الف مبروك يا اهلى

أيه أكتر حاجة عجبتكم في ماتش الأهلي والإسماعيلي امبارح؟
عن نفسي أكتر حاجة عجبتني هيا جماهير الأهلي ... يعني بدأ الماتش .. وبدأت الجماهير معزوفة جميلة من الشتائم لجماهير الإسماعيلية
حاجة غريبة جدا ... لما مثلا يرفعوا علم باتشوكا في مبارياتهم وييجي مثلا أبو تريكة يقول القافلة تسير .....وكملوا انتو الباقي .. وقال بعد كده إنه ميقصدش الصحافة إنما يقصد الجماهير اللي كانت شايلة أعلام فرقة من المكسيك ...
وفي الماتش امبارح حاطين لافتة بتقول " وسقط القناع أيها الخلوق"
إنما جماهير الأهلي كنت فرحان بيها أوي عشان كل ماتش بيتشتموا وتتكسر اتوبيساتهم ولا بيكونوا عملوا حاجة من الأساس..
ونشوف مثلا لما ابو تريكة طلع .. وشتايم الجماهير الصفرا ليه ... ونشوف عبد الله الشحات وهوا طالع حسام عاشور عمل معاه ايه .. المشكلة ان الإسماعيلية بحالها بتكره الأهلي .. وفي ناس بتسخن وبتشحن الجماهير قبل كل ماتش عندهم هناك .. أو حتى هنا .. لسه السنة اللي فاتت مولعين في ميدان الساعة قرب أول عباس كده (للي ميعرفش يعني)... عموما يعني عارف إنه مش منظر إننا نعمل كده .. بس كان لازم نرد على السفهاء ..
ملحوظة: 1- لعيبة الأهلي امبارح روحوا في عربية أمن مركزي
2- أخدنا التلات نقط بتوع الماتش رغم الجو الإرهابي بتاع الجماهير الصفرا