eng_ghost مراقب عام المنتديات والحوار العام ومنتدى الهندسة المدنية
عدد المساهمات : 4632 تاريخ التسجيل : 16/04/2008 العمر : 38 الموقع : just in my dreams ,, i can reach any place رقم العضوية : 1036 Upload Photos :
موضوع: حبيبتي ... قصدي يا اللي فهمت يوم إنك حبيبتي الخميس 5 فبراير - 2:14
ياحبيبتي ...
يا حبيبتي قصدي يا اللي فهمت يوم إنك حبيبتي عامله إيه؟ رغم إن الغدر ساكن حضن قلبك لازم اطّمّن علِيهْ قلبي صابُه البُعد لكن.. غصب عنّي لسَّه داء الضعف فِيهْ هوه ده القلب اللى سبتيه ويّا نارُه هوّ دا القلب اللي كان بُعدك مرارُه واللي تاه مشوارُه بَعدك.. وانطفى في الحلم ضَيُّه واللى مش هتلاقى عمرك قلب زيُّه قلب لمّا احتاج يفضفض بعد غدرك "ما ابتداش بـ"ازّاي؟" و"ليه؟ ابتدا الأول وقال لك: عامله إيه؟ ****** قلب عارفاه من بدايتُه فاتح الباب للّي فايتُه قلب بانياه الجراح بس مسكون بالبراح يفتحُه لْكل الخلايق.. حتى لو منهم نهايتُه حبي ليكي كان طبيعه فْ قلبي مش إحساس جديد حبي ليكي.. شيء لقيته ببصمتُه جوَّه الوريد حب علّمتيني اصونُه وعد صمّمناه بإيدنا..وْقلنا يبقى الصدق لونُه عمري ما اتصوّرت قلبك يكسر الوعد اللي بينَّا واللي صُنته فْ يوم يخونُه كنت خايف -من بداية القصه- من آخر فصولها هل هتبعدنا الظروف؟ هل هيفضل حبّنا مسجون بخوف؟ هل بعادنا يكون نصيبنا ولاّ هيفضّل يسيبنا؟ ....ولاّ... ولاّ كل مشهد في النهايه.. ياما جرّبتُه ف خيالي وْياما خُفتـُه إلاّ غدرك... عمري في الفهرس ما شفتـُه خليتيني انْدَه على قلوب الخلايق غصب عنّي.. وْمالتقيش كله بيقول: "انسى نارها "والسعاده الحلوه عِيشها.. وماتقاسيش مش مهم القى السعاده الأهمَ ازاي اعيش ****** يا حبيبتي قصدي يا اللي فهمت يوم إنك حبيبتي كان زمان... كنت باتمنى اني اشوفك يوم في حِلمي كنت افكّر فيكِ دايماً قبل نومي كنت باخلع ويّا صورتك ليل همومي كنت اشوفك كل يوم الصبح لكن جوّه ليل الوحده من غيرك.. بالاقي الكون مفيشْ كنت باسأل صورتك الحلوهْ تِجيني.. مَابْتَجِيشْ والنهارده.. بالتقي صورتك ليلاتي جايّه مادّه الإيد بدمعك عقلي يرفض.. بس يصرخ قلبي: هاتي جايّه بالعذر المكرَّر تشرحي.. واشتاق لك اكتر وامسح الدمعه اللي نازله..وْضحكتي في الحلم تكبر رغم إنك بعتي قلبي.. وْضاع خلاص مستقبله بس عُذرك كنت دايماً باقبلُه غصب عنّي..كنت بافرش رمشى تاني جوَّه حلمي واحلم انّك يوم تعدِّي واصْحى من نومي والاقي دمعتك كانت حارقه خدِّي وامّا باصحَى.. كنت افكّر لو هتيجي بجدّ.. إيه هيكون جوابي؟ هل هاثور وانصر كرامتي؟ ولاّ يبقى الردّ صمتي؟ ولاّ إيه؟ والحاجات الحلوه بينَّا.. بس هانساهُم بإيه؟ غنوتينك... اللي حبيتهم عشانك شارع الشوق اللي ياما مشيته لاجل اوصل مكانك اسمي ويَّا اسمِك على القلب اللي في النخله البعيدَه فرحتك دايماً بِخَطـِّي.. وْساعة الإيد الجديده والنهارده عقلي مدّ الإيد في قلبي وطلّع النخله وقلَعها حتى أحلامي اللي ضاعت.. بالخساره لغيري باعها حتى ساعْة الإيد خلعها وْبرضه باشتاق لك زياده ليه عملتي القلب راهب...وانتي مش قدّ العباده؟ خليتيني الصبح افكّر خليتيني ف نومي افكّر واوهم القلب اللي حبك إني هانسى وْللأسف باشتاق لك اكتر ****** يا حبيبتي قصدي يا اللي فْهمت يوم إنك حبيبتي فاكره لمَّا كتير سألتي ليه باقول كل الأسامي إلاّ إسمِك؟ كنت باسكت.. عارفه ليه؟ كنت حاسس إن إسمِك.. فوق ما يتحمِّل لساني كنت حاسس إن إسمِك لو نطقته لوحدي اكون إنسان أناني وانتي عارفه.. إني مش إنسان أناني كنت حاسس إن إسمِك مش حروف كنت حاسس إنه درعي لو هتقتلني الظروف اسمِك انتي بانطقه دلوقتي عادي واحفظه دلوقتي عادي زي أسماء اللي قبلك واللي بعدك واللي عاشقينِّي الساعادي صدَّقيني لو هتيجي فْ يوم لقلبي مستحيل لو يتفتح يبقى إيه شكل القصيده.. لو خيانتِك مُفتتَح؟ كنتِ دايماً بتقولي لي لو هتطلب منِّي حاجه.. قول ماتطلبش السماح والنهارده جايّ باترجَّاكِ بسّ فْ كلمتين يا حبيبتي إنتي عارفه انِّك خدعتي وانتي عارفه انِّك جرحتي كفَّري عن ذنب قلبك وابعدي عن قلبي حبِّك ..لو سمحتي
يا حبيبتي قصدي يا اللي فْهمت يوم إنك حبيبتي
أشرف توفيق
عدل سابقا من قبل eng_ghost في الخميس 5 فبراير - 17:29 عدل 1 مرات
vandiesel مهندس بيشارك كويس
عدد المساهمات : 135 تاريخ التسجيل : 24/12/2008 العمر : 34 رقم العضوية : 1917 Upload Photos :
موضوع: رد: حبيبتي ... قصدي يا اللي فهمت يوم إنك حبيبتي الخميس 5 فبراير - 12:34
مش عارف بجد أقتبس أي جزء ...
كلهم أحلي من بعض ...
miss_esadora عضو بدرجة مهندس إستشارى
عدد المساهمات : 3197 تاريخ التسجيل : 21/02/2008 العمر : 34 الموقع : الحرملك رقم العضوية : 613 Upload Photos :
موضوع: رد: حبيبتي ... قصدي يا اللي فهمت يوم إنك حبيبتي الخميس 5 فبراير - 13:28
صعبة قوي وجميلة جدا القصيدة
Eng_GümüS مهندس بيشارك كويس
عدد المساهمات : 118 تاريخ التسجيل : 13/12/2008 العمر : 38 الموقع : علي البحر رقم العضوية : 1904 Upload Photos :
موضوع: رد: حبيبتي ... قصدي يا اللي فهمت يوم إنك حبيبتي الخميس 5 فبراير - 16:02
كلمة رائعه ... قليله فعلا علي القصيده المؤثره دي ..
بجد قصيده أكتر من ممتازه ...
eng_ghost مراقب عام المنتديات والحوار العام ومنتدى الهندسة المدنية
عدد المساهمات : 4632 تاريخ التسجيل : 16/04/2008 العمر : 38 الموقع : just in my dreams ,, i can reach any place رقم العضوية : 1036 Upload Photos :
موضوع: رد: حبيبتي ... قصدي يا اللي فهمت يوم إنك حبيبتي الخميس 5 فبراير - 17:27
شكرا للمرور الأكثر من رائع
بجد أحرجت أوي من ذوقكم ...
PRINCESS مشرف عام على الأقسام ومشرفة قسم إسلاميــات وكورسات هندسيه
عدد المساهمات : 2385 تاريخ التسجيل : 28/06/2007 العمر : 36 الموقع : جامعة أسوان رقم العضوية : 19 Upload Photos :
موضوع: رد: حبيبتي ... قصدي يا اللي فهمت يوم إنك حبيبتي الخميس 5 فبراير - 18:59
هو أشرف توفيق ليه دايما بيكتب حاجات تعجبني وتكئبني في نفس ذات الوقت انا لسة ما خلصتش من ادمان "ناقص دبدوب" شكل الادمان عندي بيزيد مش بيقل
dody el عضو بدرجة مهندس إستشارى
عدد المساهمات : 944 تاريخ التسجيل : 09/07/2008 العمر : 33 رقم العضوية : 1330 Upload Photos : أهم مواضيعى : * نعم........أقبل التعدد!!!!
*حد قال عليك قبل كده...........؟؟
*شرف البنت زى عود الكبريت..........
*والله لنيمك من المغرب ياصين.......
*خد عيل من عيالى بس........ سيب أبو تريكة!
*لماذا نخسر أشخاصا نريدهم فى حياتنا....؟؟
*مفتاح قلوب الناس؟؟.......
*علاج حبيبنا للأكتئااااب...
*الكوســـــــــــــــــــة!!
*ايش لونك......؟!!
*هل أنت مخلص؟!!!
موضوع: رد: حبيبتي ... قصدي يا اللي فهمت يوم إنك حبيبتي الخميس 5 فبراير - 19:15
"قصيدة أكثــــــــــر من رائـــــــــــــعة " حقا
Road Runner مهندس ممتاز
عدد المساهمات : 290 تاريخ التسجيل : 09/10/2008 العمر : 34 رقم العضوية : 1778 Upload Photos :
موضوع: رد: حبيبتي ... قصدي يا اللي فهمت يوم إنك حبيبتي الخميس 5 فبراير - 19:29
قلب عارفاه من بدايتُه فاتح الباب للّي فايتُه قلب بانياه الجراح بس مسكون بالبراح قصيدة رائعة
EL_Capten عضو مرشح للإشراف عن القسم الترفيهى العام
عدد المساهمات : 589 تاريخ التسجيل : 26/11/2008 العمر : 35 الموقع : every where you go رقم العضوية : 1874 Upload Photos :
موضوع: رد: حبيبتي ... قصدي يا اللي فهمت يوم إنك حبيبتي الخميس 5 فبراير - 20:39
كتير حلوة ها القصيدة!!!!!!!!!
الشيمـــاء عضو مرشح للإشراف عن قسم الأدب والشعر
عدد المساهمات : 1418 تاريخ التسجيل : 06/08/2008 العمر : 33 الموقع : أرض الله الواسعة رقم العضوية : 1552 Upload Photos : أهم مواضيعى :
موضوع: رد: حبيبتي ... قصدي يا اللي فهمت يوم إنك حبيبتي الجمعة 6 فبراير - 9:16
يا حبيبتي قصدي يا اللي فهمت يوم إنك حبيبتي كان زمان... كنت باتمنى اني اشوفك يوم في حِلمي كنت افكّر فيكِ دايماً قبل نومي كنت باخلع ويّا صورتك ليل همومي كنت اشوفك كل يوم الصبح لكن جوّه ليل الوحده من غيرك.. بالاقي الكون مفيشْ كنت باسأل صورتك الحلوهْ تِجيني.. مَابْتَجِيشْ والنهارده.. بالتقي صورتك ليلاتي جايّه مادّه الإيد بدمعك عقلي يرفض.. بس يصرخ قلبي: هاتي جايّه بالعذر المكرَّر تشرحي.. واشتاق لك اكتر وامسح الدمعه اللي نازله..وْضحكتي في الحلم تكبر رغم إنك بعتي قلبي.. وْضاع خلاص مستقبله بس عُذرك كنت دايماً باقبلُه غصب عنّي..كنت بافرش رمشى تاني جوَّه حلمي واحلم انّك يوم تعدِّي واصْحى من نومي والاقي دمعتك كانت حارقه خدِّي وامّا باصحَى.. كنت افكّر لو هتيجي بجدّ.. إيه هيكون جوابي؟ هل هاثور وانصر كرامتي؟ ولاّ يبقى الردّ صمتي؟ ولاّ إيه؟ والحاجات الحلوه بينَّا.. بس هانساهُم بإيه؟ غنوتينك... اللي حبيتهم عشانك شارع الشوق اللي ياما مشيته لاجل اوصل مكانك اسمي ويَّا اسمِك على القلب اللي في النخله البعيدَه فرحتك دايماً بِخَطـِّي.. وْساعة الإيد الجديده والنهارده عقلي مدّ الإيد في قلبي وطلّع النخله وقلَعها حتى أحلامي اللي ضاعت.. بالخساره لغيري باعها حتى ساعْة الإيد خلعها وْبرضه باشتاق لك زياده ليه عملتي القلب راهب...وانتي مش قدّ العباده؟ خليتيني الصبح افكّر خليتيني ف نومي افكّر واوهم القلب اللي حبك إني هانسى وْللأسف باشتاق لك اكتر ****** قصيدة بجد أكتر من رااااااااائعة مؤثرة جدا و فيها احساس عالى شكرا ليك يابشمهندس على اختيارك الموفق و دايما مواضيعك متميزة
eng_ghost مراقب عام المنتديات والحوار العام ومنتدى الهندسة المدنية
عدد المساهمات : 4632 تاريخ التسجيل : 16/04/2008 العمر : 38 الموقع : just in my dreams ,, i can reach any place رقم العضوية : 1036 Upload Photos :
موضوع: رد: حبيبتي ... قصدي يا اللي فهمت يوم إنك حبيبتي السبت 7 فبراير - 11:10
بصراحه ..
مش عارف أرد علي ردودكم الحلو دي بأيه
....::: منورني دايما :::....
بلقيس مهندس جديد
عدد المساهمات : 5 تاريخ التسجيل : 18/08/2008 العمر : 36 رقم العضوية : 1634 Upload Photos :
موضوع: رد: حبيبتي ... قصدي يا اللي فهمت يوم إنك حبيبتي الثلاثاء 17 فبراير - 1:39
عدد المساهمات : 3897 تاريخ التسجيل : 09/04/2008 العمر : 56 الموقع : في قلب مصر رقم العضوية : 994 Upload Photos :
موضوع: رد: حبيبتي ... قصدي يا اللي فهمت يوم إنك حبيبتي الأحد 29 مارس - 1:46
قصيدة جميله جداً انا مش عارفه ازاي ما أخدتش بالي منها قبل كده عموماً ملحوقه
حسين تاج الدين عضو بدرجة مهندس إستشارى
عدد المساهمات : 2139 تاريخ التسجيل : 28/08/2009 العمر : 33 الموقع : في قلوب الاحبه الأوسمه : Upload Photos : أهم مواضيعى :
حكمه ...
حين تفقد شيئاً يخصك . . تذكر أن كل شئ قد كان في لوحة القـدر
. . قبل أن تكون شخصا من بين ملايين البشر. . إن خسرت شيئا
. . فتذكر أنك قد كسبت أشياء . . و إن فاتك موعد
. . فتذكر أنك قد تلحق موعــداً! ! مهما كان الألم مريراً ومهما كان القادم مجهولا .
....... افتح عينك للأحلام و الطموح . . فغداً يوم جديد . . وغداً أنت شخص جديد
موضوع: رد: حبيبتي ... قصدي يا اللي فهمت يوم إنك حبيبتي الثلاثاء 3 نوفمبر - 22:52
THE SMILE كبير مهندسين
عدد المساهمات : 702 تاريخ التسجيل : 15/06/2009 العمر : 34 رقم العضوية : 4169 Upload Photos :
موضوع: رد: حبيبتي ... قصدي يا اللي فهمت يوم إنك حبيبتي الأربعاء 4 نوفمبر - 1:52
قصيده رائعه واختيار اروع
crazy girl مهندس بيشارك كويس
عدد المساهمات : 87 تاريخ التسجيل : 05/01/2008 العمر : 34 رقم العضوية : 470 Upload Photos :
موضوع: رد: حبيبتي ... قصدي يا اللي فهمت يوم إنك حبيبتي الأربعاء 4 نوفمبر - 9:21
لا بجد روعه مع انى ماليش تقل عالقصايد والحوارات دى وبحسها مش لونى اصلا وكنت بكرها فى النصوص ايام ماكنا بناخد عربى يعنى
موضوع: حبيبتي ... قصدي يا اللي فهمت يوم إنك حبيبتي 
الخميس 5 فبراير - 2:14
بجد قصيده أكتر من ممتازه ...
