اسلوب تعليم هندسة الالكترونيات

السلام عليكم ورحمة الله

انا طبعا مش عايز اعقدكم , بس فعلا لما شوفت الفيديو ده انا نفسي اتحسرت علي حالنا . الفيديو ده بيعرض اسلوب تدريس كورس الدوائر الرقمية المتكاملة او بمسماها الصحيح (Digital integrated circuit) . انا مش عارف الكلام ده في اي جامعة او اي دولة , بس من الواضح انها دولة اسيوية وفي الغالب هتكون الصين او اليابان او كوريا ودي غالبية الدول اللي موجود فيها مصانع وتكنولوجيا تصنيع الدوائر المتكاملة .

تدريس الكورس ده بيمر بمراحل كالآتي :
1- في البداية يتم تدريس نبذة او مقدمة عن الدوائر المنطقية اللي طبعا اكيد كل طلبة قسم كهرباء عندهم فكرة عنها .
2- بعد كده بيتم تدريب الطلبة علي دوائر متكاملة رقمية جاهزة ومصنعة خصيصا لغرض الاختبارات المعملية او الاستخدام العملي عموما .
3- بعد كده يتم اخذ مقدمة عن الدوائر المتكاملة وطريقة تصنيعها .
4- بعد كده تعليم اسلوب تصميم الدوائر المتكاملة ومحاكاتها باستخدام اي من برامج المحاكاة (CAD) .
5- بعد كده يتم تدريس كيفية عمل (layout) او شكل ومخطط تصنيع الدوائر المتكاملة , مش عارف اشرحها بالعربي بصراحة .
6- بعد كده بيبقي فيه مشروع مصغر عبارة عن تصميم وعمل مخطط جاهز للتصنيع لداوائر متكاملة (IC).
7- بعد كده وده الاهم عندي , انه بيتم تنظيم رحلة او يوم كامل للطلبة الي المصنع اللي بيصنع الدوائر المتكاملة وبيشوفوا بقي المخطط والتصميم اللي همه عملوه بيمشي ازاي في المصنع لغاية مايبقي شئ حقيقي ملموس يمكن استخدامه .

طبعا احنا عندنا ممكن بنوصل بس في التعليم هنا لغاية الخطوة رقم 3 , ما اقصدش جامعتنا بس انما اقصد جامعات مصر ككل .

وادي الفيديو:
[ندعوك للتسجيل في المنتدى أو التعريف بنفسك لمعاينة هذا الرابط]

ربنا معاكم ويوفقكم وربنا يحيينا من الموت اللي احنا فيه

اسلوب تعليم هندسة الالكترونيات Capturebnbmb

اسلوب تعليم هندسة الالكترونيات Capturebfb

اسلوب تعليم هندسة الالكترونيات Captureaa

اسلوب تعليم هندسة الالكترونيات Capturebvb

فيديو جامد يا باشمهندس
بس والله حاجات تجيب احباط
فعلا متعة التعليم والتعلم

فيديو جميل جداااا جدااا
وياريت كل ايلي ف إتصالات او ناوي يدخل إتصالات يتفرج عليه

اسلوب تعليم هندسة الالكترونيات 2696

يا بشمهندس محمد

عامة لو عايزين فيديوهات اكتر عن تصنيع الدوائر المتكاملة واسلوب الباكج بتاعها حتي وصولها الي الصورة النهائية اللي بنستخدمها انا ممكن انزلها .

متشكر لرد الباشمهندس AL GALES2010 ورد الباشمهندس حسام . ردودكم تشرفني

جارى التحميل

» موقع يحتوى على تعليم ساب+ احدث البرامج +مشاريع عالمية+ تعليم بركون + تعليم بريمافيرا
» كتاب الالكترونيات الحديثة
» ¨¨¨°~*§¦§ مهرجان تعليم الفيجوال بيزك والسي شارب §¦§*~°¨¨¨O?°· (مع Amir وال Programming Team ) ·°O][||ioi||][حصرياً على منتدى هندسة أسوان][||ioi?
» هو منتدانا _ منتدى هندسة اسوان ولا هندسة حلوان ؟؟؟
» مجموعة كتب الكترونية كهربائية عن الجهد العالى و هندسة التوزيع الكهربائي و الكيابل و هندسة القوى الكهربائية و صيانة الراديو والتلفزيون.