ماذا ستفعل اذا اكتشفت أن عندك مرض خطير؟؟

انا شايفة ان الواحد فى أى ظرف يقبل بقضاء الله وقدره سواء كان خير أو شر

و أكيد أى حد معرض للمرض بس مش بنفكر فى الحكاية دى كتير الا لو شفنا حد مريض

بنفكر ان احنا ممكن نكون مكانه و بنحمد ربنا على نعمة الصحة الى احنا فيها

فلو اكتشف الواحد مننا انه عنده مرض خطير -لا قدر الله - يسلم بقضاء الله وما يفكرش ليه أنا مش غيرى

ويقضى وقت أكتر فى طاعة ربنا و يتقرب لربنا أكتر بصالح الأعمال

عشان لو ربنا مش كاتب ليه السعادة فى الدنيا يكون سعيد فى الآخرة وربنا يجعل مثواه الجنة

فاهم حاجة ان الواحد يعمل لآخرته مش بس وقت المرض أو الحاجة أو الهم والحزن

و لكن فى وقت الصحة و الشباب لان الموت مالوش سن أو وقت معين وما يعرفش كبير من صغير
و يا ريت كلنا نخلى الحكاية فى دماغنا على طول ونتصرف على أساسها

ياريت ماكنش طولت عليكم
وشكرا ليكى يا ياسمينا على هذا الموضوع وجعله الله فى ميزان حسناتك

المرض ابتلاء من عند ربنا لحكمه ربنا اكد عارفها ومش شرط المرض ييجى للشخص اللى بعيد عن ربنا لكن ده ممكن ييجى لاقرب الناس لله عز وجل وطبعا اكيد ف حكمه من كده ربنا وحده يعلمها لكن اللى اخطر من المرض هو الوهم . ع فكره تقربا كلنا عندنا امراض بس احنا مش عارفينها وادينا عايشين حياتنا والحمد الله لكن تخيلوا لو حد عرف مرضه بدرى بدرى اكيد طبعا هتحصل الصدمه المتوقعه بس لازم الواحد يفكر هو ليه بقى ف الوضع ده ؟؟؟؟ ولازم يعرف انه ابتلاء من ربنا ويمكن كمان تكفير ذنوب ولازم زاكد عرف انه ربنا مش بيعمل حاجه وحشه لحد من عبيده . وربنا قال كده ف كتابه فما معنى الايه "اذا اتى خير فهو من عند الله وان كان شر فهو من انفسكم " عشان كده لازم نتامل ف حكمه ربنا فينا وربنا يلطف بينا جميعا