اسئله غلسه واجابات اغلس <من غير ضرب >

حاجه طايره في السما وبتقول نياو ايه هيا؟؟
قطه بيضه مضروبه بالشلوووت

طيب حاجه سوده طايره في السما وبرضه بتقول نياو ايه هيا ؟؟
غراب بيستهيبل

طيب حاجه بني طايره في السما ومبتقلش حاجه ايه هيا؟؟
الشوز بتاع الراجل اللي ضرب القطكه بالشلووت

طيب حاجه سوده طايره في السما ومبتقلش حاجه؟؟
غراب عاقل ومبيحبش يستهبل

حاجه زرقا ماشيه في السما ايه هيا؟؟
ذبابه لبسه بنطلون جينز

طيب حاجه سوده وفيها خط احمر وطايره في السما من الشرق الى الغرب ايه هيا؟؟
ذبابه لبسه فستان سواريه لونه احمر ورايحه فرح صحبتها

طيب حاجه سوده وفيها خط احمر طايره في السما من الغرب للشرق ايه هيا؟؟
نفس الذبابه نسيت حاجه رجعت تخدها

ايه هو الحيوان الاخضر الصغير اللي بياكل الزلط؟؟
ابن الحيوان الاخضر الكبير اللي بياكل الزلط

ايه هو عكس كونكريت؟؟
لا تكن كريت

ايه هو عكس تلميذات؟؟
Don't Tell Me That

حاجه ماشيه على الارض وبتعمل ززززززززز ايه هيا؟؟
صرصار راكب موتسيكل

طيب ازاي تعرف ان في صراصير في الشقه من غير ما تشوفهم قدامك؟؟
اكيد هتلاقي الموتسيكلات راكنه جنب البلاعه

في فرقين بين الليمون والزيتون ايه هما؟؟
في ليموناده ومفيش زيتوناده
تقدر تقول الناس لاموني لكن متقدرش تقول الناس زاتوني

طيب تعرف تقولي 5 فروق بين البطه والوزه؟؟
تقدر تحلق شعرك زلبطه لكن متقدرش تحلقه زلوزه
في رحاله اسمه ابن بطوطه لكن مفيش رحاله اسمه ابن وزوزه
تقدر تبلبط في البحر لكن متقدرش تبلوز فيه
كلنا بنتغطى في الشتا ببطانيه لكن مبنتغطاش بوزانيه
الوزه كانت زمان بطه بس الشيطان وزها

طيب تعرف تقولي 5 فروق بين الفيل والنمله؟؟
الفيل رجله ممكن تنمل لكن النمله رجلها مش ممكن تفيل
البيت بيبقا فيه نمليه لكن مش بيبقا فيه فيليه
ممكن تاكل سمك فيليه لكن مش ممكن تاكل سمك نمليه
كل شخص على المنتدى ليه بروفيل بس محدش ليه برونمله
u can feel but u can't namla

ايه عكس زمان ؟؟
The women

ليه القطر بيقف على المحطه ؟؟
عشان مبيعرفش يقعد

ازاي نحط فيل في ازازه ؟؟
نزقه وهو بيشرب

وازاي نحط فيلين في ازازه من غير ما يلمسو بعض؟؟
نحط بينهم فيل تالت

ازاي نعدي الفيل من خرم الابره؟؟
نزحلقه على الفتله

ازاي نصطاد الفيل الاحمر؟؟
نصطاده ببندقيه الفيل الاحمر

طيب ازاي نصطاد الفيل الاخضر؟؟
نستناه لما يحمر وبعد كده نصطاده ببندقيه الفيل الاحمر

طيب ازاي نصطاد الفيل الازرق؟؟
نكسفه فوشه يحمر ونصطاده ببندقيه الفيل الاحمر

طيب ازاي نقعد 4 فيله في عربيه فولكس؟؟
نقعد 2 قدام و2 ورا

ومين فيهم اللي يسوق؟؟
اللي معاه رخصه فيهم

طيب ازاي نقعد 8 فيله في عربيه مرسيدس؟؟
نبيع المرسيدس ونجيب اتنين فولكس ونتبع الخطوات السابقه

واحد شرب بنزين وجري على المستشفى وقدام الباب وقع ....ليه؟؟
عشان البنزين خلص

ليه القطنه مش هتدخل النار؟؟
عشان مدام نظيفه قالت القطنه مبتكذبش

ايه الحاجه اللي بتطفو على سطح الميه واول حرف منها ح؟؟
حتة خشبه

طيب وايه الحاجه الي بتطفو على سطح الميه واول حرف منها ب؟؟
برضه حتة خشبه

وايه الحاجه الي بتطفو على سطح الميه واول حرف منها ن؟؟
نفس حتة الخشبه

وايه هيا الحاجه الي بتطفو على سطح الميه واول حرف منها هاء؟؟
هيا هيا نفس حتة الخشبه

منقوووووووول

وايه الحاجه الي بتطفو على سطح الميه واول حرف منها الف؟؟
انت مبتتعلمش مقولتلك حتة الخشبه

» اغبى خمس اسئله فى العالم
» اسئله محرجه...........للشجعان فقط
» اسئله للبنات الجريئه ؟؟؟؟؟
» اسئله تحرق الدم
» اسئله صعبه..او حرئ ادخل..!!