منتدى طلبة كلية الهندسه بأسوان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى طلبة كلية الهندسه بأسوان

منتدى طلبة كلية الهندسه بأسوان
 
الرئيسيةالبوابةالتسجيلأحدث الصوردخول

 

 يوميات جمعاوى ج2:جامعاوى 2700

اذهب الى الأسفل 
كاتب الموضوعرسالة
ENG_GODZELA
مشرف مرشح لمنصب مشرف عام
مشرف مرشح  لمنصب مشرف عام
ENG_GODZELA


عدد المساهمات : 3368
تاريخ التسجيل : 25/07/2007
العمر : 39
الموقع : كلية الهندسة _قسم الهندسة المدنية
رقم العضوية : 31
Upload Photos : يوميات جمعاوى ج2:جامعاوى 2700 Upload

يوميات جمعاوى ج2:جامعاوى 2700 Empty
مُساهمةموضوع: يوميات جمعاوى ج2:جامعاوى 2700   يوميات جمعاوى ج2:جامعاوى 2700 I_icon_minitimeالأربعاء 22 أكتوبر - 21:21


يوميات جمعاوى ج2:جامعاوى 2700





كانت الساعة تجاوزت الثامنة والنصف بقليل عندما وقفت في شرفة
المنزل باحثاً عن أي مواصلة توصلني الامتحان اللي هيبدأ بعد نصف ساعة
.. حاولت إيقاف أي ميكروباص كونكورد أو حتى تاكسي أباتشي لكن دون
جدوى كان الزحام شديد لدرجة إني إضطريت إني أركب أوتوبيس
بيونج نقل عام كان الأوتوبيس قادم في الجو من بعيد تتصاعد منه
الأدخنة السوداء بينما مال على إحدى أجنحته من شدة الزحام حتى كاد
الركاب يتساقطون منه.. كان على أن أتشعبط مع المتشعبطون ..
قعدت مستني لغاية ما جه قدام البلكونة وهب رحت ناطط ومتشعبط
ع الباب ولكني سمعت هذا الصوت المعدني المألوف للكمسري
الآلي (يا ..حضا..رات..من.. فض..لكم..ت..ذا..كر..ما..حدش ..ي..زوغ)

أفلت إحدى يدي وأخرجت من جيبي ورقة بميت ألف

-تذكرة سوتر يا أسطى لو سمحت

ل..سه..خمس..ميت..ألف

ليه يا أسطى ..ما أنا لسه راكب من يومين بميت ألف

ال..وقود..ال..نو..وي..غلى

الله يخرب بيوتكم أنتوا ماسبتوش حاجة إلا إما غلتوها

وفجأة أنطلق صوت عراك من داخل الأوتوبيس ..


-قولتلك أفتح الشباك لو أنته بتدايق من السجاير

-وأنا قولتلك إن الشباك بيدخل سحاب وأنا عندي حساسية

من السحاب -لما أنته عندك حساسية من السحاب بتركب طيارة
نقل عام ليه .. ما تمشى ع الأرض أحسن أهو حتى توفر

-وأنته هتمشيني على كيفك ياروح والدتك

-وكمان بتجيب سيرة الأم ..طب خد..كش

وأنطلقت مباراة للمصارعة على الموسيقى التصويرية لصويت النساء
وبكاء الأطفال .. وانطلق صوت أحد الركاب:
احنا نطلع ع القسم
بالطيارة أحسنصرخت فيه: قسم؟؟.. قسم إيه ياعم؟؟
أنا مستعجل وعندى أمتحان وبعد مجهود مضني من المحايلة
أقتنع الراكب المدخن أنه يطفي السجارة، ويادوب هما هدو من
هنا وانطلق الصويت من هنا :الحقوني يا ناس ..
الحقوني الموبايل بتاعي اتسرق

سألها أحد المجاورين لها: هو نوعه إيه ياست؟؟


نوكياN9000 ده أنا لسه جيباه جديد بعشرين مليون ..
ده أنا لسه بسدد في تمنه

هتف نفس الراكب بتاع العركة الأولانية: خلاص ياست
احنا نطلع بالطيارة ع القسم
صرخت فيه: إنته إيه حكايتك؟؟ .. كل شويه قسم .. قسم .. إنته عليك

عفريت اسمه القسم ؟؟ بقولك عندي إمتحان
تركته والتفت إلى السيدة وقلت لها خدي ياست موبايلي مليه رقمك

وهو هيتصل بموبايلك ..


ملت الست الرقم للموبايل فانطلق منه صوت يقول: عفوا الهاتف
الذي طلبته ربما يكون مسروقاً من فضلك حاول الأتصال بالقسم

صرخت فيه حتى أنته طب والله لنا بايعك .. التفت إلى الناس قائلاً:

ياجدعان اللي شاف موبايل الست دي يطلعه احنا مش ناقصين عطلة
.. فانطلق صوت حريمي من آخر الطيارة: هو الموبايل هفان ومخطط بأورنج؟؟

أجابت المرأة: أيوة يابنتي..

أنا شوفته في إيد الراجل ده .. ألتفت الجميع إلى الرجل الذى أشارت
إليه فأخذ يلتفت يمينا وشمالاً ثم أخرج من جيبه مطواه ليزر.. وصرخ:
اللي هيقرب مني هقطع وشه بالمطوة دي أرجع ورا أنته وهو ألا أفتح
كرشك .. لكن أحد الشباب هجم عليه من الخلف وأخذ منه المطواة وأنهال
عليه الجميع بالضرب ثم قال أحدهم: هنعمل فيه إيه دلوقتى؟؟ .. فأجاب
أخينا إياه: لازم نسلمه للقسمنظرت إليه في غضب هي الداية
اللي ولدتك كانت شغالة مرشدة بوليس؟؟!! .. ماتهمد بقى .. ردت إحدى العجائز:
لأ يا بني .. قسم إيه ده برضه كلام؟؟ .. أنتوا عايزين تضيعوا مستقبله
ده حتى شكله ابن ناس بس هو اللي الشيطان غواه.. احنا نرميه من
شباك الطيارة .. لو مات أدينا أستريحنا منه ولو عاش يبقى ربنا
عايز كده!!رددت عليها: الله ينور عليكي ياحاجة .. شايفين كلام
الناس العاقلين؟؟ وهنا وصلت إلى سوتر فتركت الطيارة ونزلت تاركاً
ورائي هذا الحرامي ليلقى مصيره بين عاشق القسم والحاجة العاقلة
بتاعة الشباكأما عن ماذا فعلت في الأمتحان؟؟ فهذا ما أحكيه لكم

فى المرة القادمة..

سلامو عليكم
الرجوع الى أعلى الصفحة اذهب الى الأسفل
http://WWW.ISLAM2ALL.COM
 
يوميات جمعاوى ج2:جامعاوى 2700
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى طلبة كلية الهندسه بأسوان :: مواضيع عامة :: البيــــــــــت بيتــــــــك-
انتقل الى: