"حلمي اتقتل".......

اتربينا سوا في بلادنا اللي علي قدها..لحد ماكبرنا
ولما كبرنا ..فهمنا ..اننا لازم نرضي بحالنا
وان حالنا أحسن من غيرنا..وان الفقر مش ذنبنا
ذنبنا زماننا ..وماينفعش نعترض علي قضاء ربنا
طول عمري بدعي ربنا..اننا نفضل صحاب طول عمرنا
طول عمره يقوللي..يا خللي..يللا نرفع راس أهلنا
ونعلي اسم بلدنا أمنا..ومانبخلش عليها بتعبنا وكدنا
قلتله يا(حلمي)..انت حلمي..وقريب حنحقق حلمنا
وتعبت..وتفوقت..وبعد كدة قالولي انت مش لازمنا
احلم يابابا علي قدك..وخد بالك..احنا خلاص عينّا
ابن الدكتور فلان..ابن الريس بتاعنااللي مننا وعلينا
صرخت بعزم مافيّا..المكان ده كان ليا..لكن حلم اللي زينا
مجرد حلم بنشوفه في المنام..ولما نصحي الواقع بيهزنا
وساعتها صاحبي مات..لا اتقتل..والواسطة صفت دمنا
ودفنته في قبر اليأس..لكن في الاخر مصيرنا
حنتقابل يا(حلمي)..ومهما حصل..مش حتخلي عن حقنا

الي كل من قُتل حلمه..دعوة لعدم اليأس..وعسي أن تكرهوا شيئا وهو خير لكم
ومحدش عارف الخير فين
والكلام ده علي فكرة مايقصدش حالة أو واقعة معينة
انما هو تجربة شخصية وبيمس ناس كتير قوي غيري
لكن علينا بالصبر والاحتساب
والله المستعان

اكيييييييييييد مسير الحق فى البلد هو اللى هايحصل والظلم والوسطى يختفووالكوسة ارضها اللى بتتزرع فيها تبور
بس مااوعدكيش ان ده يحصل قريب
بس اللى اعرفه ان دعوة المظلوم مستجابة
وعندك حق يا ياسمينا اكيد ربنا مقدر الخير دايما حتى لو اتظلمنا
واحييي فيكى مثبارتك وروحك الرياضية ورحابة صدرك
وياريت يبقى عندى ثباتك واملك.......

ملحوظة:ايا كان رضاكى بقدر ربنا اوعى تسيبى حقك
ولو اى خناقة اختك موجودة غمزه

أولا أحب أحيكي على الأسلوب الرائع ده على الرغم من إنه كئيب شوية .....
ثانيا أحب أقول إن مافيش حد بياخد أكتر من نصيبة و لو ليكي نصيب في حاجة ماحدش هايقدر يقف قدامك حتى لو كان ملك ملوك الأرض ..... و كل على الله في الآخر ....

و عموما لو محتاجة أي حاجة من مصر إحنا في الخدمة برضة ... أخوكي موجود.....
"حلمي اتقتل"....... 2696

saso_al safrota كتب:: اكيييييييييييد مسير الحق فى البلد هو اللى هايحصل والظلم والوسطى يختفووالكوسة ارضها اللى بتتزرع فيها تبور
بس مااوعدكيش ان ده يحصل قريب
بس اللى اعرفه ان دعوة المظلوم مستجابة
وعندك حق يا ياسمينا اكيد ربنا مقدر الخير دايما حتى لو اتظلمنا
واحييي فيكى مثبارتك وروحك الرياضية ورحابة صدرك
وياريت يبقى عندى ثباتك واملك.......

ملحوظة:ايا كان رضاكى بقدر ربنا اوعى تسيبى حقك
ولو اى خناقة اختك موجودة

متشكرة جدا ياساسو علي مرورك وتشجيعك ليا وبجد الواحد لازم يرضي بقضاء الله
حتصدقيني لو قلتلك اني لغاية دلوقتي مش قادرة أدعي علي اللي ظلمني وأنا متأكدة ان دعوة المظلوم مستجابة ان شاء الله
أما بالنسبة لاني أتخلي عن حقي فأنا عملت كل اللي في وسعي والأمر كله بيد الله
ولو عالخناقات فربنا مايجيبش خناق أبدا ولو استدعي الأمر فبلاش انتي ياساسو لاني خايفة عليكي
والله المستعان

SEWAR101 كتب:: أولا أحب أحيكي على الأسلوب الرائع ده على الرغم من إنه كئيب شوية .....
ثانيا أحب أقول إن مافيش حد بياخد أكتر من نصيبة و لو ليكي نصيب في حاجة ماحدش هايقدر يقف قدامك حتى لو كان ملك ملوك الأرض ..... و كل على الله في الآخر ....

و عموما لو محتاجة أي حاجة من مصر إحنا في الخدمة برضة ... أخوكي موجود.....

لك جزيل الشكر يابشمهندس sewarعلي مرورك وتعليقك الجميل علي أسلوبي ومعلش اذا كان كئيب شوية بس الانسان ساعات بيجيلوا لحظات صعبة لما بيفتكر انه اتظلم ظلم شديد
وأكيد ربنا بيكون كاتب للعبد الخير سواء في الدنيا أوفي الاخرة
أوعدك يابشمهندس اني ححاول أكتب حاجة كوميدية عشان الناس مش ناقصة كابة

[[/size][size=24]احب ان اقول لمن قتل حلمه لا تحزن فهذه ليست نهاية العالم وعليك ان تأخذ بالاسباب ولا تترك حقك فان ضاع فهذا قضاء الله والله يحاسب كل ظالم
وكما قال الشاعر :لا تظلمن اذا ماكنت مقتدرا
فالظلم يرجع عقباه الى الندم
تنم عيناك والمظلوم منتبه
يدعو عليك وعين الله لم تنم
فالايام دول[/[size=24[/]]

ولا إتقتل ولا حاجة
بكرة تروق وتحلى
"حلمي اتقتل"....... 2696