عدد المساهمات : 265 تاريخ التسجيل : 29/11/2007 العمر : 38 رقم العضوية : 336 Upload Photos :
موضوع: الاناقه لا تتعارض مع الاحتشام!!! الثلاثاء 25 مارس - 11:54
السلام عليكم ورحمه الله وبركاته
أسعد الله أوقاتكم بكل خير وسرور ..
"ريهام فاروق"مصممة بيت أزياء " VEIL"
عرفها جمهورها من خلال { مجلة حجاب } فهي حريصة على أن تلبس سيدة الغلاف من تصميماتها التي تميزت بها.
"ريهام" مصممة شابة جميلة تتمتع بأناقة غير عادية عنوان أناقتها اللافت للنظر "البساطة الشديدة"...
تطير دائماً إلى عواصم الموضة "باريس" و"روما" لتبحث عن أحدث خطوط الموضة من ألوان وقصات وخامات وإكسسوارات.
تريد أن ترى المحجبات في أجمل صورة بدون أن تتخلى عن مواصفات "الاحتشام"
ريهام كيف دخلت عالم تصميم الأزياء؟
كان نفسي أدخل كلية فنون تطبيقية جداً لكني درست سياحة وفنادق وبعد الكلية حصلت على كورسات في التصميم تركت مجال تخصصي وبدأت أفكر في موهبتي الحقيقية "تصميم الأزياء" وخاصة بعد ارتداء الحجاب قبل الحجاب كنت ألبس على آخر موضة وكان لا يمكن أن أتنازل عن أناقتي أبداً وضعت أمامي هدفا واحدا لازم البنت المحجبة تكون بشياكة وأناقة غير المحجبة ومن هنا فكرت في هذا التخصص...
الحجاب مش معناه أن الواحدة تلبس مبهدل وواسع بدون ذوق، الأناقة لا تتنافى ولا تتعارض أبداً مع الاحتشام والحمد لله حققت المعادلة والسن الصغير هو هدفي الأول... النهاردة كل خطوط الموضة في أي مكان أستخدمها ولكن بأطوال ومقاييس الحجاب.
هل فيه بنات ممكن تؤجل خطوة الحجاب بسبب التخوف من تغيير شكلها أو أن يعطيها الحجاب سنا أكبر؟
طبعاً بنات كثير عندها اعتقاد إن الحجاب هايكبرها في السن قوي وهيخلي شكلها وحش لكن الحمد لله هذا الاعتقاد قل كثيراً لأنهم شايفين إن لبس المحجبات أصبح ذوقه عاليا وبقى فيه تصميمات للصغيرات في السن وعلى فكرة ده شجع كثيرات على لبس الحجاب.
من الملاحظ في تصميماتك جرأة إضافة الخامات والألوان... هل دي مخاطرة منك؟
لا بالعكس أي حاجة نازلة موضة إيه المانع المحجبة تلبسها أو تستخدمها طالما بتستخدمها صح ممكن واحده تسأل ينفع ألبس أحمر أو ذهبي وأنا محجبة... طبعاً ينفع وعلى فكرة الذهبي موضة 2007 ومن الألوان المتصدرة بيوت الأزياء... فيه حاجات موضة والبعض يعتقد إنه من الصعب استخدامها ولكن النهاردة بنستخدمها زي "الستان" و"الروكامة"
إيه الموضة في ملابس المحجبات وهل فعلاً موضة الستينيات والسبعينيات رجعت تاني؟
الموضة السنة دي فعلاً القصات القديمة موضة الستينيات والسبعينيات الموضة الكم الواسع بأشكاله المختلفة رجعت تاني موضة "الدرابية" في الكم أو أكمام الفراشة كلها موضة جداً وهتستمر في الصيف كمان....
أهم الخامات الجريئة؟ أما الخامة الجريئة جداً هي "الستان" على الرغم من صعوبة توظيفه سواء في حجاب أو بدون حجاب وكمان صعوبته مرتبطة في أذهان الناس بالسوارية.
في باريس الستان موضة جداً في البلوزات والقمصان القصيرة كان التحدي الأساسي ازاي نستخدم خامة صعبة في ملابس المحجبات!!
الحل كان دخولها مع خامات أخرى تخليها أكثر عملية وفعلاً أدخلتها على الجينز وطلعت قطع ستايل جداً ومناسبة للصبح.
من الألوان الجريئة الذهبي والأبيض والفضي مع الأبيض حتى الإكسسوار يكون ذهبي والذهبي موضة الصيف القادم.
هل يمكن لبس لون "ذهبي" مع الملابس الكاجوال؟ اللون الذهبي هيدخل مع الأقطان والإكسسوار هيكون أساسي مع ملابس الصباح في الصيف القادم.
نرجع تاني لأحدث خطوط الموضة؟
من الحاجات الموضة أوي لبس الليكرا والمرسيليزيه "القديم" وأي خامة قديمة كمان موضة جدا الرسومات القديمة قوي زي الدواير الكبيرة.. الألوان الفاقعه، وعشان الشكل ده غير مناسب للمحجبات استبدلنا الدواير بنقشة الكشمير وورق الشجر والرسومات العربية.
أغلب تصميمات المحجبات حالياً بتعتمد على الطبقات بمعنى إن القطعة تتكون من أكتر من طبقة قماش.... هل ده اتجاه وهل هيستمر للصيف؟
فعلاً الموضة القطعة الواحدة ممكن يدخل عليها تريكو وستان وشمواه وتل وقطيفة السنة اللي فاتت كانت الموضة خامة واحدة وعليها تطريز شغل.... الموضة مختلفة السنة دي وأتوقع استمرارها للصيف
البعض قد لا يفضل لبس قطعة تحتوي على طبقات كثيرة؟
المشكلة في التوظيف الجيد للخامات بشكل يتناسب مع الحجاب أولاً ثم شكل وطبيعة الجسم ثانياً هو ده الأساس.
ونصيحتي المليانة شوية تبعد عن النوع ده من اللبس بلاش كرانيش أو قصة كبيرة.
الجديد في تصميمات ريهام فاروق؟ أدخلت على أغلب الخامات "الشكل اليدوي" لأن القطع الـ"Hand made" تضفي ذوقا خاصا جداً وجمالا وتميزا... كمان استخدمت التل مع أقمشة الكاجوال......
عندي ألوان ثابتة للتطريز والشغل اليدوي لو مثلاً لون بيج أستخدم معاه في الشغل أو التطريز كل درجات البيج حاولت أثبت اللون، السنة دي من الحاجات الجديدة استخدامي الركامة بألوان الموضة الذهبي والفضي.
أما بالنسبة للتصميم حاولت أخذ روح الموضة فقط وإدخال تعديلات تناسبنا... مثلاً البلوزة "الأمبير" القصيرة موضة جداً آخر صيحة في باريس أخذت الفكرة وطبقتها على الحجاب طولت البلوزة ووضعت شريط من الخلف يكسم ويلم القصة "الأمبير" الهايشة من الأمام وعلى فكرة بعد التعديلات دي كانت النتيجة جميلة جداً ...كمان كسمت الفستان والعباية شوية السنة دي عشان يدي شياكة أكثر.
إزاي نغطي عيوب الجسم؟
الطويلة لا تعاني من أي مشاكل وتلبس أي حاجة نفسها فيها. لكن القصيرة أكيد عندها مشكلة واسمحولي هناك فرق في شكل القصر.. لو البنت قصيرة لكن جسمها نحيف ورجلها ليست أقصر من بقية جسمها ممكن تلبس حاجة طويلة شوية توصل إلى مقدمة القدم وتلبس كعب عشان تعطي إحساسا بالطول
لو قصيرة ومليانة تبعد عن المنقوش وأي تصميم يحتوي على طبقات من القماش كلما كان التصميم بسيطا هايكون أفضل وتختار قطع من فوق قصيرة- أقصر من الطول الطبيعي. اللبس المثالي يكون قطعة مكسمة من فوق ومن تحت بنطلون واسع شوية وطويل.
لو واحدة عريضة من الأرداف سواء طويلة أو قصيرة تعمل إيه
تبعد عن الجيبات الإسبانش المنفوشة ويفضل البنطلون السادة الواسع "ستريت" بدون قصات...
وفي حالة امتلاء الذراع والصدر الكبير؟
تبعد عن الخامات الليكرا لأنها هتبرز "التخن" تبعد عن الزراير ويفضل الأكمام الواسعة وقصة الصدر تكون بسيطة ومقفولة ولو عايزة تلبس حاجة مكسمة شوية تلبس طرحة عريضة تغطي الذراع والصدر
نصيحتك لبنات الجامعة؟
الجينز هو الخامة المثالية للجامعة... ولو عندهم جينز قديم ضيق كان قبل الحجاب ممكن استخدام "كاش مايو" قطعة تشبه الجيب القصيرة- وتلبس فوق البنطلون ويفضل أن تكون ملونة هذه القطعة بتغطي ضيق البنطلون من فوق وتعطي فرصة للبس قطع قصيرة فوق البنطلون.
موضوع: الاناقه لا تتعارض مع الاحتشام!!! 
الثلاثاء 25 مارس - 11:54
