البيت بيتك.......يوميات من هندسة أبوالريييييييش......

تذكير بمساهمة فاتح الموضوع :

بمناسبة بدء المارثون الخطيييير غدا
بما فييييييييه من حلوه
ومرررررررررررررررررررررررره
Sad

وبالرغم من ان في ناس كتير بدات فعلا

احب اعزي كل اللي بدأوا

بيبكى

وبقولهم معلش
انتم السابقون ونحن اللاحقون

lol!

انا انهاردة يا جماعة بفتح الموضوع دة
عشان جاتلي فكرة حلوة

وياريت تنال اعجاب الجميع
واللي منها سميت الموضوع

:bounce: البييت بييييييتك:bounce:

وحطيته في قسم
البيت بيتك

الفكرة هي ان كل واحد بيمر بيوم في الكلية بتقابله حاجات
عجبته
وحاجات استفزته اكييد
:twisted: :twisted:

ودة طبعا بيحصل في سكشن او المحاضرة
او الطريق
او الكافيتريا اما تفتح
او
او.........

وانا طالبة منكم صراحة كل اللي يقرا الموضوع
يقولي عالاقل ايه الموقف اللي اسعده في اليوم دة
وبرضه ايه الموقف اللي استفزه
ايا كان
مع عدم المساس بالشخصيات الهامه

او التحدث عنها
بصوورة غير لائقة
ولو محتاج تشتكي من حاجة استفزتك تقولنا هيا ايه

ولو برضو عايز تمدح حاجة عجبتك تقولنا هيا ايه
Laughing

ونكون فعلا
البيت بيتك
:king:
وطبعا كل يوم بيمر بتتغير المواقف وبتحصل حاجات كتييير

ولو الموضوع لاقي اعجاب حضراتكم
هكتب عليه متجدد
لكن لو مش عاجبكم
يبقي ماعلي dodyel الا انها تضعه سلة المهملااات

"ربنا يستر ويعدى السنة دى على خير يارب وعندك حق يارانيا كلنا مرعوبين من النتيجة ربنا يكون فى عوننا جميعا"
وزى ما قالوا للك يابشمهندس / محمد ممكن كنت تلاقى المفتاح قدام الباب تحت المشاية اللى عند عتبة الكلية بس اللى يدور ولا إيه ...............

وبستأذنك يابشمهندس محمد فى أن موضوعك هيتم دمجه مع موضوع "يوميات من هندســــــة أبو الريش " لميس إيسادورا.......

اخبار الكلية ايه معاكم يا جماعة؟؟؟؟
صباح الخير

مدني وكهرباء
lol!

اما احنا
Sad

بقالنا اسبوع اهو واكتر يا عيني
مش لاقيين حد يدينا حاجة خااااالص

المعيدين بيتخانقوا عينا محدش عايز يدينا
حاسب

كان في تار بايت

الله اعلم
بيضرب نفسه

لكن بجد كل يوم بنسمع ان معيد شكل هيدينا المادة الفلانية
عالعموم مش مشكلة

اللي يدينا يدينا المهم ناخد بس

عشان ميجوش في الاخر يزنقونا احنا في كل حاجة

والمشاريع بتاعتنا لسه ماشاء الله متصححتش

ومش عارفة الدكتور هيلحق يصححها الخميس اللي بعد الجاي ولا لا

ولا هيلحق يدينا تصميم

ولا هيلحق يدي ظل

ولا هيلحق يدي اوتوكاد

ولا.....

:sleep:
ولا.....
:sleep:
ولا.....
:sleep:
ولا......
بحلقه

....................................
...........................
...........
تخيلوا كل دة بيديه دكتور واحد بيجي 9 الصبح وبيمشي علي 4 او 5
عشان القطر
سقعان

ربنا يعيننا
ونوافيكم بالبقية ان شاء الله
الرية البيضا

وعايزين اخباركم برضو

ياعيني

بيبكى 2

الله يكون في عونكم

عيان

miss_esadora كتب:: بقالنا اسبوع اهو واكتر يا عيني
مش لاقيين حد يدينا حاجة خااااالص

ده عز الطلب ياسلام لو يحصل فى مدنى عايزين نريح شويه

يا عم الجزار الصراحه كلو كوم و الحرس كوم تانى دولا حكايه
والصراحه عجبتى من كام يوم قعدت عسكرى والطلبه حوليه كأنه بيكيلهم حدوته
طب نصدق أنا كنت حروح أجبله شيشه وباكو معسل وبصيتين فحم
وهو بالمر تبقى غرزه

هاااااااااي علي اجمد بشمهندسييييييييين
فكره عسوله خااالص
بس خساره قريتها متاخررررر

عموما الحمد لله خلالاص خلصنا كليا واتخرجنا منها بخير

بس طبعااا هتوحشني كتييييييير وهيوحشوني اكتر كل دفعتي واصحابي

بسم الله الرحمن الرحيم...

خطرت علي بالي فكره نعملها واحنا داخلين علي العام الدراسي الجديد..

اننا نكتب من خلال الموضوع ده ايه الاخبار اللي علي هامش الكليه.

احداث داخل الكليه...

لانه في حاجات بتحصل واحنا مش بنعرفها...

وببساطه ..
هنخاول نخلي اي حد في كليتنا يعرف ايه حصل من الاحداث اليوميه وهوا قاعد في بيتهم من خلال المنتدي بتاعنا..

يعني ببساطه في حاجه مهمه فالكليه ادخل وقولها من هنا...

في امتحان..

في كويز..

في اعلان..

في تعديل لحاجه...

ادخل هنا وقولها..

واهو كلنا نستفاد ونعرف ايه اللي بيحصل في كليتنا..

ولكم جزيل الشكر..

وبالزات ياجماعه في اول ايام والايام اللي قبل الدراسه..

عاوزين برضه نعرف ايه الدنيا ياجماعه...

يعني بنطلب من الطلاب اللي في ساكنين اسوان دلوقتي انهم يتابعوا ايه اخر اخبار العام ده ..والجداول والسكاشن وكده...

ولكم جزيل الشكر

وانا اول واحد هشارك..

عشان انا كنت هناك امبارح..

والدراسه ان شاء الله هتبتدي من يوم السبت 3-10-2009

والسبت مش اجازه...يوم شغل عادي..

واديتها بصه كده عالجداول....
اتصدمت لما لقيتهم حاطينلي يوم السبت ماده الاختبارات....اصلها اربع ساعات تعب ياناس..

بس ده لسكشن واحد وسكشن خمسه بس..باقي السكاشن اجازة في اليوم ده....

لا ولقيت حاجه غريبه...

تقريبا يوم السبت مش مضاف لجدول مدني بالكاااااامل..

مش عارف ليه..
ممكن يكون في تعديل للجدول مدني تاني...

وعموما الجداول اغلبيتها بتتغير يعني بعد بدايه الدراسه...
وكمان سالت البشمهندس محمد سعد اما قابلته هناك قاللي انه تقريبا اشغل فالكليه هيبتدي علي طول..يعني مش تقولي اول اسبوع اريح وكده...

والله اعم برضه..المعلومات دي مش اكيده...انا بس قولت برضه اعرفكم ايه اللي حصل الايام اللي فاتت..

وجماعه اسوان..جودزيللا واحمد خالد...عاوزين متابعه الايام دي بالزات...

عاوزين الجداول .... وايه حكايه السبت دي برضه... وهل برضه الدراسه هتبدي علي طول سكاشن ولا اول اسبوع محاضرات بس...

وربنا يسهل بقي..

فكرة حلوة يا بشمهندس

ان شاءالله اشارك لما اعرف الجداول والسكاشن
وفقنا الله ويارب احمينا من الامراض
جزاك الله خيرا يا بشمهندس

يا ريت الجماعه اللي في اسوان يعرفوا الدراسه هتبدا السبت ولا
علشان احنا مش عرفين نحجز امتي
وجزاكم الله خيرا

انا كنت انهرده في شئون الطلبة حتى الانلم يتم تحديد معاد بدء الدراسة وسيتم اعلانه فور انتهاء من اجتماع الوزير يوم الاربعاء باذن الله تعالى

جميل يا إبراهيم

بس كأن فيه موضوع لأميره بنفس الفكره قبل كده

وتم الدمج يا برنس

Eng_HOSSAM كتب:: جميل يا إبراهيم

بس كأن فيه موضوع لأميره بنفس الفكره قبل كده

وتم الدمج يا برنس

اه ..اه...بتاع يوميات هندسه ابوالريش..
فعلا ياحس انااسف..
بس انا كان قصدي يعني انه الموضوع ده يبقي لعام 2009 2010 الجديد يعني..
واللي انتوا شايفينه...انا بيس..

ومعلش والله نسيت ما اقولك انتا كمان...عاوزين همتك معانا عشان في حاجات كتييييييييييره عاوزين نعرفها الايام دي بالزات..

وتشكر ياااااااااااااا حس

اقتباس :: انا كنت انهرده في شئون الطلبة حتى الانلم يتم تحديد معاد بدء الدراسة وسيتم اعلانه فور انتهاء من اجتماع الوزير يوم الاربعاء باذن الله تعالى

معرفش والله يادرش....

بس انا اما كنت هناك سالت في الشئون الاستاز جابر وقاللي هنبدأ من يوم السبت كمان مش الاحد..

عموما ربنا يسهل...

وعوزينك يجودزيللا تسألنا تاني بالله عليك ياشيخ لاحسن الواحد تعب من الناس دي والله...
كل يوم بخبر...

عمالين احنا بنأجل في التعليم اللي هوا تقريبا اساس البلد...

عشان الانفلونزا...

والاجانب هينحروووونا انفلونزا...والمصيبه انهم لابدييييين عندنا...وناويين يقضواعليييينا..

السلاااااااام عليكم..

بصوا ياجدعااااااااااااااااااااان..

انا مسافر بكره ان شاء الله اسوان..

وهروح الكليه ان شاء السبت عشان اشوف ايه الدنيا..

فلو اي حد عاوز يستفسر عن حاجه ومش قادر يسافر...

يكتب طلبه هنا فالموضوع ده..

وانا ان شاء الله بكره قبل مااسافر هكتب الطلبات دي ان شاء الله...

وهناك في اسوان هشوف ايه اللي بيحصل فالكليه وهسال وهدور علي جميييييع طلباتكم..

وهحاول ادخل نت ان شاء الله وهقولكم علي اي سؤال ليكم ان شاء الله..

فلو اي حد ليه طلب يتفضل يؤمر وانا من عنيا ان شاء الله هسأله هناك واجاوبله عليه..

السلام عليكم ورحمة الله وبركاته

كل عام وانتم بخير يا جماعة وان شاء الله عام دراسى سعيد عليكم
ياريت بقى كل واحد مينساش يقول عمل ايه فى اول يوم ويفيدنا اذا كان فيه دراسة
ولا هاتنتظم من الاسبوع الجاى
لانى للاسف محضرتش النهارده وكنت عايزه اعرف ايه اخبار الكلية
وانا بشكر جدا miss_esadora على الموضوع الهايل
وياريت الكل يشارك
ربنا يوفقكم جميعا

البيت بيتك.......يوميات من هندسة أبوالريييييييش...... - صفحة 3 289137

النهارده بصراحه مكونتش اتوقع الاقي العدد ده كله ف الكليه بس الأغلب كانوا دفعة إعدادي
ووانا كل إيلي عملته اني روحت شفت الجدول و قعدت مع أصحابي و روحت إجتماع الكورد

وعلي فكره دفعة تانيه مدني أخدوا محاضرة تقريبا ميكانيكا تربه وعليهم واحده تانيه يوم الاتنين

كل سنة وكل اعضاء المنتدى بخير

انا النهاردة كنت فى الكلية وجيبالكم جدول محاضرات (دفعتى ) ثانية مدنى
بس هو ممكن يتغير
***************************
الاحد : 10:8 رياضة
12:10 خرسانة مسلحة د محمود ابو الوفا

الاثنين : 10:8 رياضة
12:10 ميكانيكا التربة والاساسات (soil) د كمال حافظ

الثلاثاء :10:8 structure د محمد عمر
12:10 خرسانة

الاربعاء 10:8 soil
12:10 مساحة د يوسف عباس

الخميس 10:8 structure
12:10 المهنة والمجتمع
*********************************
السبت فى الجدول مش نازل لنا حاجة لكن النهاردة السبت الدكتور ادانا محاضرة soil وحناخد ايضا يوم الاثنين والاربعاء

ووفقنا الله فهو الموفق
البيت بيتك.......يوميات من هندسة أبوالريييييييش...... - صفحة 3 865272

البيت بيتك.......يوميات من هندسة أبوالريييييييش...... - صفحة 3 865272

من اول يوم محاضرات حرام

وكمان يوم الاثنين وكمان الاربع ....هو الامتحان الخميس ولا ايه !!

عموما كل عام وانتم بخير وعام دراسى موفق لكل الدفعات

شكر بشمهندسة reemy على الجدول ....ودينا عرفنا اسماء المواد ..يامسهل

شكراااا بشمهندس زايد وبشمهندسه ريمي

على التوضيح البيت بيتك.......يوميات من هندسة أبوالريييييييش...... - صفحة 3 604369

الف الف شكر ع الجدول ربنا يكرمك يارب

انا كنت سمعت ان التلات مش هناخده اجازه فهل الكلام ده صح ولا ايه الظروف
ياريت لو حد يعرف يبقى يقولنا
والف شكر مره تاني ليكي يابشمهندسه ع الجدول

السلام عليكم ورحمة الله وبركاته

اليوم الأول والموافق السبت 3 أكتوبر المجيد

الطقس مشمش "اللى هيا مشمس يعنى" وبطيخ وعنب وحر وتمام إن شاء الله

لأول مرة فى التاريخ والحمد لله أحضر أول يوم فى الدراسة وهذا حدث جلل وبلل وشلل مع

بعضهم وإن دل على شىء فإنما يدل على إن فيه حاجه غير الدراسة بس إيه هيا الله أعلم !

دفعنا الكارنية مبلغ وقدرة ومن لحم وشحم الحى واحد وتسعين جنية وخمسة وسبعين قرش

مش أتنين وتسعين إلا ربع يعنى عشان تبقوا عارفين الحكاية واستمارة نشاط تقريبا بأتنين

جنيه يبقى الكارنية بالصلاة عالنبى بخمسة وتسعين إلا ربع جنية مقفول مش مخروم.

إشاعات مالية البلد من خدمة وكلام فاضى والباب كمان قفلوه اللى قدام المغربى يعنى بداية

مبشرة لآخر قطرة وربنا يستر من اللى جاى.

أرى فى أعين الزملاء نظرة أمل وعمر وتفاؤل وكل المشاعر الجملية وده المطلوب فى أول

يوم وباقى الأيام برضو وإن شاء الله لا يحدث شىء يعكر علينا صفو هذا العام.

عدت أدراجى وشقتى الكائنة فى الدور السادس قبل القمر بشرطتين يعنى بعد أن نقلنا بضائع

العام المنصرم من ورق وحلل وكلام فارغ وشاشة الكمبيوتر حتى أستطيع متابعة المنتدى

عن كثب "إيه العربى العقيم ده" المتابعة عن كثب للأحداث الجارية فى المنتدى وبإذن الله

سنتابع عن قرب وبعد وتلاصق وتماسك ولا ضير من السؤال والطلب والجواب إن شاء الله.

أخيرا وليس آخر أقول للبشمهندس زايد مادة السويل انتوا مزنوقين فيها من قبل ما هتخشوا

والزنقة أو الحشرة دى فى قول آخر هتستمر إلى آخر العام وبعد ما هتطلعوا من الامتحان

برضو فى حاجات هتكونوا لسه ما أخدتوهاش لأنها مادة زفت وقطران ونيلة وربنا يصبركم

ويقويكم عليها وأما الباقى من المواد هشك بشك قفاك زى وشك.

كان معكم الحبار من أمام شاشة الكمبيوتر

والله الموفق

مساحة د يوسف عباس

قصدك د/كمال عباس

Leave Me Alone كتب:: مساحة د يوسف عباس

قصدك د/كمال عباس

لأ أسمه يوسف عباس كان بيدى من خمس سنين وصفية فى الكلية وكان بييجى من أسيوط

والظاهر السنة دى الدكتور أشرف فرح مش موجود فهوه هيدى مقررات المساحة وهيدينا أحنا برضو

جيودسيا.

والله الموفق

السلام عليكم ورحمة الله وبركاته

اولا بدون ما انحشر فى حوار تانية مدنى او تالته (اى كانت)
احب اوضح ان الدكتور يوسف عباس ده دكتور ممتاز اخر حاجة ومحتاج تتابعوه من اول السنة ومن اول محاضره كمان لانه منظم جدا ونادرا ما بيغيب عن محاضره
يعنى باختصار تترطقوا ودنكوا معاه وتسمعوا كل كلمة بيدهالكو
الكلام ده عن تجربه
وربنا يوفقكم جميعا

» لعبة جديدة جامدة مووووووووت $$ البيت بيتك $$
» نشرة البيت بيتك (تامر امين X سيد ابو حفيظة )
» تصويت هام _ دمج قسمى البيت بيتك وحوار الشباب _ ادخل صووت _
» أسطوانة ( الأسرة و بناء البيت المسلم ) تهتم بنشأة البيت المسلم بحجم 415 ميجا
» هو منتدانا _ منتدى هندسة اسوان ولا هندسة حلوان ؟؟؟