كافتريا المهندسين

كافتريا الكليه"صراع بين التعليم والترخيم"
فى البدايه أحب أن أنوه أن هذا المقال رأى شخصى بالنسبه لى كعضو أنتمى إلى هذا الصرح ألا وهو هندسه أسوان.
الان نبتدىء مقالنا عن الكافتريا فأقول ما هى الكافتريا وأذكر لكم يا أخوتى فى الله فائدتها دون إسفاف أو تجريح؟؟؟.
تنشأ الكافتريات فى جميع الجامعات التى تحوى الكليات ويتنافس أصحاب الكافتريات لتجميلها وإعطاها الطابع الجميل
الذى يجذب الطلبه ويجعل مجال المعامله أكثر ربحا ورواجا وتتكون إدارتها من أشخاص يدخلون مناقصه يزايدون ويبايعون حتى يربحها أحد منهم بعد أن تستوفى به الشروط ويحدد سعرها تبعا للكثافه الطلابيه فى تلك الكليه!!!!
ونتطرق الان إلى فائده الكافتريا فأقول أنها تعتبر المتنفس الوحيد بالكليه"ولا يعتبر وحيدا" تجلس عليها الطلبه
فى وقت فراغها اليومى سواء تجاوز ذلك العشره دقائق إلى نصف الساعه أو أكثر من ذلك بقليل
وهذا الوقت بدلا أن يحتار الطالب إلى أين يذهب ويرتاح فيغدو إليها كى يجد بغيته من الراحه والطعام والشراب.
أكثرت فى البدايه من الكلام ولكن هذا لحاجه فى نفسى سأقضيها بإذن الله......
الان نأتى إلى طبيعه المصريين "وطلبه الكليه من المصريين "فى القدره العجيبه لهم فى التفنن فى الخروج عن القوانين واللوائح والأعراف حيث أنك
إن نظرت ثم دققت النظر فى الكافتيريا المعظمه تجد إناسا يكادوا لا يتحركون منها بالساعات الأرضيه أو القمريه
يشربون ويأكلون ويمرحون ويتجاذبون أطراف الحديث وكأن دراستنا دراسه نظريه بحته أو شبه حضانه للأطفال لا نجد فيها أى صعوبه تذكر لذلك لا نعتنى بها أو حتى التفكير بماهيتها!!!!!!

أننى أغدو وأروح كل يوم كليتى أجد طلبه من أرباب الكافتيريا كأنها أصبحت بوابه الحلوانى أو حاره سد
إذا ذهبت إليها تجد الناس فيها ينظرون إليك نظره الغريب أو قل الأجنبى وتكاد تحثه نفسه وتقول" ده شكله جديد فى الكافتيريا يا أما إعدادى يا حد جاى يسأل على حد"!!!!!
ما بالكم يا مهندسى المستقبل أنسيتم أنكم ستسألون عما تعلمتموه أو أنكم فى مرحله ما قبل العمل وأن الفرد
منكم يمكنه أن يتحكم فى موقع بالكامل أو مشروع يفيد به أمه!!!!!
إننى لأعجب كل العجب أن طلبه يذهبون الكليه لكى يجلسون على الكافتريا فقط دون عمل أى شىء اخر أو الجلوس
تحت مظله السيارات" حماها الله" التى يمكن أن نطلق عليها لقب "Love street" حيث تجد كل حبيب وحبيبته وخليل وخليلته يداومون الجلوس عليها "وهاتك يا رغى حتى الثماله" وتمر الساعات والسنين والأعوام وهذا المنظر المخجل يتكرر ولا نتوب أو نرجع إلى الغرض الأساسى للكافتريا وهو ما ذكرته بأنها متنفس لعده دقائق أو أجزاء من الساعه وليس بأن تبنى منزلك بجوارها وتنام فيها.

وتجلت قدره الله أن تجد كل مرتادى الكافتريا من ذوى الضادات الحمراء فضلا عن ممارسى السقوط
وإن وجدت فيها شخصا يحصل على الجيد فقد وجدت شيئا نادرا فى صحراء مقفره!!!

كل هذا الكلام أريد به التنويه على كل الطلبه بأن كليه هندسه اسوان أصبحت لا تحتاج شخصا ضعيفا
أو من ذوى الأغراض الغير تعليميه ونتائجها كل عام تشهد بأن من يمر بها كأنه مر من منخل ضيق
فأرجو من النفوس البشريه أن تمر من هذا المنخل كى يذوقوا طعم الراحه العمليه وإلا
فلكل محتج له مطلق الحريه فى أن يترك هذا الالتزام المهين وليذهب إلى الانحلال الجميل الذى لطالما حلم به واراده.
وفقنا الله وإياكم إلى ما فيه صلاح لمجتمعنا ولكليتنا

الحبار

السلام عليكم ورحمة الله وبركاتة
اولا نشكرك على هذا الموضوع الغاية في الاهمية فاضرار وعواقب من يتواجدون داخل الكافتريا ادت الي عواقب وخيمة جدا كادت او ادت الي البدء في تشوية سمعت الكلية على مسمع معظم كليات الهندسة بمصر حيث ان معظمهم من ارتادوها كانوا ممن هم ناقصي التربية او بالاحري لم يسمعوا عنها في قاموس معيشتهم وحدث ولا حرج عن الحروب القذرة بين هؤلاء الفئه الضاله التى لا تجد لا حازم ولا رابط لها كيف تقود سمعة كلية الهندسة الي اسفل سافلين ومن المشاهد التى اغضبتنى جداااااااا ويعلم الله لولا زملائى لاصبحات هناك من المشكلات العديد حيث رايت مجموعه من الطلبة يقوم بحفل عيد ميلاد ويغنون بصوت عالي تجردت عندها من الشعور اني كلية اولا اي محراب للعلم له قداستة واحترامة ثم فكرت ماهو الفرق بيننا وبين النادي وناهيك بالطبع عن الحبايب الذين لم يسمعوا ان مايفعلوه هو مخالف شرعا لتعاليم الدين الاسلامي حيث ان الخلوة بالمرأة الاجنبية حراااااااااااااااااااام شرعا وان علاقة الصداقة بين الولد والبنت محرماه كما نص عليها القران الكريم وكل هذا ناتج عن اولا الاختلاط داخل سور الحرم الجامعى ثانيا الاهل الذين لم يدركوا انهم رعاه وانهم مسؤلون عن رعيتهم وثالثا سوء الادارة دخل الكليه التى تبدع دائما في ايجاد وزيادة كل ماهو سلبي وتقليل واحباط كل ماهو ايجابي هدانا الله واياهم

زائر

السلام عليكم ورحمة الله

فتح الله لكما انا موافقة على الكلام ده جدا بس هى مسالة تيجى من البيت فى الاول ولان مفهوم الكلية عند الطلبة دى غلط فاكرين ان الكلية كدة عبارة عن قعاد على الكافتيريا ورحلات واصحاب ولاد وبنات وخروج
مش عارفين انها مسؤلية وانك لازم تتعلم كويس وتستوعب كل حاجة بتاخدها عشان تحسن صورة خريج الكلية من ناحية ومن ناحية تانية تحاول تفيد بيها بلدك ودينك يا جماعة مبقاش فى وقت للتفاهة واللف والدوران كل واحد لازم يحاول يعمل اللى عليه لان لو ده حصل هيتغير حال المسلمين والامة العربية

الموضوع فى البداية كان عن الكافتيريا لكن هو اكبر من كدة بكتير محتاجين صحوة من الشباب والطلبة لان الامل فيهم كبير

السلام عليكم

بارك الله فيكم على فتحكم للموضوع خاصة على انة بالغ الاهمية وكمان زاد عن حده جدا
بس انا عاوز اسال سؤال طيب اية الحل؟؟ لما تلاقى واحد اساسا فاشل دراسيا ولية 12 سنة فى الكلية ومش عارف ياخد البكالوريوس واخر طموحة انة يطلع رحلة ولا يقعد يديها ضومنة على القهوة طول الليل ولغاية الصبح واحيانا حاجات تانية لاداعى لذكرها من باب تضييع العمر فى كلام فارغ ملوش اى اهمية المهم انة زى مابيقولوا كدة بيعيش حياتة وانا مش شايف ان دى حياة اصلا اللى بيعيشهابس الناس دى فعلا معندهاش طموح ولا عندها اى دوافع لانها تعمل اى حاجة فى حياتها مجرد انة بياخد فلوس من والدة وبيصرفها زى ماهو عاوز فى اى حاجة وبيقول ان الدنيا ماشية معاة وزى الفل ومفيش مرة واحدة فى حياتة راجع نفسة وقعد فكرة شوية فى الوقت الرهيب اللى ضيعة انة كان ممكن يعمل فية حاجات كتيرة جدا افيدة وانفعلة من الحياة اللى هو بيعيشها الان

بس برضة هرجع اسال ازاى نقنع الناس دى بخطأ تفكيرهم ووجهات نظرهم تجاة الامور الدراسية او الحياتية اللى هما بيعيشوها وحابيين يفضلوا فيها للابد؟؟؟

الناس دي بتعمل كده لانها بتنظر للكلية بمفهوم "ما انا في يوم اكيد حتخرج حتخرج " مش مهم اليوم ده بعد خمس سنين ولا أضعافها
بس الواحد لازم يفكر في نقطة مهمة جدا
وهي ان سنواته في الكلية دي أمااااااااااااااااانة حيسأله عليها ربنا
وأحب أعلق علي كلمة واحدة في كلام جودزيلا
وده كلام الشيخ وجدي غنيم
مين قال ان الجامعة دي حرم واقصد كلمة "الحرم الجامعي"
وعلي حسب ما قال ان احنا كمسلمين لا نعرف سوي "الحرم النبوي" و"الحرم المكي"
واذا فكرنا في معني كلمة حرم وقارناها باللي بيحصل جوا الجامعة من السبيعينات وحتي الآن
حنعرف ان اللفظ ده لا ينطبق اطلاقا عليها
وعلي فكرة كلام الشيخ وجدي غنيم في الحلقة دي مناسب للموضوع هنا
ححاول ارفعها وانزلها هنا وفي موضوع منفصل

وده رابط تحميل الحلقة الرائعة للشيخ وجدي غنيم

Download

كنت أنتظر ردودا أكثر من هذه بكثير لموضوع شوهد أكثر من ثمانين مره!!!!!

ولكن ردود كل المهندسين والمهندسات كانت جميله بالفعل ويشرفنى مرورهم وأنتظر المزيد من

التفاعل لأننا نتكلم عن كليتنا وليس عن موضوع خارج نطاق الدوله

وليتنا نجد حلا لهذه المشكله.

السلام عليكم ورحمة الله وبركاتة
تعقيبا على كلام المهندسين لابد ان نفكر جميعا في الحل لان الكلام سهل ولكن لابد من اقتراح حلول لحل هذة المشكله وتكون حلول واقعية تكون قابله للتنفيذ على ارض الواقع وليس مجرد كلام والسلام وانا شخصيا اري من اقوى الحلول وهو بأيدي اعضاء هيئة التدريس فهم اصحاب الكلمة في الكلية فانهم يرون تلك المشاهد مرارا وتكرا دون تعقيب او توجية للطالب فهم لهم الدور الكبير في تلك الظاهرة لذلك لابد انهم عندرؤية احد الدكاترة لطالب ملازم للكافتريا اولا ينصحة اذا لم يصغي يردعه او يستخدم جميع الاساليب لتقويمة لا ان يرى الخطأ ويسكت
ملحوظة
اثناء تلك الحدث الذي ذكرتة من قبل حول تلكم الطلبة الذين يرددون اغنية عيد الميلاد بصوت عالى داخل اسوار الكلية كان صوتهم عالى جدا وقد شوشر على المصلين في المسجد ومن عواقب تلك الكافتريا بالمناسبة التشويش على المصلين بصوت التهريج العالى او اغانى الموبايلات التى ترن في ارجاء الكلية دون حازم او رابط

السلام عليكم ورحمة الله وبركاته ....
بخصوص موضوع الكافتيرا
انا عاوز اوضح جزء الي بيجلسو على الكافتيريا مش كلوهوم مهملين او اخلاقهم مش كويسه لا بس العرف السائد ان الحسنه تخص لكن السيئه تعم اه في كتير بيعد في الكافتيريا على اساس انها بقت الملجأ والملاذ ليه من ضغط المحاضرات وممكن يطنش المحاضرة او السكشن عشان خاطر انه مصدع عامتا مش هنقول الا ربنا يهدي الجميع .
هيا المسألة اولا واخيرا ...اخلاق ..الاخلاق الي اتربى عليها الانسان ممكن انا اتقبل اني اشوف مهندس قاعد مع زميلو في منتهى الاحترام حتى لو قعد طول اليوم ومعقبش عليه
اما موضوع الاغاني الي بتحصل في الكافتريا
فالحل المتبع الي كنا بنعملو
بنروح لرئيس الحرس ونطلب منو كلمتين بس للي في الكافتريا وقبل مبنكون وصلنا للمسجد بيكون الكاسيت اتقفل
عامتا الموضوع اولا واخيرا موضوع اخلاق وتربيه لتاني مرة بقلها
الحل
الحل للمشكله دي ان يحصل عملية توعيه وباسلوب راقي متحضر مهما كان الي الي المفروض تفهموة كويس ان في شباب وبنات اول سنه ليهوم في الكليه مش عارفين ليسه الصح من الغلط لو دخلو الكليه لقو ان من الطبيعي جدا انهوم يعدوا في الكافتريا للصبح هيعلو كدا وهما مقتنعين انهم مبيعملوش حاجه غلط
وكما ده واجب بردو على الدكاترة والمعيدين بالاخص لان الدكتور ممكن ميلاحظش او بيكون منتدب وهناك في القاهرة اعتقد بتكون الامور انيل يعني تبدأ التوعيه من الاول من اعدادي
وكمان لازم يكون في توعيه دينيه انا عارف انها مش هنقول محظور في الكليه انك تتكلم عن الدين او السياسه بس في شرائط دينيه مفيده ومحاضرات للشيوخ افاضل زي الشيخ محمد حسان والشيخ وجدي غنيم وغيرهوم ده غير الكتب الدينيه لازم يكون في توعيه يا جماعه وفي اي مجتمع ولو كان صغير ربنا خلق الصالح والضال واوجب عينا الامر بالمعروف والنهي عن المنكر

انا عارف اني طولت اعذروني بس الموضوع شيق جدا يارب يكون كلامي مفيد
واتمنى لكم التوفيق

السلام عليكم ورحمة الله وبركاته

أولا أشكر الحبار جدا على موضوعه الرائع والفعال
أنت دوما تنتقى مواضيعك بدقة وكم كانت فعالة جدا
ثانيا المهندس جودزيلا أشعل قضية فرعية خطيرة جدا وهى الشوشرة على المصلين فأرى من أكبر الأخطاء فى كافتريا الكلية أنها تقع بجوار المسجد وكما أضاف الأخ جودزيلا الأصوات فى الكافتريا للأسف تصيب بالاشمئزاز مابالك وهذا يحدث بجوار المسجد فأرجو أولا أن تراعو حق هذا المكان المقدس
وكما قال المهندس ميمو ليس كل من يجلس على الكافتريا عديمو التربية فلا أنكر شخصيا أنى أجلس عليها وان كان نادرا ولكن كما نعرف جميعا السيئة تعم والحسنة تخص يجب أن يعلم الجميع ما هو الغرض الأساسى لعمل الكافتريا وهذا ما نوه عنه الأخ الحبار فى بداية موضوعه وكما أن النصح والردع يجب أن يكون أولا من أعضاء هيئة التدريس فلا نعفى الطلاب أنفسهم من هذه المسئولية والتى هى أهم فعلاقة الطالب بالطالب أكبر بكثير من علاقته بعضو هيئة التدريس الى جانب أن مساحة الحوار والاقناع أكبر ومتاحة بسماحية كبيرة فعلى الطلاب أولا بالنصح للطلبة الأصغر سنا أو حديثى الالتحاق بالكلية
وجزاكم الله خيرا على المشاركات الفعالة

أشكر جميع من ساهم وناقش هذا الموضوع فكنا قد تناقشنا فى هذا الموضوع السنة الماضية مع بعض الطلبة ووضعنا بعض الحلول التى لم تنفذ لسبب أو لأخر ولكن إن شاء الله سنناقش الموضوع بشكل أخر فلا أريد أن نقول سنفعل كذا وكذا ولكن إن شاء الله لو أنجزنا شئ ستشعروا به وبعدها أستطيع أن أقول لكم إيه رأيكم وهل من مزيد لديكم؟ بس إدعولنا مانلقيش عقبات من قبل الكلية.والله المستعان

rehab كتب:: أشكر جميع من ساهم وناقش هذا الموضوع فكنا قد تناقشنا فى هذا الموضوع السنة الماضية مع بعض الطلبة ووضعنا بعض الحلول التى لم تنفذ لسبب أو لأخر ولكن إن شاء الله سنناقش الموضوع بشكل أخر فلا أريد أن نقول سنفعل كذا وكذا ولكن إن شاء الله لو أنجزنا شئ ستشعروا به وبعدها أستطيع أن أقول لكم إيه رأيكم وهل من مزيد لديكم؟ بس إدعولنا مانلقيش عقبات من قبل الكلية.والله المستعان

بالفعل ليس المهم هو مناقشة الموضع فقط ولكن الأهم هو اتخاذ خطوات عملية لمواجهة هذه المشكلة

هو موضوع جميل لكى يطرحه شخص جدير بالثقه منى انا انى اقتنع بكلامه لكن ايه الحل؟؟؟؟؟
ونرجع نقول لو مفيش كافتيريا ايه اللى ممكن يحصل مش احسن من قعاد الطلبه على السلالم ويضايقوا اللى رايح واللى جاى
واحب انوه ان مش كل اللى بيقعدوا على الكافتيريا من اصحاب الضادات او ممارسى السقوط
وان الواحد يقعد فى الكافتيريا او غيره دا ميهمناش المهم هو محترم ولا لا وانه مش بيضايق حد
وشكرا على الموضوع الجديد ده

ونرجع نقول لو مفيش كافتيريا ايه اللى ممكن يحصل مش احسن من قعاد الطلبه على السلالم ويضايقوا اللى رايح واللى جاى
واحب انوه ان مش كل اللى بيقعدوا على الكافتيريا من اصحاب الضادات او ممارسى السقوط
وان الواحد يقعد فى الكافتيريا او غيره دا ميهمناش المهم هو محترم ولا لا وانه مش بيضايق حد
أحب أرد على كلام المهندس بأن إحنا مش عايزين ما يكونش فى كافيتيريا ولاحاجة لكن عايزينها تليق بكليتنا وعلى فكرة بغض النظر عن وجود الكافيتيريا فلازلنا نعانى من جلوس الطلبة على السلالم فإحدى الطالبات قالت بأنها تشعر بأنها عارضة أزياء عندما تمر بالسلالم وعلى يمينها ويسارها طلبة ومعظم هؤلاء الطلبة إما يدخنوا أو يسمعوا الأغانى أو يتسامروا.

هو انا بسمع انه يوجد كافتيريا في الكليه لكني لم ارها اطلاقا في السنه الماضيه

وكان الطلبه والطالبات والحبيبه قد وضعوا حلولا مؤقته لهم وهي الجلوس تحت مظلات السيارات وعقبال لما النافورة تشتغل عشان يكون مكان رطب ليهم
انا اللي اعرفه ان الكافتيريا مكان نتوجه اليه عند الاحساس بالجوع والعطش ( يعني عند الحاجه اليها )
بس كتييييييييير من الطلبه والطالبات بيجوا الكليه مخصوص عشان الكافتيريا والقاعده فيها والشله الحلوة يعني برضو مستغلين الكافتيريا والغرض منها استغلال سئ

يا جماعة دى الكافيتريا تطورت
وبدلا من أنها المأوى الأول للأخلاء أو ما شابه أصبحت ولا حسد نادى غنائى أو(دى جى) لازعاج الجميع
ولسسسسسسه مش عارفين حتوصل لفين!

زائر

ممكن night club

سلام عليكم ورحمة الله وبركاتة

ياجماعه احنا ناقشنا هذا الموضوع ولكننا لم نصل الى حل يمكن تنفيذة على ارض الواقع كله كلام في كلام عاوزين نعمل حاجة انا انهردة مسكت نفسي وكنت همسك واحد فيهم اضربه لان الامر تجاوز حدوده وانا مسكت نفسي بالعافية ارجوا المناقشه في ايجاد حل للموضوع وانا بصراحة بيركبنى ميت عفريت اما اشوف غلط كده واسكت وخصوصا اما يتكرر مية مرة قدامى الكافتريا ناقصها رقاصة وواحد يلم النقطة مابقيتش كافتريا في كلية هندسة ياعنى الي فيها ناس محترمة بعد كم سنة هيبقوا مديرين مواقع ومسؤلين عن البنية التحتية للبلد

شكرا على موضوعك وانا اوافقك الراي لان بصراحه الموضوع زاد اوي

يعنى مانروحش الكافتريا أصل أصحابي دايما بيرحوها لأن الفترات التى بين المحاضرات قليلة وساعات بنفهم بعض حاجات(بنات مع بعض طبعا)

موضوع مهم جدا وندخل في الرد علي طول
كلام الحبار كلة مية مية ماعدا

اقتباس :: وتجلت قدره الله أن تجد كل مرتادى الكافتريا من ذوى الضادات الحمراء فضلا عن ممارسى السقوطوإن وجدت فيها شخصا يحصل على الجيد فقد وجدت شيئا نادرا فى صحراء مقفره!!!

لو أخدنا الكلام في سياق النص يكون مقبولا أما علي العموم أنا أعرف ناس بالأسم من ملازمي الكافتريا ومع ذلك بيطلعوا في الترتيب علي دفعاتهم بس علي فكرة كل ما بيأذن للصلام علطول يصلوا في أول جماعة وانا بصراحة نفسي أكون زيهم في حكاية النجاح دي.
ثانيا كلام أخي الحبيب مصطفي الشهير بجودزيلا (علي فكرة أنا اللي طلعت علية الاسم ده في ثانية اعداي )

اقتباس :: اغضبتنى جداااااااا ويعلم الله لولا زملائى لاصبحات هناك من المشكلات العديد حيث رايت مجموعه من الطلبة يقوم بحفل عيد ميلاد

وايه المشكلة لما واحد يحتفل بعيد ميلاده مع اصحابة مع اني شخصيا مااحتفلتش بعيد ميلادي قبل كده.

اقتباس :: ويغنون بصوت عالي..... اغنية عيد الميلاد بصوت عالى داخل اسوار الكلية كان صوتهم عالى جدا وقد شوشر على المصلين في المسجد

آه هنا بقي المشكلة وانا معاك في رفض هذا الامر وممكن مع تنبيه بسيط مهذب انهاء الموقف كله.

اقتباس :: الخلوة بالمرأة الاجنبية حراااااااااااااااااااام شرعا

كلمة كبيرة قوي ياجودزيلا وماتتحققش شروطها إلا في مواقف قليلة في الكلية مثلا ولد وبنت في المدرجات بعد الثامنة مساء . مش اي واحد وواحدة قاعدين بدون لازمة في موقف العربيات أو علي السلالم أو حتي في الفصول تبقي خلوة.

اقتباس :: الصداقة بين الولد والبنت محرماه كما نص عليها القران الكريم

ياريت يا جودزيلا تجيب لنا النص الذي يحرم الصداقة بين ولد وبنت من القران لو ملقيتش يبقي الصداقة في حد ذاتها مش حرام لكن الحرام الحاجات الكتير اللي بتحصل فيها مثل الخلوة والمصافحة مثلا دي اللي حرام قطعا.
واتفق مع استخدام الوسائل المتعارف عليها مثل سلطة أعضاء هيئة التدريس والحرس الجامعي في منع التجاوزات داخل الحرم الجامعي مثل واقعة اخراج طالبة من الكلية لأن الدكتور شاهدها تلبس الجيبة علي اللحم في الكافتريا فقام مشكورا بتصعيد الموقف.
عذرا علي الاطالة والخلاصة لمنع الخمر لايمكننا تحريم زراعة العنب والبلح لكن تجريم تحويلهما الي خمر أرجو ان يصل المعني الي اذهانكم والله الموفق.

بسم الله اولا يابشمهندس امير لابد من عدم الحياد عن الموضوع الاساسي والتكلم في صلب الموضوع ودع الجدال جانبا في التعقيب على كلام الاخرين

ثانيا هرد عليك بس في موضوع الصداقة بين الولد والبنت لان مش هنا مكان مناقشة الموضوع ده يقول الله تعالى في سورة النساء و((لا متخذات اخدان )) وللتوضيح ممكن تسأل شيخ على قدر من العلم ويكون يتكلم بدليل من القران الكريم وسنة النبي صلى الله علية وسلم المطهر

يا جماعة الموضوع اكبر من كده
الكافتيريا مش السبب الوحيد في كل ده لكن هي مجرد مكان لتجمع الفئات دي من الطلبة وان لم يكن موجود هيكون في مكان غيره......... يعني الفئة دي من الطلبة مش هتغلب في انها تجد مكان للتجمع فيه عشان يعبروا فيه عن حواراتهم الهابطة ومواضيعهم الفارغة وكلامهم التافه الللي بيقولوه
بس ده ميمنعش ان في ناس بتدخل الكافتيريا بسبب الدراسة او الشرح وانا شفت اكتر من مرة في الكافتيريا طلبة بيشرحوا لبعض يعني مش كل اللي بيدخلها تافه
كمان مش كل اللي مش بيدخلها يكون انسان جاد مثلا ومجتهد لااااااااااااااا لان طلبة كتير مش بتدخلها ومتعرفش طريق الاجتهاد
الموضوع ده مش عايز كلام وبس لكككككككككن عايز فعل وتنفيذ ولازم الفئة دي من الطلبة تتغير لانها عايزة تتغير وتكون ناس ناجحة في حياتها ومش لاننا احنا عايزينهم يتغيروا لاااااااازم التغيير ده يكون نابع منهم وعلى اقتناع منهم
وربنا يهدي الجمييييييييييييييع

miss_A كتب:: *الكافتيريا مش السبب الوحيد في كل ده لكن هي مجرد مكان لتجمع الفئات دي من الطلبة كده وان لم يكن موجود هيكون في مكان غيره.

* الفئة دي من الطلبة مش هتغلب في انها تجد مكان للتجمع فيه عشان يعبروا فيه عن حواراتهم الهابطة ومواضيعهم الفارغة وكلامهم التافه الللي بيقولوه
*كمان مش كل اللي مش بيدخلها يكون انسان جاد مثلا ومجتهد لااااااااااااااا لان طلبة كتير مش بتدخلها ومتعرفش طريق الاجتهاد
*الموضوع ده مش عايز كلام وبس لكن عايز فعل وتنفيذ ولازم الفئة دي من الطلبة تتغير لانها عايزة تتغير وتكون ناس ناجحة في حياتها ومش لاننا احنا عايزينهم يتغيروا لاااااااازم التغيير ده يكون نابع منهم وعلى اقتناع منهم
وربنا يهدي الجمييييييييييييييع

الباشمهندسة اثارت نقاط مهمة جدا في الموضوع ومن اهما ان تغير المنظر الغير اللائق للكافتريا ظاهرا وباطنا وباطنا اهم لانهم الاساس في الظاهر ياعنى ان الله لا يغير بما قوم حتى يغيروا بما انفسهم ياعنى مش اننا نمنع المسخرة الى في الكافتريا حل الهدف الاساسي المحاولة في الاصلاح الجذري الفعلى للطلبة حتى يخرج الظاهر لائق بكافتريا المهندسين

شكرا لاثارة هذا الموضوع وان لى رايا قد يكون فيه حلا صغيرا لهذة المشكلة

ارى ان تقوم اسرة او اكثر بتبنى حملة ضد الاختلاط والاخلاقيات المنحلةوالافكار الغربية المستوردة لى الطلبة وتكون هذة الحملة متضمنة(ندوة على الاقل عن هذا الموضوع _ ملصقات توضع فى جميع الاماكن بالكلية وبالاخص الكافتريا_تنويه فى مجلات الاسر ومجلة الاتحاد_ النصيحة وبالحسنى للذين يفعلون هذا الشئ)
ولكى تتم هذة الاشياء لابد من تخطى عقبة كبيرة وهى ا.د/عميد الكلية