واحد اتنين الجيش العربي فين

شاعر اسمه محمد بهجت.. ظهر على الهواء في برنامج "العاشرة مساء" وألقى قصيدة من تأليفه تقول..

الجيش العربي في مصر
ساكن في مدينة نصر
بيصحى من النوم العصر
وبيفطر شاي و منين

واحد اتنين الجيش العربي فين
الجيش العربي في سوريا
حالق عالموضة كابوريا
وعلى طريقة فكتوريا
خلّى الترماي بدورين

واحد اتنين الجيش العربي فين
الجيش العربي الليبي
زيّ الفن التكعيبي
كله بتنجان يا حبيبي
الظاهر واخد عين

واحد اتنين الجيش العربي فين
الجيش العربي خليجي
ما فيه حيل لا يروح ولا ييجي
هذا صمت استراتيجي
اش فيك يا غراب البين

واحد اتنين الجيش العربي فين
الجيش العربي في تونس
اخضر مثل البقدونس
وعزيزة بتعشق يونس
يبقى الحروبات بعدين

واحد اتنين الجيش العربي فين
الجيش العربي سوداني
سامع رنّته بوداني
هو انا هاهجم فرداني
يالا ارجع يا ابو حسين

واحد اتنين الجيش العربي فين
الجيش العربي اتهان
يوم ما انضربوا الأفغان
وسكت في البوسنة زمان
واحد اتنين الجيش العربي فين

هههههههههههههههههههههههههههههههههههههههههههههههه

كلام زي الفل

بس علي الله الجيش يصحي بقي من الغيبوبه ايلي هو فيها

كلمه واحده ... بس

أقدر اقولها

الجيش العربي ح يصحي .

لما الشعب العربي يصحي

و الشعب مش ح يصحي

طول ما الكابوس ... ما انتهاش

و ربنا يستر ....

و علي فكره

اللي مدي حلاوة بالنسبه لطريقه

القاء الشعر ... هيا ان الشاعر بيتكلم بلهجات مختلفه

في نفس القصيده ... ورغم ذلك محافظ علي الوزن

شكرا علي القصيده و الفيديو ..

فعلا هو الشعب العربى فين؟؟؟؟؟؟؟؟

اللى يلاقيه يا جماعة يبقى يقولنا اصل من ساعة مااتولدنا واحنا بنسمع عنه بس عمرنا ما شوفناه
واخدنا فى الكتب اتفاقية الدفاع المشترك وعمرنا ما شوفنالها موقف

شكر وتقدير

ع الموضوع والفيديو