لو بتتكسف بلاش تدخل

انا عايزة اسالكم كام سؤال كده

هل ممكن تتكسف من شغل والدك ؟؟

يعني ممكن تتكسف لو بتشتغل اي شغلانه كده عالماشي عشان تصرف على نفسك !!

يعني ممكن نتكلم عن الموضوع عادي من غير احراج

فكروا وردو

بس بجد من غير شعارات
دخل نفسك في الموقف بجد
eek

miss egypt كتب:: انا عايزة اسالكم كام سؤال كده

هل ممكن تتكسف من شغل والدك ؟؟

يعني ممكن تتكسف لو بتشتغل اي شغلانه كده عالماشي عشان تصرف على نفسك !!

يعني ممكن نتكلم عن الموضوع عادي من غير احراج

فكروا وردو

بس بجد من غير شعارات
دخل نفسك في الموقف بجد

مع خالص أحترامي ....

لكن أي شغلانه ... طول ماهي شريفه

وبقولها تاني ..... شريفه

وخصوصا ........ في الزمن الأغبر ده

تعتبر مصدر فخر جدا .... لأي ابن أو بنت

وده رأيي بمنتهي الصراحه

و أنا بالنسبالي ....

السيد الوالد كان محامي و أهلي من البلد

كلهم مزارعين .... وده شئ أنا بفتخر بيه

رغم أن معظمهم .... كان أخره شهاده إعداديه

و منهم اللي كان اخره ابتدائي ...

أنما برضو .... مايهمنيش طول ماكل واحد فيهم

مكفي نفسه بالحلال .... ده شئ أنا أعتز بيه

وده رأيي بدون كسوف ... أو حتي تجمل

شكرا .... علي الموضوع

شكرا لمرورك وردك الجميل يا باشمهندس

يصفق

miss egypt كتب:: هل ممكن تتكسف من شغل والدك ؟؟

لا طبعا ...ومفيش انسان عاقل يتكسف من ده مدام شغل ابوه شريف ومن حلال من عمل يده لازم ميتكسفش منه بل بالعكس يفخر بده
ومش شعارات ولا حاجة ..فى ناس كان ابوه واموه ناس على كد حالهم ومفرين ليه مصريفه بالعافية ..وهو دلوقتى بقى دكتور او مهندس او اى عمل ناجح ويعيش اهله افضل عيشة
وانا اعرف ناس كده بالفعل

miss egypt كتب:: يعني ممكن تتكسف لو بتشتغل اي شغلانه كده عالماشي عشان تصرف على نفسك !!

[center]بالعكس الواحد والله مستنى اليوم اللى يشتغل ويصرف على نفسه
وعايز اشتغل فى اقرب وقت

والله مش عارف بس الموضوع ليه ابعاد تانية

يمكن الواحد علشان مش فى الموقف ده فعلا
بس انا ما اعتقدش انه لو هو عايش حياة كريمة انه يتكسف
طالما مش ناقصه حاجة يبقى مايتكسفش من اى حد ولازم يكون واثق من نفسه
ما هو مش لازم يكون معاه عدة نوكيا N95 او ساعة ب 200جنيه
علشان ما يتكسفش لما حد يسأله والدك بيشتغل ايه؟؟

لا طبعا الواحد مدام شغال شغلانة شريفة فهو الحمد لله المفروض لا يحرج من اي شيء وانا عن نفسي احترم الانسان اللي بيشتغل اي شغلانة عشان يصرف علي نفسه لانه في كل الحالات احسن من غيرو اللي قاعد مكسوف ومستني الشغلانة اللي تليق بيه وبصراحة بحترم جداااااااااااا اصحاب الشهادات العليا اللي شغالين شغلانات مش بالمؤهل خالص لكن عشان تصرف علي نفسها ولانهم رجالة فعلا بتعمل كدة احسن من البطالة وربنا ان شاء الله يكرم الجميع

بالعكس بفضل الله اولا
و ثانيا لولاه و لولا الشغل اللى يشتغله ده ماكنتش اتعلمت و عشت العيشه دى

انا افخر ان والدى الله يرحمه و يحسن اليه كان صول ف الداخليه

انا بشكرك يابشمهندسه علي الموضوع ده لانه موضوع مهم طبعا مفيش حد بيتكسف من شغلانه ابوه مهما كانت
لان الشغلانه دي هي اللي خلته كبر واكل وشرب واتعلم وبقي حاجه غير كده كان ممكن يتبهدل في الشوارع
ومهما كانت شغلانه الاب فا لازم ان احنا نفخر بيها مهما كانت
وياريت نلاقي مواضيع كويسه كتير من دي منك وانا فخور لانك بتدوري علي مواضيع كويسه

الاسماعيلاوي مزأطط 3

الموضوع رووعه بجد
وأنا من رأى طالما الشغل شريف يبقى تمام وأنا عن نفسى مبتكسفش أنى أقول والدى كان مدرش ودلوقتى معاه محلات كومبيوتر
بس انا عايز أضيف حاجه أن الدنيا حالها مش ثابت و خاصه اللى بيشتغلو فى السوق
واللى نزل السوق وشاف يعرف الكلام دا كويس
مثال الشريف و محلات ديفيل

و الله من غير شعارات او حاجة

طبعا مستحيل هتكسف من شغل والدى او والدتى

لان لولا الشغل ده انا مكنتش هتعلم

و مكنتش هوصل للمكانة اللى انا فيها

اما عن موضوع الشغل ده

انا معنديش اى مانع انى اشتغل و اصرف على نفسى حتى لو مش محتاج

لان الشغل بيعلم حاجات كتير مش فلوس و بس

و شكرااااا على الموضوع

ما هو فعلا الشغل الشريف الواحد مش ممكن يتكسف منه بس في ناس باباها على قد حالو وبيشتغل شغلانه شريفه لكن مش قد المقام زي ما بيقولو وتروح الجامعه وتتعرف على اشخاص واصحاب والاب تلاقيه مركز هل لو ده سالك باباك بيشتغل ايه ؟؟
هترد تقولو ايه ؟

في ناس ممكن تقول الاب متوفي وفي ناس تخترع وظيفه تانيه خالص غير اللي بيشتغلها الوالد

وكل ده في سبيل انه يظهر بشكل كويس قدام اصحابه

miss egypt كتب:: في ناس ممكن تقول الاب متوفي وفي ناس تخترع وظيفه تانيه خالص غير اللي بيشتغلها الوالد
وكل ده في سبيل انه يظهر بشكل كويس قدام اصحابه

اللى بيعمل كده بيقى عنده احساس بالنقص وغالبا بيبقى ابن جاحد لوالديه بس انا شايفه ان المشكله انه متزرعش فيه من صغره يعنى ايه يرضى باللى كتبه ربنا ليه

ومشكورة مريوم على الموضوع الجميل

طبعا أنا مش هاأقدر أضيف جديد بعد كلام الزملاء الأفاضل

وأنا عمري ما اتكسفت من شغل والدي لأته لو حصل ده
أنا ساعتها مش هااحترم نفسي وهاأكون أجرمت في حق والدي وحق نفسي
والشغل الشريف لا يعيب صاحبه مهما كانت نظرة الجهلاء له .
فلتكن ثقتنا في أنفسنا واقتناعنا بما نعمل هو مفتاح حياتنا ولا نترك غيرنا يشكل لنا حياتنا

كان فيه فيلم للفنان أحمد زكى الله يرحمه إسمه "أنا لا أكذب ولكنى أتجمل"

وكان بيتطرق فيه لفكرة إنه شخص مثقف ومتعلم ومش فاكر كان بيحضر ماجستير

أو شىء من هذا القبيل ولكن كان أبوه بيشتغل "لحاد أو تربى أو الراجل اللى بيدفن

الناس " وهو وأسرته عايشين جمب المقابر وعيشتهم بسيطه جدا فهو إبتدى يكدب

على البنت اللى بيحبها "آثار الحكيم" واللى أبوها دكتور بيديله فى الجامعه ويقول

إن أبوه شخصيه كبيره وإنه غنى إلى آخره يعنى وفى الآخر بيكتشفوا إنه بيكدب

وحجته كانت وفكرة الفيلم إنه مش بيكدب ولكن بيجمل وضعه الإجتماعى !!!!

للأسف المجتمع نفسه وبالتحديد مجتمعنا ظالم جدا لأنه بيفرق بين أصحاب المهن

وذوى الأعمال المختلفه ونظرة المجتمع للعامل أو الإنسان اللى مش متعلم

أو حتى الصعيدى لما بينظر للبحراوى والعكس بيبقى فيها تصنيف وحكم ربما

يكون خاطىء على الشخصيه وبنتعامل من منطلق المهنه الأعلى أو الأفضل

والوضع الإجتماعى واللى بيرمز إليه بالمال ودى شىء غير موجود فى الدول

الأجنبيه وغير موجود أيضا بديننا الحنيف الإسلام.

لذلك المسؤليه والخطأ بيقع فى البداية على عاتق المجتمع ومن ثم بقية أفراد

المجتمع ونسى هذا المجتمع أن الأبناء عندما يولدون لا يختارون شيئا

فهذا أبيه نجار وهذا أبيه عامل وهذا أبيه وزير وهذا أبيه رئيس جمهوريه

فالمسأله قدريه بحته وربنا سبحانه وتعالى لم يظلم أحد بالعكس ده المثل

بيقول "يقطع من هنا ويوصل من هنا" ولربما كان إبن الوزير فاسد وإبن

الرجل البسيط عالم وهكذا.

الأنبياء لم يكونوا مثلا ميسورى الحال وكانت مهنم بسيطه وربما بسيطه للغايه

ولم تكن مصدرا للإزعاج لهم أو لخلفهم.

أخيرا أبويا كان شغال فنى كهروميكا فى شركه وهو الآن بالمعاش ولو خيرونى

قبل أن أولد بأبى ومهنته لأخترت أبى هذا ومهنته تلك التى نمى منها لحم كتفى.

شكرا جزيلا على الموضوع الجميل

والله الموفق

» نكت عالواقف...بلاش عالماشي....جايبها الاسد لاحلي اعضاء في احلي منتدي...
» كاكتير وأنت صايم بلاش عالماشى !!
» ركزوا في دروسكم و بلاش الدش لو سمحتوا
» نفسك تدخل مسجد قبة الصخرة ؟؟
» رجل سكران جعل 121 امراة تدخل في الاسلام