free ray
كبير مهندسين
عدد المساهمات : 477
تاريخ التسجيل : 15/06/2008
العمر : 37
الموقع : بلد الجمال
رقم العضوية : 1213
Upload Photos : 
 |  موضوع: نصائح للعكننة على مراتك  الجمعة 3 أكتوبر - 22:19 | |
| نصائح للعكننة على الزوجة
الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان اشمعنى انت ؟ ولو حاولت ترجع تنام تانى قالها مادام صحيتى حضري الفطار بقى
اذا كنت بتتفرج على التلفزيون وهى عايزة تغير القناة قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة ولو كنت بتتفرج على ماتش كورة هيبقى الموضوع اسهل كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب
( ملاحظة : اغلب النساء ذو ثقافة كروية ضعيفة )
اصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة
طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض
فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة
لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات يرعى التجول وانت مستمتع بأكل الجاتوة امامها
متنساش رأيك فى طبيخها لو عاملة لحمة قالها حلو اوووى الفراخ دى ولو طبخة بامية جميلة اوى الملوخية دى حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!
لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !
لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية
لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟
وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقالها حبيبتى معلش ممكن كوبية مية علشان ضهرى بيوجعنى !!
طبعا يا جماعة دة هزار محدش يبقى غلس اووووووووووى كدة برضة الستات طيبين
| |
|
marawan elkhateb
عضو بدرجة مهندس إستشارى
عدد المساهمات : 1658
تاريخ التسجيل : 24/03/2008
العمر : 34
الموقع : اسيوط
رقم العضوية : 935
Upload Photos :
| | موضوع: رد: نصائح للعكننة على مراتك السبت 4 أكتوبر - 11:18 | |
| ههههههههههههههه
جامدين اوي
بس كده حتخربى بيوت مصر كلها | |
|
MASA_2010
معيد بقسم كهرباء
عدد المساهمات : 631
تاريخ التسجيل : 25/02/2008
العمر : 38
الموقع : APEARC
رقم العضوية : 630
Upload Photos :
| | موضوع: رد: نصائح للعكننة على مراتك السبت 4 أكتوبر - 14:27 | |
| والنبي مفيش حد عنده نصايح لتجنب عكننة خطيبته عليه سلف وابقي اردهومله في السريع ؟ | |
|
modern scholar
مهندس نشيط
عدد المساهمات : 195
تاريخ التسجيل : 22/05/2008
العمر : 33
رقم العضوية : 1147
Upload Photos :
| | موضوع: رد: نصائح للعكننة على مراتك الثلاثاء 13 يناير - 19:54 | |
| ايه الشر ده ده اجمل حاجة في الكون هي الزوجة
| |
|
احمد ع م ا
خريج هندسه أسوان دفعة 2002
عدد المساهمات : 535
تاريخ التسجيل : 03/05/2008
العمر : 46
رقم العضوية : 1101
Upload Photos :
| |
