كل واحد يشارك بخبرته في الكليه

هو موضوع كويس يا بشمهندسه بس هناخد وقت كبير
فى كلام محدش هيعمل به***دول خمس سنين!

فكره عظيمه جدا يا باشمهندسه وده هيقوى العلاقات بين الاعضاء ايضا في المنتدى وهيقوي الروابط وروح النقاش بين خريجين هندسة أسوان وطلبتها اللى ما زالوا بيكافحوا وبكده نقدر نستفيد من خبرات بعض ونقدر نقول رأينا فى كل شىء في الكليه من كل ناحيه
ويا ريت الكل يستنفيد من الموضوع ده وياخده بجديه

ولأهميه الموضوع سيتم تثبيته فى القسم

وشكرا مره أخرى يا باشمهندسه على نشاطك بالمنتدى

فكرة مش بطالة يا بشمهندسة بس صعب تتنفذ

بسم الله
احبتى في الله السلام عليكم ورحمة الله وبركاتة نشكر اولا المهندسة على طرح هذا الموضوع الممتاز وندخل في سياق الموضوع دون مضيعة للوقت اولا بالنسبة للجميع لابد ان نعلم تمام العلم واليقين ان نظام التعليم العالى مختلف كل الاختلاف عن نظام التعليم الاساسي بمعنى ان التعليم الاساسي لديك منهج محدد تذاكرة وسوف يتم اختبارك فيه ومن ثم تحصل على نتيجتك .....الخ حتى وصولك لدخول باب الكلية عليك ان ترمى نظام التعليم الاساسي جانبا ولا تحتفظ الا بالعلوم الاساسية التى لابد وان تكون ملم بها والافضل ان تكون فاهمها اكرر الافضل ان تكون فاهمها ثم عند دخولك لدى مرحلة التعليم العالى يختلف النظام فان المنهج هنا ليس منهج محدد وان لابد ان ياتى بالنص من كتاب الوزارة وما الى اخرة لكن لابد ان تفهم في الكلية لابد ان تفهم جيدا فحوي المدرس اليك ولا اتفق مع بعض الزملاء ان الكلية حفظ لكن هذا خطا فادح يقع فيه معظم طلبة الكلية وهو الحفظ لانه تيقن تمام انك في سوق العمل في حالة مواجهتك لمشكله سوف تحلها حسب فهمك وليس حسب حفظك لكن معظم الطلبة وانا واحد منهم وباذن الله سوف نقلع عن هذا النظام اننا نترك المواد تتراكم علينا ولا نستذكرها اولا باول فتخفف عننا معاناة الحفظ اى نعم سوف تاخذ وقتا كى نفهم ولكن اسهل من الحفظ لذلك نجد اننا نحفظ ماهو مدرس لنا في المحاضرة فقط عشان ننجز ونعدي في الامتحان ولكن ماهو المفروض فعله في التعليم العالى هو كاالاتى :
حضور المحاضرة وفهم ولو جزء بسيط من مايقوله المحاضر مع تدوين المحاضرة مع العلم ان الدكتور او المعيد لن يعطيك الا50في المئة من العلم او اقل انتا عليك بالباقي تبحث عن موضوع المحاضرة حتى تفهمها تبحث في الكتب في المكتبة تسال من يكبرك سنك في الصعوبات والنقاط التى لم تفهمها ثم بعد مرحلة الفهم تثبيت ماقمت بفهمه عن طريق تدريب نفسك على حل الشيتات مثلا او من الممكن الشرح لاحد من زملائك لما فهمته حتى اولا تفيد اخ لك ثانيا تثبت المعلومة لديك اذا استمريت على هذا النظام طوال الدراسة تاكد تمام اليقين بانك سوف تكون خريج هندسة ناجح فاهم مؤهل نسبيا لسوق العمل هذا هو الحال اثناء العام الدراسي اما عند دخول مرحلة الامتحانات لابد ان تكون انهيت فهم كل المواد ولاتستذكر شيئا جديدا بل عليك بالمراجعه على مافت حتى تجمع مانسيتة نتيجة مرور الزمن ومن ثم بعد المراجعه عليك بحل االامتحانات السابقة من المادة حتى تزول منك رهبة ورقة الامتحان وتاخذ ثقة في النفس وهو عامل مهم جدا في الامتحان ومن ثم التدرب على حلل اكثر من نوع من من المواضيع في وقت واحد اثناء الامتحان واخيرا لابد من عند عمل الامتحان التدريب على الامتحان كما لو انك في اللجنة الامتحان تمام
واخيرا لابد ان تعلم ان (لاتؤجل عمل اليوم الى الغد +التنظيم +تقوى الله عز وجل =النجاح باذن الله ) ولكى تكون مهندسا مؤهلا الى سوق العمل تماما لابد من التدريب الصيفي ياجماعه التدريب الصيفي هااااااااااااااااااااااااااااااااااااااااااااااااااااااااااااااااااااااام جدا وبيقصر عليك طرق كتير جدا في الفهم وله مميزات كتير باذن الله لينا موضوع حول نقطة التدريب الصيفى والاهم مماقولته لابد ان نعمل بقول الامام الشافعى ( شكوت الى وكيع سوء حفظى فارشدنى الى ترك المعاصي وقال لى اعلم بان العلم نور ونور الله لايهدى لعاصي )
جزاكم الله خيرا وناسف على الاطالة

نصائح غالية يابشمهندس واتمني من جميع الطلبة انهم ينفذوها وجزاك الله كل خير

يفكر في الحل

يفكر في المشكلة


لا تنضب أفكاره

لا تنضب أعذاره


يساعد الآخرين

يتوقع المساعدة من الآخرين


يرى حل لكل مشكلة

يرى مشكلة في كل حل


الحل صعب لكنه ممكن

الحل ممكن لكنة صعب


يعتبر الإنجاز التزاما يلبيه

لا يرى في الإنجاز أكثر من وعد يعطيه


لدية أحلام يحققها

لديه أوهام وأضغاث أحلام يبددها


شعاره : عامل الناس كما تحب ان يعاملوك

شعاره : أخدع الناس قبل ان يخدعوك


يرى في العمل أمل

يرى في العمل ألم


ينظر الى المستقبل ويتطلع الى ما هو ممكن

ينظر الى الماضي ويتطلع الى ما هو مستحيل


يختار ما يقول

يقول ما يختار


يناقش بقوة وبلغة لطيفة

يناقش بضعف وبلغة فظة


يتمسك بالقيم ويتنازل عن الصغائر

يتشبث بالصغائر ويتنازل عن القيم


يصنع الأحداث

تصنعة الأحداث

السلام عليكم ورحمة الله وبركاته
احب احكى عن تجربتى فى الكلية بداية من اعدادى:
مثلا اول موقف صعب قابلنى كان فى اول سكشن رسم هندسى,كان زمن السكشن 4 ساعات لم اكن اعرف ان المحاضرة اللى اسمها الاسقاط والرسم الهندسى ليها علاقة بالسكشن وبالتالى 4 ساعات ما رسمتش غير دائرة واحدة بالرغم من انى سالت الباشمهندسين ولكن مافهمتش حاجة منهم وفى اعتقادى ان كل زمايلى رسموا وخلصوا لوحاتهم ولكن وجدت ان كل زمايلى ايضا ما رسموش حاجة زى والبعض كان يبكى ويقول انا هحول لكلية تانية...ونصيحتى اذا قابلت مثل هذا الموقف فلا تبتئس ولا تيئس واصبر وصابر,كله بيهون بالتدريب ان شاء الله.
:
:
ثانيا: ركز قوى وذاكر بنفس مهما بدت للك المادة صعبة...ومهم جدا حضور المحاضرات والسكاشن.

ثالثا:احضر المحاضرة فى ميعادها بالضبط..لانك لا تضمن التقلبات المزاجية للدكتور ,ممكن الدكتور يسمح بدخول المتاخرين كل محاضرة ومرة واحدة تلاقيه لا يسمح بدخول احد بعده
مع احترامى وتقديرى لهم جميعا.

ونصيحة صغيرة اخرى:
ما تحاولش تسال المعيد او الدكتور عن درجة امتحان انت ماحلتش فيه كويس.
:

أحب أنضم الى Miss_R فى شكر جميع من يكبروننا سنا على هذه النصائح الاكثر من غالية

و اشكرها هى شخصيا على طرح هذا الموضوع المهم ، جزاها الله و اياكم كل خير .

شكراً جداً يا himmle8علي ردك الجميل وعلي مرورك

طبعا بما ان كتير من اخواني واخواتي في اعدادي

كتير منكم بيخافوا من قسم مدني بسبب الرسم الهندسي اللي في اعدادي
انا كنت كدا زيكم لكن واحد اكبر مني قال لي كلمة ومش هنساها وانا بالتالي بقولها لكم
الرسم يا اخواني اللي في اعدادي هوا رسم ميكانيكا ....
رسم مدني صدقوني اسهل من كدا بكتير لكن عايز شوية تخيل لكن مش بالاحترافية بتاعت رسومات ميكانيكا
عموما كتير جدا دخلوا مدني وعروفوا كدا .


يتبع .......

شكراً ليك يامن لنصايحك الغالية وفعلاً

انا سمعت الكلام دة كتيييير
ودة كلام صحيح 100%
ان رسم اعدادى غير رسم مدنى

طبعاً انا في كهربا بس سمعت من أصحابنا في مدنى

السلام عليكم يا معشر المهندسين
النصيحة الوحيدة اللى اقدر اقدمها لكم .
مبدئيا أنا نظرتى فى التعليم المصرى مش قد كده.
والسبب هنا مش الحكومة لوحدها ,لا بل ان الجزء الاكبر يرجع للاسرة المصرية
أولا : اخى واختى يجب اولا ان تمحى من دماغك فكرة المركز الاجتماعى والمال والنفوذ, لان هى دى اللى بتخليك تختار الكلية الغير مناسبة لقدراتك وابداعاتك.يعنى ماتفكرش لو دخلت الكلية دى هاتوظف ازاى ,او هاخد مرتب اد ايه ,او هايبقى مركزى ايه فى بلدنا.

ثانيا: شيل من دماغك خالص مسمى (كليات القمة),اى كلية هتانسبك وتحقق فيها أنجاز ليك ولبلدك هتبقى كلية قمة.
يعنى لو انت موهوب فى توصيل المعلومة ,تدخل كلية تربية وتبقى مدرس تعلم اجيال تانية بطريقة صحيحة أحسن ماتدخل طب ولا هندسة وتبقى برضه مهندس كويس بس ماضفتش حاجة للمجال ده.

يا جماعه الفرد هو اللى بيعطى القيمة للشئ مش العكس
انت لو دخلت اى كلية حتى لو بتقبل 55% والكلية تناسب قدراتك وهاتقدر تبدع فيها وتضيف شئ للمجال ده. احسن ماتدخل كلية بتقبل من 100% وتطلع زيك زى غيرك من اللى قبلك ويبقى(العدد فى الليمون).
صدقونى لو كل واحد عمل كده البلد دى هاتبقى احسن واحنا هانبقى احسن