البرادعي هل تقبله رئيسا للدولة ؟ شارك برأيك

طبعا احنا هنتكلم عن دكتور البرادعي نظرا لأنه هوا اللي ظاهر عالساحة حاليا
الدكتور محمد البرادعي هل تؤيد ترشحه لإنتخابات الرئاسة 2011 ؟
اذا كنت مؤيد ياريت حضرتك توضح اسبابك
اذا كنت معارض ياريت حضرتك توضح اسبابك وتقول اسم آخر تتمنى ترشحه تراه مناسب
وتوضح ايضا اسباب اختيارك ليه

موافق
لانه راجل فاهم التطور وحيقود البلد الى التقدم والرقى
بس من الناحيه السياسيه(وهى الاهم)
مظنش

انا موافق عليه حتى ولو كان بنيامين نتانيهو عايزن نغير بقى اى حد

نفسي احس انه فيه حاجه اتغيرت ان شالله للاسوأ

أنا مش موافق يا عشرى أنا عايز جمال مبارك

لأنه أكيد أخد من خبرته والده كتير ف السياسه الخارجيه بالأضافه لطموحه وكمان بيشجع الشباب

بالأضافه لدا كله أنه أبن حسنى مبارك يعنى بيركب ببلاش أصدى مش محتاج يقلب البلد تانى

وأنا كان فيه حد غيره فأنا أرضح مصطفى بكرى راجل سيف ف الحق

أما بالنسبه للبرادعى فأنا شايف أنه بقى موضه مش اكتر يعنى كل الناس دى بتأيده مش عشان مقتنعه بيه عشان عايزين يغيرو

بسم الله الرحمن الرحيم

شئ غريب سارى فى البلد الأيام دى أى واحد يظهر عالساحة السياسية يقولك انه هيترشح لانتخابات الرئاسة حتى لو كان مش اللى هو فمثلا الناس كلها متمسكة الأيام دى بالبرادعى ليييييييييييييه انت تعرف عنه حاجة من أساسه ؟؟؟؟؟؟؟؟؟

عالعموم اللى متعرفوش انه البرادعى لم يرى مصر من 40 سنة يبقى ازاى هيحكم مصر وهذه كفيلة بعدم ترشيحى له وكفيلة لأى مصرى انه لا يرشحه لأنه ببساطة معاشش معانا عشان يعرف مشاكلنا واحنا عاوزين ايه

انا مش موافق على البرادعي
لاننا اولا مش نعرف عنه غير انه اخد جايزة نوبل وكان ماسك منصب رئيس الطاقه الذريه
يمسك رئيس جمهوريه لييييييييييييييييييييييييه؟؟؟؟؟؟؟؟؟؟؟؟؟؟؟

الواضح يا جماعة ان الـ30 سنة اللي فاتوا
خلونا خايفين اوي من بكرة لأنهم خلونا مش
شايفين غير رمز واحد بس
الريس فيه حاجات كويسة بس لازم ناس تانية تاخد
فرصتها ولو اخطأ الشعب يحاسبه المفروض
ان الدولة تبقى دولة مؤسسات يكون ليها سياسة
يحددها الشعب بمعنى ان الشعب فعلا يحكم نفسه بنفسه
تبقى في رقابة حقيقية على اجهزة الدولة من خلال مجلسي
الشعب والشورى منمشيش ورا الرمز الواحد من ايام الفراعنة
والناس مش فارقه معاها مين اللي يحكم
احنا ورا اللي هيحكم عمياني ارجو ان الشعب اولا يتغير
من جوه عشان البلد دي تتغير

انا موافق على البرادعي

لأنه هيحصل تغيير بعد طول ظلمة واتجاة نحو الديموقراطية ولو خطوة وحتى لو ظهر بعد ذلك سوء حكمة فبعد خطوة التغيير دي اكيد هيكون عند الشعب قابلية وقدرة على التغيير مرة اخرى

اي الرد المقتضب دا ياضوي ياريت توضح اسبابك او ترشح حد تاني

انا اؤيد ترشيح البرادعى للرئاسه لان هي دى الديموقراطيه انه يكون فيه
اكتر من مشرح

لكنى لن انتخبه لانه فى حديثه للعاشره مساء مع منى الشاذلى
قال انه سيلغى مجانيه التعليم بمعنى ان القادر هيتعلم بالفلوس وده اوكى اما
غير القادر اللى عايز بتعلم فى الجامعه فياخد قرض من البنك ويسدده على 20
سنه لما يتخرج ويشتغل

وارجعو لكلامه على فى اليوتيوب مع منى الشاذلى

انا مش موافق علي البردعي لان سنه كبير البلد محتاجه واحد صغير علشان يكون
نشيط و كفايه الناس الي بتموت دي

من هو البرادعي فهو :
محمد مصطفى البرادعي، المدير
الرئيس الحالى للوكالة الدولية للطاقة الذرية، وهو حاصل على جائزة نوبل
للسلام سنة 2005. ولد في حي الدقي في محافظة الجيزة في مصر يوم 17 يونيو
1942. والده مصطفى البرادعي محام ونقيب سابق للمحامين. تخرج في كلية الحقوق
في جامعة القاهرة سنة 1962 حاملًا درجة ليسانس الحقوق.

وهو متزوج
من عايدة الكاشف، وهي مدرسة في رياض أطفال مدرسة فينا الدولية، و لديهما
ابنان، وابنتهما ليلى محامية و ابنهما مصطفى مدير استوديو في محطة تلفزة
خاصة، و هما يعيشان في لندن.

حياته العملية
بدأ حياته العملية
موظفًا في وزارة الخارجية المصرية في قسم إدارة الهيئات سنة 1964م حيث مثل
بلاده في بعثتها الدائمة لدى الأمم المتحدة في نيويورك و في جنيف.

سافر
إلى الولايات المتحدة للدراسة، ونال سنة 1974 شهادة الدكتوراه في القانون
الدولي من كلية نيويورك الجامعية للحقوق.

عاد إلى مصر في سنة 1974
حيث عمل مساعدا لوزير الخارجية إسماعيل فهمي ثم ترك الخدمة في الخارجية
المصرية ليصبح مسؤولا عن برنامج القانون الدولي في معهد الأمم المتحدة
للتدريب و البحوث سنة 1980م، كما كان أستاذا زائرا للقانون الدولي في مدرسة
قانون جامعة نيويورك بين سنتي 1981 و 1987.

اكتسب خلال عمله كأستاذ
و موظف كبير في الامم المتحدة خبرة بأعمال و صيرورات المنظمات الدولية
خاصة في مجال حفظ السلام و التنمية الدولية، و حاضر في مجال القانون الدولي
و المنظمات الدولي الحد من التسلح و الاستخدامات السلمية للطاقة النووية، و
وضع مقالات و كتبا في تلك الموضوعات، و هو عضو في منظمات مهنية عدة منها
اتحاد القانون الدولي و و الجماعة الأمريكية للقانون الدولي.

التحق
بالوكالة الدولية للطاقة الذرية في سنة 1984 حيث شغل مناصب رفيعة منها
المستشار القانوني للوكالة، ثم في سنة 1993 صار مديرًا عامًا مساعدًا
للعلاقات الخارجية، حتى عين رئيسا للوكالة الدولية للطاقة الذرية في 1
ديسمبر 1997 خلفًا للسويدي هانز بليكس و ذلك بعد أن حصل على 33 صوتًا من
إجمالي 34 صوتًا في اقتراع سري للهيئة التنفيذية للوكالة، وأعيد اختياره
رئيسا لفترة ثانية في سبتمبر 2001 ولمرة ثالثة في سبتمبر 2005.

جوائز
جائزة نوبل

في أكتوبر 2005 حصل محمد البرادعي على جائزة
نوبل للسلام مناصفة مع الوكالة الدولية للطاقة الذرية ومنحت الجائزة
للوكالة ومديرها اعترافا بالجهود المبذولة من جانبهما لاحتواء انتشار
الأسلحة النووية.

وقال البرادعي
«إن الفقر وما ينتج عنه من فقدان
الامل يمثل "أرضا خصبة" للجريمة المنظمة والحروب الاهلية والارهاب
والتطرف.»

تتألف الجائزة من شهادة و ميدالية ذهبية و 10 ملايين
كرونا سويدية (حوالي 1.3 مليون دولار) مناصفة بين الوكالة ومديرها. وقال
البرادعي إن نصيبه من الجائزة التي سيحصل عليها ستذهب إلى دور لرعاية
الأيتام في بلده مصر، و أن نصيب الوكالة سيستخدم في إزالة الألغام الأرضية
من الدول النامية.
[عدل] جوائز أخرى

* جائزة فرانكلين د.
روزفلت للحريات الأربع (2006) (The Franklin D. Roosevelt Four Freedoms
Award)
* جائزة الطبق الذهبي من الأكاديمية الاوروامريكية للإنجاز
(The Golden Plate award from the American Academy of Achievement)

* جائزة جيت تراينور (Jit Trainor) من جامعة جورجتاون للتميز في الأداء
الدبلوماسي
* جائزة أمن الإنسانية من مجلس العلاقات العامة الإسلامي
(The Human Security award from the Muslim Public Affairs Council)

* جائزة المؤسسة من مجلس كرانس مونتانا (The Prix de la Fondation award
from the Crans Montana Forum)
* جائزة الأثير، أعلى وسام وطني
جزائري
* جائزة الحمامة الذهبية للسلام من الرئيس الإيطالي
*
حامي شرفي لجماعة الفلسفة في كلية الثالوث في دبلن (2006)، مماثلا لآخرين
ممن نالوا جائزة نوبل للسلام مثل دزموند توتو و جون هيوم
* وشاح
النيل من الطبقة العليا، أعلى تكريم مدني من الحكومة المصرية
*
جائزة الإسهام المتميز في الاستخدامات السلمية للتقنية النووية من الاتحاد
النووي العالمي (سبتمبر 2007)
* جائزة موستار 2007 للسلام العالمي
من مركز موستار للسلام و التعاون بين الإثنيات

كما نال البرادعي
شهادات دكتوراة فخرية من جامعات نيويورك، و ماريلاند، و الجامعة الأمريكية
في القاهرة، و الجامعة المتوسطية الحرة في باري، و جامعة سوكا في اليابان، و
جامعة تسنغوا في بكين و معهد بوخارست للتقانة، و الجامعة التقنية في
مدريد، و جامعة كونكو في سيول، جامعة فلورنسا، و جامعة بوينوس آيرِس، و
جامعة كويو الوطنية في الأرجنتين و جامعة أمهرست.

جدل حوله
بسبب
اضطلاع الوكالة الدولية للطاقة النووية بدور في التفتيش على الاسلحة
النووية و بسبب السياسة الأمريكية الساعية إلى تحديد امتلاك دول لتلك
التقنيات، فقد ثار حول محمد البرادعي جدل كانت السياسة الخارجية الأمريكية
محركه الأساسي، خصوصا فيما تعلق بقضيتي أسلحة العراق قبل غزوها سنة 2003
والبرنامج النووي الإيراني.

أسلحة العراق

عارضت الولايات
المتحدة تعيين محمد البرادعي لمدة ثالثة كرئيس للوكالة الدولية، كما أثارت
صحيفة واشنطن بوست جدلا حول ما أعلنته [1] من قيام الولايات المتحدة
بالتنصت على مكالماته على أمل العثور على ما يساعدها على إزاحته عن رئاسة
الوكالة.

و بالرغم من عدم وجود مترشحين منافسين على رئاسة الوكالة
في ذلك الوقت، حاولت الولايات المتحدة إقناع رئيس الوزراء الأسترالي
ألكسندر كونر بالترشح إلا أنه رفض فتأجل قرار مجلس محافظي الوكالة حتى
نهاية مايو 2005، عندما أسقطت الولايات المتحدة من اعتراضاتها على رئاسته
في 9 يونيو بعد مقابلة بينه و بين كوندوليسا رايس و هو ما فتح الطريق أمام
مجلس محافظي الوكالة للموافقة عليه في 13 يونيو.

كان البرادعي قد
أثار منذ 2003 تساؤلات حول دوافع و رشد الإدارة الأمريكية في دعواها للحرب
على العراق بدعوى حيازتها لأسلحة دمار شامل، حيث كان قد ترأس هو و هانز
بلكس فرق مفتشي الأمم المتحدة في العراق، حيث صرح في بيانه أمام مجلس الأمن
في في 27 يناير 2003، قبيل غزو الولايات المتحدة العراق، "إن فريق الوكالة
الدولية للطاقة الذرية لـم يعثر حتى الآن على أي أنشطة نووية مشبوهة في
العراق"[2]. كما لم يأت تقرير هانز بلكس رئيس فرق التفتيش على أسلحة الدمار
الشامل[3] بما يفيد وجود أيا منها في العراق، و إن كان لا ينفي وجود برامج
و مواد بهدف إنتاج اسلحة بيولوجية و كيميائية سابقا.

قبل عشرة أيام
من موعد انتخابات الرئاسة الأمريكية في 2004، أثار البرادعي تساؤلات حول
مآل 377 طنا من المتفجرات التي اختفت في العراق بعد سيطرة الجيش الأمريكي
عليها، فيما شكل مفاجأة أكتوبر في السياسة الأمريكية لتلك الانتخابات.

البرنامج
النووي الإيراني
اتهمت الولايات المتحدة الباردعي باتخاذ موقف متخاذل
فيما يتعلق بملف البرنامج النووي الإيراني، إلا أن حيثيات فوزه بجائزة نوبل
السلام "لجهوده الحثيثة في الحول دون استخدام التقنيات النووية في الأغراض
العسكرية و في أن تستخدم في الأغراض السلمية بآمن و أسلم الوسائل الممكنة"
فند تلك المزاعم.

في مقابلة معه أجرتها قناة سي إن إن في مايو 2007
أدلى البرادعي بتصريح شاجب للإجراءات العسكرية كحل لما تراه دول أنه أزمة
الملف النووي الإيراني، فقال البرادعي ما معناه "لا نريد أن تكون حجة
إضافية لبعض 'المجانين الجدد' الذين يريدون أن يقولوا هيا بنا نقصف
إيران"[4]

كما قال في مقابلة مع الصحيفة الفرنسية لوموند في أكتوبر
2007: "أريد أن أبعد الناس عن فكرة أن إيران ستصبح تهديدا من باكر، و أننا
تحت إلحاح تقرير ما إن كان ينبغي قصف إيران أو السماح لها بأن تحوز القنبلة
النووية. لسنا في هذا الموقف. العراق مثل صارخ على أن استخدام القوة، في
حالات كثيرة، يضاعف المشكلة بدلا من أن يحلها.[5]

كما أنه قال مؤخرا
في سنة 2008 "إذا وجهت ضربة عسكرية إلى إيران الآن لن أتمكن من الاستمرار
في عملي" ، أي أنه سيستقيل بحسب ما ذكر، كما أنه أوضح بأن ضرب إيران سيحيل
المنطقة ويحولها إلى كرة لهب"[بحاجة لمصدر]

الانتخابات
الرئاسية لعام 2011

أعلن الدكتور محمد البرادعى، مدير عام الوكالة
الدولية للطاقة الذرية، «احتمال» ترشحه لانتخابات الرئاسة فى مصر، والمقرر
إجراؤها عام ٢٠١١، مشترطًا لإعلان قراره بشكل قاطع، وجود «ضمانات مكتوبة»
حول نزاهة وحرية العملية الانتخابية. وقال البرادعى- فى مقابلة تليفزيونية
أجراها مساء أمس الأول، مع شبكة «سى. إن. إن» الإخبارية الأمريكية: «سأدرس
إمكانية الترشح لخوض الانتخابات الرئاسية فى مصر، إذا كانت هناك ضمانات
مكتوبة بأن العملية الانتخابية ستكون حرة ونزيهة».

إعلان البرادعى
أثار ردود أفعال «متباينة» داخل الشارع السياسى المصرى، حيث اعتبره البعض
«رسالة محرجة للنظام» من شخصية ذات ثقل دولى، مفادها أن عملية تداول السلطة
فى مصر تحتاج إلى «إعادة نظر»، خاصة أن طريق الترشح للانتخابات الرئاسية-
حسب قول عدد منهم- «محاصر» من جانب النظام والحزب الحاكم، بينما رأى البعض
الآخر أن ما فعله البرادعى يعد مسعى حقيقى لفتح آفاق جديدة للحياة السياسية
«المخنوقة» فى مصر.. حسب وصفه.

الدكتور يحيى الجمل، الفقيه
الدستورى، فسر هذا الإعلان بأنه «رفض لبق» لموقف الدستور المصرى من
الانتخابات الرئاسية، مؤكدًا أن البرادعى أراد القول بأنه مصرى ويعتز بثقة
الناس فيه، لكن ترشيحه يحتاج إلى ضمانات «ليست موجودة»- حسب قوله- حاليًا.

فيما
أكد الدكتور عبدالحليم قنديل، المنسق العام لحركة كفاية. أحد منسقى
الائتلاف المصرى من أجل التغيير، أن جميع الطرق التى ينبغى على مرشح مثل
البرادعى السير فيها ليخوض الانتخابات الرئاسية «محاصرة»، إما من لجنة شؤون
الأحزاب، أو من نواب وقادة الحزب الوطنى، موضحًا أن هذا الحصار، إما أن
يقضى على فرص ترشح البرادعى أو أن يجعل ترشحه «مجرد ديكور».

من
جانبه، حدد نجاد البرعى، الناشط الحقوقى، عدة خطوات يمكن من خلالها أن
يترشح البرادعى للانتخابات الرئاسية، أهمها- حسب قوله- الانضمام لحزب الوفد
(نظرًا لجذوره الوفدية)، وتشكيل لجنة وطنية مستقلة من الأحزاب لإدارة
الانتخابات دون تدخل من الدولة.

كما رحب الدكتور حسن نافعة، أستاذ
العلوم السياسية بجامعة القاهرة، بإعلان البرادعى، مؤكدًا أنه إذا ترشح
مدير الوكالة الدولية للطاقة الذرية، مستقلاً، فسيحرج النظام الحاكم فى
مصر.

وفى حزب الوفد، الذى كان مهد دعوات ترشيح البرادعى، تباينت
الآراء والمواقف، ففى الوقت الذى نفى فيه الدكتور فؤاد بدراوى، نائب رئيس
حزب الوفد، طرح اسم البرادعى مرشحاً عنه فى انتخابات الرئاسة إذا وافق على
الانضمام للحزب، رحب مصطفى الطويل، الرئيس الشرفى للحزب، بموافقة البرادعى
على خوض الانتخابات باسم الحزب.

وقال البرادعى فى بيان أرسله من
مكتبه فى فيينا لـجريدة الشروق "إنه لم يعلن رغبته أو عدم رغبته المشاركة
فى الانتخابات الرئاسية المقبلة"[6]. وأضاف مدير مكتبه:
«إن الدكتور
البرادعى يشغل حتى نهاية نوفمبر المقبل منصب مدير عام للوكالة الدولية
للطاقة الذرية، وبالتالى فإن اهتمامه مكرس حاليا لعمله ومعالجة القضايا
والموضوعات المهمة التى تتناولها الوكالة، لذلك فهو لم يتخذ أى قرار بعد
فيما يخص خطواته المستقبلية، والتى ستحدد فى ضوء المستجدات والتطورات فى
المرحلة المقبلة.»

كان حزب الوفد وبعض القوى السياسية المصرية
المعارضة الأخرى قد أعلنت أنها مستعدة لمساندة البرادعى إذا ما قرر ترشيح
نفسه فى الانتخابات الرئاسية المقبلة فى ٢٠١١. كما علمت صحيفة الشروق
المصرية أن الحزب الوطني كان قد عرض على مدير الوكالة الدولية الانضمام
لعضويته، لكنه رفض.

البرادعي هل تقبله رئيسا للدولة ؟ شارك برأيك 98054_%D9%85%D8%AD%D9%85%D8%AF-%D8%A7%D9%84%D8%A8%D8%B1%D8%A7%D8%AF%D8%B9%D9%8A--1

رغم ذلك لكن برده شكله بيموت
عايزين واحد شباااااااااااااااااااااااااااااااااااااااااااااب

كلام جميل ,,, وموضوع رائع,,, وسارد بوجههة نظري المتواضعه لاحقا بعون الله !!

لكن حاليا ,, وبعد اذن صاحب الموضوع ,,,, ينقل للقسم المناسب !!

والله الموفق

لا أؤيد ترشيح البرادعى مطلقا

ان من لم يلوح باستقالته حينما تم الادعاء
باحتواء العراق على اسلحه نوويه
قد خان العروبه فما ظنك اذا اصبح رئيسا لمصر
بالبلدى (هيسلمها على طبق من فضه)
ثم اين كان ملف اسرائيل النووى حينما كان مديرا للوكاله
لم نسمع بطرح هذا الملف الا بعد تولىقيادة الوكاله هذا اليابانى
ياجماعه مش علشان اوش اللى من يوم ما اتولدته يتغير
يبقى اى حد تانى هينفع
انا من رأيى انه محدش هينفع ف المنصب ده خاااااالص

مع الدكتور البرادعى للنهايه كفاااااااااااااااااااااااااااايه بقى طفح الكيل .... لكن الدكتور البرادعى يهدف بالأساس لتغيير الدستور و الغاء حالة الطوارئ الغاء حاله الطوارى يابشمهندس اللى تم تطبيقها منذعام 1982 (بدايه عهد مبارك) والتى بسببها مسجون اكثر من 20000الف مواطن بدون وجه حق لدرجه انه اتىعلى مصرفتره كان يزج فى السجون كل من اى شخص يرتدى جلابيه او لحيته منبته على خفيف و ارساء دعائم الديموقراطية.
ووعلى فكره انا مخبش اقرا فى حريده الدستور اللى هى الداعم الاساسى لجمعيه التغيير ولحسن نافعه كمان ريس تحريرها الرفيق ابراهيموف اللى تحسه منافق كبير بعد الظهر فى دريم اللى رئيسها مسلم والساعه عشره على او تى فى اللى رئيسها مسيحى بس فى جرايد محترمه زى الوفد والاسبوع والمصرى اليوم والقومى زى الاهرام
*** وارشح الدكتور اسامه الغزالى وده لينك لفيلم وثائقى عملته الجزيره (قناه متخصصه فى فضيحه مصر)
مع البرادعى

***مبارك هذا اخر عهدنا بك....!!
http://tmf.myegy.com/1-ar.php?id=727698

البرادعي هل تقبله رئيسا للدولة ؟ شارك برأيك 557df0e3530eada446cb52674ae38f61_The_Lord_of_the_Rings__The_One_Ring_3D_Screensaver

لا أقبل البرادعى رئيسا لمصر
ليس حبا فى مبارك
ولكن ....
من وجهة نظرى المتواضعة.... (البرادعى ماهو إلا صورة من أصل)
حقيقة هو رجل ذو مكانة سياسية رفيعة
لكنه ليس خير من يمثلنا
ومن أرغب فى ترشيحه...
السيد(عمرو موسى)
لأنه رجل لديه من الحنكة السياسية ما يؤهله ليكون خير من يمثلنا
وربنا يستر

لن اقبل بالبرادعي رئيسا لاسباب كتيره منها
ان خلي علمه وحياته بره بلده مصر
انه عاوز يلغي مجانيه التعليم
انه بيتكلم عن مطالب لها مميزات زي ما لها عيوب هو قال يشيلها ومجبش سيره البديل مكانها
ولانه مش هيقدر يتواصل مع الشباب ومهما عمل مش هيكون متواصل مع الشباب
اللي المفروض انه اللي هيغير

انا ارشح جمال لاسباب كتيره منها
انه شاب مصري ومن حقه انه يرشح نفسه بغض النظر عن والده
انه عاش عمره مع رئيس الجمهوريه يعني من الاخر عارف كل حاجه عن سياسه البلد
كما انه شاب عاوز التغيير فيه حماس انه يصلح

ياريت يا جماعه بلاش النظر علي ترشيح جمال بان الحكم هيكون وراثه او ان مصر بقت عزبتهم
ياريت يكون في حياديه في التفكير

مع احترامي الشديد لكل الاراء
هو لسة موضحش حتى الان اللي هينزل قصاد فرعون ( مبارك )
لكن انا مش هنتخب حسني
و لو البرادعي نزل هنتخبه طبعا لانه رجل سياسي محترم

sara ahmed كتب:: انا ارشح جمال لاسباب كتيره منها
انه شاب مصري ومن حقه انه يرشح نفسه بغض النظر عن والده
انه عاش عمره مع رئيس الجمهوريه يعني من الاخر عارف كل حاجه عن سياسه البلد

و انا مش هرشح جمال علشان السبب ده بالذات
احنا محتاجين حد يغير و يصلح و يسمع الناس و يقضي على الفساد
من الاخر احنا عايزين تغيير
مش نشيل مبارك و نحط نسخة منه مكانه !!!!!

وجهه نظر برده
بس ليه تحكم عليه انه نسخه منه يمكن يكون هو عرف من والده سياسه الدوله بس ممكن يكون في دماغه مخطط للتغيير بجد عن حال البلد
وياريت متنساش كمان انه شاب يعني قدرته علي التغيير هتكون احسن