عدد المساهمات : 1336 تاريخ التسجيل : 30/04/2008 العمر : 33 الموقع : qena kingdom رقم العضوية : 1096 Upload Photos :
موضوع: Prince of Persia تعود من جديد هذا العام الجمعة 13 يونيو - 13:33
POP
Prince of Persia تعود من جديد
بقي مؤكد ياجماعة ان اللعبة الرائعة واللي طالما امتعنا اننا نلعبها خاصة جزئها الأول والتاني وهي لعبة Prince of Persia انها هاينزل ليها جزء جديد .. وبالدخول علي موقع الشركة المنتجة للعبة UBI soft هانلاقي ان في الجزء الجديد محطوط تصور للشخصية واللي هاتكون غير DASTAN اللي كان معانا في الأجزء التلاته الأولي .. بمعني ان الأجزء التلاته الأولي كانت عبارة عن فصل في كتاب Prince of Persia وما يتم الإعداد ليه حاليا ده فصل جديد يختلف تماما عن ماسبقه وليس جزء رابع كما يظن الكثيرون ..والاختلاف ده هانلاحظه سواء في الشخصية او المعارك اللي انتقلت وتطورت لمرحلة أعلي بكتير او القصة زي ماهانشوف مع بعض ..
وفي منتدي Prince of Persia علي موقع UBI هانلاقي ان الحديث علي قصة لعبة بيدور في إطار رائع جدا ويمكن تلخيصه كالتالي : اله الخير لدولة الفرس واللي هو الضوء و اله الشر واللي هو الظلام وان في معركة شديدة قامت بينهم خلصت بفوزالضوء وهانلاقي ان الضوء قدر انه يحبس الظلام و حرس سجنه بمجموعة محاربين سحرة لكن بمرور الوقت بدأت اعداد الجماعه دولتقل واتبقت منهم واحدة بس .. وهي هاتبقي حليفة برنس في اللعبة وكمان هانشوف انها بتجيد السحر وده اللي هايضفي علي اللعبة طابع اجمل بكتير هانشوف شخصية البرنس بتستفيد بيه وطبعا القصة بتبدأ عند تحرر الشر مرة أخري.
حاجة كمان هاتميز شخصية البرنس في الجزء ده وهي إرتداءه قفاز خاص بمخالب فولاذية ، القفاز ده بيمكنه من انه يتشبث بالحوائط ويمشي عليها سواء باتجاه أفقي زي ماكان البرنس السابق بيعمل او بإتجاه رأسي وده الجديد مع البرنس الجديد .. وطبعا دي إضافة من الاضافات الجديدة في اللعبة ده غير أسلوب المعارك اللي تطور تماما واللي هاتلاحظوه من الفيديو الخاص باللعبة .. وعن تاريخ صدور اللعبة فترجح الأراء انه هايبقي في ديسمبر من هذا العام .. لكن اللي نقدر نأكده إنها بإذن الله هاتنزل قبل بداية 2009 ..
موضوع: Prince of Persia تعود من جديد هذا العام 
الجمعة 13 يونيو - 13:33
