المحكمة تبرىء جميع المتهمين فى قضية غرق العبارة السلام 98

الغردقة-محرر مصراوي- حكمت محكمة جنح سفاجا برئاسة المستشار أحمد رفعت النجار ببراءة جميع [ندعوك للتسجيل في المنتدى أو التعريف بنفسك لمعاينة هذا الرابط]، باستثناء صلاح جمعة قبطان العبارة "سانت كاترين" حيث قضت بحبسه ستة أشهر وكفالة 10 آلاف جنيه .

وكانت محكمة جنح سفاجا قد عقدت 21 جلسة استمعت خلالها لإفادات وشهادات مسئولين تنفيذيين وبرلمانيين، بينهم قيادات بوزارة النقل، ووزارات أخرى، إضافة لهيئتي "النقل البحري" و"موانئ البحر الأحمر"، إلى جانب رئيس لجنة تقصي الحقائق البرلمانية، ورئيس لجنة إعداد التقرير الفني عن الحادث المأساوي.

يذكر أن النيابة كانت قد وجهت الاتهام لـ 10 أشخاص فى قضية غرق العبارة السلام 98 منهم 4 أشخاص انتهت الدعوى القضائية ضدهم بسبب الوفاة إلى جانب 6 متهمين آخرين هم ممدوح إسماعيل رئيس مجلس إدارة شركة السلام للنقل البحرى ونجله عمرو نائب رئيس مجلس إدارة الشركة - هاربان فى لندن - وممدوح عبدالقادر عرابى ونبيل السيد شلبى والقبطان صلاح جمعه ومحمد عمادالدين.

وكان الحادث قد تسبب في غرق نحو 1033 شخصاً في البحر الأحمر كما أصيب 377 آخرون خلال رحلتها من ميناء ضبا السعودي إلى السواحل المصرية في فبراير 2006

حسبى الله ونعم الوكيل

اقتباس :: وكان الحادث قد تسبب في غرق نحو 1033 شخصاً في البحر الأحمر كما أصيب 377 آخرون خلال رحلتها من ميناء ضبا السعودي إلى السواحل المصرية في فبراير 2006

خلينا ساكتين من العياط للسلام لحادث مطروح للكوارث للناس اللي بتموت من الجوع ومستوى الفقر عمال يزيد خليكم ياشعب سلبي ساكت كده ده شعب بجد حلال فيه اللي بيتعمل ده طول ماهو ساكت منتهى السلبيه فش عب خلى واحد ومعاه شلة حرامية لا عارفين ربنا ومرجعينا ورا قاعدين في حكم مصر 30سنة ولسه اما ياجي ابنه والشله بتاعته هي بايظه خليكوا نايمين ياشعب عار على اسم مصر حسبي الله ونعم الوكيل

zayed كتب:: يذكر أن النيابة كانت قد وجهت الاتهام لـ 10 أشخاص فى قضية غرق العبارة السلام 98 منهم 4 أشخاص انتهت الدعوى القضائية ضدهم بسبب الوفاة

والله الحكم ده كارثة

كارثة ان يصل الفساد الي القضاء

ازاي الكل برائة ( و علي راسهم ممدوح اسماعيل الهارب )؟

و واحد فقط - ربان السفينة الغارق - هو الوحيد المدان . اعتقد لو كان عايش كان اخد برائة برضه

يعني دم اكثر من الف شخص راح هدر

حسبنا الله و نعم الوكيل

ياعم هي البلد باظت حسبي الله ونعم الوكيل فيهم حسبي الله ونعم الوكيل حسبي الله ونعم الوكيل واللي فلت من عقاب البشر عمره ماهيفلت من عقاب ربنا وعقاب ربنا اشد وربنا حيورينا العبر فيهم اللي لا عندهم قلب ولا رحمة وربنا يبرد قلب اهل الضحايا ربنا يكون في عونهم

حسبي الله ونعم الوكيل فيهم لكن نقول ايه هي دي مصر

miss_esadora كتب:

هي دي مصر

لا مش هي دي مصر ...... مصر اللي ذكرت في القران وربنا قال ادخلوا مصر ان شاء الله امنين مصر اللي عملت حضارة اذهلت العالم ملايين السنين مصر اللي علمت العالم ومهد الحضارات مصر خير جند الله انما اسم مصر اتوسخ بشلة الحرامية اللي ماسكين البلد والكلاب اللي برؤا نفسهم من دم الابرياء اللي مالهمش ذنب اسم مصر اتلوث بوجود شعب سلبي شعب مش عارف يطلب حقة مع انه في ايده شعب ساب دم اخوه يروح هدر وهو ساكت يبقي الشعب ده خسارة انه يكون تحت اسم مصر

فعلا
هناك اكثر من حادثة مروعة في السنين الاخيرة
طائرة مصر للطيران وقطار الصعيد
و اخيرا عبارة السلام ..و لم يحاكم اي مسئول
و لكن حادثة العبارة تفوح منها رائحة الفساد بصورة واضحة جدا
بداية من السماح بهروب ممدوح اسماعيل مالك العبارة الي خارج مصر
و التاخر في رفع الحصانة عنه
و اخيرا حكم المحكمة الصادر امس ببرائة الجميع .. ذلك الحكم المشبوه
حتي الطعن الذي تقدم به النائب العام ... اعتقد و الله اعلم ... كان لامتصاص غضب الشعب
و تهدئة اهالي الضحايا قليلا
و سيكون الحكم النهائي بالبراءة ايضا ( علي راي المثل بانت لبتها )

zayed كتب:: باستثناء صلاح جمعة قبطان العبارة "سانت كاترين" حيث قضت بحبسه ستة أشهر وكفالة 10 آلاف جنيه .

لا حول ولا قوة الا بالله 1034 نفس يضيعوا و وحبس 6 اشهر و كفالة 10الاف جنيه .....حسبى الله ونعم الوكيل ...يعنى المصرى فى وجهة نظرهم يساوى 10جنيه وخمس ساعت حبس.

الحقيقة انه القانون فى البلد دى مش بيطبق اللى على الغلابة و الناس العادية .
اما الحرامى والمرتشى والنصاب فوق القانون.

إنه فقط قانون مملكة الحيوان
(كل الحيوانت متساوون ولكن بعض الحيوانات أكثر مساواة من الآخر)
ولا تعليق

يمهل ولا يهمل .....

حسبهم الله و نعم الوكيل ....

بس عارفين يا جماعه والله والله والله
أحسن انهم مخدوش عقابهم في الدنيا ...

لأنو كده سيكون أضعافا مضاعفه في الآخرة ...

حسبي الله ونعم الوكيل
لو كل واحد بدأ بنفسه ما كانش يبقي ده حالنا
ربنا يفوقنا من الغيبوبة اللي مصر كلها بقت فيها
إلا من رحم ربي

على فكرة يا جماعة موضوع البراءة ده كان شيء متوقع المشكلة في النتايج المترتبة على الحدث ده ..... ربنا يستر على البلد من اللي ممكن يحصل فيها بسبب الموضوع ده ..... الله يرحم كل من غرق في هذا الحادث البشع و أرلاجو أن نحتسبهم جميعا شهداء ..... الفاتحة لهم جميعا ....

و طبعا بعد الموضوع ده الكل فقد الثقة في القضاء المصري و الحكومة المصرية و مات لدى الكثير من الشعب معني الولاء لمصر .... شكر يا مصر الملعونة ( المحروسة سابقا )

شكرا

» حكم المحكمة الرياضية في قضية حسني عبد ربه
» النيابة تقرر حبس المتهمين في قضية انشاء 45 موقع إباحي أربعة أيام على ذمة التحقيق
» اخر حديث داخل كبينة العبارة السلام 98 قبل الغرق مباشرتاً
» السجن 7 سنوات غيابياً لـ ممدوح إسماعيل فى قضية "السلام 98"
» صحة هذه العبارة