويتقدم من اغانى دا مهزله
انا بعترض على الاغانى لانها ليست ذات قيمة دى بالعكس بتشوه الحفله
"دا ميمنعش ان فى فقرات كتير بتكون جميله .......انا بتكلم على الاغانى"
ليه يا خوانا الحفله دى متتعملش بمظهر مشرف للكليه ولينا احنا كمهندسين
معرقش الكلام دا مسؤلية مين بس اعتقد انه مسؤلية اتحاد الطلبه لان الاتحاد هو اللى بينظم الحفلات دى
يا رب السنادى ميكنش زى كل سنه ونعمل حاجه تشرفنا قدام نفسنا وقدام الناس
تشرفنا ........مش تركبنا الحنتور..............

درقن درقن...
ههههههههههههههههه

بس ياخي والله الواحد بيتبسط جدا فالحفله ..
وهما مش قصدهم يعني كده..
انما هما يعني بيحاولوا يعملوا شكل جميل للحفله..
وعلي فكرة انا حضرت الحفله اللي فاتت ولا كان في حنطور ولا يحزنون..
والاغاني كانت بتشتغل بس مقاطع منها في الفواصل وبس...
لملأ الفاصل يعني..
ومفيش اي حاجه من اللي بتقولها..
ومش عارف بصراحه..يمكن انتا سمعت حاجه...
الله اعلم..
بس انا عارف طبعا انك قلبك عالكليه وعاوز تطوير..
وفكرتك حلوة بس ياخي انا مش شايف انه الحفل بيكون وحش..
بالعكس الحفل والله السنه اللي فاتت كان هاااااااااايل..
وانا بصراحه الوحيد اللي حضرته من الحفلات التانيه...
بس الاخير كان هايل جدا ومشرف بدرجه كبيره..
ومتشكرين لرأيك...ولمحاوله تطويرك...

تم التعديل بواسطة جوست

اقتباس :: يرجي التحدث بأحترام عن الأخوه الزملاء في الكليه ,,, ولوعند حضرتك رأئ شخصي في شخص ما ,,, ياتعبر عنه بأحترام وتهذيب ,,, ياتحتفظ بيه لنفسك ,,, ويرجي التحدث بموضوعيه ,, وعدم السخريه أو الازدرداء

تم التعديل بواسطة جوست

اقتباس :: تم تعديل الرد المقتبس ,,,, وأكرر

يرجي التحدث بموضوعيه ,, وعدم السخريه

وأحنا كلنا مهندسين زي بعض ,,, فعييب الكلام ده

الى ترب غلا بالله
على فكره انا مش عارفه الكلام اليه انت كتبه على بنات كليتنا ولا ايه لانى كل البنات ما شاء الله عليهم بيلبسوا محترم جدا جدا وكليتنا من اكتر الكليات فى اسوان اليه فيها بنات ملتزمه فى البس والاخلاق وبصراحه انا مشفتش حد لبس زى ما انت بتقول نهائى عندنا انا معاك طبعا انى البنت لازم تكون ملتزمه فى لبسها وتصرفاتها اولا بس مش معنى انى واحده لبسه حاجه مش كويسه نحكم عليها حكم مش كويس ونقول انها داخله تتجوز والكلام ده محدش فينا يعرف نوايا الناس الا الله ياريت تعيد تفكير فى كلامك
وبخصوص الحفله انا معرفش بصراحه ايه اليه حصل فيها لانى مش بحضر حفلات ولكن بخصوص الاغانى فهى اصلا حرااااااااااام سواء ما يحتوى على كلمات بيئه او يحتوى على كلمات راقيه كله على بعضه حرام وياريت يبطلوها فى الحفلات اصلا

الأخوه المهندسين

,,, الموضوع يتحدث عن أن حفلات الأتحاد لابد من أن تعبّر عن الكليه ,,, وأن تتسم بالجديه

وأن تكون أكثر من مجرد D.J ,,, أو افيهات وأسكتشات ,,, (ضاحكه)

فمن لديه رأي حول هذا الصدد فليتفضل ,,, وأما من لديه أي تعليق أخر حول أشخاص بعينهم أو حول نقطة ما خارج الموضوع

فمع أحترامي ,,, سيتم حذف أي رد خارج عن هدف الموضوع ,,,, وحتي لايتعرض الموضوع للغلق ,, تجنبا لأثارة المشاكل

عموما ,, أشكر المهندس brave_engineer علي الموضوع ,,, وحضرتك طبعا ليك حق أنك تطرح وجهة نظرك ,,, لكن أتمني من الأخرين أنهم يتفهموا ده ,, ويساعدوك ويبنو معاك,,, مش العكس !!

اتمني تكون وجهة نظري وضحت ,,, والله الموفق

يابشمهندس اسماعيل البشمهندس غلا ترب الله غلط في ناس محترمين جدا..
ووجه كلامه لبشمهندسه محترمه ومش ينفع يتقال عليها كده..
الكلام ده عيب ياجماعه..
ووجه كلام علي بشمهنسات الكليه مش ينفع حتي انه يتكتب..
عيب ياجماعه..
احنا الحمد لله من اكثرالكليات احتراما..وعيب كده..
وكويس اللي حزفت الكلام ده يااسماعيل....
لاحسن لو كان حد دخل وشافه كنا هنتفضح..
يللا بقي..
شكرا يابشمهندس اسماعيل..

يتم غلق الموضوع لحين اصدار الاداره قرار فيما حدث

السلام عليكم ورحمة الله وبركاته

الأخ المهندس ترب غلا بالله

بخصوص كلامك اللى بتقول عليه رأى ونقد غرضه الإصلاح ومن الدين كما تقول التشهير حسب

الحال وكلام كتير جدا جدا صدر من حضرتك.

المهم المنتدى كما قولت ويقال وأقول منبر للحريات والرأى والرأى الآخر إنما اللى بتقوله ده

حضرتك يصل إلى حد التجريح وبتستخدم كلام فلسفى مش دينى علشان تاخده سبب للى بتقوله

ده لأن مفيش حجه أو دين أو نظرية تؤيد إنك تتكلم عن طالبة زميلتك سواء بتلبس وحش ولا

حلو ولا أى شىء بالطريقة المنفرة دى اللى تجعل الناظر أو القارىء يشعر بأننا فى مكان

إنعدمت فيه الأخلاق أو تجردت فيه الفتيات من رداء الدين وغيره من الأخلاق وده مش صحيح

لأن كلية هندسة وخصوصا أسوان فيها ما شاء الله رصيد يؤخذ كمؤنة فى الأخلاق والدين

بالإضافة إلى أنهن يضرب بهم المثل فى أى محفل أو مكان لأنهن يستحقون ذلك ولو وجد

بعض الحالات الفردية أو القليلة من غير ذلك فأعتقد إنه مش حضرتك أو أنا أو أى حد

يكلمهم بالطريقة دى والنصيحة أو النقد ميبقاش بالطريقة دى أو المنظر ده لأن دى بنت

والبنت سمعة وكلام ممكن يتقال فأعتقد مفيش لا عرف ولا دين ولا أى شىء يؤيد نقد بنت

على الملأ بالطريقة دى أو أى بنت عموما لذلك طريقتك للحديث عن زميلتك حتى ولو كانت

مخطأه ميبقاش بالطريقة دى ولو عاوز تنصح أفتح مواضيع مثلا بالبنات المتبرجة والكلام ده

أو أى نقيصة تحتاج موضوع والناس دى هتقرى وتبتدى تطبق أو مطبقش برضو لأن ربنا

قال للنبى عليه الصلاة والسلام إنك لا تهدى من أحببت ولكن الله يهدى من يشاء وطبعا

النبى عليه الصلاة والسلام هو أكمل البشر أجمعهم قالوا الكلام ده ربنا فما بالك أنت ؟!!

ثانيا بخصوص الحفلة بتاعة التنصيب سواء كان فيها أغانى أو حنتور أو أى وسيلة مواصلات

الكلام ده بيحصل من يوم ما زرعوا الكلية فى الحتة دى وسواء كان اللى بيتعمل صح ولا

غلط فده تقليد أو عادة أو شكل بينفذ سنويا فلو كان غلط ليه حضرتك ما حاولتش تتدخل

أو تشكو للإدارة أو تكون أنت المشرف على الحفل حتى يخرج فى رداء يرضيك أو بالقيم

التى تريدها أنت بالإضافة إلى أن نقدك لأشخاص بأعينهم قد غادروا كليتنا شىء مش محبب

وأنا أقصد التفصيل فى النقد وتجسيم الخطأ بالظبط زى اللى بيوصف مثلا سلة قمامة وبيقول

فيها حاجات ميتة وفيها حاجات مستهكلة وذات رائحة مش كويسة !!!

بدلا من هذا الوصف التفصيلى قول مش عاجبانى أو أريد تنفيذ الحفلة القادمة على عينى وهذا

هو البرنامج بتاعها وتفصلنا رؤيتك للحل مش نفضل ننقد فى الأخوه الزملاء نقد يجرحهم

وكلام ممكن يؤخذ كناحية شخصية منك لأنك لسه جديد فى المنتدى وبدأت بالكلام ده ومحدش

برضو يعرفك ، وأنا مش بقول غلطوا أو أصابوا وبحكم بكدهبس بتكلم فى اللى مفروض

يحصل من طريقة كلام وأسلوب حوار يجعل القارىء يفهم أصل المشكلة وحلها مش مجرد

تبّكيت وخلافه لأن الناس دى خلاص مشت واللى قبلهم برضو واللى قبلهم برضو فمش

هننصب المشانق للناس ونحكم عليهم بالأشغال الشاقة والإعدام لأنهم طلبة زينا وإحنا زيهم.

أخيرا يا أخى مفيش حد كامل تماما علشان يقدر ينقدنا كما تنقد ولو قولتلى كمان مقولة "لو منع

المخطؤن من النصحية لما نصح أحدٌ أحد على أساس الناصح بيخطأ "هقولك لأ برضو لازم

الناصح أو الناقد يتحلى بذكاء النصيحة وبلاغة الحوار وتحديد الهدف والحل مش يخسر

القضية بتجريح الناس كلها بهذا المنظر !!

يتم إيقاف الأخ المهندس ترب غلا الله لمدة 48 ساعة مع وعد بعدم معاودة الكرة بهذه الطريقة

والتحدث بطريقة أفضل من ذلك.

وشكرا للبشمهندس محمد عمر على كلامه الطيب فى حق المنتدى وطلبه مرفوض لأنه جزء

لا يتجزأ من هذا المنتدى والكلية كمان.

والله الموفق

» الاتحاد الاوربي يجري قرعة كاس الاتحاد ومواجهات صعبة في الدور الاول " القرعة كاملة "
» تنبيه هام لكل أعضاء الاتحاد " أرجو الدخول".
» هام لطلبة وطالبات الهندسه المعماريه "معايير التصميم وشروط البناء"
» حوار المطورين _ """" شارك """ لغات البرمجة """ برأيك "" _ دعوة الى مبرمجى المنتدى
» تعلن شركة جيليكوم عن بداية كورساتها اليوم بفرع الشركه بكلية الهندسه بأسوان