صباحك زي وشك يا مصر.

صباحك زي وشك يا مصر..جميل وحزين

بقلم بلال فضل

صباح الخير يا مصر ..

صباح
الخير على الناس المرهقين من عناء الحياة والدايرين في الساقية اللي
منصوبة لهم من سبع الاف سنة .. الناس اللي عايشة اليوم بيومه .
.كل أملها يعدي من غير اي خساير .. مابتفكرش في بكره عشان ماتتقهرش... مابتفكرش في النهارده علشان ماتتنقطش ..
صباح الخير على ضحكة عالية في قهوة شايها مايتشربش ..
على شاب بيقوم لست كبيرة في الاتوبيس.. على كوباية شاي باللبن وحتة بقسماط بعد صلاة الفجر جنب السيدة نفيسة ..
على قهوة في الحسين مبيعديش عليها حسن بشندي .. على سينما زحمة والضحك طالع من القلب للركب .. على سور الأزبكية وكتبه المعتقة ..
على عشاق فقرا مش لاقيين شقة فبيخطفوا الفرحة متداريين في صخور الكورنيش ورا شجر النيل ..
على صوت الشيخ السيد متولي وهو بيقرا سورة يوسف وبيخلينا نعيط على سيدنا يعقوب اللي ابيضت عيناه من الحزن ..

على
عربيات الكبده والسجق لحمة الفقير وعربيات الدوم تفاح الفقير وعربيات
السوبيا خمرة الفقير.. على طباق الكشري خالي العدس ورد زياده وغرقان في
الدقة .
.
على فطاطري الحسين اللي سمى نفسه بيتزا الحسين فباظ من ساعتها.. على
العدوي بتاع ميدان الجيش يعني احلى رصة فول وطعمية بمستلزماتها وبرخص
التراب ..
على
أفران العيش في اسكندرية .. على البلكونات اللي مافيهاش كراكيب ولا بصل
ولا توم .. فيها كرسيين وكوبايتين شاي وبصة رضا واهة شوق ..
على كل صالة بتلم الناس اللي مش عارفة تتلم على نفسها .. على كل نكته قبيحة تتقال بصوت عالي .
. صباح الخير على الطاهرة رئيسة الديوان ودراويشها وسجاد جامعها .
. على روح سيدنا الحسين اللي مش مدفون هنا اساسا ..
صباح
الخير على كل سطر كتبه نجيب محفوظ وكل شجرة سقاها علاء الديب وكل فيلم كان
هيعمله احمد زكي وكل كرسي ماتضايقش لما صلاح جاهين قعد عليه ..
صباح
الخير على الناس اللي واقفة في طابور حكومة رخم بتتخانق عشان تسلي بعضها
.. على مدرجات الدرجه التالتة وناسها اللي مش هنا اساسا ..
على الاهلي لما يسكع الزمالك ستة وساعات اربعة وساعات اتنين .. صباح الخير على كل ايدين بتسلم عليك باهتمام بعد الصلاة..
وعلى كل امام ما بيطولش في الوقوف ويطول في السجود ..

صباح
الخير على سينمات الدرجه التالتة والفاكهة اللي مش مرشوشة مبيدات وسعاد
حسني وهي بتغني انا ضاع مني حاجه كبيرة اكبر من اني اجيب لها سيرة ..
صباح
الخير بالليل على فرشات جرايد الطبعة الاولى وحفلات الميدنايت والقهاوي
المناوبة ..... على العيال وهي بتهز اكياس الكشري الصبح وهي رايحة المدرسة
...
. على بتوع الزلابية اللي واقفين قدام المدارس خايفين من البلدية ...
صباح الخير على اكشاك السمك في ابو قير والترام الاصفر وسيدي البوصيري وبردته والمراجيح اللي ورا ضريحه ..
وعم نفنف بتاع الكبدة في المنشية وطعمية ابو احمد الاكتع في شارع عمر بن الخطاب ..
صباح الخير على وقفة النواصي والقمم والخناقات " البوق " اللي الناس بتفش فيها غلها وبتوفر مادة فرجه للواقفات في البلكونات ..

.
صباح الخير على كل جميلة تغري باثم النظرة الثانية والتاسعة .. صباح الخير
على الناس اللي بتكوي قمصانها وتبص على المراية قبل ماتنزل ..
على شوارع الزمالك وجاردن سيتي والمعادي اللي تشرف وتفتح النفس للحياة
وعلى كل اللي بيمشوا فيها وبيفرحوا للي ساكنين فيها ....
صباح الخير على حب الجامعة ومظاهرات الجامعة وكل افيه اتقال على اي معيد غتت في اي سكشن ...
صباح الخير على الاوض اللي فوق السطوح والشقق المفروشة والايجار اللي مابيتكسرش ..
على صينية الاكل اللي بتيجي لك من الجيران قبل ما يتفقوا معاك تدي ابنهم درس...
على قران الفجر وصوت النقشبندي وهو بيقول مولاي اني ببابك قد بسطت يدي ...
صباح الخير على الجمعيات اللي ساتره الشعب المصري .. على تمييلة الصاحب على صاحبه في ساعة الزنقة ..

صباح الخير على ام حمدي عبد الرحيم اللي بتحب جمال عبد الناصر وام ايمن عبد الهادي اللي بتعمل رز مسكر وملوخية تضيع مستقبلك ,
وام على رجب اللي ماشفتش البحر الا في عربية الاسعاف اللي خدتها على المستشفى ...صباح الخير على كل نجع وكفر مايكفرش من العيشة ..
صباح الخير على الكنايس اللي شكلها حلو ,, على الاتوبيس النهري لما يكون نضيف.. على عم فاروق ونصبة الشاي بتاعة كوبري عباس ..
على كل زوجه مابتنكدش على جوزها , وكل راجل مابيستقواش على ولية وعلى كل ندهة لبابا وكل لعبة لبنوته ومسدس ميه لحماده ..
. صباح الخير على كراتين الجهاز المتعانة فوق الدواليب .. واحلام الجواز المتحاشة تحت البطاطين ..

صباح الخير على عامود السواري والفاتحة اللي بقراها وانا ببص من تحته على تربة ستي اللي قالتلي
وانا رايح الجامعة اول مرة " يابني البلد بلدهم يعملوا فيها ما بدالهم !"
صباح الخير على لمة صحابي في القهوة وشتايمهم فيها علشان بطلت اجي ..
صباح الخير على دعوة ربنا يكفيك شر طريقك ..
صباح الخير على عبد الناصر قبل مايبقى فرعون
وعلى الشعراوي وهو بيقول اذا كنت قدرنا فليعنا الله عليك , وعلى عبد الحليم وهو بيعيد كوبليه حبيبي والله لسه حبيبي والله ,
وعلى أم كلثوم وهي بتقول تهون عليا الروح لو فارقت جنبي , وعلى محمد فوزي وهو بيقول اي حاجه يعوزها ..
صباح الخير على مرجلة ابراهيم عيسى الذي اخرجني من الظلمات الى النور.
. على مسلسل ارابيسك وفيلم حب في الزنزانة وفينالة الكيت كات ونجيب الريحاني وهو بيغني
حتى الفيران اشتكت من قلة فرافيتي ... !
على عم حجازي اللي سابهالنا مخضرة وراح طنطا .. على محمود عوض اللي قاعد في البيت ....
على بهاء طاهر اللي بيصلب طوله علشان يروح المظاهرة ...
على فاروق عبد القادر وصحبته ..
على حمدي عبد الرحيم واكرم القصاص وقهوة المنظر الجميل
والايام اللي كنا مش لاقيين ناكل فيها بس كان عندنا شاي وسكر كتير..
صباح الخير على مراتي بنت الاصول اللي مابتخافش من اي حاجه بكتبها .
.صباح الخير على بنتي اللي لو ماشفتهاش بتكبر .. قولولها ان ابوكي كان راجل جدع .

صباح الفل يا اسامة

صباح الفل عليكي يا احلى بلد بحبك يامصر مهما كلابها عملوا فيكي وشكرا لك ياسامة

صباح الخييييير
علي كل شعب مصر
اللي مستحمل كل ده ولسة بيبتسم للحياة

ليا مين غيرك يابلدى ليا مين............
ياللى علمتينى ايه معنى الحنين...........
انتى اللى ارضك طيبه........
والغربه فيكى قريبه..........
وحنينه على قلبنا طول السنين........
ماشين يابلدى فى سكتك ......حريتك هى الطريق
وشرفك يابلدى.........لنبنى يابلدى
حياتك هى عمرى...........وقدرك هو قدرى
حريه على طول الزمان..حب وسلام فى اى مكان
وشرفك يابلدى .........سحـــــــــــــــــــابه وتعدى
وبرضه انتى بلدى
مهما عملوا يابلدى فيكى...........احنا ليكى .......احنا بيكى
دا احنا ياما خدنا منك فيها ايه لو يوم نديكى
وشرفك يابلدى سحابه وتعدى

mysterious man كتب:: ليا مين غيرك يابلدى ليا مين............
ياللى علمتينى ايه معنى الحنين...........
انتى اللى ارضك طيبه........
والغربه فيكى قريبه..........
وحنينه على قلبنا طول السنين........
ماشين يابلدى فى سكتك ......حريتك هى الطريق
وشرفك يابلدى.........لنبنى يابلدى
حياتك هى عمرى...........وقدرك هو قدرى
حريه على طول الزمان..حب وسلام فى اى مكان
وشرفك يابلدى .........سحـــــــــــــــــــابه وتعدى
وبرضه انتى بلدى
مهما عملوا يابلدى فيكى...........احنا ليكى .......احنا بيكى
دا احنا ياما خدنا منك فيها ايه لو يوم نديكى
وشرفك يابلدى سحابه وتعدى

رااااااااااائع
ويارب تبقي سحابة وتعدي فعلا

صباح الخير على كل المصريين الغلابة الشقيانين
وصباح الخير على احلى طلبة ......طلبة هندسة اسوان
كل سنة وانتم طيبين
شكرا يا بشمهندس اسامة كويس

mysterious man كتب:: ليا مين غيرك يابلدى ليا مين............
ياللى علمتينى ايه معنى الحنين...........
انتى اللى ارضك طيبه........
والغربه فيكى قريبه..........
وحنينه على قلبنا طول السنين........
ماشين يابلدى فى سكتك ......حريتك هى الطريق
وشرفك يابلدى.........لنبنى يابلدى
حياتك هى عمرى...........وقدرك هو قدرى
حريه على طول الزمان..حب وسلام فى اى مكان
وشرفك يابلدى .........سحـــــــــــــــــــابه وتعدى
وبرضه انتى بلدى
مهما عملوا يابلدى فيكى...........احنا ليكى .......احنا بيكى
دا احنا ياما خدنا منك فيها ايه لو يوم نديكى
وشرفك يابلدى سحابه وتعدى

ان شاء الله هتعدى كويس

صباح الفل يا اسامه

على فكره الموضوع شبيه بأغنيه عمرو دياب" رصيف نمره خمسه والشارع زحام
وساكت كلامنا ما لاقى كلام "واللى بيصور فيه المؤلف حال الشارع المصرى الشعبى
وهنا برضو تصوير للحال بس بطريقه متسلسله وأجمل بكتير طبعا لأن الكاتب
ما شاء الله كاتب رائع "بلال فضل" وأعتقد إنه بكتب فى الدستور أو المصرى اليوم
مش فاكر بالظبط بس بصراحه لذيذه بالذات الحته دى

اقتباس :: . على بتوع الزلابية اللي واقفين قدام المدارس خايفين من البلدية ...

بس أعتقد أسوان مفيهاش زلابيه أو لسه موصلتش ولا فيها وأنا مش واخد لبالى ؟!!!

شكرا على الموضوع وعلى إضافة البشمندس mysteriuos man

وإن شاء الله سحابه وتعدى وأهى ماشيه وبتعدى صدمه فى لطمه فى قطمه.

والله الموفق

صباح الخير يامواطنى مصر المحبوسه .الف بوسه وبوسه ع خدودك اللى ذى البسبوسه .يابلد مش ماشيه غير بالكوسه.وشعبك اللى عامل زى البطاطس المهروسه.واتاريها عانس ومفكره نفسها عروسه.واخيرا اقولك ربنا يخليكى ليا يامصـــــــــــــــــــــر المنحوسه

أمضاء......،،،،،
مواطن بدماغ ملحوسه

صباح الخير على احلى بلد فى الدنيا
زى ما هيه منحوسه محبوسه
لكن برغم كل حاجه
كلنا بنحبها اول ما تنادى علينا هتلاقينا كلنا جنبها

شكرا على مرروركم الكريم وتعليقاتكم الرائعة واحب ابشرك ياحبار ان بتوع الزلابية موجودين على مداخل السيل وفى شارع المطار وعملهم فى الغالب ليلى وبلال فضل بيبدع من جديد فى المصرى اليوم ولسة كان عامل مشكلة مع ناقد فنى اسمة سمير فريد بيكتب فى المصرى اليوم ورجع واعتذر بشكل ادبى من اجمل مايكون وكترجمة لفضيلة بيعلمهنا وهى فضيلة الرجوع عن الخطأ .
صباح الفل عليكم جميعا وكل سنة وانتوا طيبين .

صباح الخير والفل علي أحلي وأجمل بلد في الدنيا
وعلي أحلي شعب عايش ومستحمل وراضي بالامر الواقع ومسلم أمره للرب الواحد
وبالرغم من كدة لسة بيضحك رغم المصائب

شكراً بشمهندس أسامة علي المقالة الاكثر من رائعة

بالرغم من ان ناس كتير بينكروا حبهم لمصر!!!!!!!!
الا انى واثق اننا كلنا بنعشق ترابها........
يأخى ماشربتش من نيلها؟؟؟؟؟؟؟؟؟؟
بنحبك يامصر وحنفضل نحبك لاخر العمر$$$$$
وشكرا يا اسامة على القصيدة الحلوة دى يصفق

انا حاسس ان احنا بنمثل فيلم احنا بتوع الاتوبيس

بس على ما اعتقد ان الاتوبيسات على ايامنا اتلغت دا الناس بتسافر طيران الايام دى
فياريت الكلام بعد كده يكون طيارى
بس احنا مش بتوع الأتوبيس
ممكن نقول ان احنا بتوع البلديه اللى هنكبس على بتوع الزلابيه اللى على اول السيل وعلى اول فيصل وبالمره شارع جامعة الدول العربيه
هى دى مصر كلها شارعين
شارع بتاع (........) وشارع للناس ال(.......) فياترى مين اللى هيرجع حق مصر اللى انتوا بتتكلموا عليه
هل بتوع الزلابيه ولا الكبده ويا ريت تكون اسكندرانى
ويا ريت شوية مشبك من عند خالتى او طنط
وسلملى على شعب مصر اللى هى امى وامك وامكم وام الدنيا
يا مصر يا ام الدنيااااااااااااااااااااااااااااااااااا

شكرا MISS_R وEL_Capten وأمير الانتقام على المرور الكريم

انا مصر لولا ان فيها اصحابي واهلي مش هقعد فيها دقيقه وحده لان الغلط مش في حاجه واحده لكن الغلط فينا احنا كمصريين والمفروض ان احنا نتعلم ازاي نكون بني ادمين الاول وبعدين نرجع نقعد فيها

فعلا هي دي مصر بس برضوا أنا بأحبها مهما عملوا فيها وكمان مهما احنا عملنا فيها
وعلي رأي عمنا صلاح جداهين

على اسم مصر التاريخ يقدر يقول ما شاء
أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

» صباحك سكر يا أمى
» صباحك تهيييييييييييييييس الحلقه الاولي مش هتقدر تبربش عينيك...