الي قاطني سلالم الكلية ...لو سمحتوا........

تذكير بمساهمة فاتح الموضوع :

في حاجة لفتت نظري بل وضايقتني كتيييييييير
واعتقد في ناس اتكلمت كتير فيها
وهي
شباب الكلية اللي بيترصوا علي السلالم اللي جنب المظلة واللي يتودي للمبني التاني

وبلاحظ دايما انهم بيكونوا من بكالريوس او سنة تالتة ايا كان السنة
هو اسمه سلم العظماء واحنا منعرفش؟؟؟؟

وبعدين هما بيقعدوا عالجانبين
ودة طبعا في حد ذاته شيء محرج للبنات انها تعدي بين صفين رجالة وكلهم متربعين عالسلم
واللي يرمي كلمة كدة وكلمة كدة
انا عايزة الكلام دة يوصل للبشمهندسين دول
عشان كدة اعتقد دة تعدي علي الحريات
والسلم مش معمول عشان الناس تملاه وتتفرج
وبعدين انا عايزة كل واحد يتخيل اخته هيا اللي معدية في وسط الموكب دة
هترضاها لاختك؟؟؟؟؟
والكل باصصلها من تحت لفوق
اعتقد لا
فياريت نتقي الله في بنات الناس
وبلاش العادة السيئة جدا دي

انا شايف انه الموضوع اخذ اكتر من حجمه مع انه ف مواضيع تانيه كتير واهم .بس اللى عايز اضيفه انه مع احترامى لجميع وجهات النظر اللى اتكتبت انا ف حاجه عايز اقولها

اللى بيته من زجاج مايحدفش الناس بالطوب.يعنى ف ناس بتتكلم ومش بتعمل بكلامها ده .
طبعا هم اكيد عارفين نفسهم كويس .بعد كده ف ناس بتقعد ع السلالم اللى ناحيه المدرج ولا دى عشان الناس مش بيعدوا عليها كتير؟؟؟؟؟!!. بعد كده اغلب الناس اللى اتكلمت ف الموضوع كانت بتقف تحكى مع ناس بتقعد ع السلم وكمان مره كان واقف معايا ع السلم واحد من الناس اللى بتتكلم دى .
وياريت الكلام ده يطبق ع الناس اللى بتقعد ع سلالم القسم بتاعها .ولا هو حلال ليكم وحرام ع الناس التانيه؟؟!!!!.ولا هى ........... عشان كده انا مش هاخد ع الكلام ده غير لما هم يعملوا بالكلام اللى بيقولوه . وانا بقعد مع نصف الكليه على السلم وياريت تتكلموا على الناس اللى بتقعد ف الجراجات ؟؟؟؟.ولا هى طرقات وطرقات؟؟؟؟؟.بعد كده انا حاسس انه الناس اللى بتقعد ع السلم دول مجرمين!!!!!!.ودخلتم الدين ف الموضوع بعد كده الحلال والحرام ده بتاع ربنا ولا يعنى لو قعدت ع السلم هندخل النار؟؟؟؟
"الحلال بين والحرام بين". وياريت ماتكبروش الموضوع وياخد اكتر من حقه ,
وشكرا ع وسع صدركم لنا _نحن الاخوه_الجالسين باحترامنا ع سلالم الكليه كلها.
مع تحيات" جمعيه الجالسين ع سلالم الكليه ".اوعوا تنسوا "باحترامنا"

يـــــــــــــــــــا جمـــــــاعة
انا لما اتكلمت علي السلالم اتكلمت في نقطة معينة بالتحديد
ولذلك انا قولت السلالم اللي بتربط مبني الفصول والمظلة اللي دايما بتبقي مليانة
مش عشان ظرف طاريء او حاجة لكن بتبقي مليانة شباب بيحكوا ويتونسوا
دة حتي دايما كانو بيبقوا فرقتين واحدة عاليمين واحدة عاشمال
والمطلوب
ان البنت تعدي من الوسط
لا بصراحة
سابولهم مكان فعلا
ودة منظر اساسا
واكيد انت لما بتعدي جنبك واحدة وانت قاعد عالسلم اول حاجة بتعملها انك بتبص عليها لمجرد لفت نظر مش اكتر
وطبعا مش حلوة لما كل واحدة تعدي تلاقي شلة قاعدين واخدينها فوق تحت
يعني لا في غض بصر ولا يحزنون
في
بجاحة
بس
وبرضو
انا بتكلم عاللي بيلموا بعضهم وبيقعدوا مش واحد بعينو
يعني السلم لما يمون عليه واحد او انتين قاعدين في ركن مثلا لظرف ما
مثلا
دول مش مشكلة
لكن لما يبقي مكان ترانزيت
دي المشكلة
السلالم دي بالذات في الكلية حلقة ربط دايما بتبقي مليانة بالطلبة اللي بتعدي عليها غير اي سلالم تاني
يعني القعاد عليها بياذي اكتر من اي سلالم تاني
وطبعا عمر اللي بيقعد عليها ما هيحس باذي البنات اللي بتعدي
الا بجد
لو جاب اخته
وقاللها عدي كدة وسط الشباب دة عالسلم
دة عادي يابنتي
هما لا هيبصولك ولا حاجة
دول اول ما هيشوفوكي هيغمضوا عنيهم خالص
ولا حتي هيشوفوكي اصلا

الناس كلها تصلى على النبى وتهدى.............

شكرا علي فتح هذا الموضوع وبجد احنا مش بنعرف نعدي من علي السلالم ويا رب الناس تحس وتتغير بجد يا ريت نحترم بعض] يصفق

خلينا يا بنات ايجابين ونحل المشكلة لما تلاقى منظر زى ده روحى للحرس عاى طول وهم هيتصرفوا فى الناس اللى قاعدة

بسمة كتب:: خلينا يا بنات ايجابين ونحل المشكلة لما تلاقى منظر زى ده روحى للحرس عاى طول وهم هيتصرفوا فى الناس اللى قاعدة

معاكى حق يابشمهندسة فعلا المنظر بيبقى مش حلو خالص

» طلب لو سمحتوا
» طلب برنامج بريمافيرا 6 لو سمحتوا
» ممكن أطلب لعبة لو سمحتوا ...
» ركزوا في دروسكم و بلاش الدش لو سمحتوا
» قاعة الاستذكار داخل الكلية