حملة كبري لمقاطعة قناة مودرن المناهضة للنادي الأهلي

لقد وجدت نفسي الفترة الأخيرة انصرف عن مشاهدة قناة مودرن التي كنت أعشقها لكونها القناة التي تحارب النادي الأهلي في الأونة الأخيرة، بل وكرهت مدحت شلبي صاحب مقولة بيبو وبشير التي أريد أن أتنازل عنها عند دخول المنتدي وبالطبع لان الأهلي قيمة كبيرة في كل قلب أهلاوي عاشق للنادي الأهلي لذا فانا أدعوا لحملة كبيرة لمقاطعة تلك القناة من خلال هذا المنتدي وأتمني أن يقوم الأخرون بعمل تلك المقاطعة علي كل المنتديات المتاحة.

لا لقناة مودرن نعم لقناة الأهلي
لا للمصالح الشخصية
لا لاتحاد البيزنيس

انا عايز أعرف اذا كان فعلاً بيع الماتشات بالجملة زي ما بيقولوا ممكن نعرف الأندية بتاخد كام هناك وهل اعضاء تلك الاتحادات التي تدير المسابقة هم أنفسهم من يديرون القنوات التي لها حق البث كما هو الحال عندنا في مصر.

[size=29]
[/size]

انا مش معاك يا بشمهندس فى المقاطعة دى لأن لو الماتشات بقت حصرية للنادى الاهلى فده معناه ان المقيمين فى الخارج قدامهم حلين
1- يشتركوا فى باقة النادى الاهلى اللى تبع ART
2- انه يتفرج على الماتش على الفضائية المصرية بدون تحليل قبل المباراة او بعدها

غير ان الدورى المصرى لما يتباع بدون ماتشات الاهلى اللى على ارضه فده معناه ان قيمة المسابقة هتقل يعنى الاندية هتحرم من الاموال ده على حسب كلام مدحت شلبى اللى بيتكلم حسب اللوائح والقوانين

وبعدين ايه المشكلة لما الاهلى يذيع ماتشاته بدون تشفير
طب ماهو ريال مدريد عنده قناه والجزيرة الرياضية بتذيع الماتشات بتاعته عادى يعنى ايه المشكلة

يعني هي جات على الاهلي ما تسيبوه يشفر ولا يذيع براحته
ما كل حاجة غليت
اشمعنى هو يعني
هو كيلو السكر بكام دلوقتي؟؟؟؟؟؟؟؟؟

أحب أوضح بعض الحقائق
1- الأهلي أعلن انه مش هيشفر
2- اللي مش عايز يتفرج علي قناة الأهلي ممكن يتفرج علي الأرضي أو قناتي الفضائية المصرية والنيل للرياضة. وده متاح للي في مصر واللي بره مصر
3- الأهلي لا ياخذ دعم من الدولة وبالتالي من حقه يشوف ازاي ينمي موارده
اعتقد انه الأمور أصبحت واضحة جداً لانه واضح انه الناس لسه برضه مش مركزة في
الموضوع وانا باشكر كل الأخوة المهندسين اللي تجاوبوا مع الموضوع
واتمني انه اسمع ردود أخري