استفسار عن حالات شد الحبل فى الاستاتيكا

[size=29]بسم الله الرحمن الرحيم
كنت عاوزة من بشمهندسين وبشمهندسات المنتدى
خصوصا بتوع اعدااااااااادى
حالات شد الحبل فى الاستاتيكا
معلش دة تقل منى عليكم
بس انا عاوزة كل حالة ومعاها طريقة حلها
اصل انا بذاكر استاتيكا اليومين دول وكنت عاوزة اجمع الحالات كلها ان امكن
بس معلش انا عاوزاها بسرعة
عشان عاوزة انجز واخلصها

[/size]

ازيك يا بشمهندسة

متقوليش كده انتي هنا تؤمري والمنتدي كله تحت امرك

انا بعتلك ايملي في رسالة خاصة علي المنتدي
وانا معايا حالات الحبل

ممكن اقولهم هنا عالسريع

الحالة الاولي:
إذا كان لدينا قطعة من الحبل عمودية علي قطعة أخري

طبعا في الاول احنا هنرسم المحصله والـ locus زي ما اتعودنا وبعدين هنحدد الضلعين اللي
هيتحقق فيهم الشرط ده في مضلع القوي
وهنصف المسافة بين النقطتين في الـ link polygon ونرسم دائرة نص قطرها
يساوي نص المسافة اللي فاتت
طبعا الدائرة مركزها هيكون نقطة التنصيف

ومن نقطة تقاطع الـدائرة مع الـ locus هنرسم خطوط متصلة ببدايات القوي
ننقل موازيات الخطوط دي علي ال force polygonبكده نكون حصلنا علي الشكل النهائي للحبل

الحالة التانيه :
قطعة من الحبل تساوي قطعة اخري

كالعادة هنرسم المحصلة والـ locus ونحدد الضلعين اللي هيتحقق فيهم الشرط ده
ونفتح البرجل مسافه مناسبة ونرسم من النقطة الاولي قوس يقطة الـ locus في نقطة ما
بنفس الفتحة البرجل من النقطة التانية نرسم قوس اخر

ممكن القوسين ميتقاطعوش هنفتح البرجل مسافة اكبر واصغر من اللي فاتت ونكرر الخطوة دي
لغاية ما تقاطعوا في نقطة واحده علي الـ locus
ومن النقطة دي نصلها ببدايات القوي
وننقل موازيات علي الرسم وبكده نحصل علي الشكل النهائي

ولو مفيش امل انهم يتقاطعوا نقول solution impossible

الحالة الثالثة :

the line of action is horizontal
هوه هنا هيحدد القوة الافقية اللي بيقول عليها

هنرسم المحصلة والـ locus زي الاول
وبعدين نحدد بداية القوي المعطاة عندي مثلا هتكون عند نقطة O4
هنرسم طبعا خط عمل القوة دي " افقي " هيقطع الـ locus في نقطة
هنصلها ببدايات القوي في مضلع القوي
وننقل موازيات علي الرسم وهنحصل علي الشكل النهائي للحبل

لاحظي مكان النقطة دي
لانها ممكن تخلي شكل الحبل لاعلي وهنا هنقول solution impossible

في حالتين كمان هنزلهم كمان شوية احسن انا تعبت دلوقتي

وبالتوفيق إن شاء الله
ويارب اكون اعرف اشرح

بجد جهد عالي اوي اوي ..ربنا معاكم يا بشمهندسين ..

واااه احنا ممكن نساع ونقولك حالات شد الحيل
ربنا يكرمك والله المستعان

جزاكِ الله كل خير "جعلتني مهندسة" استفسار عن حالات شد الحبل فى الاستاتيكا Icon_lol

وربنا يكرمك ويكرم كل دفعة اعدادي

بس انا دخلت عشان اقول اني هاغير عنوان الموضوع
تسهيلا عشان لو حد عنده اضافة وعشان يكون العنوان واضح وبيدل علي اللي جوا الموضوع

الحالة التى يكون الشد فيها اقل ما يمكن فى جزء معين من الحبل
نقيم عمود من النقطة التى تقابل الجزء المطلوب من على مضلع القوى علة اللوكس
و من نقطة التقاطع نوصل باقى النقط
ثم نرسم لها موازيات و يتكون شكل الحبل

شكل الحبل اذا كان مقدار الشد معلوم فى جزء معين من الحبل
نوجد طول الشعاع و الذى يساوى مقدار القوة مقسوما على مقياس الرسم
ثم نرسم هذا الشعاع من النقطة المقابلة للجزء المعلوم ليتقاطع مع اللوكس
و من نقطة التقاطع نرسم باقى الاشعة للنقط الاخرى
ثم نرسم لها موازيات لتكون شكل الحبل النهائى

و الله ينور عليك يا بشمهندس

وانا هواضحها كمااااااااااااان

the value of " a force " is minimum

وهنا أدني قيمة للقوة معناه انها بتصنع زاوية 90 مع الـ locus عند نقطة ما
طبعا احنا في الاول هنححد بدايه النقطة دي ومن عندها نرسم دائرة بحيث انها
تمس الـ locus
يعني الـ locus هيبقي مماس للدائرة دي

وطبعا لو عايزين نتاأكد ان نصف القطر هو الاقل هنرسم من النقطة اللي رسمنا منها مركز الدائرة
قطع مستقيمة تقطع ال locus هنلاقيها اكبر من نصف القطر

وبعدين نوصل ببدايات القوي وننقل الموازيات

الحاله الاخيرة

لو الحبل يمر بثلاث نقاط
هنحل المسأله إلي مسألتين
ونعمل الـ locus لكل مسأله
هتقاطع الاثنين في نقطة هنوصلها ببدايات القوي
وننقل الموازيات

برضو متنسيش الشكل المنطقي للحبل
لان في الحاله دي ممكن نقول الحل مستحيل برضو
وبسسسسسسسس كده
دي حالات الحبل يا بشمهندسة

وربنا يوفقك

وعليكى يا بشمهندسة

ملحوظة للاخت (eng.Rose)

اذا لم يكن الشرح واضحا من خلال الكلام الرجاء الرد بذلك
لاضع الرسومات الخاصة بكل حالة

انا عاوزة اشكر البشمهندسة (جعلتنى مهندسة )و البشمهندس (with agree)

على المجهود العظيم ده واللى بذلوه فى توضيح حالات شد الحبل
جزاكم الله كل خير على هذا الجهد و بالتوفيق ان شاء الله

مجهود رائع من المهندسين (جعلتنى مهندسة ) و ( withagree) و انتما دائما فى المقدمة

و يا رب تطلعوا من الاوائل
بس انتوا كده حتطمعونا فيكم يعنى بعد كده لو احتجنا حاجة حنطلبها علطول من غير زعل

بشمهندسة ياسمين

شكرا جزيلا علي مرورك
ولو احتجتي اي حاجه احنا في الخدمة

وشكرا ليكي يا شيمز علي ردك

وشكرا لحضرتك يابشمهندس علي مجهودك الرائع

وربنا يوفقنا جميعا

السلام عليكم و رحمة الله
احب اشكر كل من شارك و ساهم في هذا الشرح الرائع
مع تحياتي بالتوفيق و التفوق
د. محمد علي خليل

شكرا جزيلا لتواصل حضرتك معانا يا دكتور محمد

وإن شاء الله نكون قد وفقنا في الشرح

ويارب دايما كده يادكتور نلاقي حضرتك تتابع استفسارتنا في المنتدي
جزاك الله عنا خير الجزاء

» استفسار بخصوص الباب الثاني في الاستاتيكا
» هام لاعدادي هندسة بخصوص امتحان اعمال السنة في الاستاتيكا
» كتاب الاستاتيكا لطلبه اعدادى
» شرح تفصيلي للامتحان ال quiz 2 الاستاتيكا
» شعر : حالات البعد