eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 38
الموقع : just in my dreams ,, i can reach any place
رقم العضوية : 1036
Upload Photos : 
 |  موضوع: .:. آهه .. وآهه .:. شعر عامي  الثلاثاء 10 فبراير - 23:27 | |
|
آهه .. وآهه
وتاخدني الآهه على هواها
تاخدني .. ولآخر مداها
أخانقها بزفرة
تخرج من تاني وياها
آهه .. وآهه
وتقوللي أنا مش واحدة
أنا آهتين
آهة من كربة الغربة
والتانية من حرقة الفرقة
آهه .. وآهه
******************
من يوم ما قلت يا فراق
من ساعة ما صحيت الأشواق
وقلت أنا رايح أجرب
أبعد وأتغرب
عشان وعشان .. وعشان
ما يباتوا الحبايب مرتاحين
مبسوطين
وعالصبر أتدرب
مانا كنت في بلدي متغرب
أشيل بقى جلة وأشيل طين
ويبات القلب عطشان
وجعان وكربان
دقاته ألم من الجوف للطراطيف
وتطلع منه الآهه تكوي بنارها
تقول يا لطيف
إيش حال لو كانوا إتنين
من الغربة والفرقة
آهه .. وآهه
******************
وتفوت أيام ووراها سنين
والقلب والروح ميتين
في مقابر الغربة مدفونين
منسيين
مقابر بس للأغراب
وشواهدها باتت تحت التراب
من سنين
وفجأة تصحى من جديد
يادوب شوية .. أو شويتين
تدوب الغربة ويّا الفرقة
يوم وللا يومين
وأشوف ناسي وأهلي وبلدي
ويضحكله مرة القلب الحزين
أحضن أجسام وأضحك لوشوش
مع بوسة أو بوستين
وتهرب العين من سؤال العين
لسه على حرقة الفرقة ناوي
كلنا عالفرقة مغصوبين
وكبروا الصغيرين
وماعدتش عارف دول مين
ولاد مين
ولا الشارع ده يوديني على فين
تاهت مني كل المعالم
ويا عالم
بعدها .. هاشوفك يا .. يا مين
كترت وزادت الأسامي
زي ما كترت السنين
دي ياسمين ودا محمد
إبن ولد عمك حسين
هو حسين بقى عنده إتنين
دا التالت يا نور العين
مانت بقالك في الغربة سنين
قربوا على عشرين
تطلع مني ضحكة ترن
من جوف فاضي
والقلب يئن .. وفيه آهتين
من الغربة والفرقة
آهه .. وآهه
وكأني تايه في متاهه
ويزيد إحساسي بالغربة
وأسمع كلمة في العيون
أبو محمد خلاص يا ولاد
ندهته النداهه
ورايح لها برجليه
ومن تاني يدفنهم بإيديه
وكأنه محكوم عليه
من غير حكم ولا قاضي
كده بالتراضي
ويبات الجوف فاضي
ولافيش فيه غير آهتين
آهه .. وآهه
**************************
| |
|
Eng_GümüS
مهندس بيشارك كويس
عدد المساهمات : 118
تاريخ التسجيل : 13/12/2008
العمر : 38
الموقع : علي البحر
رقم العضوية : 1904
Upload Photos :
| |
eng_ghost
مراقب عام المنتديات والحوار العام ومنتدى الهندسة المدنية
عدد المساهمات : 4632
تاريخ التسجيل : 16/04/2008
العمر : 38
الموقع : just in my dreams ,, i can reach any place
رقم العضوية : 1036
Upload Photos :
| | موضوع: رد: .:. آهه .. وآهه .:. شعر عامي الخميس 12 فبراير - 22:35 | |
| | |
|
vandiesel
مهندس بيشارك كويس
عدد المساهمات : 135
تاريخ التسجيل : 24/12/2008
العمر : 34
رقم العضوية : 1917
Upload Photos :
| | موضوع: رد: .:. آهه .. وآهه .:. شعر عامي الخميس 12 فبراير - 22:54 | |
| أنا ملاحظ أنه مستخدم ألفاظ صعيديه بطريقه ..... جريئه جدا جدا جدا وبجد مزوده حلاوه للقصيده ......كمان وكمان  | |
|
