"شغلنى شكرا".

"شغلنى شكرا".
المشهد الاول:-
(الابن اسمه لفيق فى الشارع ويتحدث الى الأب الذى يقف فى البلكونه).
الأبفى ضيق) أنا قطعت كل هدومك وعملتها زينه للسقف..إكسى نفسك بنفسك ودور على لقمتك فى قلب الزباله.
لفيق: يا بابا شغل إيه اللى عاوزنى أدور عليه دلوقتى...أنت عارف الساعه كام ؟
الأب: يا بنى ربنا كريم وبيرزق الدوده فى قلب الحجر.
لفيق:ادخل نام يا بابا.. مفيش دود بيصحى دلوقتى.
الأب:ما اشوفش وشك النهارد إلا وأنت متعشق فى شغلانه .
لفيق:متعشق إيه بس أنت بتكلم فيشه.
فؤاديمر بجانب لفيق) إيه دا يا لفيق أنت مطرود ولا ايه؟
الأب:بس ياد أنت كمان بوشك دا اللى عامل زى كيس الفشار.
فؤاد:يا عم سعيد انت ناقع لسانك فين ع الصبح.
لفيق:بص يا بابا أنا هطلع دلوقتى وأوعدك قبل المغربيه لما العشا تدن هنزل ادور على شغل.. أنا اساسا كائن ليلى.
الأب:بعد المغربيه مش هتلاقى غير أصحابك الحبسجيه اللى بيلفوا جوانات تحت الكوبرى وأولهم المعفن اللى واقف جنمبك ده.
فؤاد: يا عم سعيد أنا ساكتلك عشان خاطر ابنك.
المشهد الثانى:-
فؤاد:ولا يهمك..تعرف الدكتور بهيج اللى فاتح اجزخانه ع الناصيه؟
لفيق:آه عارفه..كنت باخد عنده الحقنه زمان وياما تنى الإبره جوا دراعى.
فؤاد:عامل إعلان طالب فيه حد يشتغل عنده فى الصيدليه.
لفيق:بجد يا فؤاد!!!! والله يبقى ليك الحلاوه.
المشهد الثالث:-
(لفيق مع الأب فى المنزل)
لفيق:والدكتور بهيج شايلنى فوق دماغه وأى حاجه يجيبها لنفسه لازم يقاسمها معايا..لدرجه أنه بيقاسمنى ف برشام القلب اللى باخده.
الأب:عايزك تقفش فى الشغلانه بإيدك وسنانك..ومش عاوز صورتك تترج قدام الراجل.
لفيق:مافيش قوه هتخلينى أسيب الشغل مع الدكتور بهيج دا أن بقيت ركن أساسى فى الصيدليه..بقولك بيقاسمنى اللقمه.
المشهد الرابع:-
بهيجفى غضب) إطلع بره الأجزخانه.
لفيق:ليه خير؟
بهيج:انت حد قالك تدى حقن؟!
لفيق:انا قولت اهو قرش داخل الدرج..تخيل إن على كل حقنه بيضربها باخد عليها نص جنيه..احسب بقى كام سرنجه فى اليوم.
بهيج:وياريتك بتعرف..دا آخر واحد طلع يجرى منك والحقنه شابكه فى عضله.
لفيق:قولتله مش هيحس بحاجه هو اللى خاف وجرى.
بهيج:طب والراجل اللى قبليه اللى كان هيعملك محضر فى القسم؟
لفيق:دا بقى أنا قعدت ربع ساعه أدور على وريد فى دراعه عشان اديله الحقنه..فى الاخر لما زهقت فضيتها فى بقه.
بهيج:رجلك ماتخطيش هنا تانى.
لفيق:طب ومين اللى هيقف فى الصيدليه من بعدى..دا أنا ستر وغطا على الادويه.
بهيج:ملكش دعوه..أنا هقفلها خالص..هقلبها فرن بلدى.
لفيق:طب على العموم لو فتحت الفرن واحد يشيلك شكاير الدقيق انا معاك فى المصلحه دى.
بهيجفى غضب) برررررررررره.
قطــــــــــــــع

ايه ده ده حتي لفيق طالع عينه هو كمان.

(لفيق) دا اسمه لوحده يكتع الخميرة من البيت

بيضحك2