الزمالك ينهي رسميا صفقتي محمود سمير وعلاء كمال

في سياسة البحث عن احتياجاته الزمالك ينهي رسميا صفقتي محمود سمير وعلاء كمال

حمل من هنا

نجح مسئولي الزمالك في حسم صفقتي لاعبي وسط المقاولون علاء كمال ومحمود سمير والتوقيع تم مع اللاعبين لمدة خمس سنوات

يلعب اللاعبان في وسط الملعب ويتميزان بصغر السن , ويلعب علاء كمال كصانع ألعاب ومن الممكن توظيفه كارتكاز مساند بينما يلعب محمود سمير بشكل رائع علي أطراف الملعب ويتميز بالسرعة الكبيرة والقدرة علي المراوغة ويحتاج فقط للتركيز علي المرمي واللعب الجماعي بشكل أكبر

وكان لنجم الزمالك شيكابالا دور كبير في إقناع محمود سمير بالتوقيع للزمالك لأن شيكابالا يعرف سمير جيدًا ويعرف مستواه منذ كانا زملاء في منتخبات الناشئين كما أن شيكابالا كان يعلم كم الضغوط التي تمت ممارستها علي محمود سمير للعب للأحمر , و كانت المفاوضات بدأت مع علاء كمال في يناير عن طريق الاستاذ احمد توفيق الذي نجح في الحصول على توقيع اللاعب و بصمتع على العقود

وعند أخذ رأي الكابتن محمد حلمي في صفقة اللاعبين فأكد حلمي أن الزمالك يحتاج لهما خاصة أنهما يستطيعان ان يضيفا مرونة تكتيكية للفريق وتغير طرق اللعب الذي أكد حلمي أنها لن تستمر على طريقة الاعتماد على الإبداع الشخصي للاعب الوسط المهاجم , ولكن في الموسم القادم إن شاء الله سيكون للزمالك شكل تكتيكي مختلف ومنطقة وسط الملعب هي التي ستعطي الشكل التكتيكي للفريق وتجعل المدرب يستطيع أن يغير من طرق اللعب كيفما يشاء

في النهاية يود الموقع توجيه الشكر لإدارة الزمالك خاصة الأستاذ ممدوح عباس والأستاذ أحمد توفيق والأستاذ عمرو الجنايني والأستاذ صبري أبو علم الذين نعلم مدي حرصهم علي تجديد فريق الزمالك وحرصهم علي إعادة البسمة لجمهور الزمالك ولكن نؤكد أن الزمالك ما زال بحاجه لصفقات أخرى خاصة في الواجبات الدفاعية لوسط الملعب ونحن نعرف أن إدارة النادي تعمل في هذا الاتجاه وننتظر نجاحها بإذن الله

كلمة أخيرة للأستاذ ممدوح عباس : نشكرك بشدة للجهد الذي نعلم أنك تبذله لتلبية احتياجات الفريق ولكن حديثك عن القائمة الأفريقية وأن اللاعبين سيتم قيدهما في القائمة الأفريقية نعتقد أنها كانت ذلة لسان لأن هذا الأمر يجب أن يحدده الجهاز الفني خاصة أن قائمة الفريق الافريقية ينقصها أربعة اماكن واحتياجات الفريق لاعبي ارتكاز وظهير أيسر ومهاجم بديل لعمرو زكي إذا تم اتخاذ قرار احترافه ومسائل القيد المحلي والقيد الأفريقي هي أمور لابد ان يفكر فيها الزمالك بعد أن ينهي صفقاته لضم أفضل أربعة عناصر للقائمة الأفريقية فقد كلفنا التسرع في قيد لاعبين كخالد سعد وغيره خسارة مكان في القائمة الافريقية ويجب أن يتم التعامل مع القائمة الافريقية بكل حذر

مبروك لجماهير الزمالك الصفقة الثالثة رسميا سيري دي وعلاء كمال ومحمود سمير وننتظر بإذن الله إعلان صفقات أخرى في القريب العاجل في ظل سياسة الزمالك المتوازنة في تلبية احتياجات الفريق والمراكز التي تحتاج لدعم حقيقي

الف مبروك لكل الزملكاوية وعقبال انشاء الله اسامة محمد وحسين على لانهم الاتنين لاعبين كويسين جدا

ويارب ناخد الكاس يا رب قولوا يا رب
وعقبال المدير الفنى كمان
ربنا يستر على اختيارات الزمالك الايام الى جاية

حاضر يا باشمهندس kaka_of _egypt ح ندعي اهه

يااااارب الزمالك مايطلعش من المولد بلا حمص ( زي كل موسم )

(زمالك يا محتاس لا دوري و لا كاس)

مين محمود سمير و علاء كمال دول ؟

انا سمعت انه اللي اشتري التروماي كان واحد زملكاوي

و دلوقتي بس اتاكدت

لا يا سمان محمود سمير لعيب كويس جدا بس المشكلة انة راح الزمالك كدة انسى يا عمرو
بعدين برشلونة بكل نجومة لو لعب فى الدورى المصرى تحت اسم الزمالك برضة هيكون تانى.....اقصد تالت

شاااااااهد الهدف الراائع لعلاء كماااال

في مرمى الإتصالات

[شاااااااهد الهدف الراائع لمحمود كماااال
]

هو اسمه محمود كمال و لا علاء سمير

انا مش بقولكم الزمالك اشتري التروماي

لا أنا قصدى على علاء كماال

معلهش غلطة مطبعيية

بس عارف يا أحمد دة شكله فاائل كويس انك تحفظ اسم محمود سمير

ان شاء الله حتحفظ اسمه دايماً

وحابقى أفكرك

اكيد طبعا

احنا فاكرين بشير كويس خالص و عبدالمنصف و مش ممكن ننساهم ابدا

وقبلهم ايمن عبدالعزيز اللي لما اطرد الزمالك انسحب بعد اول خمس دقايق

هههههههههههههه

طب افتكر كمااان شيكابالا

عشان شرازمة الأهلوية اللى كانوا حاضرين مع جمهور انبى ماتش نهائي الكاااس

شتموا شيكابالا بشتيمة قذرة اعتادوا أن يشتموها له

هؤلاء العنصريين

أقسم رجال الألتراس وايت نايتس
أن يتم شتم اللاعب الأحمر قديس الأهلاوية
في أى مباراة للزمالك

ولن يفلت منهم أبداً
انتوا اللى بدأتوا واحنا حننهيهاااا عليكم

انا ما اعرفش هما شتموه قالوا ايه

بس عادي يعني

معلش يا باشمهندس احمد اني عدلت ردك
انا عارفة ان كل الكلام هزار x هزار
بس عشان ما نقولش حاجة مش صح في النص بس
وتقبل احترامي وتقديري لك

الاهلي دائما يحترم قرارات الحكام لانه نادي قيم و مباديء

و نحن استفدنا منه كثيرا و من مبادئه لذلك نحترم قرارات السادة المشرفين

طبعا جمهور الزمالك اتعلم من ناديه و من مرتضي منصور الكثير مثل ......

( انا طبعا مش ح اوضح علشان الباشمهندسة PRINCESS ما تمسحش حاجة في الرد )

احمد ع م ا كتب:: الاهلي دائما يحترم قرارات الحكام لانه نادي قيم و مباديء

و نحن استفدنا منه كثيرا و من مبادئه لذلك نحترم قرارات السادة المشرفين

طبعا جمهور الزمالك اتعلم من ناديه و من مرتضي منصور الكثير مثل ......

( انا طبعا مش ح اوضح علشان الباشمهندسة PRINCESS ما تمسحش حاجة في الرد )

يمكن حضرتك لسة ما عرفتش
بس بجد انا ماليش في الكورة خاااالص
ولا اعرف حاجة في قوانينها ولا في الملعب ولا اعرف اسامي اللاعيبة
ومؤخرا بس اللي قررت اشجع الزمالك
وحتي لو لمّحت للصبح
مش حفهم
وردك وقتها كان صدفة اني فهمته اصلا
ضحك ببكا

اقتباس :: الاهلي دائما يحترم قرارات الحكام لانه نادي قيم و مباديء

وضح بقى يا أحمد الجملة دى

عشان برنسيس بسسس

بالتاكيد الاهلي نادي محترم يا اخ يحيي .. و نادي قيم و مباديء

فهو لا ينسحب من مباراة بعد خمس دقائق لمجرد طرد لاعب

كما لاينسحب لمجرد احتساب هدف

و لا يقوم رئيسه بافعال مثل افعال مرتض منصور ( المسجون سابقا )

( اول مرة اشوف رئيس نادي سوابق )

هو دة مشجعين الزمالك فهم اما لايفهموا فى الكورة زى المهندسة الكريمة او بيفهموش اصلا اما بالنسبة لعلاء كمال فمن حق الزمالك ان يشترية ما دام احرز ..... هدفا

ahmed677416 كتب:: هو دة مشجعين الزمالك فهم اما لايفهموا فى الكورة زى المهندسة الكريمة او بيفهموش اصلا اما بالنسبة لعلاء كمال فمن حق الزمالك ان يشترية ما دام احرز ..... هدفا

ياباشمهندس لما تتكلم مع باشمهندسات
في كورة أو في غيره
يكون الإحترام سمتك__

عشان كدة انا مش حرد علييك /
فى أى مواضيع رياضية مرة أخرى
حقاً أهلاوى

» حسن مصطفى ف الزمالك رسميا
» رسميا .. الزمالك يضم عصام الحضري
» أمير عزمي مجاهد في الزمالك رسميا
» رسميا الحق يعود لاصحابه (الزمالك نادى القرن)
» كرول يقدم تقريره رسميا لإدارة الزمالك الأسبوع القادم‏!‏