ما هى مشكلة كتر المواضيع ؟

اخوانى الأعزاء كتير هاجمنى بسبب كتر مواضيعى و بالامانه كتر المواضيع ده ليها سبب برده مش طمع فى الاشراف على اى قسم بس المشكله ان انا وصلنى كلام ان انا متكبر و مش عايز اشترك فى المنتدى فانا اهو اشتركت و نزلت كل المواضيع ده علشان اثبت ان انا مبتكبرش على حد

انت متكبببر !!!!!
يا محمد مش كدة _
اللى ما يعرفك يجهلك يا باشمهندس
انت عارفنى
حاطك مثلى الأعلى

فى حاجات الكمبيوتر دى
بس أنا الصراحة مكانتش عجبانى هوجة أول يوم دى
بتاعت ال 200 موضوع تقريباً في قسم البرامج
هى طبعاً البرامج كلهااا رووووعة
واخر اصدارات
بس شوية شوية _ علينا ،
وكمان بالنسبة لعناوين المواضيع _ يا ريت البرامج اللى مش مشهورة _ تقول في العنوان
بتاع الموضوع _ البرامج تبع ايه جرافيكس / حماية / كدة يعنىى
بس اليوم اللى بعده لما هديت الرتم شوية
الشغل بقى جمييييييييييييييييل جداً
ومستنيك في قسم حاسبات وكهربا
حط اللى انت عايزه
ماحدش حيكلمك _ وماتخافش حشووف كل المواضيع
اللى حتنزلها
وع فكرة أنا تقريباً فتحت كل مواضيعك في قسم البرامج ونزلت حوالى 7 برامج
بس غيري مش حيعمل كدةةةة

وأنا كتبت موضوع في قسم المشرفين
انت ممكن ما تقدرش تشوفه

YeHi@$MmZ كتب:

يا جماعة اللى بيحصل دة مش كويييييس

للمنتدى
اه أنا محمد خليل كنت اتمنى انه يدخل المنتدى من بدرىىىى
بس الصراحة طريقة وضعه للمواضيع مش اللى هى
لما يكون فيه 7 صفحات مواضيع خاصة ب mammad
ومفيهاش ولا رد وممكن ولا مشاهدة
دة يبقى اكتساح للمواضيع بشكل مش كويس
فيه موضوع في قسم البرامج

مثبت: :: شروط وقوانين منتدى برامج الكمبيوتر ::

اقتباس :

12- عدم كتابة اكثر من موضوعين باليوم الواحد حتى يأخذ كل موضوع حقه ... و إذا أضيف أكثر من موضوعين باليوم سيتم حذف إحدى الموضوعين .

من يخالف هذه القوانين سيتعرض موضوعه للحذف دون حاجه المشرف لارسال رساله خاصه .

مين بقى اللى ينفذ البند دة
!!!!!!!!

أرجو تفعيل أفكار princess
في موضوعها بتاع التحككم في عدد المواضيع اللى نازلة في كل قسم
لكل عضو ،
وكمان يبقى حصر عدد المواضيع
في كل الأقسام
يعنى مايبقاش القسم العام
والأقسام الهندسية
مفتوحة عدد المواضيع عشان مايحصلش كدة

أرجو أن ننظر للموضوع بعين بصيرة وبفكر
ونلحق الدنيا
وارجوووووووووووووووووووووو
الإهتمام بقسم البرامج اكتر من كدة

اقتباس :

بالامانه كتر المواضيع ده ليها سبب برده مش طمع فى الاشراف على اى قسم بالامانه كتر المواضيع ده ليها سبب برده مش طمع فى الاشراف على اى قسم

والله أحنا كلنا عارفين ده يا باشمهندس خليل وأنك بتعمل ده من وجه الخير ولأنك برده طالب فى هندسة أسوان البيت اللى بيجمع أكثر اعضاء المنتدى وكلنا عارفيين أنى ليك نشاطات متميزه على المنتديات الأخرى واكيد نفسنا يكون نفس النشاط ده هنا برده لكن لو قارنا عدد الأعضاء فى المنتديات الأخرى بعدد أعضاء منتدانا أكيد هتلاقى فرق ملحوظ جدا في العدد وده بالفعل أكيد لأزم يكون له تأثير فى عدد المواضيع اللى المفروض تنزل فى اليوم الواحد
وده كله علشان كل موضوع يأخذ حقه فى المشاهده لأن لازم هاتكون فى مواضيع جميله جدا وهادفه بتكون مدفونه نتيجه للمواضيع الكثيره ومش بتاخد حقها فى المناقشه وأكيد ده هيأثر على نفسية بعض الأعضاء

اقتباس :

وصلنى كلام ان انا متكبر و مش عايز اشترك فى المنتدى

لا تلقى بالا لما يقول البعض من غير ما أحد منهم يعرف شخصيتك كويس لأنك فعلا عمرى ما شوفتك بالأخلاق دى "التكبر" من يوم رجلى ما خطت ابو الريش ولكن المعروف عنك تواضعك وطيبتك والأحترام المتبادل وأشتراكك معانا يعتبر فعلا مكسب كتير رغم أنى أعرف ضيق وقتك

اقتباس :

نزلت كل المواضيع ده علشان اثبت ان انا مبتكبرش على حد

انت مش محتاج نك تثبت ده لأى شخص يا باشمهندس لأن الكل عارف حضرتك
بس برده ياريت تخف علينا فى المواضيع علشان تترك فرصه للمواضيع الأخرى انها تأخذ فرصتها وكمان تتركلنا فرصه انى نوف مواضيعك

mammad كتب:

اخوانى الأعزاء كتير هاجمنى بسبب كتر مواضيعى و بالامانه كتر المواضيع ده ليها سبب برده مش طمع فى الاشراف على اى قسم بس المشكله ان انا وصلنى كلام ان انا متكبر و مش عايز اشترك فى المنتدى فانا اهو اشتركت و نزلت كل المواضيع ده علشان اثبت ان انا مبتكبرش على حد

لا طبعا يا باشمهندس

مش ده المقصود خااااااااالص
وبعدين مين اللي هاجمك؟!!
بالعكس مواضيعك كلها جامدة وتشد الواحد انه يشوفها
وكلنا رأينا كده
بس المشكلة اني عن نفسي...نفسي اشوفها كلها
بس امتىىىىىى الواحد يلحق يشوف كل ده

احنا منتظرين منك شغل جامد
بس بشويش علينا شوية
علشان نلحق نشوف كل المواضيع
وانا برده رديت برد مشابه لده في قسم المشرفين
لاني بحب البرامج جدااااااا
وبحب اجرب اي برنامج الاقيه في وشي
وكده انت حتخليني اجيب هارد مخصوص للبرامج اللي في مواضيعك بس
وفي الاول والاخر شكرا ليك لاشتراكك ولمواضيعك

اقتباس :

كتير هاجمنى بسبب كتر مواضيعى

بص يا بشمهندس محمد ده مش هجوم ده نقض بناء مش أكتر بمعنى إنى لما المواضيع
تنزل بكم كبير فى فتره قليله "يوم واحد مثلا" فكاتب الموضوع بيظلم نفسه مره والعضو بيتظلم
مرتين!!!!
طبعا حد هيقولى إزاى هقوله إن كاتب الموضوع محدش هيقرى مواضيعه وبالتالى
مش هيبقى فيه تفاعل من الآخرين معاه لذلك ممكن يزهق ويمل والعضو بيتظلم
لأنه أولا مش بيلحق يقرا كل المواضيع أو يستفيد منها وثانيا ممكن ينزل موضوع
بعد فتره يكون نزل قبل كده ومحدش رد عليه فنحكم على الموضوع إنه مكرر
وده طبعا ممكن يكون غلط لأنه ساعات كتيره الناس بتتفاعل معاه وبيبقى فيه نسبة
ردود لا بأس بيها لذلك لا يجوز حذفه فدى كل الحكايه.

اقتباس :

بس المشكله ان انا وصلنى كلام ان انا متكبر

يا بشمهندس كون إنك تشترك معانا فده تواضع منك مينفعش نقول غير كده وحكاية
تأخر إشتراكك دى لأنك مشغول ولأنك رجل محترف وذو قدر ماشاء الله عليك.

أخيرا أرجو عدم نزول أكثر من موضوعين أو ثلاثه بحد أقصى فى القسم الواحد حتى تتاح
الفرصه للجميع ويبقى فيه تكافؤ
والله الموفق.