eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 38
الموقع : just in my dreams ,, i can reach any place
رقم العضوية : 1036
Upload Photos : 
 |  موضوع: س: ليه مسائل الرياضة في كتاب رابعة إبتدائي كلها ملايين ومليارات؟... ج: فكر جديد لمستقبل بلدنا!  السبت 8 نوفمبر - 16:55 | |
|
س: ليه مسائل الرياضة في كتاب رابعة إبتدائي كلها ملايين ومليارات؟
ج: فكر جديد لمستقبل بلدنا!
[ندعوك للتسجيل في المنتدى أو التعريف بنفسك لمعاينة هذا الرابط]
في إطار جهود الحكومة لدعم السلع الأساسية... تم تخصيص ملياري جنيه في موازنة 2008/2009 405 ملايين جنيه للحفاظ علي أسعار الأدوية 750 مليون جنيه لتخفيض فوائد قروض الإسكان.. فما هو مجموع ما خصصته الدولة فيما يتعلق ببنود الإنفاق الحكومي الثلاثة؟.. هذه ليست جزءاً من خطبة الأمين العام للحزب الوطني الديمقراطي في المؤتمر..
ولا هي جزء افتتاحي لمقالة اقتصادية من الأهرام الأسبوعي.. وإنما هي مسألة من كتاب رياضيات سنة رابعة- ابتدائي مش اقتصاد وعلوم سياسية.. وحكايتي مع هذا الكتاب المعجزة.. بدأت عندما سألني ابني هشام الذي هو في سنة رابعة ابتدائي «مش اقتصاد وعلوم سياسية»: هو أنا يا بابا لما أكبر واشتغل حقبض كام؟ وأصر علي أن يتلقي إجابة رغم إن مزاجي الأيام دي زي الزفت ومش عايز أتكلم عن أي حاجة مع أي حد.. ولما أجبته بأن مرتبه تقريباً في الأيام دي حيكون في حدود ألف جنيه.. أظهر ما يلزم من سخرية وتريقه تتناسب مع جيل هذه الأيام وضآلة المرتب المنتظر بعد أن يكون قد طفح الدم في التعليم والشهادات- ده لو أصلاً عرف يتعين في الآخر كمان- وصبراً جميلاً- وطولة بال غريبة نزلت عليا ورست وأنا أنظر للعيل أبو تسع سنين وهو يترافع متحدثاً عن هذا المستقبل الأسود الذي ينتظره هو وأحمد ويوسف وحسن «البهوات أصحابه».. وفي النهاية وبعد أن وجدني مش عارف أتكلم خالص وفي حالة بله حكومي أمام بلاغته الاعتراضية نظر لي من فوق لتحت متسائلا.. لما هو كده والوضع بالشكل ده.. ليه بقي كل المسائل اللي في الكتاب المهبب بتاعنا كلها مليارات وملايين؟ واستدعي انتباهي فأردف الأستاذ هشام ابني.. يا عم عندنا المسائل كلها عشر أرقام وضرب وقسمة وبيقولك من غير آلة حاسبة كمان.. وريني كده.. وأكاد أجزم إن حب الشباب والشلل الرعاش والشيزوفرينيا.. هاجموني فوراً وأنا أطلع علي هذه المسائل في هذا الكتاب الفلتة.. وإنصرف ابني من أمامي بعد أن افحمني.. رايح فين مش حتذاكر؟ لأ رايح العب شوية.. وبعدين أنا ذاكرت في المدرسة مع مس إيمان.. ولم أعترض وأمسكت الكتاب وأنا أزعم إني علي قدر لابأس به من العلم والتبحر في الرياضيات وعندي بتاع أربع خمس آلات حاسبة.. وجدت أنهم كلهم ويا للأسف علي اليابان وتأخرها.. مصممة علي حد أقصي 8 أرقام فقط.. يعني تقف كاسيو بكل تقنياتها اليابانيه عاجزة أمام مسائل سنه رابعة إبتدائي بتاعتنا.. طب ابني ربنا بعتله مس إيمان اللي بتذاكر معاه وبتحاول تقنعه بالمسائل والأسئلة المقررة عليه.. وباقي الزملاء العيال هيعملوا إيه؟ والمشكلة إن ابني طالع حقيقي جداً لعمه.. يعني لازم يبقي مقتنع بالكلام عشان يفهمه.. وما بيحبش يحفظ وبيقول الحفظ للأغبياء فقط.
وعند هذا الحد.. انصرفت كلياً لهذا الكتاب المعجزة.. ومن خلال المسائل والتمارين إكتشفت أن الهدف ولاشك هو استقطاب الدارسين للحزب الوطني ولدراسة اقتصاد الملايين والمليارات.. عشان الجيل اللي طالع ده يقدر يدافع عن البورصة وما تقعش في عصرهم زي الوقعة المنيلة بتاعة اليومين دول.. وحسيت بدماغي بدأت تنمل.. فرميت الكتاب ومسكت كتاب تاني 120 صفحة وهو عدد تاريخي من أخبار اليوم الغراء- بمناسبة مؤتمر الحزب الوطني- وعندما تصفحته فاجأتني كل هذه المليارات والملايين الخاصة بالاستثمارات الحكومية والخاصة.. ومشاريع النقل والسياحة والإسكان.. وخيرك يا باشا.. وعند هذا الحد أومأت موافقاً ومتفهمًا.. آآآآآآآآآآآه صح كده.. فكر جديد لمستقبل بلدنا.. يبقي طبيعي جداً نعلم عيالنا والأجيال الجديدة الأرقام الجامدة دي.. لأن أيامهم بعون الله وبركة الحزب الوطني ودعاء الوالدين كمان.. ستكون كلها مليارات بالصلاة ع النبي.. لكن إحنا يالله حسن الختام كان آخرنا خانة الألوف أو مئات الألوف في أحسن الأحوال.. ومسائل الحساب علي أيامنا كانت اشتري عمر كيس لب بجنيه ونص وقميص بخمستاشر جنيه.. إحسب كم يتبقي معه من العشرين جنيه اللي استلفهم من بنك القرية.. ولكن وفي ظل هذه الأيام المباركة السعيدة وصلنا إلي سكة ثانية خالص.. رجعت للكتاب إياه ومن صفحة 27 منه قرأت هذه المسألة عن عادل.. عمر سابقاً.. اشتري عادل شقة تمليك بمبلغ 168975 جنيهاً بأحد الأبراج السكينة فإذا علمت أنه دفع مقدماً قدره 100000 جنيه وقسط الباقي علي 18 شهراً ما عدا القسط الأخير.. فأوجد قيمة كل قسط وقيمة آخر قسط- ولم تقل لنا هذه المسألة الألمعية.. ماذا يعمل عادل؟ والبرج السكني ده في مدينة إيه وبتاعة مين؟ طب الفايدة كام وهتتحسب إزاي؟.. وهل الشقة تشطيب لوكس ولا سوبر لوكس؟ ولا ع الأحمر بس؟ وبغض النظر عن السياسة التعليمية والتوجهات المقصودة في كتب الوزارة فإنني ومن باب النظر إلي النصف المليان من الكوباية.. أري أن مصر رغم كل شيء ومع كل ظروفها اهتمت بفئة لها علينا حقوق.. ويجب علي الدولة المحترمة أن تساعدهم وتحاول تسهيل أمورهم.. لأنهم مذنبين في حالتهم هذه.. وهذه الفئة هي أصحاب الحاجات الخاصة.. وذوي العاهات الفكرية.. أنعم الله عليهم بالشفاء.. فقد وفرت لهم الدولة الوظائف وسكك الرزق.. وهكذا عملت هذه الفئة في تأليف كتب الوزارة للتربية والتعليم وربنا يديم المعروف.
| |
|
