حبك كلام ورساله حبر.

حبك كلام
ورسالة من حبر وورق
حبك دا كان
عصفور وفي سجنه اتخنق
حبك نجوم
خايفه تقرب ...تتحرق


وبسألك ؟!!
ليه البعاد .. والشوق بيجري في دمنا .. مع حبنا
وراح أفهمك
مهما العناد ... حدد طريقـُه لقلبنا .. جه عندنا
وبأحذرك !!!
أوعي الغضب ... يسرق حلاوة حبنا ... ويذِلنا


فاهمه الكلام
ولآ أعزفه ...ولآ أنزفه ... ولآ أقوله .. للنجوم من غير خِشا
ردي السلام
قلبك قِسي .. ولآ نِسي .. ولآ رِِسي فوق الهموم .. مات ما اختشا
فوق الغمام
حبك آهات .. ولـّي ومات .. ولآ أختفي جوه العيون .. وقت المِسا


جاوبي ياروحي ع السؤال
ليه تعندي
ليه تبعدي
ليه واخده قلبي للمحال
جاوبي ياروحي وفسري
ليه خايفه من يومنا اللي فات
ليه الدمعه مع صوت النايات
نفسي ياروحي تفسري
عايزك تبتي .. تقرري
السكه هنروحها ســوا ؟؟
والفرحه هنعيشها سـوا ؟؟
يلآ بسرعه ..قرري


قابل قرارك مهما كان
لو كان فراق ..هابقي حزين
يمكن جروحي ماتندمل ويا السنين
يمكن دموعي ماتنتهي بعد سنين
لو كان ... وكان ..
خايف اقولها وينتهي حلمي الجميل
خايف أعيشها يعيش في قلبي ألف ليل
خايف حقيقي ... يوم أقول
مهما قرارك كان فظيع
أنا مش هاضيع
أنا مش هاضيع