45 صوره لأخطاء المصلين بالصلاه.

حاجة روعة يا حبار

صور ممتازة وفعلا فى حاجات كتير من دى بتحصل بس انا ليا استفسار عن بعض الصور



انا مش فاهم ايه المقصود بالكلام اللى موجود فى الصورة ( يعنى احنا المفروض ندعى بعد التشهد ولا ما ندعيش والامام الفروض عليه انه يسلم على طول اول ما يخلص التشهد ولا يستنى شوية لغاية ما الناس تدعى )



طب لو حد جه يكلمنى اثناء الخطبة اعمل ايه ارد عليه ولا اشاورله ولا اعمل ايه مع ان الكلام بالاشارة فى الخطبة حرام وقد يبطل الصلاة مع انك لو طنشته ما بيسكتش ويفضل ينده عليك لغاية ما ترد عليه



هنا بقى المشكلة للاسف ائمة المساجد اثناء الصلاة بمجرد ما يقول ولا الضالين والناس ترد بآمين نلاقيه دخل فى السورة اللى بعد الفاتحة لدرجة ان فى ناس ممكن تكون ما خلصتش كلمة امين اصلا
انا على حد علمى ان المذاهب كلها بتقول ان المفروض المصلى يسكت اول ما الامام يدخل فى القراءة لان طبعا ربنا بيأمرنا اننا نسكت لما نسمع القرآن وعلى حد علمى ان المذهب الشافعى اجاز للمصلى انه يقرأ الفاتحة بعد الامام على ان يسكت الامام شوية حتى تنتهى الناس من القرآة وده بيحصل فى وجه بحرى مش فى الصعيد



للاسف فى الصورة دى تلاقى الناس ما تطمنش ان الصف مكتمل وغير مقطوع الا لما تلاقى كتفها لازق فى كتفك وصباع رجله راكب على صباع رجلك وكل ما تبعد صباعك يحرك هو صباعه ويحطه على صباعك يعنى وراك و راك بطريقة مستفزه


شكرا مرة تانية ليك يا حبار على الموضوع الرائع ده ويارت نلاقى مواضيع تانية زيه كتييييييييير

موضوع فى غاية الاهمية فعلا بشمهندس/حبار

لازم ناخد بالنا كويس فى صلاتنا ونتفادى الاخطاء اللى بنشوفها دى

ونصلى كما كان النبى علية الصلاة والسلام يصلى

قال رب العزة فى كتابة الكريم ...بسم الله الرحمن الرحيم

(قد افلح الؤمنون الذين هم فى صلاتهم خاشعون)..صدق الله العظيم

فاجعلنا اللهم منهم....امين

طيب انا بس ليا لستفسارهولزق الرجلين في بعض ده للرجاله بس ولا للنساء برضو عشان في ناس بتقول كده وناس بتقول كده وماحدش بيعملها في المسجد فياريت حد يفيدني في الموضوع ده وجزاك الله كل خير يابشمهندس ع الموضوع الرائع ده

بارك الله فيك يا باشمهندس
وجزاك الله كل خير
جعله الله من ميزان حسناتك