حصرى_ مقدمة عن ال SQL وتاريخها " لغة الإستعلامات الأولى في قواعد البيانات "

دورة SQL
الدرس الأول

نبتدى مع بعض

في مقدمة حلوة عن لغة ال SQL الدرس الأول

دة بقى حصرى على منتدى هندسة اسوان

وانا حكلمكم عن اللغة دى حسب فهمى وقراءتى لها

اولاً

احنا لازم نعرف كويس قوى ان ال SQL
دى لغة مش برنامج
زى ما الكثير بيخلط ما بينهم

طب لغة ايه بالظبط ؟؟

اوكى _ نشوف الحكاية من الأول

انا عايز اعمل قاعدة بيانات لكلية مثلاً

محتاج انى اجمع بيانات وأعمل لها تحليل نظم

تمااام

وبعدين تحليل النظم دة اللى انا برسمه على ورق أو على برامج كمبيوتر معينة

عايز أعمل لها implementation

أو احولها لجداول ع الكمبيوتر في الداتا بيز
طيب تمام _ الجداول دى لازم ترتبط ببعضها
عشان تبقى قاعدة بيانات _ اها \ حلوووووو

ربط الجداول على مدار تاريخ قواعد البيانات اتطووور كتييييييير جدا @

اول قاعدة بيانات اتعملت بمفهوم قاعدة البيانات وكثيرة الشبه بالواقع الان كان اسمها

CODASYL Data Model
ودة كان اسم مؤتمر شهير جدا ً ظهرت فيه مفهوم داتابيز الحقيقي
ومن نتايجه ان قدموا لغة الكوبول كلغة برمجة تتيح استخدامها لعمل قواعد البيانات
ومن اهم الحاجات اللى نتجت عن
CODASYL data Model
1) ظهور مفهوم الإسكيما
2) ظهور مفهموم الإسكيما- الفرعى sub-Schema
مع وضع الإطار العام للداتا بيز
أخذت التطورات منعطفاً جاداً

ومن ثم ظهر ما يسمى ب
hierarchical data model

ودى نفس فكرة ال OOP
في البرمجة وهى وجود أب لكل ابن
واخذت هذة الفكرة تزداد في عالم الداتا بيز
ويكون الإرتباط بين الجدول الاب والجدول الإبن وما يليه وهكذا
للمزيد عنها [ندعوك للتسجيل في المنتدى أو التعريف بنفسك لمعاينة هذا الرابط]
ودى صورة بتوضح الفكرة

وطبعاً لأن قواعد البيانات أشد تعقيداً من البرمجة فلم تجد هذة الطريقة الإقبال ولا التطوير
حتى ظهر المفهوم و الطريقة الفضلى لقواعد البيانات والتى نعمل بها الان
وهى

قواعد البيانات العلائقية
Relational database Model
1970
وقد تم ظهورها على يد البروفيسور البريطانى
Edgar Codd

فقد وضع معايير رياضية يتم على أساسها بناء قواعد البيانات

حيث اقترح تقسيم قاعدة البيانات الى مجموعات Sets
تكون مشتركة مع بعضها بعلاقة
كما يحدث في الرياضيات حيث تنقسم الأرقام مثلاً الى مجموعة أرقام موجبة \ مجموعة ارقام سالبة
\ وهكذااااا __

دى صورة تبيين مفهوم
العلائقية

واقترح استبعاد ال data types لمحتويات قواعد البيانات
ب data types للجهاز
فبذلك تمكن من تطوير بيئة جديدة تقوم بحمل قواعد البيانات وهى التى تتعامل مع الالة
وهى ما تسمى DBMS
data base management system
وهو عبارة عن برنامج قواعد بيانات يقوم ببناء قاعدة البيانات العلائقية فقط
والتحكم بكل كبيرة وصغيرة فيها ويحافظ على امن البيانات وينظم كل التعاملات مع قاعدة البيانات

زى ايه برامج ال DBMS
1 )
Oracle
2)
SQL Server
3)
My SQL
4)
Access

هى دى البرامج الللى بنتعامل بها عند عمل قاعدة بيانات علائقية

طب جوة البرامج دى
بنستخدم لغة استعلام عشان نعرف نوصل للبيانات بتاعتنا ولكل حاجة احنا عاوزينها
__
اللغة بقى اللى بنستعلم بها في أى برنامج من البرامج دى هى لغة ال SQL سكوال
Structured Query Language

دى هى اللغة ال standard
ANSI-
طب كان فيه لغات قبلها ؟
ايوة كان فيه لغات قبلها كتييييير لقواعد البيانات بس ال SQL
هى اللغة اللى بقت standard
وبقت الشركات المصنعة لبرامج قواعد البيانات زى اوراكل ومايكروسوفت

تستخدم لغة ال SQL في برامجها زى Oracle - SQL server
مع تطوير بسيط فيها وتطوير البيئة اللى بتعمل فيها

مع ثبوت كافة اوامرها الأصلية

التطوير ال standard في اللغة هو SQL-99
ودة اللى ماشي لحد دلوقتى
هذة اللغة انتجت عن طريق IBM سنة 1980

ان شاء الله اتابع معاكم في الدروس القادمة كل حاجة عن لغة ال SQL
مع التطويرات البسيطة من خلال بيئة الاوراكل

يارب الموضوع يكون أفادكم

هو انا بقالي اد ايه ما دخلتش علي المنتدي!!
اول مرة اشوف الموضوع ده
علي العموم حرجعله وافهمه كويس
واكييييد حسأل كالعادة بيضحك

شكرررررررررررراً يا كيرلس

ويا برنسيس

وبرااحتك اسألى اللى انتى عايزاه بس المهم تدخلوا في نطاق الموضوع

عشان بجد دة مهم جدااااااا

والناس كلها شغالة به

طيب هو اللي يتعلم أكسسيس بس يبقي ايه؟

كيرلس عطية كتب:

طيب هو اللي يتعلم أكسسيس بس يبقي ايه؟

كويس يا كيرلس ولازم الواحد يبتدى بحاجة اصغر قبل ما يتعلم برامج اكبر في الامكانيات والكفاءة وسوق العمل
فمن حيث الاكسيس والفرق بينه وما بين الاوراكل مثلا
ان الاوراكل تسمى
server-side
اما الاكسس فهو
client-side
ومعناه انك ممكن تعمل قاعدة بيانات على جهاز سيرفر
ومكن شخص تانى يدخل ع السيرفر من جهاز اخر عبر الشبكة او عبر النترنت
زى نتيجة الثانوية العامة
اما الاكسس فمالوش سيرفر يعنى الداتابيز اللى انت عاملها مش حتقدر تشتغل عليها الا من جهازك فقط

دة غير امكانيات اخرى الاوراكل عديدة وتحكم مبهر في قاعدة البيانات والعمل من خلال فريق والسيكيوريتى لداتا بيز

وجه دور الأسئلة
اللي تلاقيه مالوش لازمة .. خد اللي بعده Laughing

اقتباس :: حيث اقترح تقسيم قاعدة البيانات الى مجموعات Sets
تكون مشتركة مع بعضها بعلاقة

هل تقصد زي العلاقات اللي بنعملها في الاكسس
زي المفتاح والـعلاقات وكده؟؟

وهل لما اتنفذت فكرة الـمجموعات .. لغت فكرة الـ hierarchical data model
أصل لو لسة موجودة فعايزة أمثلة عليها
مش متخيلة فكرة الـ OOP في الداتابيز بصراحة
اما لو اتلغت فخلاص مش مهم .. خلينا في الجديد

* انا فهمت ان الـ SQL لغة أما الـ SQL Server ده برنامج
طيب ايه الفرق بين الـ SQL Server وبين الـ My SQL

*هي الـ SQL لغة بنستخدمها في الاستعلام عن الداتابيز اللي عملناها
طب وايه اللغة اللي بنعمل بيها الداتا بيز اصلا؟؟
انت قولت اننا بنشتغل تحت بيئة عمل الـ DBMS اللي بتعتمد علي فكرة العلائقية..

اقتباس :: وطبعاً لأن قواعد البيانات أشد تعقيداً من البرمجة فلم تجد هذة الطريقة الإقبال ولا التطوير
حتى ظهر المفهوم و الطريقة الفضلى لقواعد البيانات والتى نعمل بها الان
وهى

قواعد البيانات العلائقية
Relational database Model

شوووووووووووور لازم ما حدش يعرف يطورها
مش كفاية انها زي الـ OOP وكمان في الداتابيز
بيضحك2

PRINCESS كتب:

اول مرة تسألى وكل دى أسئلةةةةةةةةةةةةةةةةة :drunken:
اوكىى أؤمرىىىىىىىىىىىىىىى :pale:

اقتباس :

ايوة تماام _ كلاااامك
بس انا مش قصدى كدة
انا اقصد المجموعات الرياضية
Sets
زى مجموعة الأرقام العشرية مثلاً
Real numbers set
لها خواص مشتركة فتم وضعها في مجموعة وحدها set
والأرقام الزوجية فتم وضعها في مجموعة وحدها even numbers
فصدى ان فكرة المجموعات وتقسيم الداتا بيز لمجموعات كل منهم لها خواص مشتركة
وهو ما فعله الراجل دة
مثلاُ عندك في الداتا بيز جدول للطلبة فيه خواص الطلبة
وانا مش أقصد خواص بمعنى صفات بالمعنى في ال OOP
لكنى اقصد خواص بمعنى أمور مشتركة زى
الإسم _ العنوان _ العمر _ ,,,,,,,,,
فالجدول هو مجموعة set
أما العلاقات فهى مأخوذة من الصيغ الرياضية تماما مثل علاقة
ال intersection
union
انا الصراحة مش عارفهم بالعربي
ودة اللى موجود في الداتا بيز برده باسم join
intersection join
union join
فمثلاً
عندك جدول للطلبة
فيه صفات للطلبة واسم المدرس للطالب
وجدول تانى للمدرسين فيه صفات المدرسين
ومنهم اسم المدرس
فيبقى اس المدرس هو الرابط والعامل المشترك بين الجدولين
يبقى كدة ربطنا الجدولين بأسلوب
intersection join
بالنسبة لل union join
انا ماعنديش مثال له معين بس هو استخدامه بسيط جدا
طبعاً انا بقولك الموضوع ببساطة جداً
للتسهيل _ بس هو أكبر من كدة _ وله قوانين تحده وهى قوانين ال normalization
بس هى دى كل حكاية استخدام الرياضيات في بناء أسلوب قواعد البيانات RDBMS
Relational database management system

وبالنسبة لاجابتك بانه زى الأكسس وكدة _ ايوة تمام زى الأكسس
لان الأكسس هو أحد برامج اللى بتسير بنظام
RDBMS
لان دلوقتى كل قواعد البيانات من ال تمانينات بتمشي بالنظام دة
وهو النظام اللى ماشي دلوقتى في قواعد البيانات
وهو قواعد البيانات العلائقية
بس انا كان قصدى أقول لكم ازاى بدأ التحول التاريخى لاستخدام قواعد البيانات العلائقية والتفكير فيها
انما حالياً هى دى اللى العالم كله بيمشى بها

اقتباس :

ايوة طبعاً لما اتنفذت فكرة قواعد البيانات العلائقفية لغت كل ما قبلها ولكن تدريجيا طبعا
لحد ما وصل ان كل شركات صناعة برمجيات قواعد البيانات
تستخدم ال RDBMS
زى الأوراكل ومايكروسوفت و SYBASE
وغيرهممم

أمثلة على ال hierarchical
الصراحة ماععرفش _ ما قريتش عنها كتييير _ لانها اتلغتتت
تقدرى تدورى عليها ع النت حتلاقى كتيي _ بس نصيحة افهمى الحاضر _ وقواعد البيانات العلائقية
محتاجة قراءة كتيييييييييير

ال OOP
هو أقوى نظام تم استدخدامه في نظام ال RDBMS
لما تشتغلى أوراكل حتلاقى اننا بنحفظ الجدول ك object
له properties & methods
و بنخزن ال functions
وال procedures
وال triggers
وحيبقى استخدامها سهههههل كتييييييييير في الفورمة __
_ \ /
لما تاخديها في الجافا ان شاء الله _
حتفهمى ال OOP كويييييييس

اقتباس :

اها _ كويييييييس السؤال دة
بصي يا ستى
ال SQL
اختصار
Structured Query language
يعنى لغة الإستعلام
انما لو قريتى كويس عنها _ حتلاقى كل الكتب بتقول ان الإسم دة مش بيعبر عنها بالظبط
لان هى ال syntax بتاعها
تقدري تقسميه لاكتر من مجموعة
DDL
DML
DCL
دول تقسيمات معنوية للأوامر
يعنى مثلاً
DDL
Data Definition language
دى بتحتوى ع مجموعة الأوامر اللى بتصنع الجداول أو ال views
أو غيرهم
أو بتغير في مكوناتهم من الأعمدة وغيرها
create table students
)id number(2),name varchar2(25))
مثلاً
المجموعة التانية DML
Data Manipulation language
دى بقى فيها الأوامر اللى بتلعب في الداتا في الجدول
select
insert
update
delete
الإستعلام بقى بيتم بكلمة
select بس
اللى شرحها ممكن يبقى في كتاب وحده
وباقى الأوامر بتعمل حاجات تانية كتيييييييييييير
فاللغة دى بتعمل حاجات كتييييييير غير الإستعلام

اقتباس :

تمام كدة _ ال SQL
هى لغة استعلام
انما ال SQL Server
دة برنامج _قواعد بيانات زى الأوراكل كدة تمام _
دة بقى من خلاله تفقدري تبنى جداول وعلاقات وتربطى ما بين الجداول واستعلامات
وتعملى الفورمة أو الإنترفيس
وكل حااجة _
الحاجات دى كلها بتتعمل بالماوس بالضغط ع القوائم وهكذا
والبرنامج بيحول ضغطك بالماوس الى لغة استعلام
هى ال
SQL
يعنى بيخليك ماتتعلميش ال SQL
تقدرى تعملي اللى انتى عايزاه بدون ما تعرفى اللعة
مع ان معرفة اللغة حيسهل لك حاجات كتييييييييييييييييير جدأ
والصراحة ساعات بيكون انك تكتبي اللى انتى عايزاه بال SQL
أفضل من انك تتعلمى ال SQL Server
أو ال ORacle

فهمت فهمت
حدخل علي الدرس الأول اووووك
وربنا يستررررر
وشكررررررررا علي الاجابات

Best Wishes

» تعرف على برنامج قواعد البيانات Db Mysql شروحات فيديو+GUI هيا بنا الى عالم قواعد البيانات .
» كتاب إدارة قواعد البيانات عربى
» كتاب لشرح قواعد البيانات اوراكل 10g بالعربى
» لائحة مادة قواعد البيانات SQL_ تالتة حاسبات
» عايزأفكار مشاريع تخرج أو ما بعد التخرج في مجال قواعد البيانات ؟؟