هل من حقك انك تحكم على غيرك ؟؟؟

السلام عليكم ورحمة الله وبركاته

ربنا سبحانه وتعالى عودنا في بعض المواضيع، ان يتكرر الكلام في القرآن والسنة، كل مرة من منظور مختلف، وبعمق مختلف، وبذكر قصص مختلفة لكي نفهم أهمية هذا الموضوع ونستوعبها.

وكثيرا ما تكرر الكلام في هذا الموضوع نظرا لأهميته وخطورته على المجتمع...

طبع إبليسي:

"قَالَ أَنَا خَيْرٌ مِنْهُ..."(ص:76)

خلق الله الملائكة من نور
وخلق إبليس من نار
وخلق آدم من طين

وعندما أمر الله بالسجود لآدم، عصى إبليس رب العالمين وحكم دون أي وجه حق أنه خيرٌ من آدم لأنه خُلق من نار وخُلق آدم من طين! ومن الذي قال ان النار خيرٌ من الطين؟!

هذا ما هو إلا طبع إبليسي وهو الكبر...الكبر الذي هو الكساء الذي حاول إبليس على مر التاريخ أن يكسو به الخلق.

كسى إبليس اليهود بهذه الكسوة فاعتقدوا انهم شعب الله المختار وأن بقية الأجناس ما هم إلا خدام لهم

ثم جاء إبليس لأمة النبي صلى الله عليه وآله وسلم ليضع هذه الكسوة على بعض الناس فيها

فاعتقد البعض انهم أهل الحق والباقي في الضلال...
واعتقد البعض انهم أهل السنة والباقي مبتدع...

وهنا سؤال....
هل أنا عندي المقدرة على الحكم على الناس؟
هل أنا تركيبتي مناسبة لكي أحكم على الناس؟
هل ربنا خلق شئ بداخلي جعلني أعلم السر وأخفى؟

المشكلة: الفُرقة
المفهوم الخاطئ: من حقي أصلاً أن أحكم على الناس
الأسباب والأفكار: خطاب ديني ساخر من الغير...والاغترار بالظاهر
السلوكيات الناتجة عن هذا المفهوم: عنصرية وتفرقة...وحاجز في التصرفات بين "الأشكال" المختلفة

مشكلة نتجت في المجتمع بسبب هذا المفهوم الخاطئ: من حقي أن أحكم على الناس

علمنا النبي صلى الله عليه وآله وسلم ألا نحكم على الناس، وألا نغتر بالظاهر: مر رجل على رسول الله صلى الله عليه وسلم فقال: ( ما تقولون في هذا). قالوا: حري إن خطب أن ينكح، وإن شفع أن يشفع، وإن قال أن يسمع. قال: ثم سكت، فمر رجل من فقراء المسلمين، فقال: ( ما تقولون في هذا). قالوا: حري إن خطب أن لا ينكح، وإن شفع أن لا يشفع، وإن قال أن لا يسمع. فقال رسول الله صلى الله عليه وسلم: ( هذا خير من ملء الأرض مثل هذا)

يعني ربنا سبحانه وتعالى خلقنا كلنا زي بعض مفيش افضليه او فرق بين حد والتاني كلنا متساويين ومش من حق اي حد اانه يحكم على حد زيه مخلوق زيه ويقول انه ده مبدع او ده مش بيفهم في الدين او دي مش كويسه وغيره من التعليقات اللي بنقذف بيها بعض بدون علم او اغترار بالظاهر وفي النهايه نسيب الحكم للحاكم مش لبعض

لماذا نحكم على بعضنا؟
لماذا تكون عندنا هذا المفهوم الخاطئ؟
ما هو ترميز المتدينين الآن عند عامة الناس؟
كيف نعالج مفهوم الحكم على الناس لتنصلح تصرفاتنا؟

منقول للافاده

================================

جزاك الله كل خير

ايه يا باشا الجمال دة

جزاكى الله كل خير ياقمر

هل من حقك انك تحكم على غيرك ؟؟؟ 122ns75

شكرا علي الموضوع الرائع يا بشمهندسه صفاء

موضوع اكثر من راااائع ...

جزاكي الله عنا كل خير يا بشمهندسه

جزيل الشكر لكل البشمهندسين والبشمهندسات اللي نوروني بقراءة الموضوع

ايه ياعم المواضيع الجامده دي بس بس مش عارفه والله ليه الناس لازم تحكم على بعض بس انا بالنسبه لي مش بيكون حكم هو بيكون فكره اوليه قابله للتغير زي ماحصلت معايا واحده كنت حاساها رخمه وطلعت بت زي العسل وطبعا انتي عارفاها هو انا مش بقول ان الكلام ده صح لكن الصراحه وف معظم الوقت هو ده اللي بيحصل ومش بيكون ناتج من تعالي او حاجه لكن استنتاج من تعامل الشخص ده مع باقي الناس وف الغالب برضو بيطلع غلط

ميرسي ياهبه لردك العسول ده وطبعا مواضيعك هي الاحلى

فى مثل انجليزى بيقول

first impression lasts for ever
يعنى الانطباع الاول يدوم للابد
فمعظم حالات الحكم على الناس تكون لما تشوفهم او تقعد معاهم اول مرة
يعنى انا ف مرة كنت اتعرفت على واحد بالصدفة كده اتجمعنا ف اسيوط
اول قعده بينا فضل يكلمنى عن الدين وبتاع انا قولت بس
ده هيودينا امن الدوله وش
بس لما عرفته وقربت منه عرفت انه .....يللا ربنا يصلح الحال
فالواحد يحاول ميحكمش على حد الا لما يعرفه كويس وحتى لو عرفه وحكم عليه
يحتفظ بالحكم ده لنفسه
لانى انا واحد من الناس ش كويس مع الناس كلها او مش بعامل الناس كلها بطريقة واحده
فاكيد كل واحد هيحكم عليا حسب الطريقة اللى انا بعامله بيها

وبجد موضوع جميل

شكرا للمرو العطر يابشمهندس mayo

والحكم الاول غالبا بيبقى خطا بالذات لو كان حكم بمجرد النظر يعني حكمت على حد بشكله منغير ما تحاول تعرفه بجد

موضوع جميل جدا يا بشمهدسه
وجزاكي الله كل خير

شكرا للمرور الكريم يابشمهندس سليم فوزي

موضوع جميل و الله اعلم بما فى الانفس

جزاك الله خيرا

موضوع جميل جدا . جميل لانه بصراحة دايما بيدور في دماغي . للاسف زي ماقال المهندسين والمهندسات احيانا كتير بنحكم علي شخص من الظاهر بس . بمعني بنحكم علي شخصيته واحيانا كتير علي دينه من تصرفاته .

انا للاسف كتير بتعرض للموضوع ده , بس الحمد لله عودت نفسي اني لما احكم علي شخص من بعيد بتحدي نفسي وبتعرف عليه , وفي احيان كتير بيتضح انه كان عكس الفكرة اللي كونته عنها .

يكفي ان من ايام زميلة من زمايل الدراسة قالتلي انا اسفة لاني كنت مكونة عنك فكرة غلط , بصراحة ضحكت من الفكرة اللي كانت واخداها عني , واسعدني انها اتغيرت لما عرفتني .

خلاصة الكلام , اني مقتنع من ناحية الحكم علي دين شخص معين بالظاهر انه غلط جدا بل مصيبة . انا مقتنع ان اللي بيحاسب البني ادم في الاخر هوه ربنا , وهوه وحده الاعلم بنفوسنا وطبعا مفيش حد مننا يقدر يعرف اللي مابين ربنا وبين اي حد . لذا ممكن انا احكم علي حد معين انه مش كويس ومش بيتقي ربنا ويطلع في الاخرة هوه احسن واتفي لربنا مني . يجب اننا مانزكيش علي الله احد .

موضوع هادف , نشكرك عليه ياباشمهندسة صفاء .

مشكور يابشمهندس محمد للمرور الكريم

ويارب كل الناس تبطل تحكم على بعضها كده منغيرعلم لان ربنا وحده هو الظاهر الباطن مش احنا و احيانا كتير بيبقى الظاهر غير الباطن ...

جزاكم الله خيرا جميعا على هذه الردود المكمله للموضوع

السلام عليكم

فى البداية أشكرك أختى المهندسة لطرحك للموضوع

فى رأيى المتواضع أن المرجعية الأولى والحتمية فى هذه الأمر أن الحكم واجب أن يتم على

أساس العشرة والتعامل أكثر من مرة وهذا إن تم طلب الحكم على أى شخص وليس لمجرد الحكم

فقط ولكن يراعى أيضا أن هناك حديث يقول فيما معناه أنه إذا رأيتم الرجل يرتاد المساجد فاشهدوا

له بالإيمان "أحرجة الترمزي وابن ماجه" وهنا يأتى الحكم مجازا بمجرد الرؤية وأيضا فى

أمور الزواج من سؤال عن أهل أحد العروسين فنحن نلجأ للناس وآرائهم من جار وقريب

وبعيد وحكم البعيد يؤخذ فى الحسبان قبل القريب لإستبعاد المجاملة ولتوثيق شهادتهم أجمعين

وأخيرا أقول أن فى الحكم قرار وفى القرار يحتمل الظلم أو الحق فإن كنت تقدر على الظلم

فاظلم وإن كنت تقدر على إعطاء الحق ونسبه لذوية فإذكرة وإن لم تستطع فإبتعد عن الحكم

والقرار خشية الخطأ والظلم.

جزاكِ الله خيرا أختِ المهندسة

والله الموفق

]size=18]بيقولوا فى الأمثال تعرف فلان قال ابوة قالولو عاشرتة قال لا قالولو يبقى ما تعرفوش
انا فى رأيى ان الانسان ما ينفعش يحكم على حد الا لو كان الحد دة واحد صاحبة أو واحد يهمو أمرة
وبسراحة انا مواضيعك كلها بتعجبنى لانها بتناقش مشاكل واحداث واقعية [/size]

جزيل الشكر للبشمهندس الحبار والبشمهندس EL BAHGORY للمرور الكريم

وطبعا زي ما البشمهندس الحبار قال ان اللي بنشوفوهم ملتزمين بالصلاة والمساجد والمناسك عموما فنشهد له بالايمان طبعا بس مع عدم التجميع .... بس اللي اقصده ان ممكن يكون حد علاقته بربنا كويسه ودي حاجه بينه وبين الله سبحانه وتعالى بس لارضاء الله عز وجل و لدخول الجنه طريقين هما الدين والمعامله ولو الواحد مناسكه تمام ومعاملته للناس فيها غلظه او مش معامله حسنه او شايف ان علاقته باللي حواليه خصوصا اهله ملهاش علاقه بالدين وانه ممكن يشتم ده ويضرب ده ويظلم ده وياخد حق ده وميساعدش الناس وغيره بس يصللي ويصوم ويزكي ويقرا قران ويذكر ربنا كتير يبقى ساعتها مناسكه الكتير دي مش هتفيده بحاجه لان الدين المعامله وطبعا اكيد ده الناس مش هتحبه وده دليل على ان ربنا مش بيحبه لان حب الله بيظهر في حب الناس للشخص واللي بييجي من حسن المعامله بكل معانيها

» قبل أن تحكم على غيرك(انصح بقرائته)
» كتاب تحكم آلي رائع بالعربى
» هام لطلبة بكالريوس تحكم وحاسبات
» انتي و ليس غيرك
» انصح غيرك ....