سؤال لكل بنت هل ممكن ترتبطي بشاب أصغر منك في السن.. وعلى الجانب الاخر لكل ولد هل ممكن ترتبط ببنت أكبر منك؟؟؟( مدمج )

السلام عليكم

حقيقة هذا السؤال يراودني دوما

... لماذا ؟!

لماذا الفتاة كثيرا ما يكون طلبها في فارس أحلامها أن يكبرها بسن معين ؟!

لماذا الرجل لا يقبل بامرأة كزوجة له أكبر منه سنا ؟!

هل يا ترى اذا كان الرجل أصغر من المرأة سنا ... سينقص هذا من واجباتهم في الحياة الزوجية ؟

الرسول عليه الصلاة والسلام تزوج السيدة خديجة رضي الله عليها

وكان أصغر منها بكثير ... وكان يحبها حبا لا مثيل له

اذا ... هل يا ترى من الممكن أن يتزوج الرجل من امرأة أصغر منه سنا ؟!

واذا أمكن هذا ... كم سيكون أقصي حد لفرق السن يا ترى ؟

أثبتت الأبحاث العلمية بأن المرأة بعد الأربعين تظهر أكبر من الرجل ب 6 سنوات

وأن فرق السن بين الرجل والمرأة كلما كان كبيرا ( الرجل أكبر ) كلما ساعد في انجاب أطفال كثر

هل ينقص من وضع الرجل وكرامتة ان يتزوج بفتاة اكبر منه سنا ؟

وهل يوافق الاهل بسهولة على هذا الموضوع ؟

هل تقبل البنت ان تتزوج شابا اصغر منها؟

ترى ماهي العقبات التي قد تواجه شابا تزوج من امرأة اكبر منه سنا ؟

من رأيكم : وماهو الفرق السنى المناسب بين الزوجين ؟

أنتظر أرائكم ... وتحياتي للجميع
بس انا ممكن اقول رأيى.........
انا مش ممكن اتزوج بفتاه اكبر منى سنا..............ابدا ابدا.....................

من رائى ان المفروض الزوج يكون اكبر سنا
انا مش هقول علشان يكون تفكيره اعمق واكثر خبره بالحياه لان هو رب الاسره طبعا لان العقل ملوش علاقه بالسن فى ناس سنها صغير انما عقلها كبير والعكس طبعا
ولكن كما ذكرت :-
أثبتت الأبحاث العلمية بأن المرأة بعد الأربعين تظهر أكبر من الرجل ب 6 سنوات.
فما بالك لو هو اصغر منها !!!!!!!!!!
مش ظريفه صح؟؟

الجواز قسمة ونصيب وكما يقولون محدش بياخد مرات حد

ولم أفكر يوما في الزواج من فتاه تكبرني سنا كي أقرر صلاحه من عدمه

ولكني أعرف حالات ناجحة وأخرى غير ذلك

وكلما كان السن أقرب كانت الحياة في وفاق أكبر

وهناك مقومات تفوق السن تأثير يجب أخذها في الحسبان .

معلش يا بشمهندس احمد بس
ممكن تسأل نفسك..؟؟؟؟؟؟؟؟؟
ها انت توافق انك تتجوز انسانه اكبر منك؟
.............................................
وشكرا على ردك يا امل

لأ طبعا ...

هوه صحيح الرسول صلي الله عليه وسلم لما أتجوز السيده خديجه كانت تكبره في السن

بس برضوا ... جوابي لأ

ده رأيي ...

وشكرا علي الموضوع الحلو ده

انا بقول كدا بردوا
وشكرا على الرد

انا عن نفسى
مش ممكن اقبل اتجوز شاب يكون اصغر منى
يا سلام
ازاى يعنى

فعلا .... الموضوع ده راااائع
سؤال لكل بنت هل ممكن ترتبطي بشاب أصغر منك في السن.. وعلى الجانب الاخر لكل ولد هل ممكن ترتبط ببنت أكبر منك؟؟؟( مدمج ) 700120

يا باشمهندس على موضوعك
وانا اؤيد الباشمهندسه امل في ردها
و

شكرا2

دا شئ أكيد و بدون نقاش يا جماعه هى أيه المشكله أكبر أو أصغر المهم أكون بحبها وبس
وممكن أقولك حاجه
أنا كنت أنا وصغير مش أوى يعنى لحد تالته أعدادى كنت نفسى أتجوز وحده أكبر منى ومش من دينى

أحياناً طريقة تفكير الطرفين تكون عامل مؤثر.. بمعنى طرف ملتزم جداً وطرف غير ملتزم ومدى تفضيل كل طرف لمستوى التزام الطرف الآخر.

معروف فى اغلب الاحيان اذا االواحد اتزوج بنت بيكون هو اكبر منها فى السن
ويرفض يتزوج وحدة اكبر منة !!
نفس الشى ممكن بنت ترفض تتزوج واحد اصغر منها فى السن حتى لو كان اصغرمنها بسنة وحدة
والسبب ممكن تخاف من كلام الناس ,

الرسول عليه الصلاة والسلام تزوج السيدة خديجة رضي الله عليها
وكان أصغر منها بكثير .

السؤال ,,

للفتاة هل تقبلي بالزواج من شاب أصغر منك نعم أم لا ؟
ولماذا ؟؟
للشباب هل تقبل بالزواج من فتاة أكبر منك في السن نعم أم لا ؟
ولماذا ؟

ولماذا يكون الرفض عادة من اهل العروسه؟؟؟

ياريت الكل يشارك ولو على الاقل بكلمه واحده
وأنا عن نفسي حأرد على الموضووع زييكم بالضيط
اتمنى يكون الموضووع عجبكم
شكرااااااااا

بعد اذن اصحاب الموضوع

يتم الدمج لتشابه وجهات النظر

انا لا ارى مشكله ابدا في ان يكون الرجل اصغر من المراه ولكن لابد ان يكون الفرق لا يتعدى السنتين.........هذا رايي وارجو ان لا يزعج احد
وانا شخصيا اذا كانت المواصفات التي اريدها في الفتاه التي اريد ان ارتبط بها موجوده في فتاه اكبر مني سنا والفارق سنتين او اقل لن اتردد في طلب يدها

اكبر اصغر مش مشلكة طالما هيه اللي هتكيش وتجيب الشقة والعفش ههههههههههههههههههههه طبعا بهزر رايي انا في ظل الظروف المنيلة اللي عايشين فيها انا بايد فكرة الجواز بدون ارتباط بسن اكبر ولا سن اصغر يا راجل اهم حاجة انهم يتجوزوا وخلاص

بسم الله الرحمن الرحيم
موضوع هايل بسم الله ما شاء الله
الحقيقة ان تلك المشكلة ماتزال يتأثر بها مجتمعنا بكل طبقاته
حتي وان قبل الرجل الارتباط بفتاه اكبر منه او العكس فان كلا من الطرفين يواجهون كثيرا من الضغوط المتعلقة بالسن

لا أحد يستطيع ان يحرم ما حلله الله سبحانه وتعالي ولكن كلما كان هناك تقارب في العمر كلما كان افضل للتعايش والعشرة

ومن ناحية أخري الحكاية مش حكاية حب و عشق او زي مابيقوله (اتنين مش هايقدروا يعيشوا غير مع بعض)الحكاية
تعاون وعشرة وتفاهم والعزم علي بناء اسرة وعائلة ليها هدف ورسالة في الدنيا

شكرا يا باشمهندسين علي الموضوع وجزاكم الله كل خير

والله ولي التوفيق

انا برأيي انه هناك حالات تزوجت فيها الفتاة من شاب اصغر منها و نجح زواجهم
و هناك حالات تزوجت فيها الفتاة من شاب اصغر منهاو لم تنجح
يعني لكل حالة نتيجة مختلفة حسب الظروف و التفكير و المشاعر كلها اللى بيكون لها دور كبير بنجاح او فشل القصة

عموما الجواز قسمة ونصيب

يا جماعه صلو علي النبي
احنا ليه منتعلمش من الرسول وناخده مثل لينا
طبعا ما دام الرسول اتجوز من السيده خديجه وهي اكبر منه سنا
يبقي طبعا يجوز والله اعلي واعلم
والموضوع ده محتاج فتوه علي فكره..؟؟؟
وانا بالنسبه لي عادي لو لقيت شريكه حياتي وهي اكبر مني طبعا مش همانع
لان الزواج بيتبني علي حب ومشاعر وانا لو لقيت انسانه جميله و محترمه واخلاق
طبعا انا اتمناها ولو كانت اكبر مني
واشكركم جدا يابشمهندسين علي ارأكم الجميله دي
وجزاكم الله كل خير

انا بالنسبه ليا صعب اتجوز حد اصغر منى فى السن لانى بصراحه جوزى بالنسبه ليا حيكون هو الامان والانسان اليه حتسند عليه فلازم احس انه كبير فى كل حاجه هو موضوع نفسى مش اكتر
اما حبيبى ورسولى فطبعا اتجوز من السيده خديجه بس هما الاتنين مثال استحاله يتكرر السيده خديجه فى شده حبها لزوجها واخلاصها له وطاعتها العمياء له ورسولنا سيد الخلق واكرم البشر استحاله يكون فى حد فى رجاحه عقله وفطنته احنا بنحاول نطبق سنن رسولنا فى حياتنا على قد ما بنقدر بس صعب نعملها كلها

[url]أولا احب أشكر كل الناس اللي شاركت وردت على الموضوووع
ثانيا: انا رأي بصراحه كولد
انا ناوي ارتبط ببنت أكبر مني سنا
لاني شايف بصراحه ان فرق السن ده مش مشكله طالما الطرفين بيحبو بعض ومتفاهمين مع بعض وبينهم توافق
بشرط ألا يزيد فرق العمر بينهم عن 3 سنين
وأنا اعرف نماذج ناجحه على الموضوووع ده
وشكراا مرة اخرى لكل اللي شارك[/url]

عادى خالص..........انا اكبر هى اكبر!!!!
المهم التفاهم والاحترام المتبادل

الله ينور عليك يابشمهندس

كلامكم جميل يا بشمهندسين
والاجمل من ده حبيبنا المصطفي _ صلي الله عليه وسلم _ انه اتزوج السيده خديجه التي تكبره سنا

بس بصراحة انا اللي هتزوجه لازم يكبرني بـ 3 سنين ده رأي واللي إن شاء الله هيكون فيما بعد

شكراااااااااا مره أخرى لكل الناس اللي شاركت
نورتوا الموضوووع حضراتكم

امل كتب:: من رائى ان المفروض الزوج يكون اكبر سنا
انا مش هقول علشان يكون تفكيره اعمق واكثر خبره بالحياه لان هو رب الاسره طبعا لان العقل ملوش علاقه بالسن فى ناس سنها صغير انما عقلها كبير والعكس طبعا
ولكن كما ذكرت :-
أثبتت الأبحاث العلمية بأن المرأة بعد الأربعين تظهر أكبر من الرجل ب 6 سنوات.
فما بالك لو هو اصغر منها !!!!!!!!!!
مش ظريفه صح؟؟

شكراا لمرورك وردك بشمهندسه أمل

انا شايف انهم طالما بيحبو بعض ومتفاهمين يبقى متفرقش مين أكبر
شكراا لمرورك مره أخرى

والله طالما هما اختاروا كدا يبقى يواجهوا.." ولو فيه نصيب اكيد هيصيب" ..

السؤال الدي طرحته حقا مهم حاصة في زمننا هدا ولكن راي ان الزوج من الاحسن ان يكون اكبر من الزوجة الان هدا هو التوافق الدي يكون بينهم flower

» معلومات لذيذه ع الاخر
» طرق المحفاظة على أبنائنا جنسيا حسب السن
» قبل ان ترتبط بفتاة اسألها الاسئلة العشرة التالية !
» هو فى بنات ممكن تتسلى زى مااهو ممكن الولاد تتسلى ؟
» الوجه الاخر للفراق ,,,