قول إنطباعك عن إمتحانات نصف العام يا بشمهندس

تذكير بمساهمة فاتح الموضوع :

بدأت اليوم الأثنين الموافق 11/1/2009 ماراثون إمتحانات تخلفات لنصف العام للعديد من دفعات الكلية وذلك بكلية هندسة أسوان وتتوالى بقية الدفعات من يوم السبت "الإمتحانات الأساسية " الموافق 17/1/2008 الإمتحانات وستستمر لما يقارب من الأسبوعين إن شاء الله ونرجو من الله أن تمر هذه الأيام بردا وسلاما علينا وبالتوفيق والنجاح لجميع الطلبه.

أما بخصوص ما سيحدث إن شاء الله من إنطباعات متعدده لدى الطلاب سواء صعوبه او سهوله أو أى مشاكل فى الامتحانات لا قدر الله أرجو من كل الطلبة بجميع الفرق الدخول والكتابه عنها هنا فى هذا الموضوع ولنناقش فى كل شىء بهدوء ويسر وفى إطار الإحترام المتبادل والتحدث بلغة يفهمها الجميع ولا ينبذها أحد على صعيد المنتدى أو خارجه

والله الموفق لنا ولكم وكل عام أنتم بخير.

إدارة المنتدى

الحبار كتب:: اليوم الأربعاء الموافق 21 يناير

كان فيه إمتحان بيقولوا عليه إستركشر 2/أ "أو شربة المقادم اللى تقولوا عليها إستركشر " والإمتحان كاااااااااااااااااااااااااان...............!!!!!!!

بمجرد ما رأيت الورقه والحمد لله حسيت بإحساس غريب أول مره أحسه أو من السنه اللى
فاتت وأنا بحسه ، شعور رهيب يخالج القلب والعقل والبطن والودن والرجل وجميع أركان
وأعضاء الجسد الموقرين !!!!!!

حسيت إنى سايق تك تك ومن غير فرامل وداخل على قطار النوم الذى لا يقف أو سيقف
على أحشائى!!

الله يخرم جيبك يا اللى فى بالى..!!

مفيش مره نحمد ربنا على الحل لازم نحمده على عدم الحل وده برضو من السنه اللى فاتت
ولله الحمد!!!

فاضل زلطه إن شاء الله والحمد لله مقدما قبل منشوف الزلطه الأخيره!!

الغريب فى الأمر أن أجد الأخ المشرف مودرن سكولار على نفس المكان اللى بمتحن
فيه واللى بتمناله التوفيق بعيدا عن المكان الشؤم ده وأن يجعل حظه أفضل من حظى.

والله الموفق

قلبى معاك والله ياصحبي ربنا يعلم زعلان لفراقك كيف

اليوم هو الاربعاء 21-1-2009

امتحان الطرق والمطارات
ابندا العدوان علينا عن طريق الهجمات الجوية والقصف البري
وتم اصابه المنشات الحيويه في المج باضرار جسيمة جدا
وبمناسبة تنصيب الرئيس اوبامبا كان لنا مقارنة بين الاراضي المصرية
والاراضي الامريكية " قارن باللتي هي احسن "
وكله كوم و why كل سؤال ب why
وانا مالي وانا مالي
وربنا يستر علي بقايا الدفعا ونعدي
كان معكم محدثكم نادر سيف الدين من مقر الرئيسي لجنة البكالوريا
والوضع مستقر

انا كان معايا النهاردة امتحان

PLC

4 حاسبات + 4 باور

للأسف الإمتحان كان سهههههههههههههل جدا

اه والله امتحان كرتوون

للأسف اننا مكناش متوقعين ان الإمتحان ييجى سهل جداا

والناس مذلولة في أبليكيشن للأسانسير وخرامة الخشب والمترو
والستاد و اشارة المرور و خلاط الأسمنت وخزان المياة

وفي الأخر مفي أى حاجة جات
وغلطنا في حاجات تافهة قووووووووى

بس الحمد لله ع لك شئ لما ييجى امتحان سهل ونحل فيه شوية أحسن ما ييجي
امتحان صعب كتييييييير ومانحلش ولا حتى قليييل
الحمد لله على كل شئ
وكلمة أخيرة انا خلاااااص خلصت المواد اللى بتتاخد مع باووووووور
مش عايز أشوف دفعة باور تانىىىى

موادهم بتجيب لى اكتئاب

والإمتحان اللى جاى عقدتىىىىىى

الكنترووووووووووووول مع د - عبد المجيد

الدنيا كلها بتجب تمتحن كنترول وانا لأ
!!!!!!!!!!!!!!!!

هو اشمعني الامتحانات كلها سهلة واحنا شغالين ضرب فينا من اول امتحان
يا جماعة
غضبان

دانا كل لجنة بدخلها بحس اني علي اخر امتحان هكتب اسمي واطلع استركشر ووراه مقرر
واللي كمله كمان
تارخ عمارة
اللي الدكتور ماشاء الله متوصي بينا جاااااااااااااامد
عيان

ادعولنا يا جماعة يرفعوا الحصار من علينا شوية لاحسن انا خلااااااااااااااااااص
اسـتويــــــــــــــت
سقعان

السلام عليكم.

احنا النهاردة كانعندينا امتحان رياضة ما يعلم بطوله الا ربنا . ده لا وقت كفى ولا حتى ورق الاجابة
بس الحمد لله اهى مادة وعدت على خير .وبالتوفيق ان شاء الله للجميع

انا النهارده وربنا ميوركوش الى انا شوفته النهارده فى الماده الى الكمبيوتر بتاعها مبيعرفش يطلع الerrorsالى فيها بس كان مطلوب منى انا اطلعها مكان الكمبيوتر علشان الكمبيوتر شكله فيه عطل فنى والله اعلم وولسونى يا جماعه علشان انا شلت الماده دي بس انا لسه عندى امل فى ربنا ....ممكن لو سمحتو حد يعرفنى انا الfortran ده حستفاد منه ايه وهو اصلا بنامج ملهوووش الى اساس وبنا يسهلى انا وكل الى زى حالتى

بسم الله

امتحان انهرده الحمد لله كان كويس ومتوقع بنسبة 90 في المية والدكتور الحمد لله سهلنا حاجات كتير في التصميم

والى اللقاء في الفاجعة الكبري الاستراكشر وربنا يسترررررررر

جودزيلا انا ضعت فى الفورتران

احمد كتب:: جودزيلا انا ضعت فى الفورتران

خير يا حماده ان شاء الله

و خليك متفائل

هو الامتحان مكنش صعب

و ف نفس الوقت كان فيه حجات عاوزه منك تركيز و فهم

و إلي لقاء في ماده ال Materials

ان شاء الله خير يا أخواننا

على فكرة اللى ماقدرش يحل كويس في الفورتران
قدامه الترم التانى
c++

المادتين درجتهم واحدة

يعنى درجة الفورتران بتتجمع على ال سي ++
وبيطلع لك نتيجة واحدة اخر الترم

فان شاء الله ال سي ++ تعوض الفورتران وتعتبر أسهل من الفورتران نسبياً
بس لازم تكون فاهم أساسيات البرمجة

عشان تقدر تمشى في ال سي++
وانسوا بقى الفيجوال بيسك
حتلاقوا نظام البرمجة كله شبيه بالفورتران
مع التبسيط عنه

هو النهاردة محدش امتحن غيرنا ولا اييييييييه

ماحدش عللق من الصبح يعنى
!!!!!!!!!!!1

ابتدى اناا طيب

احنا كان عندنا امتحان كنترول 2 _
أكره مادة لمعظم طلبة حاسبات
وأحب مادة لباقى الأقسام

والحمد لله ان د - عبد المجيد هو اللى بيشرحها من كتر قرف الرياضة اللى فيها
والمعادلات والإثباتات والقوانين والعقد والقرفففف

امتحان النهاردة كان طوييييييييل جداً مكرر من امتحانات السنين اللى فاتت
تقريباً هو كان 4 امتحانات مجموعين على بعض
يعنى اللى عارف كل الأسئلة عايز له 3 أيام مش 3 ساعات

الحمد لله ان الأسئلة معظمها شفناه قبل كدة في أعمال السنة والسنين اللى فاتت
وقدرنا نمشى فيهممم بس ربنا يستر ونكون ماشيين صححح

كان فيه النهاردة شوية حاجات كدة حصلت في اللجنة مش مظبوطة
اولاً كراسات الإجابة جات لنا من غير ورقة رسم ال سيمو لوج
تقريباً هى ورقة الإجابات بتيجى كدة وخلاااص بدون أى تنسيق ولا معرفة
الإمتحان دة نوعه ايه ولا مجتاج ايه _ ولما اشتكينا جات لنا كراسة سيمو لوج كاملة
والأساتاذ سعبد قاعد يقطع في الورق ويدبسها في ورقة الإجابة

تانى حاجة ورقة الإجابة خلصت مننا من بدرىىى وماحدش رضى يجيب لنا ورق
اجابة تانى وبقينا نكتب على ضهر ورقة الرسم ورقة السكتش وعلى الدرج وعلى قمصاننا
ودبسنا القمصان مع ورقة الإجاية _ وسمعت ان دة قرار طلع بمنع توزيع ورق اجابة
زيادة على اللجان !!!!!!!!!!!!!!!!!!!!!!!!!!!!!!
خلاص اتفقوا مع الدكاترة انهم مايجيبوش امتحان يتحل في 150 صفحة
فياريت يا جماعة كل واحد يخلى باله ويجيب معاه ورق من البيت وهو رايح
الإمتحان تحسباً لأى حاجة حصلت يعنى
!!!!!!!!!!!!!!!!!!!!!!!!!!!!!!!!!!!!!!!!!!

YeHi@$MmZ كتب:: هو النهاردة محدش امتحن غيرنا ولا اييييييييه

ماحدش عللق من الصبح يعنى
!!!!!!!!!!!1

عاااااااااادي .. احنا امتحنا جافا قبلكم
وما حدش علق برده
واضح ان الناس جالها احباط .. وبقي عندهم مبدأ الـ NO COMMENT

اقتباس :: امتحان النهاردة كان طوييييييييل جداً مكرر من امتحانات السنين اللى فاتت
تقريباً هو كان 4 امتحانات مجموعين على بعض
يعنى اللى عارف كل الأسئلة عايز له 3 أيام مش 3 ساعات

3 أيااااااااام
خيييييييييير .. الوااااحد خليه في تالتة أحسن بقي Sad

اقتباس :: كان فيه النهاردة شوية حاجات كدة حصلت في اللجنة مش مظبوطة
اولاً كراسات الإجابة جات لنا من غير ورقة رسم ال سيمو لوج
تقريباً هى ورقة الإجابات بتيجى كدة وخلاااص بدون أى تنسيق ولا معرفة
الإمتحان دة نوعه ايه ولا مجتاج ايه _ ولما اشتكينا جات لنا كراسة سيمو لوج كاملة
والأساتاذ سعبد قاعد يقطع في الورق ويدبسها في ورقة الإجابة

كويس ان كان عندكم وقت ترسموووووووا
وبعدين كويس ان حد سمع طلب الاستغاثة بتاعكم
وكمان ان الورق جالكم اثناء الامتحان .. مش بعد ما الامتحان يخلص مثلا
احمدوا ربنـــــــا بيضحك2

اقتباس :: تانى حاجة ورقة الإجابة خلصت مننا من بدرىىى وماحدش رضى يجيب لنا ورق
اجابة تانى وبقينا نكتب على ضهر ورقة الرسم ورقة السكتش وعلى الدرج وعلى قمصاننا
ودبسنا القمصان مع ورقة الإجاية _ وسمعت ان دة قرار طلع بمنع توزيع ورق اجابة
زيادة على اللجان !!!!!!!!!!!!!!!!!!!!!!!!!!!!!!

NO COMMENT

YeHi@$MmZ كتب:: خلاص اتفقوا مع الدكاترة انهم مايجيبوش امتحان يتحل في 150 صفحة
فياريت يا جماعة كل واحد يخلى باله ويجيب معاه ورق من البيت وهو رايح
الإمتحان تحسباً لأى حاجة حصلت يعنى
!!!!!!!!!!!!!!!!!!!!!!!!!!!!!!!!!!!!!!!!!!

فكرتني بالامتحان اللي امتحنته في الاكاديميه من حوالي اسبوعين

كان امتحان final

و كان امتحان اعمال السنه مدته ساعه و نص

و انا كنت من ساعتها محبط .... جدا

لأني غلطت و عكيت .... ساعتها

المهم .... رحت الامتحان متأخر ربع ساعه ...

و قولت اتأخر لأني حتي لو الامتحان خمس ساعات

اللي في دماغي .... لو كتبته كله .... مش هيكمل اكتر من ساعه

ده غير ان كان في مسائل مانجمنت كبيييره اوي

و فيها اني كبشمهندس مقاول مطلوب مني اعمل مخطط

بيبين مسار النقود مع الزمن( cash flow)

فلوس كتير

لتلات مشاريع مره واحده

مع الاخذ في الاعتبار ان المقاول هيدخل المشروع

و هيقترض من البنك .... أحسب مكسب المقاول

لو اقترض و لو ما اقترضش .....

والمسأله دي لوخدها ياخبيبي ..... موش اقل من ساعه ونص

لأن فيها هتحسب فوايد البنك و حكي تاني كتيير

هينتهي بأنك تقول كلمتك

عشان المقاول يدخل المشروع

أه ولا لأ وكمان ...... ليه

والمسأله دي مش مذاكرها كويس ......او مافيش غيرها اذاكرها

قوم ............ ايه

أؤفااااااااااااااااااااااجئ

قال إيه .......... انا و بستلم ورقة الاجابه و ورقة الاسئله من الدكتور

الأمتحان ......................... ساعه يابشمهندس

!!!!!!!!!!!!!!!!!!!!!!!!!!!!!

الأمتحان ....... كله نظري

الدكتور لما امتحنا اخر مره

لقانا ضايعين في النظري

و لأن الغرض من الدبلومه انك تتعلم يابشمهندس

فكان الامتحان كلو نضري يانضري

ده غير اعتبارات تانيه

منها ان الدكتور عارف ان المسأله كبيره

و كل واحد مننا هيطلعها برقم

فمش هيقعد ورا كل واحد مننا بالاله الحاسبه

و هوه عايز يمشي ... يسافر ... اصله ياعيني

منتدب

المهم ..... في اقل من نص ساعه بعد ما خلصنا الامتحان

أخدنا نتيجة الماده ............. علي طووووووووووول

أمااااااااااااااااااال

عزيزي ........ احنا في زمن السرعه

و الحمد لله ......... جيد جدا

تصور بقي .... لو حصل الكلام ده عندكوا

كان حصل ايه ..

lol!

كنا جنجيب جيد جداً

بس انا عندى سؤال _
احنا عرفنا فعلاُ ان ممكنوع توزيع ورق اجابة زيادة في اللجان !!!!

يا ترى دة صحييييييح ؟؟؟؟؟

:rendeer: :rendeer: :rendeer:
حراااااااااااااااااااااااااااااااااااااااااام
عليهم
انا خلاااااااااااااااااااااص
استوييييييييييت
6 ساعات مش مكفية الامتحان مش عارفة اعمل ايه تاني

امتحان الاستراكشر

:shock: :shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock:
:twisted: :twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted:

ممكن اختصر الكلام في موقف حصل ان لاقيت واحد من الدفعه رمى ورقة الاسئلة راح صاحبه قاله انت رمتها ليها هنحتاجها السنة الجاية

ENG_GODZELA كتب:: امتحان الاستراكشر

:shock: :shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock:
:twisted: :twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted:

ممكن اختصر الكلام في موقف حصل ان لاقيت واحد من الدفعه رمى ورقة الاسئلة راح صاحبه قاله انت رمتها ليها هنحتاجها السنة الجاية

متخاااااااااااااااااااافش ...

كلنا كنا ذاك الرجل

و بعتدي صدقني ...

أسأل .... مجرب

كوره

فعلا امتحانات اعدادي موش تمام مع انها في مستوي السهوله بس يظهر انها في المستوي اللي تحت الارض علشان كده ولا حد بيخرج منها مبسوط

ENG_GODZELA كتب:: امتحان الاستراكشر

:shock: :shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock::shock:
:twisted: :twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted::twisted:

ممكن اختصر الكلام في موقف حصل ان لاقيت واحد من الدفعه رمى ورقة الاسئلة راح صاحبه قاله انت رمتها ليها هنحتاجها السنة الجاية

انا سمعت الجملة دي كتييييييير فعلا من دفعتكم
ربنا يكون في عونكم

اما عن امتحانا احنا
فالحمد لله دفعتنا بقت تاخد الامتحان من هنا
واما اشوف الناس قاعدة بتضحك من غير سبب
او الناس بتاخد الامتحان وتاخد نفسها بعده وترووووح علي طول

عموما الامتحان النهاردة
حتي الان مش عارفة اذا كان صعب ولا لأ
بس انا من قبل ما اراجع لاقيت عندي نص الامتحان غلط
روحت قولت بلاش اراجع واقف عند النص
عشان ما افقدش الأمل

اللي يضحك بجججججد
ان اول سؤال كان مطلوب فيه اننا نعمل كلاس للكومبلكس
السؤال ده جالنا في امتحان الميد ترم للجافا
وكنت ساعتها عارفة الحل بالسي بلس بلس
وكنت مضايقة اني عارفة طريقة الحل بس بلغة تانية
وبعد امتحان الجافا فهمت ازاي اعمله بالجافا وذاكرته كويس
وكان نفسنا ييجي تاني في امتحان الجافا الترم
وعدي امتحان الجافا وما جاش فيه
اروح النهاردة امتحان السي .... الاقي الكومبلكس في وشي
طب انا مخي متبرمج علي اكواد الجافا دلوقتي
بيبكى

ما علينا اللي حصل حصل
المهم ان السؤال ده تبع الأسئلة الحلوة اللي في الامتحان
والحمد لله ان المادة عدت
وشيلتها من التوقيع
cheers

وربنا يسهل في الباقيين

الاحد الموافق 25 / 1
كان علينا امتحان ايه........

انشااااااااااااء معماااااااري

الامتحان لم يكن سهلاً وليس بالصعب الممتنع
الامتحان كان متوسط وكان كويس نوعاً ما
والحمدلله امتحان وعدي

وربنا يستر في المادة القادمة.........
affraid

الاستـراكشــــر

المادة اللي انا بحبها وربنا يستر ومغيرش رأيي

وبالتوفيق لكل الدفعات

انا بقى كان عندى النهاردة امتحان انترفييييس
4 حاسبات + 4 اتصالات

الإمتحان الحمد لله زى ما قال لنا عليه د - هشام
عن شكل الإمتحان حييجى ازاى 50 درجة ع الصح والغلط

الحمد لله اننا عرفنا كدة قبل ما ندخل الإمتحان عشان مانتفجائش
عشان كان شكلهم مرعب قوى الصراحة

الحمد لله في مجملة فيوق المتوسط بشوية كدة _ بس الصراحة
المشكلة اللى حصلت ان امتحان الكنترول كان قبل الإنترفيس ع طوول
وما أدراك ما الكنترول _ نمنا بعدها يوم كامل _ وماكنش فيه وقت كفاية نذاكر الإنترفيس
على أكمل وجه _ مع انه مادة فهم و وحلوة _ و د-هشام شرحها طريقة مبسطة
الحمد لله على كل حال
ان شاء الله التصحيح فيها يكون بيعدى الأخطاء البسيطة كدة _ أخطاء املائية
شكراً د -هشام _ احنا الحمد لله استفدنا كثيراً من المادة دى ومن مشروع الميكروكنترولر
كان له واقع السحر علينا في استفادة كبيرة _ وربنا يتممها على خير ويكون فيه تقديرات كويسة
في الإنترفيس _ يااااااارب
واحنا كدة حاسس اننا خلصنااااااااااااا
خلاااااااااص
فاضل لنا التيست ونقووووووول الأجازة
والنوووووووووووووووم اللى مش بنشوفه

بسم الله

انهردة كانت مادة الترميم والحمد كانت سهله عليا شوية عشان كان التدريب الصيفي بتاعى كان الترميم في عمارات التأمين الاهليه المهم مسكت ورقة الا متحان وجه على بالى اغنية احمد زكى في البيه البواب(الناس كتيرة ليييه هو انهرده اييييه) بس لو عملنا اعادة توزيع هتبقي (الاسئلة كتييرة لييييه هو دي مادة ايييييه) المهم كالعادة دخلنا في سبق الحل وكان الواحد مذاكر الحمد لله واللى يتنفخ من الاستراكشر ينفخ في الترميم وزي ماتوقعت الامتحان كان طويييييييييل واتسحبت الورقة ونا لسه بكتب وان شاء الله خير المهم لاقيت ناس طالعه بدري وده كان معفرتنى الناس طلعت وانا لسه في السوال التانى ياما هم محلوش ياما ان بطيء بس بصيت جنبي لا قيت الجماعه الشطار قاعدين قولت الحمد لله معدل سرعة الحل بالنسبة لمسافة الا سئلة ماشي بزمن كويس والحمد لله كان امتحان كويس ربنا يجعل ختامها مسك مع الهيدوليك

الحمدلله امتحان الكيمياء كان جميل جدا صحيح العضوية كانت طويلة شوية بس تتحل أما الهندسية فكانت سهلة و من المحاضرات

صحيح أخذنا الأجازة بس الواحد مش عرف يستمتع بيها ازاى و معانا خمس مواد ممتدة
على العموم ربنا يستر فى الترم الثانى

ENG_GODZELA كتب:: بسم الله

انهردة كانت مادة الترميم والحمد كانت سهله عليا شوية عشان كان التدريب الصيفي بتاعى كان الترميم في عمارات التأمين الاهليه المهم مسكت ورقة الا متحان وجه على بالى اغنية احمد زكى في البيه البواب(الناس كتيرة ليييه هو انهرده اييييه) بس لو عملنا اعادة توزيع هتبقي (الاسئلة كتييرة لييييه هو دي مادة ايييييه) المهم كالعادة دخلنا في سبق الحل وكان الواحد مذاكر الحمد لله واللى يتنفخ من الاستراكشر ينفخ في الترميم وزي ماتوقعت الامتحان كان طويييييييييل واتسحبت الورقة ونا لسه بكتب وان شاء الله خير المهم لاقيت ناس طالعه بدري وده كان معفرتنى الناس طلعت وانا لسه في السوال التانى ياما هم محلوش ياما ان بطيء بس بصيت جنبي لا قيت الجماعه الشطار قاعدين قولت الحمد لله معدل سرعة الحل بالنسبة لمسافة الا سئلة ماشي بزمن كويس والحمد لله كان امتحان كويس ربنا يجعل ختامها مسك مع الهيدوليك

ربنا يسترها مع كل الناس اللي بتدخل تتسابق مع الزمن في سباق الحل
واحنا النهاردة كان الامتحان عندنا طويل برده Sad

رغم اني اتذكر ان كل سنة امتحان التست بيكون قصير وبنطلع فيه بدري
هو الامتحان النهاردة كان قصير برده من حيث الاسئلة .. اربع اسئلة كل سؤال a,b,c
:shock::shock::shock::shock::shock::shock:
نوعا ما كويس
المشكلة ان كل جزئية سؤال من النوع اكتب موضوع تعبييييير
انا بصيت علي الاسئلة الاول .. وقولت اكيييييييد الوقت مش حيكفي
وبقيت بكتب بسرعة .. وأي سؤال لازم ما افكرش فيه اكتر من تلات ثواني
وايدينا وقفت من الكتابة .. وعقلنا وقف من التفكير
وفي الاخر الاقي صورة لمازربورد قديمة .. وعليها اسهم .. وارقام
والمفروض نقول كل رقم بيشاور علي ايه
طبعا انا عرفت الحاجات اللي شوفتها في المازربورد بتاعتي قبل كده Laughing

الحاجات القديمة ما عرفتهاااااااااش ..
بيضحك

عموما انا كنت فاكرة ان اللي اعرفه ما يكملش خمس ورقات علي بعض في التست
بس الحمد لله الامتحان جاب كل المنهج .. ويمكن اكتر منه كمان affraid

» قول إنطباعك بعد كل إمتحان وكل عام أنتم بخير " يونيو 2010 "
» إمتحانات المستقبل البهيم !!
» تهنئة ببداية العام الدراسى الجديد واليوم الأول فى العام الدراسى 2010/2011
» قول إنطباعك بعد كل إمتحان وكل عام أنتم بخير.
» قول إنطباعك بعد كل إمتحان وكل عام أنتم بخير "يناير 2011"