اقتراح لعمل رحلة

السلام عليكم ورحمة الله
ايه رأيكم يا بشمهندسين فى فكرة عمل رحلة تكون خاصة لاعضاء المنتدى نسبيا فى الايام دى اللى احنا نوعيا فاضيين فيها شويه وبالمرة نتمكن من خلا لها زيارة معالم اسوان وكمان نتعرف على بعض اكتر ونقدم فيها مواهبنا .اذا كانت الفكرة تمام نعرضها على الاتحاد وان شاء الله يوافقوا عليها. وكمان تختارو مشرف براحتكم.قبل ما النتيجة تظهر ؟!!!!!!!!!!وربنا يسترها والله
ولا انتو مش فاضيين ولا خايفين ان الشخصيات ممكن تتعرف ؟؟؟؟
على فكرة انا محضر شوية فقرات واغانى هايلة لو كان فيه نصيب ان شاء الله.
ياريت أعرف رأيكم؟
Question

أه يا ريت الأخوه أعضاء إتحاد الكليه يدلوا بدلوهم فى الحكايه دى وبرضو رأى الأعضاء
مهم فى الحكايه وأنا عن ذات نفسى معنديش مانع.

انا كان عندي فكرة مقاربة بعض الشي لفكرتك وهي اننا نعمل حفلة باسم المنتدي وتكون دعاية للمنتدي والمواضيع والاقسام التي يحتويها ويساهم فيها اعضاء المنتدي وبذلك نكون عملنا حفلة ترفيهية للاعضاء وفي نفس الوقت عملنا دعاية للمنتدي في الكلية
وانا معنديش مانع بالنسبة للرحلة

بالنسبه لفكرة الفنان:
بصراحه الأفكار فى مجملها جميله بس محتاجه لتخطيط مسبق وموسع وأهم شئ موافقه الكليه اللى متمثله فى موافقة الأتحاد وأنا عن نفسى هأكلم رئيس الأتحاد فى الموضوع ده وهنحاول فيه بقدر المستطاع
بس لينا شرط ان نسمع صوتك فى الرحله

أما بالنسبه برده لفكرة الفنانه بس فى الشعر:
الفكره جميله بس برده نفس الكلام اللى قلته للفنان متتوقعيش ان فكرة حفله حاجه سهله ومتنسيش ان المنتدى لسه مبقاش رسمى علشان تتوقعوا ان الكلام مع الأتحاد بخصوص الأفكار ده كلها أمر هين
وعلى العموم باذن الله تعالى سوف اناقش رئيس الاتحاد فى هذا الموضوع
والله الموفق

حقا فكرتك جميلة يا فنان تستحق عليها الاشادة ولكن لي بعض الملاحظات :

_من غير المقبول أن تكون الرحلة خاصة بأعضاء المنتدي فقط خاصة اذا أدرجت ضمن نشاط الاتحاد أو احدي الأسر ونوه عنها رسميا داخل الكلية لأنها في هذه الحالة تكون متاحة للجميع .
_في الاجتماع ألأخير للاتحاد مع د.عبد الله تم عرض برنامج رحلة الغردقة وتمت الموافقة عليها كما تطرق الحديث معه الي رحلة تتجه الي أبو سمبل وهاتان الرحلتان يتركز دعم الكلية لهما نظرا لأن الرحلات الداخلية يتم توزيع تكلفتها علي قيمة الاشتراك .
_لذا فقد يتعذر القيام برحلة داخل مدينة أسوان قبل ظهور النتيجة نظرا للارتباط بالرحلتين التي سبق ذكرهما .
_ان شاء الله لن تكون هناك موانع للقيام برحلة داخل مدينة أسوان بشرط التنسيق قبلها بوقت كاف ولتكن احتفالا بالنجاح خلال نصف العام الدراسي الاول .

شكرا ل محمد محمود عبده" أمين مساعد لجنه الرحلات"لتجاوبه السريع للموضوع وأعتقد انه غطى كل الجوانب
بس برده مش هانفقد الأمل أرفعوا ايديكم للسماء وقولو يا رب رحلة الغردقه وابو سمبل تتلغى "هههههههههه"

اقتباس :: من غير المقبول أن تكون الرحلة خاصة بأعضاء المنتدي فقط خاصة اذا أدرجت ضمن نشاط الاتحاد أو احدي الأسر ونوه عنها رسميا داخل الكلية لأنها في هذه الحالة تكون متاحة للجميع .

بسيطه يا بشمهندس اللى مش مشترك يشترك معانا وأعتقد ده حاجه بسيطه يعنى ولا أيه؟!!

اقتباس :: في الاجتماع ألأخير للاتحاد مع د.عبد الله تم عرض برنامج رحلة الغردقة

1500 جنيه دعم لرحله واحده ويمكن أكتر كمان !!!!!!!!!!!!!!!!!!!!!!!!!!!!

اقتباس :: لذا فقد يتعذر القيام برحلة داخل مدينة أسوان قبل ظهور النتيجة نظرا للارتباط بالرحلتين التي سبق ذكرهما .

ياريت يا بشمهندس ده يتحقق

وده مهم علشان احنا المفروض نتعرف على بعض اكتر واكتر

معاكم .. رحلة .. إلى اللانهائية ، وما بعدها !!!

انا معاكم فى الرحله دى

بس ياريت تكون بسرعه قبل الحر

ياريت والله

بس فى الانجااااااااااز
وانا اول واحد معاك

» اقتراح ضروري لعمل مكتبة خاصة بالمنتدي تضم جميع انواع الكتب
» اقتراح لكن لم يكتمل
» اقتراح
» اقتراح
» مشروع المعامل التخيليه