تفاهة المنتدى الي اي حد سوف تصل

بسم الله
بعد اذن الجميع وددت ان افتح هذا الموضوع لان بجد الموضوع زاد عن حده جدا وانقلب المنتدي والهدف من عمله انه يبقي واجهه وملتقي لابناء كلية هندية اسوان وان الناس تدخل في المواضيع اللى تتعلق بالكلية وتبدا نتناقش ونتحاور عشان نتقدم ونرتقي بمستوى الكلية وايضا نستفيد ونزود معلومتنا في مجالات دراستنا وده عن طريق اقسام الكلية ولكن مايحدث الان يشير على ان المنتدى اصبح مؤشرة المنتدى والاستفاده منه في انحداااااااار سريع جدا واصبحت المواضيع المطروحة تزيد يوما بعد يوم من حجم التفاهه الزائده عن الحد وتزيد المسافه لنبعد عن الهدف الاساسي للمنتدى وده اخر مرة جيت ادخل المنتدى لاقيت الاتي في اخر كام صفحة للمشاركات

اكيد ياجماعه ملاحظين ان نسبة قليله جدا من المواضيع اللى الموجوده في الاقسام اللي اتعمل من اجلها المنتدى والبااااااااااااااااقي علم لا ينفع وجهل لا يضر هو مفيش اعتراض انه يكون فيه ترفية شوية بس النسبة الاكبر تكون للجهه الهندسية للمنتدى والتي ترتبط بالاقسام هندسية واقسام التي تتعلق بالكلية والاقسام التي تتعلق بالتكنولوجيا والتقدم العصري
هناك نقطه اود الاشارة اليها ان هناك لم يتم تفعيل قانون منع تنزيل اكثر من موضوعين ومنع المواضيع والاتجاه للردود فقط يوم الاثنين لذلك لكي يكون الحل واقعي وان يعود اتجاه المنتدى للسير في الاتجاه الصحيح المقام من اجله
اولا غلق الاقسام الترفيهية وفتحها ثلاث مرات فقط في الاسبوع او اقل
ثانيا التركيز على اثراء الاقسام ذات الاتجاه الهندسي مثل اقسام الكلية وكذلك الاقسام التى تتعلق بتقدم الكلية
ثالثا فتح الاقسام دوما بالنسبة لاقسام التى لا تحتمل تاخير في فتح موضوع فيها
هذه مقترحات الرجاء تنفيذها حتى لا يحيد مسار المنتدى عما اقيم من اجله
ولو ان هناك مقترحات بناءة رجاء كتابتها ولكن الااااااااااااااااااااااااااااااااااااااااااااااااااااااااااااهم من الاقتراح امكانية تطبيقه على ارض الواقع وجزاكم الله خيرا

اقتباس :: اولا غلق الاقسام الترفيهية وفتحها ثلاث مرات فقط في الاسبوع او اقل
ثانيا التركيز على اثراء الاقسام ذات الاتجاه الهندسي مثل اقسام الكلية وكذلك الاقسام التى تتعلق بتقدم الكلية
ثالثا فتح الاقسام دوما بالنسبة لاقسام التى لا تحتمل تاخير في فتح موضوع فيها
هذه مقترحات الرجاء تنفيذها حتى لا يحيد مسار المنتدى عما اقيم من اجله
ولو
ان هناك مقترحات بناءة رجاء كتابتها ولكن
الااااااااااااااااااااااااااااااااااااااااااااااااااااااااااااهم من
الاقتراح امكانية تطبيقه على ارض الواقع وجزاكم الله خيرا

'

أشيد بكلام جودزيلا في هذا الموضوع ....

كما اؤكد على ضروره اغلاق الاقسام الترفيهيه نهائياً وذلك لأن هذا المنتدى هندسي علمي بالدرجه الاولي وعن رأي بعض الأعضاء أنه لابد أن يكون هناك متنفس للطلاب في المنتدى فأرى أنا المنتدى أصبح متنفساً لفئه كبيره من التافيين و التافهات ....

وان كان الترفيه ضروري لهذه الدرجه أو بهذه الكميه الضخمه فالاولي لهم ان يتجهوا الى منتديات اخرى متخصصه في هذا المجال بدلأ من تغيير واجه منتدى تعليمي ....

وأنا معااااااااااك مليون % برده يا جودزيلا
بس ما أظنش ان الحل يكون في غلق الأقسام الترفيهية
الحلول تكون في تنمية باقى أقسام الكلية بمواضيع مثمرة تجذب الأعضاء
وان مشرفين قسم كهربا ومدنى وعمارة تشد الناس اكتر للأقسام دى
ودة اللى انا مش لاقيه منهم
ولا حتى منى أنا بصفتى مشرف قسم كهربا
لانى اندمجت مع باقى الطوائف _
وقلت مالهاش حل

أصلاً أقسام المنتدى اللى شغالة هى أقسام الجزء الأسفل
من قسم برامج الكمبيوتر وانت نازل
،،،،،،،،،
انا بقول نخلى قسم كهربا ما بين قسمي صور وخلفيات / نكت وضحك
أكيد الناس حتعدى على القسم ان شاء الله

لا لا

و الله انا معاك يا جودزيلا جدا

ان المنتدى مبقاش الاستفاده الاكبر منه فى الجهة الهندسية

و لكن اصبح الترفيه هو المسيطر على المنتدى

و لكن غلق اقسام الترفيه نهائيا زى ما قال " رامى " مش هوه الحل

لان كده المنتدى مش هيبقى فيه غير الاقسام اللى موجودة فى الكلية

و ده مش هوه الحل

انا شخصيا بقترح

انه زى ما انت بتقول يكون لاقسام الترفيه ايام محددة فى الاسبوع اللى ينزل فيها الاعضاء مواضيع

و بقية الايام يكون لقراءة المواضيع و وضع ردود فقط

يعنى احنا لو طبقنا الكلام ده هنلاقى ان فى كل قسم 6 مواضيع كل اسبوع على اساس موضوعين فى اليوم للقسم

و اعتقد ان ده كفاية اوى

و بصراحة انا معترض مع " رامى " انه وصف ان فى فئة كبيرة من المنتدى " تافهين "

لانه حتى لو انت مش عاجبك اللى بيعملوه , متقولش عليهم كده

دول مهما كانوا زمايلك

و ان شاء الله المنتدى يكون فى احسن حال

أشكر الأخ جودزيلا علي موضوعه وأتفق معه في غيرته وحبه للمنتدي

وأما الإغلاق التام للأقسلم غير الهندسية فلا أحبذه ولا أوافق عليه
ولكن أتفق مع من يقترح بأن يكون هناك تنظيم للموضوعات علي المنتدي
وأن تكون للأقسام غير الهندسية أوقات معينة بحيث لا تطغي علي الجانب الهندسي
الذي من أجله أنشأ المنتدي.
وأمني من إدارة المنتدي أن تجد طريقة لتنشيط أداء الأقسام الهندسية حتي نجذب الأعضاء إليها
ونجعلها قبلتهم الأولي عند زيارتهم للمنتدي وأتمني تعاون جاد من أعضاء هيئة التدريس مع إدارة المنتدي.

أمال لو شفت موضوع "الاميرة العارية " ولا موضوع "الأميرة ديانا" كنت عملت ايه؟؟؟؟؟؟؟
الي انت شفته ده مايجيش حاجة جنب اللي اتحذف

اسمحوا لي ان ابدي رأيي في الموضوع ........
انا اتفق معكم ان المنتدي في الفترة الاخيرة اصبح يحتوي علي الكثير من المواضيع التافهة والغير مفيدة
ومعظمنا نسي ان الهدف الاساسي من المنتدي هو الافادة العلمية
وده المبدأ الذي انشئ من اجله المنتدي.....
لكن من رأيي انا اني مش شايفة ان حل هذه المشكلة بان نقوم بغلق الاقسام لان ده مش حل
وكمان احنا بكدة حنصرف عنا كثير من الاعضاء لاننا بنرغمهم علي حاجة معينة.......
فاحنا ممكن مبدأياً نغلق قسم الفن والفنانين نهائياً لاني صراحةً مش شايفة ليه اي لزمة
اما بالنسبة لباقي الاقسام مثل قسم النكت وقسم العب واتسلي وباقي الاقسام التي علي تلك الواجهة
فاننا ممكن نحدد عدد المواضيع التي يمكن تنزيلها في اليوم الواحد
وليكن كحد اقصي لا يزيد عن موضوعين لان الترفيه شئ لازم
ولا يمكن ان نمنع الاعضاء ان يقوموا بالترفيه عن نفسهم
فيجب ان يكون هناك منفذ بعيد عن الدراسة بعض الشئ...
اما بالنسبة للاقسام الهندسية فانا اظن لاننا في الاجازة فلهذا السبب عدد المواضيع التي بها قليل
لكن ايام الدراسة كان يومياً هناك مواضيع جديدة في تلك الاقسام......
في النهاية دي مجرد اقتراحات بس اتمني انها تتنفذ ........

شكرا للردود المحترمة الهادفة وبعتذر على المواضيع اللي علمت عليها انا لو عليا هعلمعلى الصفحة كلها بس عشان الوقت اللي قدرت علمت عليه ومعلش انا عملت بغض النظر عن كاتب الموضوع انا في راي الاقسام الترفيهية دي عامل زي يوم الاجازة في الحياة الواقعيةة الواحد بيرفه عن نفسه بعد عمل جاد ياعني بنشتغل 6 ايام في الاسبوع بوناخد اجازة ترفيه يوم واحد عشان لو محصلش كده البلد مش هتتقدم ولا فيه حاجة هتحصل وهنفضل محلك سر فالاقتراح هو

غلق الاقسام الترفيهية لمدة ثلاث ايام وفتحها ثلاث ايام واليوم السابع ممنوع اضافة مواضيع واضافة ردود فقط
ده هينشط اقسام الكلية جداااااااااااااااا وفي نفس الوقت فيه ترفيه لانه مش اساسي في المنتدى ليه جزء مش كبير وياريت محدش يزعل ويقول والله مانا داخل المنتدى تاني عشان هيقفلوا الاقسام الترفيهية لانه هنا مش منتدى ترفيهي المنتدى تابع لجهة هندسية يجب ان يكون نسبة 80%على االاقل من المواضيع لها علاقة بالاتجاه الهندسي وادعوكم لمشاهده المنتديات الاجنبية التابعه لهة هندسية واانا شوفت موقع منهم ممتاز جدا ولو لاقيتة ابقي ابعتلكم اللينك بتاعه
ياريت الناس تفوق شوية العالم حولينا بيتقدم والعلم الهندسي كل يوم فيه جديد وقدمنا عدو متربصلنا عاوزنا ملهيين كده دايما والتخلف والجهل بيجري في دمنا والتفاهه هي كل اللي شاغل بالنا عشان نتقدم لازم نضحي شوية ونبقي جد شوية ونتعب عشان نبقي مميز في وسط المنتديات الاخري لازم نفكر صح نفكر بفكر جديد لازم نضيف حاجة للعلم وللبشرية لا اخبار عمرو دياب ولا تامر حسني اللي هيموت ولا يوسف شاهين اللي في العناية المركزة ولا الصور والعجايب اللي مش عارفين هي صح ولا غلط اضافة حاجة للعلم وافادة الانسان او ساهمة في اعمار الارض اللي االانسان مخلوق عشانه وبعتذر عن الاطاله
ولكن لاااااااااااااابد ان نكون متميزين وهذا ليس بالشيء الهين

MISS_R كتب:: اما بالنسبة للاقسام الهندسية فانا اظن لاننا في الاجازة فلهذا السبب عدد المواضيع التي بها قليل
لكن ايام الدراسة كان يومياً هناك مواضيع جديدة في تلك الاقسام......
في النهاية دي مجرد اقتراحات بس اتمني انها تتنفذ ........

هو لو كان الموضوع كدة _
يبقى كله تمام
انما أصلاً في الدراسة الأقسام الهندسية كانت بالعافية ماشية
وفيها شوية مواضيع ،
انما الأجازة لما دخلت بقت مفيهااااش حاجة خاااااالص

ونصيحة منى لكل الطلبة بما انى السنة اللى جاية في بكالريوس ان شاء الله
الأجازة الطالب المهندس يقدر يستفيد منها
أكتر علمياً من استفادته في الدراسة
لان مثلاً واحد عايز يركز لغة برمجة c++
وبيحبها حيقدر يجيب كل مصادرها وكتبها ويذاكرها
انما في الدراسة حيلاقى معاها 6 كورسات غيرها فيه اللى بيحبه
وفيه اللى مش بيطيقه وغصبن عنه يذاكرها
اللى احنا بنعمله دة يبقى أيام المدارس اننا نفرح بالأجازة وكدة
انا بتهيألى الطالب المهندس اللى عنده هدف في الحياة وعايز يحققه
وعايز يشتغل بعد التخرج انه يفيد نفسه دراسياً في الأجازة
بالكتب والكورسات والشهادات
أمال حيعمل كدة امتى لما يتخرج ؟؟
وبعدين أنا بقولها علنى
الإستفادة من الكلية
للشغل بررره مش حتزيد عن 20 % بجددددددددددددددد
ولا تعلييييييييق

انا بأتفق معاك يا جودزيلا فى هذا الموضوع ان المواضيع السائدة فى المنتدى هى المواضيع الغير دراسية ومعلش ما تقولش عليها تافهة لانك كده يا جودزيلا اكنك بتقول على الناس اللى كاتبين المواضيع دى هما اللى تافهين وبعدين انا من رأيى ان المنتدى يجب ان يكون متكامل يعنى يبقى فيه مواضيع تخص الدراسة ومواضيع ترفيهية يا اما بقى ما كنتوش انشأتوا الاقسام دى ولا ايه يا جودزيلا خصوصا وانك من المنشئين للمنتدى
ولكن انا من رأيى ان الشغل فى تلك الاقسام يكون بسيط وخصوصا من المشرفين فى هذا القسم زى قسم الصور وقسم الفنانين والحاجات دى
وكمان لازم يبقى فى ربط فى الاقسام دى والمواضيع الموجودة فيها عشان ما نلاقيش نفسنا بننساق لمواضيع خارج السياق يعنى لازم مواضيعنا تكون فى نطاق معين
انا بس عايز اوضح حاجة بخصوص قسم الرياضة اذا كنت يا جودزيلا شايف انه دلوقتى ملئ بالمواضيع عشان بس ابرر موقفى وتعرفوا السبب فى كثرة المواضيع فده بسبب بطولة يورو 2008 خصوصا وانها بتتعمل كل 4 سنين فلازم تتغطى كويس غير كده بعد البطولة هتلاقى الققسم عادى زى باقى الاقسام هادى ومواضيعه قليلة جدا
اما بالنسبة للاقسام الدراسية وعدم الاقبال عليها فانا بلوم المشرفين على تلك الاقسام وباتمنى منهم انهم يزودوا المواضيع السخنة فى تلك الاقسام عشان يجذبوا الاعضاء ويمكن الحال نايم دلوقتى لاننا لسا خارجين من امتحانات وجايبين اخرنا يعنى استنى علينا اسبوعين على بال ما نكون فوقنا من الجو ده

واللى فيه صالح المنتدى اعملوه ولكن ارجو اخبارنا بالقرارات اللى هتعملوها بشأن الاقسام دى يمكن يكون لينا رأى يتفق معاكم يرضى الادارة ويرضينا ويكون حل وسط

انا مع الاخ جودزيلا

بضرورة تخصيص يومين او ثلاثة لفتح الاقسام الترفيهية

لاننا مش منتدى dvd4arab مثلا

او منتدى افلام اجنبية او عربية اخر

اللي عايز ينزل افلام يروح اي مواقع من دي
لان بكدا بنلغي الفايدة بتاعت المنتدى

وهي الاهتمام بالاقسام والمواضيع العلمية لتوصيل الاستفادة للاخوة والاخوات ومش لازم تكون هندسية

فقسمي التاريخ والعلوم والرياضة مثلا انا بجد فيهم مواضيع شيقة جدا

والله الموفق

فعلا كلام المهندس يامن صحيح

بالنسبة للاقسام العلوم والتاريخ واارياضيات محدش بياجي جنبها خالص الا فئة قليله ومحتاج ايضا تنشيط لها

وانا ايضاً اتفق معكم في ضرورة الاقلال من المواضيع في الاقسام الترفيهيه وان كنت ازيد عليه وكما قالت MISS_R ضرورة الغاء قسم الفن والفنانين فما حاجتنا لنعرف اخبار الفنان الفلاني او الفنانه الفلانيه وهل هؤلاء هم الذين يجب ان نتتبع اخبارهم ونعرف احوالهم
ووجود قسم للاغاني يحوي العديد من الالبومات الغنائيه تشجيع للاعضاء علي الاستماع الي مثل هذا النوع من الغناء وتحمل الاداره نصيباً من الوزر في هذا لانها سمحت بوجوده علي صفحات المنتدي
ووجود قسم للافلام يحتوي علي روابط لافلام اقل ما يقال عنها انها افلام لا تصلح للمشاهده ووضعها امام اعين الاعضاء تشجيع لهم علي مشاهدتها وايضاً تحمل الاداره نصيباً من الوزر في ذلك
اما عن باقي الاقسام الترفيهيه فليست كلها سيئه فقسم النكت يحتوي ايضاً بجانب النكت علي بعض الموضوعات المرحه والتي ترسم الابتسامة علي وجوه الاعضاء ونحن بحاجة لذلك
وقسم الصور ايضاً يحتوي علي العديد من الصور القيمه والعلميه والتاريخيه التي اضافت الكثير الي معلوماتنا وليس كل ما فيه صور غير هادفه
واعتقد ان الاقبال علي قسم العب واتسلي ليس بالاقبال الذي يلتفت اليه فالاقبال عليه ضعيف جداً من قبل الاعضاء
هذا ما اري والله الموفق والمستعان

كلام جميل يا بشمهندس جودزيلا بس مكرر!!!

طبعا الدكتور محمود على صابر عرض فى موضوع هندسة المنتدى إزاى نضبط إتجاه
المنتدى من خلال المواضيع والشكل العام وإزاى نبرز المواضيع الهامه ذات القيمه
ويصبح فيه جوده للمواضيع وفيه فرق بين الموضوع المهم والأهم والسطحى حتى
نرتقى بالمنتدى ويصبح هندسى بالفعل وليس بالاسم.

فتم إقتراح عمل نشره دوريه بها جميع المواضيع المميزه ولاقت نجاح الحمد لله وأعتقد
فيه فئه ليست بالقليله إبتدت تشعر بأهمية الموضوع وإبتدت تواكب الأحداث.

بعدين تم عمل إقتراح وتصويت على تخصيص يوم لا يتم إضافة أى موضوع فيه "يوم الأثنين"
ويتم الرد على جميع المواضيع ويتم النقاش فى كل المواضيع المهمله ونبدأ فى فرز المواضيع الهامه
ولنعطى كل ذو حق حقه وأيضا تم تحديد عدد المواضيع لكل عضو بمعدل موضوعين كحد
أقصى فى كل قسم وبكده يبتدى يقل عدد المواضيع جدا لأنك لما هتضع موضوعين
أو أربعه أو سته وليكونو تافهيين خلاص هتبتدى تنظر للأقسام الهندسيه والاسلامى والحوار
العام ده لو زلت حابب المشاركه بعد نفاد كروتك فى الأقسام الباقيه ولكن طبعا مفيش أى إتباع
للقوانين والمقترحات دى وتم خرقها ولأنى مفيش عقوبات للخرق تم الخرق بسهوله جدا
كما هى عادة المصريين سواء بين جدران المنتدى أو خارجه.

برضو تم التنويه بعدم الرد بصور رمزيه أو صور جاهزه ويجب كتابة رد إذا لزم الأمر
وفيه ناس ابتدت تطبق وفيه ناس لم تلتفت لذلك!!!!

طبعا قرار الغلق مينفعش لأن زمان تم غلق قسم معين فهاجت الدنيا وثار الثائرون رغم إنتشار
المواضيع عديمة القيمه فى وقتها لذلك من الأفضل نبدأ بالتنويه بموضوعان لكل قسم باليوم
ويوم الأثنين لا تضاف مواضيع وممنوع الردود عديمة القيمه أو خارج الموضوع لأن
التغيير مبيتمش فى يوم أو المنتدى مش هيمشى بالطريقه التى نحبها بين ليلة وضحاها.

لذلك نحاول أجمعين بأن نبدأ الدعوه لعمل مواضيع أفضل ونستغل الطاقات المسلطه على
المنقول والمواضيع غير الهامه "والكلام ده إتعمل بيه موضوع فى قسم الإقتراحات"
لعمل مواضيع أنفع وتليق الناحيه الهندسيه وبرضو منقدرش نمنع المواضيع الترفيهه
لأنى الوقت ده أجازه بمعنى مستحيل هيبقى كله هندسى لذلك يكفى موضوعان لكل قسم.

وأيضا ليس كل أعضاء المنتدى ذو أقدميه فالمخالف يكون دائما وجه جديد لذلك
دعونا نحث الجدد على المشاركه تحت سقف هذه القوانين وسيتم تغيير رسالة الترحيب
الأوتوماتيكيه إلى هذا الشأن وكل من رد فى هذا الموضوع أرجو أن يبدأ بنفسه فالتغيير
لايتم إلا إذا نبع من كل شخص أراد التغيير.

وأخيرا لن نلجأ للعقوبه أو التضييق فى تلك الأمور إلا بعد فقدان الأمل فى التغيير بالحسنى.

والله الموفق

لالا مش معاكم لازم لمنتدى يبقى متنوع بس ده رايىى

شكرا للباشمهندس ENG_GODZELA علي الملاحظة الصحيحة و الواقعية اللي اتسم بيها المنتدي .

و انا مع معظم الردود اللي سبقتني ... و ايضا مديرنا الحبار رد باستفاضة علي الموضوع .
و انا معاه في كل كلامه و ان شاء الله يتم الالتزام بالقرارت الجديدة اكتر و اكتر في الايام المقدمة .

و احب اضيف علي كل الكلام السابق حاجة صغيرة ...

القرار الاخير الخاص بتقليص مواضيع كل قسم الي موضوعين فقط يوميا .. قرار جيد و عملي و ذكرت ذلك في حينه ... ولكن ممكن نستثني منه الاقسام التعليمية و الجادة بمعني انه يطبق فقط علي الاقسام الترفيهية .
و بعد انتهاء فترة الاجازة و عودة الدراسة يقل عدد المواضيع الي واحد فقط .
و يكون عدد مواضيع الاقسام التعليمية مفتوح طوال ايام السنة .

و ايضا ممكن تحفيز الاعضاء و دفعهم الي الاقسام التعليمية بعدة طرق منها اختيار افضل موضوع كل شهر يكون قاصرا فقط علي مواضيع الاقسام التعليمية
و ممكن ايضا عمل لوحة شرف لثلاثة او خمسة اعضاء شهريا هم الاكثر مساهمة في الاقسام التعليمية .

وادعوكم لمناقشة كل تلك الافكار و اي حلول اخري داخل قسم المشرفين .

و الله الموفق

انا مع كلام الحبار ان التغيير مش هيحصل بين ليلة وضحاها

و ان الموضوع محتاج مجهود كبير من المشرفين

انهم يبتدوا يحددوا المواضيع اللى تنزل فى اقسامهم

و يتم تعديل المواضيع الغير مهمة او حذفها ان لزم الامر

و يتم عمل اعلان فى كل قسم عن نوعية المواضيع المواضيع المسموح بها

و انا مع كلام احمد عماد جدا فى انه الاقسام العلمية لا يطبق عليها قانون موضوعين فى اليوم

و انه يتعمل مسابقة افضل موضوع علمى او خاص بالهندسة

و ان شاء الله ربنا يكرمنا و يكون المنتدى احسن و احسن

شكرا للبشمهندس جودزيلا على طرح الموضوع وشكرا لجميع الردود والتعليقات التى فى النهايه الهدف منها الأرتقاء بالمنتدى وجعله فى صوره مشرفه دائما لكلية هندسة أسوان .

أما بالنسبه لإغلاق الأقسام الترفيهيه بالمنتدى فهذا الأمر لا يمكن أن يتم فى يوم وليله كما قار سيادة المدير.

أما بالنسبه لأقتراحى فبعد إذن الجميع على المنتدى أقترح على سيادتكم أن نقوم بعمل منتدى ثانوى داخل هذا المنتدى يشتمل على كل الأقسام الترفيهيه الحاليه بدلا من انتشارها جميعا على الصفحه الرئيسيه وبهذا نكون قد أستطعنا تقريبا أن نتغلب على المظهر العام للمنتدى ونحافظ قدر الإمكان على أن يكون فى المقام الأول هندسى فتكون وأجهة المنتدى امام الجميع99.9% هندسيه .

أما من أراد المنتديات الترفيهيه فبأمكانه البحث عليها داخل المنتدى الثانوى لأننا لا ننسى أن المنتدى به الكثير من المشتركين ليسوا فى كليه الهندسه أو أن الحياه ليست دائما علميه بحته فالجميع يحتاج إالى الترفيه بجانب العلم حتى لأ يكون المنتدى أشبه بالكليه 100% فيجب أن نهتم بالجانب الترفيهى ليس دائما ولكن من وقت لأخر أو على الأقل فى فتلرة الاجازه.
وهناك أيضا حل مؤقت أن نحجم من عدد المواضيع اليوميع لكل عضو فى الأقسام الترفيهيه بحيث يكون مثلا له موضوعان يوميا فى الأقسام الترفيهيه وفى حالة المخالفه يتم حذف المواضيع الزائده من قبل مشرفين الاقسام فورا.

وسيتم مناقشه الامر بجديه من جهة الإداره بإذن الله تعالى وسيتم الأنتهاء من تلك الأعمال الفنيه للمنتدى قبل بداية العام الدراسى الجديد.

ولن لى تعليق فمن الأفضل تغيير عنوان الموضوع.
وشكرا مره أخرى للبشمهندس جودزيلا

وأتمنى من الله التوفيق لما فيه الخير

جزاك الله خيرا ابشمهندس جودزيلا لطرحك للموضوع لاني بجد ابتديت احس اني داخل منتدى تاني مش منتدى هندسي منتدى ترفيهي واغلب الطاغي عليه هو الترفيه وقله قليله من التوجه الهندسي وانا اري ان قانون منع اضافه اكثر من موضوعين هو اولا عبء على المشرف لانه لابد من يكون متواجد طوال اليوم حتى يتحكم في كل جديد ثانيا قد يزيد من حنق الاعضاء الجدد لانهم لا يدرون السبب في حذف موضوع قد بذل مجهود في تنزيلة على صفحات المنتدى ولكن ارى غلق الاقسام الترفيهية وفتحها خميس وجمعه وسبت من كل اسبوع حتى تصبح متنفس للاعضاء هو افضل حل وان يكون باقي الاسبوع هو عمل جاد لاثراء المنتدى يالموضوعات العلمية لان فترة الدراسة هي الفترة الوحيدة التي يمكن للطالب استقبال معلومات دون عقبات مقارنة ببعد التخرج حيث انه يكون مشتت بمصاعب الحياة فليس لدية المقدرة على الاستفادة العلمية مثل الطالب

ان شاء الله منتظرين الجديد من المقترحا توالافكار حتى نتوصل الي صورة نهائية للتطوير في الموضوعات المطروحة في المنتدى وجزاكم الله خيرا

» الآن يمكنك متابعة آخر مواضيع المنتدى عن طريق قائمته البريدية وجروب المنتدى على الفيس بوك
» تهنىء إدارة المنتدى أسرة المنتدى والكلية وجميع المسلمين والعرب بجميع الأصقاع بمناسبة عيد الأضحى المبارك
» تجديدات فى المنتدى"كل جديد فى تقنيات المنتدى سيكون هنا".
» Excel sheets لتصميم مختلف العناصر الانشائية
» موسوعة المنتدى