فى يوم من الايام هضرب واحد منهم

انا بجد اخر مازهقت قلت اعمل الموضوع ده هنا وخلاص

فى حاجه غريبه لاحظتها من ساعه ما دخلت الجامعه وعشت الحياه الرخمه دى

وكانت اول حاجه ان العيال تلات تربعهم تنكين غلاسه وقلت ماشى على الرغم من المفروض البنات اللى تتنك على اساس غيره البنات والتقل صنعه والكلام دهون
ولكن اكتشفت العكس ان البنات عاديه والولاد هوما اللى عايشين الدور وقلنا معلش خليها علينا

لكن فى اسئله واقفه فى زورى انا واصحابى وعايزين لها رد من اى ولد بس قلت خليه على المنتدى احسن عشان
لو سئلنا واحد بجد ممكن يضربنا ولا حاجه واحنا قفانا مش ناقص

ده لسه فى واحد اول امبارح قلنا له لو سمحت عايزين نعدى الدنيا اتشالت واتحطت وقلب وشه تمنيه معوجه واعد يبرطم بكلام كده سمعنا منه انه بيحسبن علينا وبص لنا شزرا وكان خلاص هيقوم يضربنا بس طبعا ادركنا غلطنا بسرعه ولفينا المدرج كله عشان نوصل لمكانا بكرمتنا احسن (الجرى نص الجدعنه)

المهم
دلوقتى انا عايزه اعرف ايه العلاقه بين السجاير والبيبسى الكانز؟

تلاقى الولاد كلهم عندنا لازم فى ايد السيجاره من اللى علبتها ابيض فى ازرق دى وحتما ولا بد تكون الايد التانيه فيها الكانز ونفسنا نعرف العلاقه بينهم؟هل عشان ننبهر يعنى على اساس ان السجاير رمز الرجوله والبيبسى الكانز رمز الروشنه فنقوم لما نشوف المنظر ده يغمن علينا ولا ايه ونجرى وراه ناخد نمره تليفونه ولا حاجه ولا يمكن عشان نعرف ان واد فييس بقى وبيصرف هنا وهناك بالاتنين جنيه وربع .لا ولازم معاهم البصه اللى بتبقى من طرف العين مع حبه عصبيه ونرف (ال يعنى الواد مش فاضى )

والحاجه التانيه ليه اللولاد الرخمه اللى بيبقوا عاملين فيها احمد رمزى بيمشوا مشيه البطه

اللى هيا مشيه عجيبه كده ليها طريقتين
اولى
ان النص التحتانى بيبقى ماشى لوحده والنص الفوقانى بيبقى مفرود اوى فتحسى ان فى حاجه مش طبيعيه بتحصل
يعنى الواد يبقى ماشى فارد صدره اوى وفى نفس الوقت مقوس ضهره متسئلونيش ازاى والنص التحتانى تلاقوه ماشى فى حته تانيه كده

والتانيه
اللى هيا تلاقى الولد فيها منزل كتافه لحد ركبته واما بيجى يمشى تقيه عمال ينزل ويطلع زى الزنوج اما بيجوا يرقصوا كده تحسى كده انهم عاملين زى العرايس اللى بتتحرك بالخيوط فى المسرح

يلاااااااااااااااااااا بقى
اى ولد يجاوبنى قبل ما اتخانق مع واحد منهم

على فكره لسبق يحدث اول مره على ايد اميره الفثافيث
الموضوع ده مش منقول ده موضوع بشوفه قدامى بجد وبجد معصبنى

_____

اهنيكي على هذا الموضوع

انا اجاوبك على اسئلتك

بالنسبه لموضوع السجاير مع الببسي الولاد اللي بيعملو كده عندهم اعتقاد انها بتظبط الدماغ او اكيد الواحد منهم اكل اكاله كتمت على نفسه وعاوز يحبس عليها

بالنسبه لمشيه البطه وتنزيلب الاكتاف ده من نظري هبووووووووط في الشخصيه وتقليد اعمى واحسن حل ان الواحد ياخد صفعه على الوجه تعدل المشيه بتعته

بالنسبه للولد الي مرضيش يعديكي ده بصراحه قله زووووووووووق هو الواحد منهم اشترى المكان بفلووسه ولا ايه

فعلا عيال خايبه

برضو على فكرة في بنات افظع من كده وامر وادهى والتناكه واضحه فيهم اكتر ومش عارف ليه التناكه اساسا من الولد او البنت

متهيالي كده الواحد يكون بطبيعته احسن ولا هو فعلا التقل صنعه ؟؟؟

وعلى فكرة السجاير اللي علبتها ابيض وازرق اسمها LM

ربنا يستر

» إذا كسرتك الايام يوما
» دعاء واحد محشش على واحد ظلمه
» سؤالين بس واحد للشباب و واحد للبنات
» الايام الخوالى
» بنات الايام دي