160 جنيه يعيشوك سلطان زمانك

تذكير بمساهمة فاتح الموضوع :

انا اسفة انى النهاردة بكتب ليكم موضوع قد يكون عند البعض شئ يسبب اليأس او الاحباط لكن فعلا شئ استفزنى جدا وصعب عليا حالنا احنا المصريين اللى اعتقد اننا كلنا شفنا استاد عش الطائر وكل اللى حصل فى الصين من اول يوم فى الافتتاح للحدث العظيم ده وكلنا بقى كتبنا اننا نفسنا نبقى زيهم او حتى ربعهم ... يعنى فكرنا فى العالى اوى زى مابيقولوا واحنا هنا فى مصر فى ناس فعلا فعلا مش لاقية تأكل واعتقد كلنا بنشوف ده وخصوصا فى شهر رمضان ..........

أما بقى الشئ اللى فعلا استفزنى لما قرأته ان " الإتحاد الاوروبى أعلن أن المواطن الاوروبى الذى يقل دخله الشهرى عن 1500 يورو يعنى أكثر من 12 ألف جنيه مصرى هو مواطن فقير ويستحق أن تقدم له الدولة إعانة لمواجهة أعباء المعيشة !!!!!!! ياترى بقى إيه رأى الدكتور عثمان محمد عثمان وزير التنمية الاقتصادية المصرى الذى يرى أن 160 جنيها مصريا كل شهر كفاية جدا علشان المواطن المصرى يعيش مبسوط وفوق خط الفقر وإذا كان مش عاجبه يروح يعيش فى أوروبا ...... " اتفرج يا سيدى "

نيجى بقى لقانون المرور الجديد " الالتزام بقواعد المرور مابقاش اختيار " هذا هو شعار حملة التوعية التى بدأت عن القانون الجديد للمرور وهى الحملة التى تبشرنا بأن " اللى كان امبارح عقوبته الغرامة بقى النهاردة عقوبته الحبس " كلام عظيم ولكن هل إصلاح المرور فى شوارعنا سيتحقق فقط بالقانون وبتغليظ العقوبات !!

أظن اننا نحتاج إلى ضوابط أخرى كثيرة حتى يتحقق الالتزام بالقانون وأول هذه الضوابط شوارع وطرق تتسع لطوفان السيارات الجديدة التى تتدفق يوميا من عشرات المصانع التى ظهرت فى مصر لصناعة تجميع السيارات من مختلف الماركات وباب الاستيراد المفتوح عن اخره وكل ذلك يصب فى نفس الشوارع والطرق المخنوقة !!!

المشكلة ليست الاجبار او الاختيار .... المشكلة هى أن" تأمر بما هو مستطاع حتى تضمن أن تطاع " يمكن أكون طولت عليكم بس أعتقد أننا كلنا بنحلم بعيشة تقدر تكرم الانسان فى بلدنا دى , بعنى بدل مانحلم فى اول الموضوع اننا نبقى زى الصين .. نحلم اننا نكون بنى آدمين فى بلد هتعيشنا على 160 جنيه وهى بتاخد مننا ملايين علشان تعلمنا بس !!!!!!!!!!!!!!!!!!!!!!

والله لو جات ع قانون المرور الجديد تبقى بسيطه تعالوا شوفوا قانون الجواز الجديد يعنى الدوله من الاخر بتقولك ابعد عن الحلال وامشى ودوس ف الحرام وصباح دوره الحمير اللى احنا فيها لا الحمير بتشبع ولا النجيل بيخلص؟؟؟؟؟

شكرا لكي على مساهماتك الجيده ....

وينقل الموضوع الى قسم (كلام في السياسة ) لكي تكون له مساحه اكبر للنقاش ...

شكرا لكي مره اخرى

شكرا للبشمهندس / elnems على مرورك ومشاركتك وعندك حق فى كلامك ده .... بس هنعمل ايه " ادى الله وادى حكمته"

شكرا يا بشمهندس / رامى لمرورك واهتمامك بالموضوع ...............

اقتباس :: واحنا هنا فى مصر فى ناس فعلا فعلا مش لاقية تأكل واعتقد كلنا بنشوف ده وخصوصا فى شهر رمضان

فعلا كلامك مظبوط والله ....

اقتباس :: ياترى بقى إيه رأى الدكتور عثمان محمد عثمان وزير التنمية الاقتصادية المصرى الذى يرى أن 160 جنيها مصريا كل شهر كفاية جدا علشان المواطن المصرى يعيش مبسوط وفوق خط الفقر وإذا كان مش عاجبه يروح يعيش فى أوروبا ...... " اتفرج يا سيدى "

ياريت الوزير يقرأ موضوعك ياباشمهندسة
سلمت يداكى على مواضيعك الهادفة والأكثر من ممتازة
وننتظر من كتاباتك المزيد والمزيد

________________________________

dody el

» دار كريسيتز تعرض عقدا نادرا من اللؤلؤ لأم كلثوم أهداها إياه الراحل الشيخ زايد بن سلطان
» خبير اقتصادي: 75% من المصريين تقل رواتبهم عن 500 جنيه..و5.0% من 10 إلي 300 ألف جنيه
» قبل أكل الفسيخ .... جهز 20 ألف جنيه
» نظرية الــ 500 جنيه !!
» سلطان بلا سلطنة(تطبيق على موظفين اليومين دول)