إلى راعى الرعية السيد / رئيس الجمهورية

إلى راعى الرعية
السيد / رئيس الجمهورية

شكوى من داخل صفوف رغيف العيش

************ ******

يا رئيس الجمهورية

كيلنا فاض م العيشة دية

اتفقنا ان انت أب

وانت راعى للرعية

جابو ناس ترعى المصالح

طلعوا ناس بايعة القضية

قول لهم بشويش علينا

قول لهم فيه آخرة جاية

عمرنا مانكون عبيد

والبلد ماهياش وسية

لو يعوزوا يدوخونا

قول لهم الشعب داخ

يفتحوا العشة يلاقونا

هشة وتنام الفراخ

يارئيس بالله عليك

ربنا يعزك كمان

وانت جاى تتعشى فكَُر

نص شعبك نام جعان

سيبنا من سعر الحديد

واللا أسمنت المبانى

نفسنا بس فى معيشة

ليها طعم وشكل تانى

إحنا مش طالبين فلوس

إحنا عايزين الرغيف

ندهنه بريحة غموس

أى حاجة بس ناكل

كنا راضيين بالفلافل

ليه يغلَُو الفول علينا؟

يارئيس إيه دا اللى حاصل ؟!

يارئيس والله استوينا

قول لنا إيه بس ناكله

وفروا لنا حاجة شكله

حتى مش طالبين لحوم

والفراخ مالهاش لزوم

والسمك مالهش عازة

والكبد زى القوانص

رخصوا بس البطاطس

إعتبر شعبك فريق

خد بطولة باسم مصر

إفتكر حاجة لشعبك

إحنا برضه شعب مصر

اللى ياما وقفنا جنبك

ياما قولنالك آمين

ياما شدينا الحزام

كلَلَََه ياريس بأمرك

ربنا يطول فى عمرك

نفسنا نستغنى عنه

فكَُها حبة علينا

والحزام ريحنا منه

البلد نقسمها بينًَنا

حاجة لينا وحاجة ليهم

أى حاجة تبل ريقنا

والبلد مبروك عليهم

يارئيس الجمهورية

كيلنا فاض م العيشة دية

يارئيس الجمهورية

نفسنا ف عيشة هنية

مش بقولك انت ناوي تحبسنا يا معلم

:silent: :silent: :silent: :silent: :silent: :silent: :silent: :silent:
وطي صووووووووووووتك ...لحد يسمعك

لالا مفيش حبس ان شاء الله دة اعتقال بس

بلاش نغمة العيش دى علشان بقى مرطرط ومحدش واخده اصلا
والحديد الراجل رخصه بقى 6150 جنيه أينعم مش هتلقاه ولا فى أى حته
بس أهو رخصوه والأسمنت برضو كذلك الأمر نزل مش عارف كام
يعنى البلد ميه ميه ومسمعش نفسك تانى خليك ماشى جوه الحيط مش جمبيها
شكرا على الموضوع

اقتباس :: كلَلَََه ياريس بأمرك ( الأمر بيد الله الواحد )

ربنا يطول فى عمرك (( اكتر من كدة ... ايه ))

موضوع جميل بس يارب ما يتقفل المنتدى

marawan elkhateb كتب:: موضوع جميل بس يارب ما يتقفل المنتدى

لا ده ENG_GODZELA ناوي يقفل المنتدي ويعتقل كل المشتركين في المنتدي وربنا يستر علينا هو إحنا ناقصين

كلام مية مية
كويس

إنها أدني المطالب

لقمة خبز متغمسة يأكلها الإنسان وهو آمن
مطالب مشروعة ولا أظن أن أحد يغضب من ذلك
مفيش حد بيطلب فيلا لكل أسرة في منتجع تعيش فيها شهر في السنة

أمة الله بنت الأزهر كتب:: إنها أدني المطالب

لقمة خبز متغمسة يأكلها الإنسان وهو آمن
مطالب مشروعة ولا أظن أن أحد يغضب من ذلك
مفيش حد بيطلب فيلا لكل أسرة في منتجع تعيش فيها شهر في السنة

واضح ان د/ امة الله بنت الازهر
و البشمهندس جودزيلا ناويين نية خير للمنتدى ده

بس بينى وبينكم
موضوع جامد

اقتباس :: واضح ان د/ امة الله بنت الازهر
و البشمهندس جودزيلا ناويين نية خير للمنتدى ده

بس بينى وبينكم
موضوع جامد

الخائفون لا يصنعون الحرية والمترددون لن تقوى ايديهم المرتعشه على البناء

لو كلنا خايفين من ان نقول لا للظلم عاوزين نعيش عيشية بنى ادمين
هيبقى دائما حقنا مهضوم ده الواحد قرب ينفجر من الى شايفه
او حل اخر
نشوف دوله غير الدوله نعيش فيها

الخائفون لا يصنعون الحرية والمترددون لن تقوى ايديهم المرتعشه على البناء كويس

البـــــلد مش هتتقدم لو قعدنا ساكتين

جااااااااااااامده

ربنا يبارك فيك

» رسالة الى رئيس الجمهورية الرئيس مبارك
» مبارك يمنح العالم المصري مصطفى السيد وسام الجمهورية من الطبقة الأولى
» ترشيح البرادعي لرئاسة الجمهورية يثير أزمة بين رئيس الوفد وشباب الحزب وقياداته
» يوميات أبو السيد ... (1)
» يوميات أبو السيد ... (2)